Bahru-bayt

[Gulchehra Ibragimova]

Сообщение от pipicron

Рад этиб бўлгайму дустлар ошга таклиф килсалар?
Излабон келса шахрима, мени дуст деб билсалар?

Бу ёғи фақат "Р" бўлиб кетди, Масъудбек, ўзиз нимадир деб қўярсиз.. Ошдан кейин лирик чекиниш..менимча яхшидир..

[Mahmud Jurat]

Сообщение от Gulchehra Ibragimova

Излабон келса шахрима, мени дуст деб билсалар?

***
Ривоят қилишар қадим мозийдан,
Эҳромлар, масжидлар, буту калисо.
Тинмайин сиғинмоқ фақат лозимдай,
Ваҳий олиб келар Муҳаммад, Исо.

Тавба, саждамизни буюрган ўзи,
Ўлчаб қўйган ахир ризқу рўз, нонни.
Товуқ сўймоққа ҳам қўймайди кўзи,
Гумонлар комига отган иймонни.

Алҳол бу дунёни ўткинчи атаб,
Эзгулик боғига чорлайди хоним.
Сабоқ керак десак йўқ бирор мактаб,
Саждага бош қўйсам қайнар гумоним.

Ҳайҳот, бу дунёни ўткинчи дедик,
Аммо абадликнинг йўқдир иложи.
Кетмоқ мақсад бўлса биз нега келдик,
Ахир биз ҳаётнинг ердаги тожи.
(С)

[Masud Mahsudov]

Сообщение от Mahmud Jurat

Ҳайҳот, бу дунёни ўткинчи дедик,
Аммо абадликнинг йўқдир иложи.
Кетмоқ мақсад бўлса биз нега келдик,
Ахир биз ҳаётнинг ердаги тожи.
(С)

Инсон абадлик чун қилар илтижо;
Инсоф, диёнатга этса риоя.
Мўминлик шартларин келтириб бажо,
Имонни мустаҳкам тутса, кифоя...

[Mahmud Jurat]

Сообщение от Masud Mahsudov

Имонни мустаҳкам тутса, кифоя...

Яссавийона...
Яссавийдек бошим олиб тупроқ кетсам,
Ўз қалбимга тузлар сепиб забун этсам,
Қуёш қолиб хаёлимда ойга етсам,
Топарманми лазат деган афсонани.

Чанқоқ босмас узум қони ичган билан,
Ошиқ қилиб келавергай ҳар йил кўклам,
Хатоларим такрор қилар нега болам,
Қайдан топгум дунё деган майхонани.

Юрагимда қизил қоним байроқ қилдим,
Гўзалларнинг сиймосига қалбим илдим,
Мен нотавон ошиқликни афзал билдим,
Дунё менга роз кўрмади жанонани.

Афсоналар ўқийвериб мажнун бўлдим,
Маъшуқамга етолмасдан ярим ўлдим,
Майу ҳижрон тўртасига мешдай тўлдим,
Кечир мендек бир нотавон ҳайронани.

Оташларга сиғиндиму авло дедим,
Хочларидан санам ясаб Худо дедим,
Излаб излаб оламлардан тополмадим,
Қалбимдаги каъба деган вайронани.

(С)