Bahru-bayt

[Alisher Asror]

Сообщение от Maryam

Aytib-aytib yig'laysan, oshiqi zor oldida.

Armon – uka, kuyunma ,
Nayrang kulib boryapdi.
Hiyonat sen suyunma ,
Tong ham otib qolyapdi.

Nima bo`lsa U shohid ,
Korib-bilib turadi.
Shubhangiz bormi yohud,
Kulgan oxir kuladi.

Muhabbat kel jigarim,
Jindekkina dardim bor.
Bir gul edi suyganim,
Bilsang unda o`zga yor.

Nima bo`lsa U shohid ,
Korib-bilib turadi.
Shubhangiz bormi yohud,
Kulgan oxir kuladi.

To`kilib ketdi qadrim…
Do`st deb yukingan edim,
Ortimda bor qoyam deb,
biroz chekingan edim…

Nima bo`lsa U shohid ,
Korib-bilib turadi.
Shubhangiz bormi yohud,
Kulgan oxir kuladi.

Aldashar yaqin olib,
Yolg`on - shirin, yolg`on...rost.
Foydani ichga solib,
Gunohni bo`yningga os!

Nima bo`lsa U shohid ,
Korib-bilib turadi.
Shubhangiz bormi yohud,
Kulgan oxir kuladi.

Armon - uka...


(C)

[мафтун]

Сообщение от Alisher Asror

Armon - uka...

Ayriliqni o‘ylasam,
Tomirimda muzlar qon.
Ko‘zlaring haqqi qasam,
Sensiz kun yo‘q, Qizlarxon.

Ichganim qasam ekan,
Quchganim tizzam ekan.
Qizlarxonning ko‘nglini
Koshki, bilmasam ekan.

Sovg‘a qilgan ro‘molin
O‘ramayman, debdi u.
Ko‘rishganda ahvolin
So‘ramayman, debdi u.

Qizim hali yosh-ku, deb
Otasi qo‘ymas ekan.
Balog‘atni, yaxshilar,
Yashirib bo‘lmas ekan.

Har bir bosgan iziga
Ta’na qilib o‘tadi.
Ro‘molini yuziga
Pana qilib o‘tadi.

Ayriliqni o‘ylasam,
Tomirimda muzlar qon.
Ko‘zlaring haqqi qasam,
Sensiz kun yo‘q, Qizlarxon.

Holvasidan totganman,
Sumalak yalamayman.
Qizlarxonni topganman,
Boshqaga qaramayman.

Birga bog‘ kezsak ekan,
Nok uzib esak ekan.
Sevgi yo‘q, deb aytganning
Og‘ziga kesak ekan!


Iqbol Mirzo

[Maryam]

Demak,N harfiga..Zulfiya ayadan

...
Nahot shuncha mas’um, shuncha pok
Sevishmoqda alam bor shuncha?
Bardosh bermas iroda, idrok,
Tamoman lol aql, tushuncha.

Tog’day bor deb bilgan yuragim
Qush boshicha qolmadi chog’i?
G’amni yengarman deganim sarim
Yana ortar alami, dog’i.

Erib ketmagandim sevgingdan,
Bo’lmaslik-chun baxtingdan judo,
Birga qolish uchun sen bilan
Kuyaman-u, bo’lmayman ado.

[Gulchehra Ibragimova]

Сообщение от Maryam

Kuyaman-u, bo’lmayman ado.

Ошиқман, насиҳат ҳам панд чикора,

Заҳри ишқ қошида – бол-қанд чикора?

Кишанбанд айланг дер ғофил оломон

Девона дил учун минг банд чикора?

Жалолиддин Румий

[Maryam]

A ga...Mashrabdan..

Ajab majnun erurman, dasht ila sahrog’a sig’mamdur,
Dilim daryoyi nurdur, mavj urub dunyog’a sig’mamdur.

