Кун мавзуси

[Bobir Samadov]

Сешанба куни (01.03.2011) "Ёшлар" телеканалида "Кулфат карвони" деб номланган хужжатли фильм намойиш этилади. Ушбу фильмда гиёхвандлик балоси яна бир бор тилга олинади.

[Gulchehra Ibragimova]

Муҳтарам ижодкорлар ва барча қизиқувчилар диққатига!
Эртага 2011 йил 1 март куни суюкли ҳаттот шоира Зулфияхоним таваллуд айёмлари муносабати билан адабий учрашув (Мушоира) ва "Ҳайкал пойига гул қўйиш" тадбири (соат 14-00да) бўлиб ўтади.

Шунингдек, жорий йилнинг 4 март куни "Хотин-қизлар байрами" муносабати билан азиз онажонларимиз ва аёлларимизга бағишланган яна бир мушоира ўтказилади. (11-00да). Мазкур тадбирлар бўйича "Ўзбекистон адабиёти ва санъати" газетасида эълон берилган. Шеърият билан ошно қалблар иштирок этишлари мумкин. Қўшимча маълумот учун "Ёзувчилар уюшмасининг қабулхонаси тел.239 26 91

[Javohir Mahmudjonov]

Xurmatli sayt xodimlari bir savolim bor, bilamizki zn.uz dagi bloglardagi so'nggi faolliklar zn.uz sayti bosh sahifasida chop etiladi, men o'z blogim ga ko'p ma'lumotlar qo'yaman, ammo yuqorida aytgan joyda chop etilmayapti, nima uchun?

[Nigora Umarova]

Сообщение от Javohir Mahmudjonov

Xurmatli sayt xodimlari bir savolim bor, bilamizki zn.uz dagi bloglardagi so'nggi faolliklar zn.uz sayti bosh sahifasida chop etiladi, men o'z blogim ga ko'p ma'lumotlar qo'yaman, ammo yuqorida aytgan joyda chop etilmayapti, nima uchun?

[MOD]Javohir Mahmudjonov!
Ziyonet portali qoldirsangiz ma'qul bo'lardi.[/MOD]

[Tulqin Eshbekov]

Эрталаб қуёш чарақлаб кетса, мен учун куннинг энг яхши мавзуси шу бўларди. Қуёш кулса, олам ёришар, олам ичра кўнгил олами ҳам бўлар мунаввар! Бундай кўнгилда эса бўлмас сира ғам, ғуссадан йироқ кўнгил меҳнатга ҳамдам!

[Shokir Dolimov]

Сообщение от Tulqin Eshbekov

Эрталаб қуёш чарақлаб кетса, мен учун куннинг энг яхши мавзуси шу бўларди. Қуёш кулса, олам ёришар, олам ичра кўнгил олами ҳам бўлар мунаввар! Бундай кўнгилда эса бўлмас сира ғам, ғуссадан йироқ кўнгил меҳнатга ҳамдам!

Ассалому алайкум, домла. Форумга қайтганингиздан жуда хурсандман. Сизнинг пурмаъно, баъзан нозик танқид ила ёзадиган сўзларингизни энди ўқий олмасам керак, деган хаёлга борган эдим. Назаримда сизсиз форумнинг бир бурчаги ҳувиллаб қоладигандай бўлди. Баҳор қуёшига келсак, «нур борки, соя бор» деганларидек, сумкангизга соябон солиб юришни канда қилманг

[Anvar Atakhanov]

7 mart-Telefon kuni!
1876 yil 7 mart kuni Aleksandr Bell telefonni ixtiro qilgani uchun #174465 raqamli patentni oladi.


Qani endi telefonsiz biror kuningizni tasavvur qilib ko'ringchi

[Shokir Dolimov]

Бугун 8 март – Халқаро хотин-қизлар куни юртимизнинг жажжи қизалоқлари-ю, ўқувчи ва талаба қизларини, уй бекалари-ю, бепоён далаларимизда тер тўкаётган деҳқон ва чорвадор аёлларини, турли завод ва фабрикаларда меҳнат қилаётган ишчи ва хизматчи аёлларини, вазирлик ва идоралардаги катта-кичик лавозимларда Ватанимиз равнақи, порлоқ истиқболи йўлида масъулиятли вазифаларни ҳал этаётган мансабдор аёлларини, дипломатия корпусида халқаро муносабатларимизни йўлга қўйиб, янада мустаҳкамлаётган аёлларини, биринчи ледиси ва унинг қизларини, барча онахонлар, амма-ю, холаларни чин қалбимдан табриклаб, уларга соғлик-саломатлик, узоқ умр, омад, бахт-саодат тилаб қоламан.
Аммо юртимиз мудофааси, хавфсизлиги ва миллий манфаатларини ҳимоя қилиш йўлида эркаклар билан теппа-тенг меҳнат қилиб, ҳақиқий ҳарбий хизмат ўтаётган хотин-қизларимизга айтадиган алоҳида дил изҳорларим бор. Ижозат берсангиз:

ФОРМАНГ БИРАМ ЯРАШАР

Ўзбегим осмонига
Қуёш чиқибди янги,
Сара-сара қўшинлар
Форма кийди яп-янги.

Миллатим эрки учун
Жонни фидо қилишар,
Улар ичра сен ҳам бор -
Форманг бирам ярашар.

