Bahru-bayt

[Gulchehra Ibragimova]

Сообщение от Gayratxodja Saydaliyev

Бошимни олиб оёқ етганча кетай.

Йиғлайди юрагим пинҳон йиғлайди,
Ёлғон вадаларга билмайин кўндим.
Ҳали ҳам кўзларим сени излайди,
Васлинг умидида девона бўлдим...

Соғиндим билмадинг соғинганимда,
Бевафо келмадинг соғинганимда...

Билмайин босибман муҳаббат йўлин,
Мисоли гулдайин очилмай сўндим.
Қанчалар узатсам етмайди қўлим,
Жамолинг кўрмоққа кўп зора бўлдим...

Соғиндим билмадинг соғинганимда,
Бевафо келмадинг соғинганимда...

қўшиқдан

[Gayratxodja Saydaliyev]

Сообщение от Gulchehra Ibragimova

Бевафо келмадинг соғинганимда...

Ашъоринг ким, шеър оти то бўлғай
Таъб аҳли анға вола у шайдо бўлғай,
Ҳар лафзи дуру, баҳри маънони анда,
Ким кўрди дурики, анда дарё бўлғай.

Бобур. Рубоий

[Gulchehra Ibragimova]

Сообщение от Gayratxodja Saydaliyev

Ким кўрди дурики, анда дарё бўлғай.

Йигитдан омадни аяма фалак,
Жонини асрагил, этмагил халак.
Омадни қўш-қўш бер, бахтини бекам,
Номардга зор этма, кўрмасин алам.

Эркакдан омадни аяма ҳаёт,
Муҳаббат қасрин ҳам этмагин барбод.
Ишига унум бер, ҳамёнига пул,
Билагига куч бер, эй қодири дил!


(С)

[Gayratxodja Saydaliyev]

Сообщение от Gulchehra Ibragimova

Билагига куч бер, эй қодири дил!

Лаълидин жонимға ўтлар ёқилур,
Қоши қаддимни жафодин ё қилур.
Мен вафоси ваъдасидин шодмен,
Ул вафо билманки, қилмас ё қилур.

Навоий. Туюқлар

[Gulchehra Ibragimova]

Сообщение от Gayratxodja Saydaliyev

Ул вафо билманки, қилмас ё қилур.

Рухсоринг шаъмига парвона ўзим,

Дардингга дил баста, бегона ўзим.

Зебои замона, зулфинг занжири

Билан банди айла - девона ўзим!

Маждиддин Бағдодий

[Mahmud Jurat]

Сообщение от Gulchehra Ibragimova

Билан банди айла - девона ўзим!

***
Мусаввир расмимга бўёқ тортган пайт
Кўзимдан чақмоқлар отилиб кетди.
Шу заҳот тинчидим, йўқолди ғайрат,
Бутун бор ҳаётим олдимдан ўтди.

Бўёқлар чапланди қуюқлашди ранг,
Матодан ҳўмрайиб юзим кўринди,
Менга қўрс боқарди тушмай шаштидан,
Нотаниш файласуф, қандайдир анди.

Сочлари патила, маллабир одам,
Синчиклаб қалбимга боқар эди жим.
Оёқлари йўқ, юрмай бир қадам,
Менга вужудила қиларди ҳужум.

Бир дам кўзларига боқдим ҳадиксиб,
Унинг нолаларин эшитган бўлдим.
Мен ўзим дардларим елкамга олиб,
Секин холстдан чиқиб жим қочиб қолдим.

Мен кетиб бораман ортга қарамай,
Сен энди Дориан аксисан холстда.
Хато қилсам Шагрен вужудим, камай,
Бўғзимдан олақол билдирмай аста.

Мана мен иккига бўлиндим, эвоҳ,
Бирим сийрат бўлса бошқаси суврат.
Бири такрор такрор қилади гуноҳ,
Бошқасин қийнайди ҳаётий ҳайрат.
(С)

[Gulchehra Ibragimova]

Сообщение от Mahmud Jurat

Бошқасин қийнайди ҳаётий ҳайрат.

Тобакай дилда дард, кўзда нам бўлар,

Тобакай қувончу шодлик кам бўлар.

Қайда гулга кирса шодлик чечаги,

Етиб келгунича дарду ғам бўлар.


Абусаид Абдулхайр