Kino va tomоshabin o'rtasidagi masofa yaqinmi yoki uzoq?!

[Masud Mahsudov]

Сообщение от axmedovshuhrat

умуман жамиятимизни шунга ўхшаш кўп чегаралашлар орқали уни қил, буни қил деб ақл ўргатишга ҳали ўзимиз ҳам ёшлик қилсак керак.
эркак-аёл муносабатлари этаги остидан жамиятимизда кечаётган жараёнларга муносабат билдира билиш ғояси ётган фикримча (файласуфона), ўйлангчи биз агар бугун ҳар нарсага тўсиқ қўйишга ўргансак, ҳар нарсани ўзимизнинг миллийлигимизга ёт деб билсак эртага дунё цивилизациясидан узилиб қолмаймизми?
ўйлашимча болалар мультфильми бўлгани каби катталар фильми бўлиши фожеа эмас.
миллийлигимизга тўғри келмаса нима деб ўйлайсиз, миллийлигимизга нима тўғри келади - жим ўтиришми? "хўп" дейишми? уятми?
бу фикрларим айнан фильм призмаси орқали жамиятдаги бошқа муаммоларга бағишланади.
биз ёшларни ҳар нарсадан асраганимиз сари натижа нима бўлаяпти? эртага уларга нима таклиф қила оламиз? бугун қилган чегаралашларимизга улар эртага нима жавоб қилишади?

Gapingizda jon bor, ko'pimiz bunday deyishga, balki, yoshlik qilarmiz...
Ta'qiqlangan mevaga intilish kuchli bo'ladi, degan gap bor, to'gri, inson psixologiyasi shunaqa; bir narsani man qilib qo'yilsa, shu narsani qilishga intiladi. Bu insonning nafsi qanchalik kuchli yoki imoni qay darajada butubligini belgilab beruvchi mezon hamdir. Yuqorida gapirilgan muammoga milliy libos bermaylik, mayli, urf-odatlarimizga ham taqamaylik. E'tiqodi bus-butun bo'lgan inson sifatida o'ylab ko'ring, bu qanchalik to'gri yoki noto'gri. Masalan, odamzot o'z farzandiga barcha yaxshiliklarni berishni xohlaydi, shunday emasmi? Yaxshi ota yoki ona sifatida Siz o'z jigarbandingizga o'shanaqa bema'ni ssenalarni ko'rishni tavsiya etarmidingiz? Xudo ko'rsatmasin, qizchangiz yoningizda shunday behayoliklarni ko'rib o'tirsa, yarashadimi?

Biz yoshlarimizni bunday fisqu fujurdan asray ololmayapmiz, eng katta muammo mana shu. Shu paytgacha ota-bobolarimiz bizga taklif qiligan narsalar, nasihatlar, o'gitlar, hadislar orqali biz oq va qorani tanib kelayapmiz va kelgusida o'z avlodlarimizga ham halol va xarom haqida yaxshi maslahatlar berishimiz zarur va shart...

[Husniddin]

Mening fikrimcha biz o'z ma'daniyatimizdan kelib chiqib kino ishlashimiz kerak

[starter]

Qanaqadir haykallar to'g'risidagi komediya janridagi filmni ko'ruvdim. Yoqdi. Nomi esimda yo'q.
Kecha TV da "Ko'rgilik" degan film bo'ldi. Filmni tushunmadim. Falsafiyroq ekan shekilli. Sarguzasht film ishlamaydimi undan ko'ra.
"Sevgi fazosi" degan filmni ko'ruvdim 6-7 yillar oldin. Film bilan nima deyishmoqchi bo'lishgan tushunmadim. Hatto uiymdagilar ham tushunishmagan edi. U filmda hatto falsafa ham yo'q.
"O'zimdan o'zimgacha" degan filmni ko'ruvdim. Kulgili joylari yoqdi.
"Osmondagi bolalar" degan filmni ko'ruvdim. Film bilan nima demoqchi bo'lishgan tushunmadim. Nomiyam g'alati.

[Fayzbek]

Сообщение от Husniddin

Mening fikrimcha biz o'z ma'daniyatimizdan kelib chiqib kino ishlashimiz kerak

Bizni kino va teatr olamiga ham garbcha madaniyatsizliklar kirib kelishi kuzatilmoqda, bu haqida mana shu erda.
Lekin madaniyat sohasida o'qib ta'lim olganlarni o'zlari bu masalada qanday fikrdalar? Bu haqida asosiy ma'lumotlar shu erda.

[Husniddin]

Ma'daniyatga qanday va qay ko'z bilan qaramang unda din ustuvor. Shuni hisobga olish kerak.

[Fayzbek]

Сообщение от Husniddin

Ma'daniyatga qanday va qay ko'z bilan qaramang unda din ustuvor. Shuni hisobga olish kerak.

