Масофавий таълимни ташкиллаштирувчи платформа

[Tulqin Eshbekov]

Сообщение от Masud Mahsudov

"имиж" сўзининг ўзбекчада ишлатилишининг ўзи қанчалик тўғри? Мен, масалан, ишлатолмайман, ғализ туюлади, тўғриси...

Замонавий янги сўзлар қатори "имиж" ҳам лисонимизга кириб келмоқда. "Ўзбекистон миллий энциклопедияси"нинг 4-жилдида унга шундай изоҳ берилган:
"ИМИЖ (инг. image, лот. imago — тимсол, кўриниш) — шахс, ҳодиса, нарсанинг оммалаштириш, реклама қилиш ва ҳ. к. мақсадларда одамларга ҳиссий-руҳий таъсир кўрсатишни кўзлаб шакллантириладиган қиёфаси; тарғиб қилиш воситаларидан бири (мас, сиёсий арбоб имижи)".
PR (жамоатчилик билан алоқалар) фанида у ҳақда жуда кенг маълумотлар берилади. Бу борада инглизлар билан басма-басига рус ва украин олимлари анча-мунча тадқиқотлар олиб боришмоқда. Бизда ҳам журналистика факультети олимларидан Файзулла Мўминов ва Гулнора Нишонова изчил тадқиқотлар олиб бормоқдалар.
PR нуқтаи назаридан қаралганда, ташкилот имижини яратиш учун у ҳақда жамоатчиликка мунтазам равишда ахборот бериб бориш талаб этилади ва ҳоказо. Очиғи, бу борада ҳали жуда кўп ишлар қилишимиз лозим!

Сообщение от Masud Mahsudov

Шу сўзни "кўриниш" билан алмаштирсак чиройлироқ эмасми?

"Имиж"нинг ўзбекона маъноларидан бири "кўриниш" бўлса-да, кенг маънода бу сўз унинг моҳиятини тўла қамраб ололмайди...
Тараққийпарвар жамиятимизда ташкилотлар, шахслар имижини PRга мосу хос равишда чинакам яратаверсак, имиж деганлари ҳам тилимизга сингиб, том маънода ўзимизники бўлиб қолса ажабмас!