Bahru-bayt

[Gayratxodja Saydaliyev]

Сообщение от albatros

Quyosh izlagan nur sizda yashirin?

Не сабаб ўксиниб йиғлайсан гўзал,
Дилозор ким экан бунча бешафқат?
Нечун сенга хўрлик кўрсатар ҳар гал,
Шумикан оқибат, қани диёнат?
Йиғлайвер, юрагинг гар топса роҳат.

Табиат йиғлайди, йиғлаганда сен,
Тонглар хўнграшади бўлиб бетоқат.
Йиғла майли, йиғла, ёнингда бор мен,
Қалбингни ғубордан тозалаб бўшат
Ва сўнгра жилмайиб кулгичинг кўрсат.

Сен кулсанг жилмаяр қуёш, ой масъум,
Кулиб қарашади, ҳаттоки гуллар.
Дурларинг кўрсатиб қилсанг табассум,
Юлдуз ханда урар, сайрар булбуллар.
Сарвим, қувончингдан яйрайди диллар.

А.Абдураҳмонов

[Mahmud Jurat]

Сообщение от Gayratxodja Saydaliyev

Сарвим, қувончингдан яйрайди диллар.

***
Ранги ботин мафтункор юртим,
Ўтда куйган оқ сурп далалар.
Не дардларни ичимга ютдим,
Мазах қилиб кулди болалар.

Ковуллардан суртдим юзимга,
Қизилман деб юрдим ўзимни.
Тавоф қилдим тўмтоқ измга,
Юмиб ўтдим сендан кўзимни.

Ўз нонимга тиланчи бўлиб,
Ўз номимни,манқурт, унутдим.
Кўзёшимга ҳовучим тўлиб,
Истиқлолни зориқиб кутдим.

Сен ётардинг тарих қаърида,
Мен яшардим нимжон, жонсарак.
Ўзлигимни топмоқ дардида,
Юрагимдан изладим дарак.

Юрак қўри қўзғолди бирдан,
Ғайрат берди боболар қони.
Рўё эмас тушумда кўрган,
Мана озод ўзбек Ватани.
(С)

[Gulchehra Ibragimova]

Сообщение от Mahmud Jurat

Мана озод ўзбек Ватани.

Ишқингда ғаму ғусса чекиб, ошиқмен,
Ҳажрингда тунимни тонг этиб содиқмен.
Қисмат менга ранжи дил ва кўз ёши эмиш,
Ўлсам ўламенки, ишқ аро собитмен...


Ҳаким Саноий

[Mahmud Jurat]

Сообщение от Gulchehra Ibragimova

ишқ аро собитмен...

***
Негадир чайқалиб қулади осмон,
Хаёл оғушидан чиқди бир фарёд,
Тиз чўкиб Тангрига қилди қасамёд,
“Сен айбдор эмассан, эмассан замон.

Узилган лоладай эгилди бошим, -
Лаблар пичирлади сирли бир оят, -
Оллоҳим ато эт сен бир ҳидоят,
Барқ уриб қайтадан чиқсин қуёшим.”

Ҳижронли ошиқнинг бу оҳи эди,
Наҳот азоблари чин барҳам еди,
Энди у висолга қўяди қадам.

Қанийди илтижо қабул бўлсайди,
Яголар ажалсиз шу дам ўлсайди,
Умидвор, умидвор яшайди одам.
(С)

[Gulchehra Ibragimova]

Muncha g'amgin bo'lmasa o'ylar,
Hijron muncha bo'lmasa uzoq,
Meni o'yla, sog'inib o'yla,
Yo'lg'iz meni o'yla intizor,
Muncha g'amgin bo'lmasa o'ylar.

Hijron muncha bo'lmasa uzoq,
Holbuki, bir qadam o'rtada.
Oramizni kim buzdi, o'zi,
Inonkim, behuda o'rtadi.
Hijron muncha bo'lmasa uzoq.

Meni o'yla, sog'inib o'yla,
Aytsalar-da sevgi uzilgan,
Shunday ishonchsizlik tufayli,
Xafa bo'lma mendan - o'zingdan,
Meni o'yla, sog'inib o'yla.

Yo'lg'iz meni o'yla intizor,
O'ylaringda men yashay yakka,
Chunki sevgi atalgan azob
Qodir emas toq yashamakka.
Yo'lg'iz meni o'yla intizor.


