Bahru-bayt

[Mahmud Jurat]

Сообщение от Gulchehra Ibragimova

Ахир энди менинг бахтим Онам йўқ ...

***
Қуллар Карфагенни қамал қилдилар,
Юлдузлар қулади улар пойида.
Небир маликалар сочин юлдилар,
Тош қотди саройлар турган жойида.

Бобилга босқинчи тўзони келди,
Коҳинлар қатлиом қилинди тонгда.
Сўғдларнинг саводи бекор қилинди,
Тангри кўкдан тушди қибла томонга.

Заколар авомнинг ақлини йиғди,
Жаҳонгир пойида қалқди Туркистон.
Буюк халқ тўлғониб Алишер туғди,
Бобирни тан олди қадим Ҳиндистон.

Яна жаҳолатда қолди туркийлар,
Бўрилар едилар сўнггакларини.
Бир аср бировга тобе юрдилар,
Қайта-қайта бузди ўз хатларини.

“Ҳарна тақдир бўлса Тангридан” деган,
Мулойим маслаҳат қонларга сингди.
Ўшал пайт тақдирга шимолдан келган,
Босқинчи иванлар елкага минди.

Не ёлғон десалар инонди очлар,
Лекин мағрур ўлди юрт муқумлари.
Қонларга бўялди ёш қорасочлар,
Тўмарис бибидай чиқмади пари.

Етмиш йил бегона кезди бу юртни,
Широқ ҳам чиқмади Акмал рамзида.
Оллоҳнинг файзи ҳам бесамар ўтди,
Қодирий фиғони кетди оғзида.

Тарих осмонини супурди бир кун,
Туркийлар томига ташлади бир нур.
Ушбу нур гирдида йиғилиш мумкин,
Эвоҳ, йўл бермайди “Мен” деган қусур.
(с)

[Gulchehra Ibragimova]

Сообщение от Mahmud Jurat

Эвоҳ, йўл бермайди “Мен” деган қусур.
(с)

Рақибим эмассан, дўстим ҳам эмас,
Нечун сен панадан тошлар отасан?
Жинмисан, шайтонми ва ёки нокас
Ниқобингни ечиб юзинг кўрсат, БАС!

(Ч.Б)

[Alisher Asror]

Soling ko`ngilga yaxshilik,
Tabassum iling lablarga,
Quyosh haroratin bering,
Bering iliqlik qalblarga.

Toki dunyo titramasin,
Sovuq yuz ichi muzlardan,
Toki qalblar yig`lamasin ,
Achchiq yosh to`kib ko`zlardan.

...

(C)

[Mahmud Jurat]

Сообщение от Komil Eriev

Mеni yuragingga yaqin ol, xudo!..

* *
Остонамнинг ортида мени
Кутиб турар мўниқ ўтмишим.
Келажакнинг уйдаги думи,
Ҳаяжонга солар эс ҳушим.

Ўтмишимга ёлвориб секин,
Болалигим сўрайман аста.
Остонамдан киролмас, лекин,
Хотираси ўхшайди мастга.

Сўраганда бирор тафсилот,
Ёрқин ёрқин саҳфалар айтар.
Олиб қочар баъзан хаёлот,
Келажагим ўтмишни ҳайдар.

Мен аросат боғида ҳар дам,
Ўтмишимни уйдан қуваман.
Келажакнинг ортидан қувсам,
Қочиб қолар бирдан неварам.
(с)

[Masud Mahsudov]

Мен сени бахтиёр кўрмоқ истайман,
Қувончдан кулишинг, яйрашинг чиндан.
Кўнглимда барини бермоқ истайман,
Эзгу ниятларим айтиб кунгилдан.

Мусаффо осмоннинг мовий рангини,
Ва туннинг малаги ойнинг - янгини,
Тоғлар шалоласин шўх жарангини,
Сенда мужассамлигин туймоқ истайман.

Кўнгил кўчаларим, йўлим шаҳримни,
Бағишлаб дилимда бори сеҳримни,
Битта қалб берганча бериб меҳримни,
Яқин инсонимдек суймоқ истайман.

Ҳаётнинг мушкулин енгиб ҳамнафас,
Ноумид ўйларга қўйиб мен қафас,
Бахтли инсонларга қилиб чин ҳавас,
Сен бирла бир йўлдан юрмоқ истайман.

Доимо маст бўлиб бахт суруридан,
Ажратиб жой сенга юрак тўридан,
Қуёшнинг энг азиз, ёрқин нуридан,
Қалбингда жаннатни қурмоқ истайман.

Мен Сени бахтиёр кўрмоқ истайман...

(с)

[Nigora Umarova]

Сообщение от Masud Mahsudov

Мен Сени бахтиёр кўрмоқ истайман...

(с)

Na bo'lg'ay yashashni sal oson qilsang
Qil sig'magan ko'ngling
Shu'laga to'lsin.
Har namoz orasin ramazon bilsang,
Bir kunda besh hayit
Muborak bo'lsin!

A'zam O'ktam

[Masud Mahsudov]

Не сирларнинг маконидирсиз?
Сизда қайси фаришта кўнгли?
Иболарга яширинган қиз,
Кўзларингиз бунчалар мунгли?

Куз таъсирин ўтказмиш юзга,
Тунни ташлаб ўтинг кундузга,
Шудринг тушмиш кипригингизга,
Кўзларингиз бунчалар мунгли?

Оғридими ичингиз ногоҳ? –
Маъюсликка бурканган нигоҳ,
Не бўлсаям қилингиз огоҳ,
Кўзларингиз бунчалар мунгли?

Чеҳрангизда гарчи табассум,
Ботинингиз йиғларми сим-сим?
Узоқларга термулганча жим,
Кўзларингиз бунчалар мунгли?

Ўрин борми озгина арзга?
Малҳам айланг юраги дарзга,
Қарашингиз берингиз қарзга,
Кўзларингиз бунчалар мунгли?

Чашмингизнинг икки соҳили,
Ёмғирларнинг бўлмиш дохили.
Андуҳингиз недир охири?
Кўзларингиз бунчалар мунгли?

Ўйингизга тушиб кетсайдим,
Ўзим бирла меҳр элтсайдим,
Жиндек қувонч ҳадя этсайдим,
Кўзларингиз бунчалар мунгли?

Боқишингиз бу қадар ғамгин,
Кўзларингиз бунчалар мунгли?

(с)

[Nigora Umarova]

Сообщение от Masud Mahsudov

Кўзларингиз бунчалар мунгли?

(с)

Isyon aro qolgan ibtilonimu deyin?
Ma'mur etkon nafsu dag'onimu deyin?
Yo'q toat ila kibru riyonimu deyin?
Yaxshi demak o'z bu balonimu deyin?

Alisher Navoiy

[Sirim]

...
Negadir istardim qiynalishingni,
Yuragingga kamand solmoqchi edim.
Onangga aytolmay qolsang tushingni...
Men sening yodingda qolmoqchi edim.
...
I.Mirzo

[Nigora Umarova]

Сообщение от Sirim

...
Men sening yodingda qolmoqchi edim.

Munglug' boshim ostidagi toshimnimu dey,
Tosh ustidagi g'arib boshimnimu dey.
Hasrat suyidin ko'zimda yishimnimu dey,
O''lmakdin sa'broq maoshimnimu dey?

Alisher Navoiy