Bahru-bayt

[pipicron]

Сообщение от Akmaljon

Кечир ёрим сенга ёр булолмадим.

Менинг ақлим етмас балки бахру байтларга,
Сухбатларнинг мазмунига тушунолмасман.
Мен боғлардан келолмасман келсалар тоғдан,
Лек чидайман, чунки завқни тарк этолмасман.

Оффтоп:

Бахру байт қонунини билганлар менга тушунтириб беринглар...

[Akmaljon]

Не килай ёниб булган юрагимни
Кайдан билай, кимгадир керагимни
Олиб кетгин софгина тилагимни
Ёнганларим ёлгон булса майли эди.

Бушаб колди юрагимни каъриси
Тугаб колди куз ёшимни бариси
Кетаверсин, харна куздан нариси
Ёнганларим ёлгон булса майли эди.

[Баходир кушаков]

Сообщение от Akmaljon

Ёнганларим ёлгон булса майли эди.

Сообщение от pipicron

Бахру байт қонунини билганлар менга тушунтириб беринглар...

Илиқ сўзлар ёзмоқдамиз баҳру байтга,
Ҳато ёзган бўлсак бизни ношуд билманг.
Сўнгги ҳарфдан олмоқдамиз иқтибосни,
Гап эгасин топиб олар,парво қилманг.

[Gulchehra Ibragimova]

Сообщение от Баходир кушаков

Гап эгасин топиб олар,парво қилманг.

Гап эгасин топмаса-чи, айтасизми,
Ё айтмасдан бахру байтдан қайтасизми?
Сирни сақлай билиш асли мардлар иши
Севгисини пинҳон сақлар эркак киши..

Энг тўғриси айтманг уни жумбоқ бўлсин..
Ким бўлса ҳам майли Сиз-ла бахти кулсин!

[Баходир кушаков]

Сообщение от Gulchehra Ibragimova

Ким бўлса ҳам майли Сиз-ла бахти кулсин!

Наҳот сирни,айтсак бошқа бировларга,
Чипқон чиқсин,сирни ёзган ручкамизга.
Гап эгасин топиб бўлди,ул гўзал қиз.
ФАҚАТ СИЗ,деб ҳат битибди личкамизга.

Сирин ошкор этадиган номард йўқдир,
Баҳру байтдан қочганларга ҳурмат йўқдир.
Биз ҳавасманд,тўртта-бешта сўз биламиз,
Лекин айтган сўзларимиз,билинг ўқдир.

[pipicron]

Сообщение от Баходир кушаков

Лекин айтган сўзларимиз,билинг ўқдир.

Рахмат айтиб қўймоқчиман мерганларга,
Бахру байтда мавзу нишон терганларга.
Баходирлар, сал нишонни чапроқ олинг,
Тегмай қолди бунда кўкрак керганларга.

[Баходир кушаков]

Сообщение от pipicron

Тегмай қолди бунда кўкрак керганларга.

Арзимайди деймиз ўгит берганларга,
Даъвомиз йўқ кўкрагини керганларга.
Биз атайин ул нишонни ўнгроқ олдик,
Баҳру байтда умид билан юрганларга.

[pipicron]

Сообщение от Баходир кушаков

Баҳру байтда умид билан юрганларга.

Ажойиб мардлари бордир халқимнинг,
Бахру байт майдонин жанггох айлаган.
Найзаси қаламу, қалқони қоғоз,
Нишонга дилларни сипох сайлаган...

[Баходир кушаков]

Сообщение от pipicron

Нишонга дилларни сипох сайлаган.

Нишонга биз дилни сайлаб тўғри қилдик,
Чунки дилга яқинларни энди билдик.
Кимларгадир ўқ тегибди айб қилманг.
Атай камон ўқимизни ипга илдик.

Оффтоп:

Ҳозир эса уҳлаш керак секин жилдик.

[pipicron]

Сообщение от Баходир кушаков

Атай камон ўқимизни ипга илдик.

Камонини ипга илса Баходирлар,
Ким қўриқлар уфорумнинг боғларини?
Айни пишган боғимизнинг ёнғоқлари,
Ким овлайди боғнинг қарға, зоғларини..