14-yanvar Vatan himoyachilari kuni

[мафтун]

Форумдошимиз ўртоқ Долимовга
ва бошқа барча Ватан ҳимоячиларига

Бир кеча қўққисдан уйғониб кетдим,
Соатга қарасам, иккими ё уч.
(Эҳтимол совуқдан) жунжукди этим,
Ташқарига тортди аллақандай куч.

Қандайдир шарпани илғаб ўзича,
Гўё огоҳ этиб бизларни хавфдан,
“Ҳавф, ҳавф”, дея бор овозича
Кучук ҳурар эди қўшни тарафда.

Кўнгил-да, атрофни кўздан кечирдим,
Шукрки, ҳаммаёқ тинч ва осуда.
Тунчироқ нурида кўриб, энтикдим,
Фарзандларим ётар қатор уйқуда.

Ҳовлида ўйноқлаб, куйлайди шамол,
Бир-бирин рақсга тортар хазонлар.
Дарахтлар жимгина сурмоқда хаёл,
Бошини тебратар гулу райҳонлар.

Тинчлик, ҳотиржамлик – эзгу тушунча,
Шаксиз, яратганнинг инояти – бу.
Ва айни пайтда қанчадан қанча,
Бедор нигоҳларнинг шарофати – бу.

Кунни кун, тунни тун, демай, сарҳадда,
Бедор, сергак турган, эй аскар укам,
Сизлар бор, яшаймиз тинч, фароғатда,
Яхшиям сизлар бор – бизларга не ғам.

Тинчлик қадрин билдим ота бўлгач мен,
Шулар бор, кўнаман ҳаёт ғамига.
Бола кулгусига, айтгил, нима тенг,
Дунёни алишмам табассумига.

Сенга кўнгилдаги борини айтай,
Сабру сабот тилай айни чоқда ман.
Яхши ният билан сизларга атай,
Учта ўринбосар ўстирмоқдаман.

Мудомки турибсиз кўкракни кериб,
Йўл йўқ ҳавотирга, йўл йўқ қайғуга.
Энди дилбандларим ёнига кириб,
Уйқуга кетаман, ширин уйқуга.


(с)2012 й.

[Masud Mahsudov]

Vatan himoyachisidek mas'uliyatni tuyib yashagan har bir insonni bugungi bayram bilan tabriklayman! Shu bilan birga yuqoridagi tabrik so'zlari egalariga o'z minnatdorchiligimni bildirib qolaman.

[OmoN]

Шеърларни ўқиб саф қўшиғимиз эсимга тушиб кетди:

Оффтоп:

Тонглар отар, бонглар урар
Шафақлари қирмиз қон
Она юртим, барно юртим
Келди сенга истиқлол

Бир сарҳадинг Сирга туташ
Бири Амударёга
Ўзбекистон, Ўзбекистон
Дунёга чиқ дунёга...

Барча Ватан ҳимоячиларини бугунги байрам билан табриклайман.

[Kavsar]

http://fikr.uz/

[Shokir Dolimov]

Қаранг, ҳаммамиз ҳар хил одамлармиз, дунёқарашларимиз, у ёки бу масалада фикр-мулоҳазаларимиз ўзгача, баъзан эса бир-биридан кескин фарқ қилади. Бу табиий, албатта. Бироқ қалбларни қувонтирадиган, ғайратимизни жўш урдирадиган шундай нарса борки, у ҳам бўлса, Ватан тушунчаси бор жойда барчамиз якдилмиз. Чиндан ҳам бу байрам – Ватан байрамидир!

[Tulqin Eshbekov]

Сообщение от Dolimov

Ватан

Жоним фидо бўлсин сенга, эй, Ватаним!
Керак бўлса бахшидадир бутун таним!
Борлиғингни қалбимга жо айлаб яшаш,
Бахт-иқболим, бор ҳаётим бўлғай маним!

(Мактабда ўқиган бу шеъримиз муаллифи ким?)

[Gulchehra Ibragimova]

Сообщение от Shokir Dolimov

Қалбингиз, юрагингиз, сирингиз, ихтиёрингизни ўғирлатиб қўйиб, яна ҳайрон хам бўласиз .

Ўртоқ Полковник!
Сиз айтгандай "қалбимиз"ни, "юрагимиз"ни кўпчилик қатори кимгадир қачондир ўзимиз билиб-билмай ўғирлатганимиз ростдир,

аммо.."сиримииз"..ни ўғирлатиш..йўқ..бу гапга унча қўшилолмайман, унча-мунча сир сақлашни биламиз!

Қиз боланинг инон-ихтиёри эса...тақдири азал томонидан кимгадир битилган бўлади.."Қиз бола-киши бандаси" дейшади-кў?!..

Қиз бола ўз "эгаси"га топширилгунча ихтиёри "маълум маънода" ота-онасида, кейин эса..қайнона-қайнотаси ва турмуш ўртоғида бўлиши табиий.

Шунда ҳам 50х50 Қолган ўша 50% ихтиёр ўзимизда турибди

[Gulchehra Ibragimova]

Сообщение от Gulchehra Ibragimova

Ўртоқ Полковник!

Техник ҳам эмас, Автоматический "хато" !
Янги йилда яхши ният, фаришталар "омин" дейишса, ажабмас, биз Форумдошлар шуни тилакдошимиз!

[OmoN]

Сообщение от Gulchehra Ibragimova

унча-мунча сир сақлашни биламиз!

Албатта. Бир донишманд "Аёллар ҳам сир сақлашни билишади, фақат ҳаммаси биргаликда сақлашади" деган экан

[Ra`noxon Xo`jaeva]

14-январь "Ватан ҳимоячилари куни" ҳамда Миллий армиямизнинг 20 йиллиги ҳали ҳануз давом этмоқда. Бугун "Республика Болалар кутубхонасида "Ватан ҳимояси -муқаддас бурч" мавзуида маданий-маърифий тадбир бўлиб ўтди. Тадбирда Халқ таълими вазирлиги, Тошкент олий умумқўшин қўмондонлик билим юрти, Марказий офицерлар уйи, TRASTBANK ҳодимлари, ZiyoNET” Ресурс марказининг ХТВ ҳузуридаги бўлими ходимлари ва 58-ҳарбий спорт йўналишига ихтисослашган мактаб ўқувчилари иштирок этишди. Бўлажак аскарларимизнинг чиройли чиқишлари тадбир иштирокчиларида ажойиб таассурот қолдирди. Байрам тантаналари куй ва қўшиқлар билан давом этди. Эстрада юлдузларининг чиқишлари болаларга бир олам шодлик бахш этди, ҳатто қувончлари ичига сиғмай саҳнани тўлдириб рақс тушишди. Учрашувда ҳомийлар томонидан болаларга совғалар тарқатилди.








Батафсил мана бу ерда.