Оила муаммолари

[Tulqin Eshbekov]

Сообщение от Nigora Umarova

oila muammolarini

Фикрингиз жуда тўғри! Номи ўзимга ҳам ёқмай турганди. Илтимос, саҳифамиз номини - "Оила ҳангомалари" деб ўзгартириб берсангиз. Бу мавзуга оид ёзганларимиз ёш оилалар қўрғонини мустаҳкамлашга хизмат қилса нур устига аъло нур бўлур эди!
Муҳими, оила ҳангомаларига монанд гап (асар, мақола)лар нинг теги мўл!
Қолаверса, бу мавзуда ҳам зукко, фикри теран, азиз ва қадрдон форумдошларимнинг гўзал муносабатлари (дурдона сўзлари)ни кутиб қоламан.

[Tulqin Eshbekov]

Сообщение от Anvar Latipov

ўйнаяпсизми?

Ўйинчиларга ўйнатиш қанақа бўлишини кўрсатиб қўмоқчиман, демоқчи эмасман, деганим ҳам йўқ, демайман ҳам! Ё дедимми?

[Tulqin Eshbekov]

SOVCHILAR

(Boshi o`tgan sahifalarda)

Shu on qulog`im tagida telba tovush shivirladi:
– Hali «Moxov»ga oshno bo`lib qolsak-a...
– Chush-sh-sh.– Pashsha haydagandek yelkam bilan uning tumshug`iga turtib qo`ygancha ko`nglimga kelgan gapni aytdim.– Farishta omin deb yubormasin...
Bismillo, deb o`rnimizdan turdik.
Buvimizning rizoligi to`yga tayyorgarlik boshlanganidan nishona edi. Bu nishona jo`ramning umid kurtaklarini barg yozdirdi. Ha demay olis Surxondaryo tomon yo`lga otlanamiz!..

(Davomi navbatdagi sahifalarda)

[Tulqin Eshbekov]

SOVCHILAR
(Boshi o`tgan sahifalarda)

Sovchilikka o`zim boraman, deb lof urgan tog`asi jo`ramning qo`ynini puch yong`oqqa to`ldirib yurgani oshkor bo`ldi. Buvimiz rozi bo`lganini eshitib, avval quti uchdi. So`ng, u bilan avvalroq boshqacha "kelishgani"ni bildirib qo`ydi:
– Opam rozi bo`lmasligi kerak edi-ku?!
– Naga unday deysiz?..– Bo`yin tomiri bo`rtib so`radi jo`ram.– O`ziyiz, buving rozi – xudo rozi, devdiyiz-ku?..

(Davomi navbatdagi sahifalarda)

[Tulqin Eshbekov]

SOVCHILAR
(Boshi o`tgan sahifalarda)

Tag`in dilxiralik bo`lmasin deb oraga tushdim:
– Buvijonimiz zamonaviy yoshlarni to`g`ri tushundilar!..
Tog`asi uf tortib, dashnom berdi:
– Bechoraning boshini xo`b aylantiribsilar-da, a?! Axir, o`zi kelin topgandi-ku! Musallam xola bilan gaplashib qo`ygan! Nevarasi ko`hlikkina! Billa o`qigansilar, shekilli. Barakalla! O`shanga uylanavermaysanmi! Ah, o`g`lim bo`lganida o`zimizdan ortmasdi-ya... Uzoqning bug`doyidan yaqinning somoni yaxshi, degan gapni eshitgansan! Javzoning jaziramasida o`shaqqa borib-kelish o`zi bo`ladimi?– U Jo`raqulning elkasiga qoqib qo`yarkan, o`zicha "o`yin"dan chiqishga harakat qildi.– Uzoq yo`lga yaramayman, jiyan, o`rnimga Lola kennoying bora qolsin.

(Davomi navbatdagi sahifalarda)

[Tulqin Eshbekov]

SOVCHILAR
(Boshi o`tgan sahifalarda)

Tog`asi to`nini teskari kiygach, amakisi ham bo`zardi. Aslida o`zi «jon kuydirmasang, jonona qayda!» deya xo`b gij-gijlagan edi. Endi og`ziga nos solib, soqovlandi:
– Tog`amiz bormagan joyga oyog`im tortmaydi. O`nnimga Maxfirat kennoyingni yuboraman. Kelishdikmi?
U, qoyil qildimmi, degandek ko`z qisib qo`ydi.

