Dildagi satrlar

[bekww]

***

Бугун ёнимдасан, кўзларимга боқ,
Менга ишонгинда кўлларимдан тут.
Ўзгалар ёлғонни дўст тутсин, майли,
Сўзларимни унутгин, уларни унут.

Кўзларинг севаман, севавераман,
Нигоҳинг эслайман, унутилар тун.
Бугун ёнимдасан, бахтим ёнимда,
Ҳали тугамади, азизим бугун.

Бугун ёнимдасан, турибсан кулиб,
Бу ажойиб, ахир бари бетакрор.
Ташлаб кетгим келди ғариб кунларни,
Мен келган манзилда азизим сен бор.

Нигоҳинг меҳрдир, нигоҳинг овунч,
Мени муҳаббат-ла этади бутун.
Сен ёлғиз эмассан, мен ёлғиз эмас,
Бизники бўлганча қолади бугун.

PS. Муаллифини яна ёзишмади барака топгур телевизионщикларимиз...

[albatros]

"Suratingni yubor, sog'indim,
Yolg'on aytsam til tortmay o'lay",-
Debsan xatda. Suratim nechun
Kerak bo'ldi, qurboning bo'lay?

Yuzlarimni ko'rmak istasang,
Yo oyga boq, yoki kunga boq.
Sochlarimni ko'rmak istasang,
Uyqudan kech, oysiz tunga boq.

Qoshlarimni ko'rmak istasang,
Ko'kka qara, chiqqanda hilol.
Ko'zlarimni ko'rmak istasang,
Nazaringni yulduzlarga sol.

Yonog'imni ko'rmak istasang,
Sahroga chiq, lolazorda yur.
Lablarimni ko'rmak istasang,
Sahar turib g'unchaga yuz bur.

Tishlarimni ko'rmak istasang,
Havasingni marvaridga ayt,
Gar o'zimni ko'rmak istasang,
Yovni yengib, zafar bilan qayt.

Uyg'un.

[Gulchehra Ibragimova]

***

Me’yoridan o‘tsam tuting ma’zur, jonim,
Men qizg‘onsam nodon bo‘lib qizg‘onaman.
Guldekkina ko‘nglingizdan uzr, jonim,
Men qizg‘onsam tikon bo‘lib qizg‘onaman.

Holim bordir siz o‘zgaga bir boqqulik,
Arazim-da dunyolarga o‘t yoqqulik.
Alamlarni tilga qamab, lab tishlasam –
Tishlarimning orasidan qon oqqulik,
Men qizg‘onsam yomon bo‘lib qizg‘onaman.

Oydin tushga do‘nganim bor uyqungizda,
Binafshalar terganim bor kulgungizda.
Dil darchasin sizga ochib qo‘ydim qanday,
Qanday paydo bo‘ldim yurak mulkingizda?
Men qizg‘onsam hayron bo‘lib qizg‘onaman.

Hijronlar-ey, jonim aro jon saqlaydi,
Yo‘limizni ikki yonga taroqlaydi.
Siz og‘rinmang, shu kuydirgi rashkimni ham
Bir kun kelib sog‘inchingiz so‘roqlaydi…
Men qizg‘onsam armon bo‘lib qizg‘onaman.

Guldekkina ko‘nglingizdan uzr, jonim,
Men qizg‘onsam tikon bo‘lib qizg‘onaman…

Iroda Umarova

[Alisher Asror]

ҚОР

Она ғознинг тўши каби юмшоқ қор,
Сукут билан қуюлади сар-басар,
Борлиқ уйқу ичра беҳабар,
Гўё осмон туллаб тўзғитмоқда пар,
Киприкларнинг момиқлардан юки бор...

(Ғофур Ғулом)

[Nigora Umarova]

Bo'ron, zulmat ko'k yuzin tutar,
Qor uchquni aylanar quyun.
Dam bo'ridek bo'kirib o'tar,
Dam go'dakdek yig'loqi bir un...

A.S. Pushkin.

Оффтоп:

Tarjimoni agar yanglishmasam Mirtemir bo'lsa kerak.

[Feruza Xodjayeva]

БИР САВОЛ

Куламан дейману, йиғлайман нега,
Қалбим дарзларига бормикан чега,
Дардли бир армонга наҳот мен эга,
Бир савол ёдимдан бўлмас фаромуш –
“Севаман” демаган нимага Кумуш?

Ҳижрон ойларини алмашиб йилга,
Ҳавасга берилмай, қулф уриб дилга,
“Чидолмайман” демай, эрк бермай тилга,
Ориятни асраш – бу қандай юмуш,
“Севаман” демаган нимага Кумуш?