Fikringizni hurmat qilaman, lekin;
Hamma ham bunday o'ylamasa kerak, iltimos fikringizni isbotlashga harakat qilsangiz, bizga ham tushunarliroq bo'lardi...
Ma'naviyat bu dini islomda bo'lishlik ekanligini eshitgandim lekin bunaqasini eshitmabman. Hurmat bilan Fayzbek.

[Kavsar]

negadir o'zbek seriallari zerikarliroq chiqmoqda. Tutash taqdirlar, keyin o'zi uylanmagan sovchimidi otlariyam g'alati. Serillarimizni hammasi negadir bir xil syujetda..

Menga eng yoqqani bu "Mehmonjonlar" seriali. realroq chiqqan shunisi, ham qiziq..

[Kavsar]

Сообщение от Husniddin

Mening fikrimcha biz o'z ma'daniyatimizdan kelib chiqib kino ishlashimiz kerak

Siz madaniyat demoqchimisiz yoki ma'naviyat demoqchi edingizmi?

[Lutfillo Tursunov]

Сообщение от axmedovshuhrat

Ким "Илова P.S." фильмини кўрган? Қандай фильм у қисқача тушунча бериб юборсангиз.

Агар Ёлқин Тўйчиевнинг "Илова"сини назарда тутаётган бўлсангиз (P.S. деган жойига кўзим тушмаганди), мен кўрганман.
Бунақа филмларнинг кино тилидаги жанри қанақалигини билмадиму, менга бу тоифа кинолар актёрнинг маҳоратига таянилган услубда ишланадигандек таассурот қолдиради.
"Илова"нинг "қиссадан ҳисса шуки" деб охирида хулоса чиқарадиган жиҳатини сезмадим, аммо актёрларнинг ижро маҳорати, ўзига хос фантазияларнинг ишлатилгани томошабинни филмни кўришга мажбур этади. Бош ролни Нозим Тўлахўжаев "Ўтов"даги каби маромида ижро этган.
Умуман олганда, бу тоифа филмларни томоша қилиб туришнинг ҳам ўзгача гашти бор. Кўришни тавсия этган бўлардим.

[Lutfillo Tursunov]

Сообщение от axmedovshuhrat

бу фикрларим айнан фильм призмаси орқали жамиятдаги бошқа муаммоларга бағишланади. биз ёшларни ҳар нарсадан асраганимиз сари натижа нима бўлаяпти? эртага уларга нима таклиф қила оламиз? бугун қилган чегаралашларимизга улар эртага нима жавоб қилишади?

Агар чекловларга қаршиликни киночилигимиз доирасида муҳокама қиладиган бўлсак, мен шахсан хусусий филмларда ўпишиш саҳналарига мутлақо қарши чиққан бўлардим. Нега?
Биринчидан, аввал "Ўтган кунлар" савиясида кино ишлашсин, кейин қўшишса ярашади. Ҳозирги ҳолатда рухсат берилса киноларимизда асосий урғу ўша саҳнага қаратилади. Шундоғам айрим филмларимиз айнан кўрсатмаса-да шунақа таассурот қолдирадиган саҳналардан фойдаланяпти.
Масалан, "Суперкелинчак"даги келин қайнонани масаж қилаётган ҳолатни эсланг. Уйдан чиқаётган овозга эр (Мурод Ражабов) қандай "реагировать" қилади. Бу ҳолат(овоз, саҳна) биринчи таассуротда "ҳалиги" йўлга етаклайди.
Яна битта филмда (номи эсимда йўқ) бўш-баёв йигит (Улуғбек Қодиров)ни амакиваччаси (Фаррух Соипов) "тарбияламоқчи" бўлади. Уни бир қизникига олиб боради. Кадрда қоронғилик, қизнинг овоз келяпти: "Пастроқ, пастроқ..." Томошабиннинг хаёлига нима келади?! Кейин бирдан свет ёнади, оказывается йигит олижаноблик қилиб "включател"ларни тузатиб юрган экан. Аммо бу саҳналарни кинога киритишдан мақсад нима? "Чёрный юмор"дан фойдаланишми? Аслида бунақа яширин, ненормал фикр уйғотадиган саҳналардан самимий муҳаббат саҳнаси минг марта яхшироқ.
Хусусий филмларнинг аввал бадиийлиги ошсин, кейин ўша "Ўтган кунларда"ги каби саҳналар эриш, бегона туюлмайди.
Яқинда "Воиз"ни кўрдим. Унда ҳам эр-хотинлик муносабатлари, ишқий саргузаштни намоён этадиган айрим саҳналар бор. Лекин кўрганда ёқимсиз таассурот уйғотмайди, чунки филм моҳияти, урғуси бу саҳнага қаратилмаган. Кино профессионал ишлангани учун барча саҳналар табиий равишда ўзаро бир мазмунга сингиб кетган.
Хуллас, профессионалликда гап кўп. Ҳар бир саҳнанинг қандай таассурот қолдириши унинг томошабинга қай даражада маҳорат билан тақдим қилинишига боғлиқ. Асосан ёш режиссёрлар яратаётган хусусий филмларимиз бу даражага чиқиши учун анча қовун пишиғи бор.