Shariat ham, tariqat ham, haqiqat mendadur mavjud,
Chu sultoni azaldurmanki, arshi a’log’a sig’mamdur.

Xaliloso bu yo’lda otashi Namrud – me’rojim,
Hamon durri haqiqatmanki, har dunyoga sig’mamdur.

Rizo mulkidaman, halqumni tuttum tig’I Akbarga,
Bu yo’lda siynai poki Zabunullog’a sig’mamdur.

Agarchande ziyorat qilmadim men Ka’bayi zohir,
Tariqat hojisidurmanki, Baytulloga sig’mamdur.

Gahi bo’ldum faqiru, gohi shohu, gah gadodurman,
Ajab devonaman, fardoki mahshargohg’a sig’mamdur.

Maqomi hayrat ichra gohi xudman, gohi bexudman,
Junun bozorida mastmanki, istig’nog’a sig’mamdur.

Gah o’rus, gohi cherkas, gohi mo’min, gohi tarsoman,
Ne kavnayni miyoni lou illollog’a sig’mamdur.

Mudom miskin erurman chun g’uloming – Mashrabingdurman,
Meni bechora bu dunyo bilan uqbog’a sig’mamdur.

[albatros]

Сообщение от Maryam

Meni bechora bu dunyo bilan uqbog’a sig’mamdur

Rost so'zlashni o'zingga qil sen hamroh,
Lek yolg'onni rost dema og'ir gunoh.
Hatto shod etmoqqa ishlatsang yolg'on,
Kechirmagay, bu ishingni bil Olloh.

(c)

[Maryam]

Hamid Olimjondan...H harfiga...

...Husn balosiga kim etdi duchor?
Holbuki, busiz ham qanchalar alam,
Holbuki, busiz ham qizning boshida
So'ngsiz musibatlar,dunyo-dunyo g'am.

Holbuki, busiz ham qiynalardi jon,
Busiz ham yеtardi falokat, azob,
Faqat go'zal emas, hatto xunuk qiz
Ko'z ochib ko'rardi yolg'iz iztirob.

Orzung bor kuylashga, lеkin qalbingdan
Tarqalar bir ma'yus va g'amgin sazo.
Qo'yningda bir quchoq oq va nafis gul,
Lеkin ruhing to'la motam va azo.

Shundayin latofat, shu oq ko'krakka
Nahot munosibdir shu g'amgin libos.
Onang shuning uchun suyunganmidi -
Nahotki, shu sifat go'zallikna xos.

Hali sеvishmoqdan shumidir ma'no?
Faqat azob bordir qismatda, nahot?
Nahotki, sеvgiga shudir tamanno?
Nahot go'zal uchun faqat, faqat dod!..

[Gulchehra Ibragimova]

Сообщение от Maryam

Nahot go'zal uchun faqat, faqat dod!..

Дарвешман - гадою шоҳнинг фарқи йўқ,

Дарвешман - офтобу моҳнинг фарқи йўқ.

Аҳли дил билан гумроҳнинг фарқи йўқ,

Қувончу ғам-кулфат, оҳнинг фарқи йўқ!


Паҳлавон Маҳмуд

[albatros]

Сообщение от Gulchehra Ibragimova

Қувончу ғам-кулфат, оҳнинг фарқи йўқ!

Qilg'usi har ishda miyor bo'lsa gar,
Hattoki malhamdir bemorga zahar.
Boriga shukr qil, ko'pni ko'zlama,
Keltirur falokat oltin-u gavhar.

(c)

[Maryam]

R harfiga Mashrabdan....

...Riyozatsiz bo’lay desang, tanim ozod yuray desang,
Jahonni sayr etay desang, qalandar bo’l, qalandar bo’l.

Razolat kuyduray desang, zalolat o’lduray desang,
Hammasin supuray desang, qalandar bo’l, qalandar bo’l.

Bu taqvodin kechay desang, xonaqohdin qochay desang,
Haqiqatni ochay desang, qalandar bo’l, qalandar bo’l.