[Без оффтопа] Шеър азиз олам аро...

[Tulqin Eshbekov]

Сообщение от Masud Mahsudov

Мен-ку, Сизнинг ёзганларингизга эътибор қилмай қўйганман

Эътибор қилмасдан, ўйламасдан "-"бозлик қилганингиз чатоқ-да...
"Ўзинг бошладинг-ку номард..." (Ҳожибой Тожибоев) қабилида йўл тутиб қўлимни қичитмасангиз, сиз билан заррача ишим йўқ!
Исталганча "юрак синиқ", "учар балиқлар", "менсизлик, сенсизлик", "кўкда юлдуз" каби мантиқсиз ибораларни "шеър"га солиб юраверинг. Бу билан ўзбек тили жа-а завол кўриб қолмас-ов! :|

[Nigora Umarova]

Сообщение от Tulqin Eshbekov

Исталганча "юрак синиқ", "учар балиқлар", "менсизлик, сенсизлик", "кўкда юлдуз" каби мантиқсиз ибораларни "шеър"га солиб юраверинг. Бу билан ўзбек тили жа-а завол кўриб қолмас-ов! :|

Домла, шоирларнинг мақсади - янги сўз, янги фикр, ғояларни "кашф қилиш эмасми?"
"Аёлни илк бора гулга ўхшатган шоир буюк шоирдир. Уни иккинчи марта гулга қиёслаган шоир эса-оддий бир маҳмадона" деганди Гёте...
Шунингдек, яқиндагина Ўзбекистон халқ шоири Эркин Воҳидов билан бўлиб ўтган суҳбатда у киши ,- " Шеърият ҳамиша кашф этишдан иборат. Есениннинг шоирларга айтганини эсланг-а: "Ўзгаларнинг овози билан тўтиқуш ҳам бийрондир, аммо куйла фақат ўз созинг билан, қурбақадек бўлса ҳам ҳатто". Бир қараганда, бу гаплар эскидай туюлади. Аммо улар ўз долзарблигини йўқотгани йўқ. Айниқса ҳозир. Чунки шеър ниҳоятда кўпайиб кетди.
Уларнинг ҳар бирини синчиклаб ўрганиб чиқиш, бир-бирига қиёслаш мутахассислар учун ҳам жуда-жуда мушкул. Улардан таниш ташбеҳлар, таниш образлар ғиж-ғиж! Ҳозир ташбеҳу образ ўғирлаш оддий бир тақлид саналадиган ўлиб қолди", дея таъкидладилар.
Шундай экан форумимизнинг ижодкорлари ўзларининг янги фикрларини, ташбеҳларини "кашф этганликлари" маъқул эмасмикан?..

[Alisher Asror]

Tushungil…

Bahor seni tashlab ketsa ayozga,
Ko`ngil alamlardan muzlasa,
Kuning qolsa dardsiz, aqli sayozga,
U senga duyodan so`zlasa…

Vafodor ko`rinsa eng go`zal ayol,
Qishda bo`y taratsa atirgul,
Hayronalar qolib bermagil savol,
Sen ham tushun, faqat tushungil.

Tushungil,
Tegrangda inson juda kam,
Atrofda million soyalar.
Dili bor , so`zi bor mard ko`zida nam,
Yo`lida tuganmas qoyalar.

Tushungil………………………………
……..bahor seni tashalab ketsa ayozga………

(C)

[OmoN]

Оффтоп:

Сообщение от Alisher Asror

……..bahor seni tashalab ketsa ayozga………

Агар шу сатрларни Масъуд ёзганида баҳордан кейин ёз келиши ҳақида баҳс бошланарди

[Alisher Asror]

КЕЛМАГАНИНГДА


Термулиб интизор кутган,
Кўзимга энди не дейин?
Сабр қил, сабрлар деган ,
Tўзима энди не дейин?
Юракни аврадим ҳар кун,
Юракни алдаб минг бора,
Сенингсиз ўтган яна бир
Рўзима энди не дейин?

[Tulqin Eshbekov]

Сообщение от Nigora Umarova

ташбеҳларини "кашф этганликлари" маъқул эмасмикан?..

Қорани - "кўк" деб ўқувчини чалғитмасалар, дейман-да.
Бир пайтлар "салқин ичимлик" ибрасини роса танқид қилганман. Ўша кезларда бир болакайдан "салқин деганда нимани тушунасан?" деб сўрасам, "Тошкент суви"ни кўрсатган...
Шеър - маърифат! Унда бадиийлик билан бир қаторда илмий, мантиқий фикрлар ҳам завол кўрмаслиги шарт!!!

[Alisher Asror]

Сообщение от OmoN

Агар шу сатрларни Масъуд ёзганида баҳордан кейин ёз келиши ҳақида баҳс бошланарди

Мабодо, баҳордан кейин қиш келиб қолса ҳам тушуниб қўяверинг тўпаланг қилмасдан

[OmoN]

Оффтоп:

Сообщение от Alisher Asror

Мабодо, баҳордан кейин қиш келиб қолса ҳам тушуниб қўяверинг тўпаланг қилмасдан

Мен-ку тушундим... Баҳсни мен бошламасдим.

[Aliya]

Siz faqat meningsiz...

Sahar nasimlari erkalagan chog'
Yonimda bo'ling Siz - bo'ling Sevgilim.
E'tiroz qilmoqqa bitta dalil yo'q -
Siz faqat meningsiz, mening Sevgilim!

Ko'zni ashk og'usi kuydirganda ham,
Hijronlar alamni suydirganda ham,
G'iybatlar jonimdan to'ydirganda ham,
Siz faqat meningsiz, mening Sevgilim!

Sog'inchlar bag'rimni yarolar qildi,
Qalb sizga yetay, deb, duolar qildi -
Bugun diydorlashmoq fursati keldi,
Siz faqat meningsiz, mening Sevgilim!

Demang: "Dunyo asli bir kam, bevafo!"
Bizni bir taqdirda yaratmish Xudo!
Men Sizni hech kimga bermayman!!!
Aslo!!!
Siz faqat meningsiz! Mening Sevgilim!

[Gulchehra Ibragimova]

Ғурурга

Бўйларинг бунчалар узун-эй,
Узатсам қўлларим етмайди.
Дилдаги нолам ҳам маҳзун-эй,
Энди кеч, жароҳат битмайди.

Биласан, не мардлар тиз чўкиб –
Маликам бўл, деди ёлвориб...
Минг бора ён бердим, қўймадинг –
Умидим йўлини ёпволиб...

Мен сенга ишониб, ютқизиб –
Қўйибман, умримнинг борини,
Энди мен аламкаш ғамбода,
Бераман ғурурнинг додини!...

Мен сенинг бўйнингни синдириб,
Тошларга бостириб қўяман!
Аслида мен муштоқ ёримнинг –
Кўзига термулиб тўяман...

Йўлимга ғов бўлма, қоч, ахир,
Бўлмаса кўзингни ўяман.
Ортиқча ғурурдан не фойда?!
Биласан, мен уни... суяман!

Сиртдан-да, боқсалар ғолибман,
Тақдирнинг ўйнидан мағлубман.
Ул узун бўйнингга осилиб –
Тўғриси, кўр бўлиб қолибман...

Ёлворди, тан олмай кетгандим,
Ён бердим, чап бериб кетди у.
Мен сени тошларга бостириб –
Кетаман муродга етгани!!

(с)