Rauf Parfi

[Mahmud Jurat]

Сообщение от Gulchehra Ibragimova

Yo'lg'iz meni o'yla intizor.

***
Руҳу жоним аршга етти мен ўзиум осмониман,
Тутти оламни шарорим, оташи сўзониман.

Ҳеч макону манзилим маълум эмасдир дунёда,
Мен қуюндек ёрни кўйида саргардониман.

Доимо роҳат тилаб меҳнат яқомдан ушлади,
Онадин бахти қаро келдим, они ҳайрониман.

Қайси танни ишқи йўқ бўлса они иймони йўқ,
Ҳар кишини дарди гар бўлса они қурбониман.

Аҳли дардларға қилай зоҳир бу пинҳон дардни,
Бехабарларға ва лекин Нўҳни тўфониман.

Ҳеч киши билмас мени қайдин бу ерга келганим,
Асли зотимни сўрсанг, мен ўзим Хўқониман.

На малакман, на фаришта, мен ҳам одам наслидин,
Мен таваллуди ўшал фарзанди Намангониман.

Ҳам мазаллат хокига Машраб бошин қўйди букун,
Тонгла машҳар бўлса мен ишқ аҳлини султониман.

Баъзи сўзларга изоҳ бериб ўтаман:
шарор учқун (учқуним осмонни тутди)
сўзон ёнмоқ, оташи сўзон, ёниб турган олов
зоҳир кўринадиган (аҳли дардларга кўринарли қилай)
мазаллат хўрлик (хўрлик тупроғига)

[Gayratxodja Saydaliyev]

Сообщение от Mahmud Jurat

Тонгла машҳар бўлса мен ишқ аҳлини султониман.

Нурлар жилоланиб юзингдан тошган,
Юлдузнинг ердаги шуъласи сенми?
Ёки етолмасдан хунобим ошган,
Гулларнинг тоғдаги лоласи сенми?

Ҳусн-латофатда бўлиб бетакрор,
Қаддимни лол этдинг, ларзага солдинг.
Қўлингни тутмоққа этмасмисан зор,
Сўролмай лол қолдим, хаёлим олдинг.

Оҳудек ҳуркасан кўз тиккан чоғим,
Аммо юрагингда пинҳондир бир сир.
Бил, муҳтож сен гулга муҳаббат боғим,
Кел, боғда севгидан қурайлик қаср.

Келавер.
Келавер остонам ҳатлаб,
Кошона қасрда сени тахт кутар.
Улуғлар ҳар доим келишган асраб,
Муҳаббат сиймоли буюк бахт кутар.

А.Абдураҳмонов

[Gulchehra Ibragimova]

Сообщение от Gayratxodja Saydaliyev

Муҳаббат сиймоли буюк бахт кутар.

Рост сўзлагин дейдилар бошга қилич келса ҳам,
Тўкилиб тушар тоғлар мард кўзига тўлса нам
Савлати-ю, сийрати, обрў топар элда ҳам
Йигит қасам ичмайди, йигитнинг сўзи қасам!

(қўшиқдан)

[Gayratxodja Saydaliyev]

Сообщение от Gulchehra Ibragimova

Йигит қасам ичмайди, йигитнинг сўзи қасам!

Мен неча жафоу жаврингга сабр этай,
Бир зарра вафоу меҳр йўқ сенда, нетай.
Чун бошим оёғингга қўярга ярамас,
Бошимни олиб оёқ етганча кетай.

Бобур. Рубоий

[Gulchehra Ibragimova]

Сообщение от Gayratxodja Saydaliyev

Бошимни олиб оёқ етганча кетай.

Йиғлайди юрагим пинҳон йиғлайди,
Ёлғон вадаларга билмайин кўндим.
Ҳали ҳам кўзларим сени излайди,
Васлинг умидида девона бўлдим...

Соғиндим билмадинг соғинганимда,
Бевафо келмадинг соғинганимда...

Билмайин босибман муҳаббат йўлин,
Мисоли гулдайин очилмай сўндим.
Қанчалар узатсам етмайди қўлим,
Жамолинг кўрмоққа кўп зора бўлдим...

Соғиндим билмадинг соғинганимда,
Бевафо келмадинг соғинганимда...

қўшиқдан