(Davomi navbatdagi sahifalarda)

[Tulqin Eshbekov]

SOVCHILAR
(Boshi o`tgan sahifalarda)

Demak, ular ish chippakka chiqishiga ishongan. Buvisi oyoq tirasa, nevarasi qayga borardi, deb o`ylashgan...
Bu gaplardan xabar topgan Zaynab buvi g`azab otiga mindi. O`z iborasi bilan aytganda ikkovini ham «yer bilan bitta» qildi:
– Rahmatli Janiqul tirik bo`lganida sanlarga yalinadigan axmoq yo`g`idi. Nima jin urdi, Pirmat? Va’dang esdan chiqdimi? Sadqai tog`a ket-e! Abdullani-ku aytmasayam bo`ladi. O`rgimlid sandaqa tog`ayu amakidan.– U gapni cho`rt kesdi.– Qani, shu bolaning to`yiga xizmat qilmay ko`ringlar-chi...
Quyundek bosh ko`tara boshlagan g`alvaning oldi olinmasa oqibati yomon bo`lishiga ko`zi etgan Pirmat tog`a murosai madora uchun darrov buvimizning yoniga cho`kdi:
– Shungayam ota go`ri – qozixonami, opa? Jiyanga tegishdik. Ha-ha, hazillashdik. O`zimizdan bo`lak kim borardi sovchilikka!..
Shamol esishiga qarab turlanadigan Abdulla amaki ham o`ziga keldi. Bosh irg`ab, ma’qullarkan, jo`ramning elkasiga turtib qo`ydi:
– Yigit so`zidan qaytmadimi, izidan qaytmas arslondek borganimiz bo`lsin! Kelinni qopda bo`lsayam olib kelamiz! Hi-hi-hi...
Kuldirish uchun aytgan gapiga o`zidan boshqalar tishining oqini ham ko`rsatmadi. Ensasi qotgan buvimiz xavotirga tushdi:
– Ishqilib, qosh qo`yaman, deb ko`z chiqarib qo`yma... Qani, omin, hamma o`ylagan niyatiga etsin, yoshlar baxtli bo`lishsin...
Jo`ramning quvonchiga sherik bo`lib, to`y taraddudini ko`ra boshladik.

(Davomi navbatdagi sahifalarda)

[Tulqin Eshbekov]

Ўйламай-нетмай, ёритилаётган ҳикоямизнинг охиригача ўқимай туриб "-" белгисини қўйиш "эстафета таёқчаси" Файзбекка ўтганини ким қандай тушунади, билмадим, менимча бу жамоатчилик фикрини чалғитишдан баҳра оладиган бир шахснинг навбатдаги ниқоби бўлса керак. Илгари у қандайдир "чой ҳиди" маъносини берувчи лақаб билан минусбозлик қилганди, сўнг ожизалигини ошкор этиб хайрлашганди, ундан илгари яна бошқа ниқобларда шунақа жиғимизга текканди, демоқчи эмасман, деганим ҳам йўқ, демайман ҳам! Чунки, бунақа бетайин "баҳс"лар орқасидан ҳадеб огоҳлантириш олиш ва вақти-вақти билан блакировка(тилга буров солиниши)дан безиб қолдим...

[Shomurodov Shohruh]

Tulqin Eshbekov, хали хам тушунмадизми нимага минуслар бунча купайганини? Агарда хикояни хаммасини бир хабарда (жуда хам катта булса икки ёки уч) колдирсангиз, шунда минус хам камаяр эди. Форумнинг мавзуларини куриб чиксангиз Хусеннинг ёки бошкаларнинг колдирган асарларини курардингиз. У ерда хеч ким битта хикояни 10 варак мавзуга чузган эмас! Хали хам "Зиёнет"нинг модерлаторлари унчалик каттиккул эмас. Агарда "общий раздел"да шундай килганингизда, аминманки яна битта блокировка олиб бир хафта хеч нарса ёза олмасдан юрардиз. Нэтикет деган нарсалар бор, интернетда агарда ижодингизни эълон килмокчи булсангиз, бошкаларни хам хурмат килинг! Бирри икки катор гапни чикариш эса хеч канака мантикка тугри келмайди. Тугрисини айтаман, агарда шу туриш давом этса ва Сиз томонингиздан минус куювчиларга яна шунака даг-дага булса узим форум администрациясига оверсквоттинг ва флуд учун Сизнинг устингиздан арз киламан.

[Tulqin Eshbekov]

Сообщение от Shomurodov Shohruh

арз

Бу хатоингизни салгина улғайгандан кейин англаб етасиз, деган умиддаман. Ҳозирдан шикоятбозликка ружу қўймасдан кўпроқ мутолаа қилишингизга, ҳаёт сабоқларини ўқиб-ўрганишингизга тилакдошман.