Bahru-bayt

[Nigora Umarova]

Сообщение от Alisher Asror

...Xovuchida jonin tutgan Onajon.
(C)

Ne uchun faryod chekursen, so'zlagil, ey sharshara,
Anduhi birla yuzingga kim ajin solmish, qara,
Ne edi dardingki dard chekding tunu kunlar aro,
Bosh urib toshlarga yig'larsan, nechun bu manzara?

Zebunisobegim

[albatros]

Сообщение от Nigora Umarova

Bosh urib toshlarga yig'larsan, nechun bu manzara?

Alp o'g'lonlar o'lkasi bu ko'hna Turon,
Qalqonlari, qanotlari, ilm istang.
Yarim jahon bunyod etgan Sohibqiron,
Alisherning avlodlari, ilm istang!

M.Yusuf.

[Nigora Jumaeva]

Сообщение от albatros

Alisherning avlodlari, ilm istang!

Gohida alamim sig’may ko’nglimga,
She’r bo’lib to’kilar va lekin ey voh,
Qayga borsam she’rim qaytar qo’limga,
Tushungan odamsan, dunyodan ogoh…


Erkin Vohidov

[Alisher Asror]

Hol so'rab kelmang yonimga, avvalo oshiq bo'ling,
Yoqmang o't jonu tanimga, avvalo oshiq bo'ling.

Dardsiz bedardlarni ko'rgali yo'q toqatim,
Umr o'tib qartaymayin, topib nigor oshiq bo'ling!

(qo'shiqdan)

[Nigora Jumaeva]

Гул дедим, бу ҳаёт бир чаман берди,
Гуллар сувдек оқди анҳорларимда.
Менда ўйлаш учун фурсат бор эди
Қайта-қайта келган баҳорларимда.
Бироқ ҳаётимдан ясадим ўйин,
Гулдек хазон қилдим ҳар ўтган кунни.
Энди ечмоқ қийин, унутмоқ қийин
Юрагимда қолган эски тугунни.

Носиржон Жўраев

[Gulchehra Ibragimova]

Сообщение от Nigora Jumaeva

Юрагимда қолган эски тугунни.

Ishq dedik – yo’lida ado bo’ldik biz,
Ishq qayda? Bilmadik – xato bo’ldik biz,
Ishqimizu ishq so’rab gado bo’ldik biz –
Ishq jondan do’zaxni boshlab o’tadir,

Ko’ksimdan qalb chiqdi – ochilib qoldi,
Shamollar tikanday sanchilib qoldi,
Zamon to’fonida yanchilib qoldi –
Oshkormas, pinhon dard yashnab o’tadir.

Suyganim yashamoq sabru qanoat,
Daqiqa – sinovdir, lahza – sinoat,
Ishq deb ado bo’lmoq balki saodat –
Garchi u ko’zlarni yoshlab o‘tadir.

Usmon Azim

[Nigora Jumaeva]

Рости кўп йиқилдим равон йўлда ҳам,
Йўлимда йўқ ердан йўлдош бўлди ғам.
Дардимга султонлар қулоқ тутган дам,
Дил ёриб, додимни айтганим ёлғон.

Қолмай деб ғавғою миннатларига
Беркиндим юрагим хилватларига.
Қўл силтаб кетганман ҳимматларига,
Ёлвориб ортимга қайтганим ёлғон.

Азизбек Турдиев

[Gulchehra Ibragimova]

Неларни қоғозга тушурдим – билмам:
Севгими, Ватанми, ва ёки, Висол?
Лекин хотиримдан ўчибди тамом
Менинг йўлларимга кўз тиккан аёл...

Неларни қоғозга тушурдим билмам:
Бахтними, Дардними, ва ё Армонни?
Лекин, ҳатто ёдга олиб қўймабман
Йўлимда кўзлари толган инсонни...

Онажон, сиз менинг бошдаги тожим,
Кўзлари маъюсим, бахтим баҳори.
Жонимни бермоққа бўлса иложим,
Тутардим – мисоли меҳрим изҳори...

Она, ҳар сўзингиз минг дардга даво,
Келолмасам куйманг, ўтинг айбимни.
Лекин, юрагимни ёқар бир нидо:
“Жўната олмадим шу мактубимни...”

ШАҲНОЗА

[albatros]

Сообщение от Gulchehra Ibragimova

“Жўната олмадим шу мактубимни...”

Isming - yuragimga urilgan xanjar,
Sug'urib olsalar o'laman.
Men seni shu qadar muhabbat
va azob bilan...
jim sevaman!

Sevaman...
O'limni sevganday
Har lahza ruhimni pichoqlab,
Men mangu yashayman,
go'rda ham
Dilimda ismingni
quchoqlab!..

Zebo Mirzo

[Alisher Asror]

Сообщение от albatros

Men mangu yashayman,
go'rda ham
Dilimda ismingni
quchoqlab!..

Baski sevgi bu hayotning mevasi,
Hayotingdan kechmoqlaring ne uchun?
O'zi vafo qilolmagan ismini,
Go'rlaringda quchmoqlaring ne uchun?

Hayot senga qaroq berdi, til berdi,
Hayot senga umr berdi yo'l berdi,
Bahor berdi, visol, firoq... mo'l berdi,
O'imlarni sevmoqlaring ne uchun??

(C)