Bahru-bayt

[Nigora Umarova]

Сообщение от Sherzod Nortojiev

O’zidek to’pori erga uzatsin...

Nogoh sizni ko'rgim keldi, engashdim,
Nomeringiz shoshib terdim, tezladim.
Birdan... bag'rim tuproq, bilan tenglashdi,
... Sizning "o'lib ketganingiz" esladim.

Telefonlar... biz o'tgach ham ko'ngli xit,
Anchagacha yetim bo'lib yuradi.
Bir kun mening nomerim ham shu taxlit
Bitta do'stning fikrin adashtiradi.

Halima Xudoyberdiyeva

[Alisher Asror]

Сообщение от Nigora Umarova

Bitta do'stning fikrin adashtiradi

Istagim - yongan yurag-u,
Istagim - ko'zlarda cho'g',
Yonmasa kimga kerak u,
Chaqnamas bo'lsa u yo'q.

(C)

[Sherzod Nortojiev]

Сообщение от Alisher Asror

Chaqnamas bo'lsa u yo'q.

Quyosh g‘arbga ketdi sho‘ng‘ib,
Uxlolmadim, kechir rabbim!
Siltadilar: "yig‘lagin", deb
Yig‘lolmadim, kechir rabbim!

[Masud Mahsudov]

Men seni gullarga bermayman, erkam,
Mayli, gulzor mendan yuz o’girsa ham,
To’kilsa gulbargning chashmidan shabnam,
Chamanlar yo’llarim to’sib olgan dam,
Men seni gullarga bermayman, erkam.

Men Seni osmonga bermayman, erkam,
Yomg’irlarga tashna bo’lib ketsin yer,
G’amlaru, g’ussaga to’lib ketsin yer,
Cheksiz fazolarga borib yetsin yer,
Men Seni osmonga bermayman, erkam.

Men Seni azobga bermayman, erkam,
Bo’yningga iqboldan taqib guldasta,
Toledan toj yasab, kiydirib asta,
Taqdirni taqdirga etib payvasta,
Men Seni azobga bermayman, erkam.

Men Seni g’urbatga bermayman, erkam,
O’zimga olgancha hamma qayg’uni,
Yuzingga bag’ishlab shirin kulguni,
Qalbimda his etib ajib tuyg’uni,
Men Seni azobga bermayman, erkam.

Men seni armonga bermayman, erkam,
Orzudan ko’nglingga bir qasr qurib,
Havas dunyosida yonma-yon yurib,
Niyatning barchasin sen taraf burib,
Men seni armonga bermayman, erkam.

Men seni xijronga bermayman, erkam,
Lug’atdan o’chirib yolg’izlik so’zin,
Ko’rmasdan g’urbatning sarg’aygan yuzin,
Visolga Allohdan so’rgancha to’zim,
Men seni xijronga bermayman, erkam.

Men seni hech kimga bermayman, erkam –
Poyingda tiz cho’ksin, qancha-qanchalar,
Mayli, izing o’pib, so’lsin g’unchalar,
Hudbinman shunchalik, rashkim shunchalar,
Men seni hech kimga bermayman, erkam!

(c)

[albatros]

Сообщение от Masud Mahsudov

Men seni hech kimga bermayman, erkam!

Мен сенга дунёлар бермадим,
Ёрим деб кўксимни кермадим.
Сен учун боғдан гул термадим,
Олавер, ҳаётим - сеники.

Ошиқ дил мисоли девона,
Унга бу дунёлар бегона.
Ҳаёлим бошингда парвона,
Олавер, ҳаётим - сеники.

Осмоним булутли гоҳида,
Лек нур бор кўнглимнинг тоқида.
Кўрайин вужудим соғида,
Олавер, ҳаётим - сеники.

Эрта-кеч гул кутиб, ўксима,
Ҳаётим олдида гул нима,
Келиб бош қўйсанг бас, кўксима,
Олавер, ҳаётим - сеники.

Ботиржон Эргашев
Озодбек Назарбеков ижросида.

[Nigora Umarova]

Сообщение от albatros

Олавер, ҳаётим - сеники.

Ботиржон Эргашев

Ишқ аҳли таънаи зоҳидлара парвоси йўқ,
Мажнун эрмасдур, ўшал ошиқни ҳам Лайлоси йўқ.
Кўҳканлик даъвийсини урсангиз, жондин кечинг,
Сиз хаёл этманг Ширин дастидин бир суроҳи йўқ.
Ҳар киши остона ёстонгон илан Вомиқ эмас,
То анинг куйидаким ёстонгони Узроси йўқ.
Шайхи Санъонликнинг даъвосини қилмоқлик хато,
Бўйнига зуннор осарга дўхтари тарсоси йўқ.
Ҳар нечук олимни кўрсангиз, ани Жомий деманг,
Мирзо Ҳамдамдек ажаб маъшуқи барноси йўқ.
Ким мажозий ўтига куймагай, ул ошиқ эмас,
То, Хазиний, ҳар кишида ёрининг савдоси йўқ.

