Bahru-bayt

[Gulchehra Ibragimova]

Гул бермасга армон бўлмоққа
Қарорим йўқ бундайин қолмоққа
Асло тоқат қилмам толмоққа,
Гар соғинсам сени на қилай?!..

Юрак куйса қандай ҳам кулай,
Дардим қандай оромга улай?
Садоқатга майли қул бўлай,
Гар соғинсам сени на қилай?!..

(қўшиқдан)

[pipicron]

Сообщение от Gulchehra Ibragimova

Гар соғинсам сени на қилай?!.

Йиғламасанг бас, соғинавер.
Йиғлатмасанг бас, соғинавер,
Йиғламасак бас, соғинавер,
Бир кун мен хам соғинсам керак...

[Asqar Xalilov]

Yolg`onchilar
Suluvlardan suluv bir qiz sochim silar,
Mening esa ko`zlarimdan yosh tomchilar.
Sevaman deb aldar meni yolg`onchilar,
Yuragimni yo`lbarslarga yediraman.

Bag`ri-dilim kuydiradi yolg`onlari,
Yonlariga chorlar mphi-tobonlari.
Bo`lsam agar men bitta qurbonlari,
Yuragimni yo`lbarslarga yediraman.

Ko`hna dunyo, bu qizlaring muncha go`zal,
Qarab tursam, ko`klarda oy-kuncha go`zal.
Qancha go`zal bo`lsa, aldar shuncha go`zal!..
Yuragimni yo`lbarslarga yediraman.

Hozir ko`zim yumamanu yerga yotib,
Yuragimni sug`uraman qon yig`latib.
Yo`lbarschalr yesin uni kasirlatib —
Yuragimni yo`lbarslarga yediraman.

Kimni suysam suyganimdan kuygan dilim,
Ko`z o`ngimda bo`laqolsin tilim-tilim.
Harom bo`lsin muhabbatsiz ko`rgan kunim,
Yuragimni yo`lbarslarga yediraman.

[Gulchehra Ibragimova]

Сообщение от pipicron

Бир кун мен хам соғинсам керак...

Кибрим ипидин ўзинг халос эт, ё Раб,
Нафсим итидин ўзинг жудо эт, ё Раб.
Бегона эрурмен, ошнолик кўргиз,
Кел, энди ўзингга ошно эт, ё Раб...

Абдулла Ансорий

[Mahmud Jurat]

Бир балоси бўлмаса, шудгорда қуйруқ на қилур,
Изладим йўқ ақли расо, хону буйруқ на қилур,
Қачон одам бўлар бизда олчоқ, авом халойиқ...
Мўриси йўқ бу дунёнинг, анда туйнук на қилур.
(С)

[pipicron]

Сообщение от Mahmud Jurat

Мўриси йўқ бу дунёнинг, анда туйнук на қилур.

Расо ақлим етмас маним. Англолмадим. Ор дедим.
Минг бор ўқиб уқмоқ бўлдим. Бунда маъно бор дедим.
Бир балоси қуйруқ дедим агар олчоқ хон десам,
Авом халқман. Буйруқ бўлса бизга туйнук тор дедим.

[Mahmud Jurat]

Сообщение от pipicron

Авом халқман. Буйруқ бўлса бизга туйнук тор дедим.

Маъно излаб бу дунёдан топган эмас ҳеч вали,
Изламанг йўл ақли расо, дунёни рост қилгали,
Ибтидоси интиҳоси йўқ бу дунё шул ўзи,
Донолари ҳур яшаб, туф дебон тарк айлар ани.
(С)

[Gulchehra Ibragimova]

Истагим шу-қолсам эди шамол бўлиб,
Бошгинангда айланардим савол бўлиб.
Бошдан оёқ гул баргига ўрар эдим,
“Нега мени севмадинг?”деб сўрар эдим.

..Тўйиб нафас ололмайман кўксим тўлиб,
Ҳеч бўлмаса қолсам эди ёмғир бўлиб.
Деразангга юзларимни урар эдим
“Нега мени севмадинг?”деб сўрар эдим.

Тузалмайман, энди одам бўлолмайман,
Мактуб ёзиб саболардан йўллолмайман.
Жондан яхши кўраману кўролмайман,
“Нега мени алдадинг?”деб сўролмайман...


Иқбол Мирзо

[Баходир кушаков]

Сообщение от Gulchehra Ibragimova

“Нега мени алдадинг?”деб сўролмайман..

Негадир юрагим торайиб борар,
Қулоғимдан қизғонаман сўзингни.
Азобдан кўзимда томчи ёш қолар,
Кўзимдан қизғонаман кўзингни.
Юзимни юзингга қўяй дейману,
Юзимдан қизғонаман юзингни.
Васлингга етишчун,аямам ўзни,
Ўзимдан қизғонаман ўзингни.

(С)

[Gulchehra Ibragimova]

Сообщение от Баходир кушаков

Ўзимдан қизғонаман ўзингни.

Ишон, йўқдир зарра ҳаловат,
Ором йўқдир, надир ул роҳат?
Армонларим хали қатма-қат,
яшаяпман-да...

Умрим етса, пулим етмайин,
Сўзим етса қўлим етмайин,
Бўйим етса кўнглим етмайин,
яшаяпман-да...

"Бир ҳовуч" бахт топа олмасдан,
Ғамга эшик ёпа олмасдан
Ё ғамларни сота олмасдан,
яшаяпман-да...

Онам кўнглин ололмадим бир,
Виждон гоҳ пок, гоҳида кир-чир,
Жон Онажон сен мени кечир..
яшаяпман-да ..

...яшаяпманда, мен ҳам?!

(с)