Қолоқ бўлганми ё – четга юрмаган,
Сериал кўрмаган, “чат”га кирмаган,
Интернет, “сотка”да кўнгил бермаган,
Кийиб жинси шим ё “мини”, қўйиб “тушь” –
“Севаман” демаган нимага Кумуш?

Шаддод неварага ёқармиш “бири”,
Буни ҳамма билар, йўқ эмиш сири.
Не дейишин билмас чолга кампири...
Дунёнинг ҳолига боқаман хомуш –
“Севаман” демаган нимага Кумуш?

“Ўткан кунлар” – орга тикланган бино,
Такрор китоб қараб, кўраман кино,
Қанча назокату, қанча истиғно,
Қанча одоб билан дилни айлаб хуш –
“Севаман” демаган нимага Кумуш?


Бобур Бобомурод

[Jafar Muhammad]

E`tiboringiz uchun tashakkur, Kavsar bonu! Yaxshi tarjima qilibsiz, xursand bo`ldim. Ijodiy ishlaringiz, ayniqsa, badiiy tarjima sohasida katta muvaffaqiyatlar tilab qolaman. Ja`far Muhammad.

[albatros]

Сообщение от Jafar Muhammad

E`tiboringiz uchun tashakkur, Kavsar bonu! Yaxshi tarjima qilibsiz, xursand bo`ldim. Ijodiy ishlaringiz, ayniqsa, badiiy tarjima sohasida katta muvaffaqiyatlar tilab qolaman. Ja`far Muhammad.

Hurmatli Ja'far aka. uforum.uz dagi BIRINCHI FIKRINGIZ samimiy tilaklarga yo'g'rilgan holda boshlanibdi. O'ylaymizki bundan keyingi barcha xabarlaringiz va fikrlaringiz ham insoniyatni ezgulik dunyosi tomon chorlaydi.

Avvalom bor xush kelibsiz ijodkor va qadrdon do'stlarning UFORUM.UZ saytiga.

[Gulchehra Ibragimova]

YOLG'IZ MENI O'YLA INTIZOR

Rauf Parfi

Muncha g'amgin bo'lmasa o'ylar,
Hijron muncha bo'lmasa uzoq,
Meni o'yla, sog'inib o'yla,
Yo'lg'iz meni o'yla intizor,
Muncha g'amgin bo'lmasa o'ylar.

Hijron muncha bo'lmasa uzoq,
Holbuki, bir qadam o'rtada.
Oramizni kim buzdi, o'zi,
Inonkim, behuda o'rtadi.
Hijron muncha bo'lmasa uzoq.

Meni o'yla, sog'inib o'yla,
Aytsalar-da sevgi uzilgan,
Shunday ishonchsizlik tufayli,
Xafa bo'lma mendan - o'zingdan,
Meni o'yla, sog'inib o'yla.

Yo'lg'iz meni o'yla intizor,
O'ylaringda men yashay yakka,
Chunki sevgi atalgan azob
Qodir emas toq yashamakka.
Yo'lg'iz meni o'yla intizor.

[Remix]

Balki sevgandirman sizni shunchaki...

Bormikan siz kabi munis, beg'ubor,
Qaramoqqa boshqasiga qilar edim or.
Siz bilan hardoim-hammavaqt bahor,
Balki sevgandirman sizni shunchaki.

Bo'ysunmas buyruqqa bu mag'rur yurak,
"Unimas boshqani sevmog'ing kerak!"
Tilagim sizga baxt, eng ezgu tilak,
Balki sevgandirman sizni shunchaki.

"Shunchaki bo'lmaydi" - dedim ishonib,
Sevaverdim o'zimcha lovillab, yonib.
Sizla so'zlashardim shodon, quvonib,
Balki sevgandirman sizni shunchaki.

Men uchun yoqimli barcha-barchasi,
Qalbimga o'rnashib faqat bittasi.
O'zi malham bo'lgan, o'zi yarasi,
Balki sevgandirman sizni shunchaki.

So'zlaringiz o'zgalardan o'zgacha,
Beg'ubor bir mittigina bolacha.
Sizga borib, yetolmadim sizgacha,
Balki sevgandirman sizni shunchaki.

Buloq tiniqlikda siz kabi emas,
Zilol suvi siz bergan rohatni bermas.
"Zilolim" derdimu ammo mumkinmas!
Balki sevgandirman sizni shunchaki.

Kechiring orzuga berilib kettim,
Orzu deya armon etagin tutdim.
Yolg'izim men faqat bir sizni kutdim,
Balki sevgandirman sizni shunchaki.

Remix (c)