Машаққатли машқларда
Йигитлар чиниқишар,
Сафимизда юрасан тенг -
Форманг бирам ярашар

Атлас кўйлак кийган қизлар
Ҳайрат ила тикилар,
Сен юлдузсан тонгда ўчмас -
Форманг бирам ярашар

Кулиб тургин жонон қиз
Кулгинг чарчоқни енгар
Жонга оро севгим мени -
Форманг бирам ярашар

Д

[Bobir Samadov]

Ўзбекистондаги энг оммабоп ёшлар лойиҳаларидан бири – “Келажак овози” республика кўрик-танловига аризалар қабули бошланди. Фонд Форум, “Келажак овози” ёшлар ташаббуслари маркази ва «Камолот» ЁИҲ ҳамкорлигида анъанавий тарзда еттинчи бор ўтказилаётган танловда юртимиздаги иқтидорли йигит-қизлар иштирок этишлари мумкин. Ўтган йилдан бошлаб аризаларни тўғридан-тўғри он-лайн тарзда тўлдириш имконияти яратилди.
Анъанага кўра 2005 йилдан бери ўтказилаётган танловда 15 ёшдан 25 ёшгача бўлган ёшлар ижодий, илмий ва ижтимоий фаолиятнинг турли йўналишлари бўйича иштирок этишлари мумкин. Танлов йўналишлари:
* Архитектура ва дизайн (архитектура, либос дизайни, интерьер ва ландшафт дизайни);
* Ахборот технологиялари, рационализаторлик таклифлар ва техник ишланмалар (веб-ишланмалар, дастурий таъминот, техник ишланмалар, рационализаторлик таклифлари, менеджментни яхшилаш таклифлари, администрациялаш ва ишлаб чиқариш жараёнини тизимлаш);
* Миллий ва амалий санъат (тасвирий санъат, амалий санъат, фольклор, рақс);
* Бадиий ижод ва публицистика (поэзия, проза, публицистика).
Шу йилнинг 1 майига қадар лойиҳада иштирок этиш ниятидаги ёшлар барча вилоятлардаги “Келажак овози” ЁТМ ва “Камолот” ЁИҲ бўлимларига ўзларининг ижод намуналари, рационализаторлик таклифлари, илмий ишлари ва кашфиётларини топширишлари ва ўзаро ғолиблик учун беллашишлари мумкин. Ўтган йилдан бошлаб аризаларини www.kelajakovozi.uz ва www.molodej.uz сайтларида онлайн тўлдириш имконияти яратилгани иштирокчилар сонининг янада ошишига сабаб бўлди.
Танлов йил мобайнида 3 босқичда ўтказилади. Биринчи босқич - аризалар қабули: бир неча ой мобайнида бутун республикамиз бўйлаб аризалар қабул қилинади. Иккинчи босқич - туман, шаҳар ва вилоят саралаш босқичи: Таниқли фан, маданият ва санъат соҳаси вакилларидан иборат ҳакамлар ҳайъати аъзолари истеъдодли ва фаол ёшларни кашф этиш жараёнида бевосита иштирок этишади. Учинчи босқич - Тошкентда бўлиб ўтадиган республика финал босқичи: вилоят саралаш босқичида ўзини тўкис намоён эта олган иштирокчилар Тошкентда бўлиб ўтадиган республика финал босқичига йўлланмани қўлга киритадилар. Бир ҳафта давомида якуний босқич иштирокчилари танловнинг Фонд Форум Василик кенгаши раиси Гулнора Каримова бошчилигидаги Жамоатчилик кенгаши ва ҳакамлар ҳайъати аъзолари олдида ўз лойиҳаларини тақдим этадилар.
Эслатиб ўтамиз, ўтган йили танловга 71 024 нафар иштирокчи ариза топширган, саралаш босқичлари чоғида эса 45 нафар ғолиб саралаб олинган эди. Ғолибларни тантанали тақдирлаш маросими 2010 йил 24 декабрь куни ўтказилиб, уларга диплом ва совғалар топширилди. Танлов ўтказилиши пайтида олий ўқув юртларида ўқиётган ғолибларга «Келажак овози» стипендияси берилади. Қолганларига эса Таълим грантини қўлга киритиш имтиёзи берилади.
2010 йил 12 август - Халқаро ёшлар кунида БМТнинг Ўзбекистондаги ахборот марткази (UNIC) ҳамда Аҳолишунослик фонди (UNFPA) томонидан «Келажак овози» танловини ёшларга қаратилган Энг яхши лойиҳа дея эътироф этилди. Бугунги кунга келиб «Келажак овози» ёшларга қаратилган миллий танлов даражасига етди. 2006 йилда танлов асосида “Келажак овози” ёшлар ташаббуслари маркази ташкил этилди. Минглаб иқтидорли ёшлар мазкур марказда ўз ғоя ва лойиҳаларини ҳаётга тадбиқ этишлари мумкин.

[Pfefferminze]

InshaAllah, yaqinda yurtda bo'laman. Bir vaqtlar yaxshigina sportchi qiz edim. Shuni yurtda davom ettirmoqchiman. Kim biladi, qayerda aikido kurslari bor? Men bir vaqtlar boshlagan bu sport turini yana tiklab davom ettirish niyatidaman.

Qayerda yozishni bilmadim, chunki Sizlardan boshqa na vizual na virtual tanishlarim bor. 10 yillik musofirchiliknning oqibati bu.

R