Bahru-bayt

[Gulchehra Ibragimova]

Сообщение от pipicron

Не ходиса аслида? Форум достон бўлмиш бу кун?
Мушоира ахлиға бир байт камлик қилмиш нечун?

"Нимага" сўзини сўрама зинҳор,
Форумдош дўстингдан ҳол сўр, хабар ол..
Сўзидан билгил-ки ул ҳоли абгор
Сири ошкор бўлиб, қадди бўлмиш "дол"..

[pipicron]

Сообщение от Gulchehra Ibragimova

Сири ошкор бўлиб, қадди бўлмиш "дол"..

"Лом"га "Алиф" суянч бўлгандай,
Дўстим, сизга бўлайин далда.
Шунда мен хам бохабар қолгум,
Сирлар ошкор бўлган махалда.

[Mahmud Jurat]

Алданманг дол қадди букиклигига,
Алданманг алифнинг ё тиклигига,
Ҳар бир ҳарф ўзига ўзи мададкор,
Файласуф фикри зўр ётиқлигида.
(С)

[Asqar Xalilov]

Сообщение от Mahmud Jurat

Файласуф фикри зўр ётиқлигида.

Англадим
Сония
Сирини.

Қара! —
Қор учқуни —
Шамол зарбидан
Ойнага урилди капалак
Ва ҳавода йўқолди телба...

Йўқолди...
Исмсиз бир лаҳза.
Қўллар қотиб қолди ҳавода
Кўринмас қор учқунин топмай...

Бу лаҳза.
Бу мангулик.
О, борлиғим, эҳтимол сен ҳам —
Қор учқуни деразага
Шарт урилиб, эриб кетгунча

[Gulchehra Ibragimova]

Сообщение от Asqar Xalilov

Қор учқуни деразага
Шарт урилиб, эриб кетгунча

Ажаб, ўз еримда йиғлаёлмадим,
Буям бир шўрим-да, йиғлаёлмадим.
«Ғам»ни ўзгартинг, деб қилдилар буйруқ,
Ҳаттоки шеъримда йиғлаёлмадим.

Дардим тиқилса-да бўғзимда тутдим,
Қушлар йиғлай олди, йиғлади терак.
Мен умрбод ёшим ичимга ютдим,
Бир кун гўримда қон йиғласам керак.

Халима Худойбердиева

[pipicron]

Сообщение от Gulchehra Ibragimova

Бир кун гўримда қон йиғласам керак.

Ким билар...
Балки қон йиғларман шодликлар учун.
Кимлардир йиғлашим кутарлар.
Юпатмоқ учун.
Кулдилар йиғласам. Урдилар кулсам.
Чидадим.
Чидайман.
Қачондир қабримда тинч ётмоқ учун.
(с)

[Gulchehra Ibragimova]

Сообщение от pipicron

Чидайман.
Қачондир қабримда тинч ётмоқ учун.
(с)

Не келса, сабр айла, тамошодир бу,
Май ички, кўнгил дардига даводир бу.
Қул эрсанг, ўзингга билгил оламни қафас,
Қўй, юрма бу андуҳ сари, саҳродир бу...

Бедил

[pipicron]

Сообщение от Gulchehra Ibragimova

Қўй, юрма бу андуҳ сари, саҳродир бу...

Ул бодомким, ахли дониш унинг мағзин чақадур.
Ул чиёнким, кимки бадхулқ, анинг оғзин чақадур.
Эй Алишер, эхтиёт бўл, қўймағил ўз холиға,
Бир хатолиғ айласанг ким, йигит лабзинг чақадур.
(c)

[Gulchehra Ibragimova]

Сообщение от pipicron

Бир хатолиғ айласанг ким, йигит лабзинг чақадур.
(c)

Раҳмат,
мактуб-ла йўқлабсиз,
Аллоҳ йўқласин,
Кўксизга бош қўйиб бахтлар ухласин.
Омад ҳам атрофда гирёна бўлиб,
Шодлик, ишқ дўст бўлсин,
Ғамлар бўлмасин!

Сизга бахт кулганин ғаним билмасин...
(с)

[pipicron]

Сообщение от Gulchehra Ibragimova

Сизга бахт кулганин ғаним билмасин...

Нега энди ғаним билмасин?
Куйиб ўлсин менинг бахтимдан.
Бахт тилайман ғанимларга хам,
Йикитолмас асло тахтимдан.