[Masud Mahsudov]

Қуёш нурларига сингайин, майли,
Майлига хазонга айлансин чаман.
Қорга аралашиб кетса-да танам,
Мен Сизни соғиниб яшавераман...

Кўнгил бирор ишга қўл чўзай, демас,
Бир он ҳам умидин узгани эмас.
Бошқаларни эмас, ўзгани эмас,
Мен Сизни соғиниб яшавераман...

Юрак уриб-уриб толганида ҳам,
Ё шайтон минг шубҳа солганида ҳам,
Соғинчимдан зарра қолганида ҳам,
Мен Сизни соғиниб яшавераман...

Дард чекай, ғам ютай, азобни кутай,
Ҳаловат аталмиш сўзни унутай.
Васлингизни дея оламдан ўтай,
Мен Сизни соғиниб яшавераман...

Умримиз давронин бирга сургани,
Иқболнинг тоқида шодон юргани,
Чин бахтни бирликда баҳам кўргани,
Мен Сизни соғиниб яшавераман...

(c)

[Aliya]

Сообщение от Masud Mahsudov

Мен Сизни соғиниб яшавераман...

Нур таралар...
Кўк узра орзу
Оппоқ қордан боғлайди қанот...
Олис осмон ортида
Қорли
Кўз ёш тўкар Қуёш ҳам...
Наҳот?!

Йиғлаётган мен эмас...
Қуёш...

[albatros]

Сообщение от Aliye BlackANGEL

Қуёш...

Оффтоп:

Shu yerga kelganda bir rivoyatni barchaga yetkazishni lozim topdim(Garchi ko'chirmachilik qilgan bo'lsamda).

Shunday rivoyat bor el orasida:
Ya’ni, Xizr buva – karomatgo‘y zot
Gohi do‘st, goh ota qiyofasida
Yigitga ikki bor keltirar imdod.

Xizrni tanisa, qo‘lidan tutsa,
G‘animlar chekinar, baxti kuladi.
Mushkullar yechilar, ketadi g‘ussa,
Qazo solig‘idan darxon bo‘ladi.

Davron shamollari yig‘di bulutni,
Xalqim sel-do‘llarda zor-zor surindi.
Chaqmoq yaraqlatdi shamshir, sovutni –
Temur timsolida Xizr ko‘rindi!

Elim najot topdi, zavol ters bo‘ldi,
Beklik davlat bo‘ldi, davlat – saltanat.
Bizga qaraganning tolei kuldi,
A’molimiz bo‘ldi lutfu marhamat.

Biroq... Kajraftor charx aylanib chappa,
Qondoshlar ichiga tashladi nifoq.
Zalolatga botdi el – ulus yoppa,
Xurofotga botdi yana battarroq.

Parokanda davlat – tuvoqsiz qozon,
Erinmagan shoqol teginib o‘tdi.
Qonga qon deb qilich soldi xonga xon,
Xonga jon deb, elat egilib o‘tdi.

Shu taxlit yillarni yemirdi oylar,
Ikki boshli burgut jigarim o‘ydi.
Ulug‘ saltanatni pajmurda aylab
Qilich bilan kesib, chegara qo‘ydi.

Tangri inoyati – tangri rahmati,
Tanazzul topmagay temuriy millat.
Zoe ketmas uyg‘oq farzand zahmati,
Istibdod oxiri halokat, zillat.

Millatga erk berdi Buyuk haloskor,
Temurbek vorisi, fidoyi daho!
Temur bog‘lariga qaytdi shan bahor,
Temur tog‘larini siladi samo!

Ey, xalqim, jafokash, jabrdiyda xalq,
Kechmishing ertakka yo‘yib yuborma.
Xizr barmog‘ini tutganliging haq,
Hech qachon bu qo‘lni qo‘yib yuborma!

Iqbol Mirzo

[Nigora Umarova]

...Ayirdilar avval ko'zidan,
So'ng bag'rini oldilar o'yib.
Yetmaganday bu ham bo'g'zidan
Pufladilar lablarin qo'yib.

Ko'rmagandi bunchalar xo'rlik
Hatto ayoz tilganda yuzin.
Alamiga chidolmay sho'rlik,
Nola tortib yubordi uzun.

Odamlar-chi, to'plandi shu on
Faryodiga qilolmay toqat.
Bir qamishni yig'latib chunon,
So'ng o'zlari qildilar rohat.

Abdulla Oripov