Kino va tomоshabin o'rtasidagi masofa yaqinmi yoki uzoq?!

[OmoN]

Яқинда эшик ҳақидаги бир фильмни қайта кўрсатишди. Иккита актёр (эркак ролини Ҳожиакбар Нурматов ижро этган. Аёл ролидаги актрисанинг исмини билмайман.) билан ажойиб картина суратга олишган. Фильмнинг ҳақиқий номи эсимда йўқ. "Эшик" ёки "Сирли эшик" бўлса керак. Кўрмаганларга кўришни тавсия қиламан.

[Nigora Umarova]

Сообщение от Lutfillo Tursunov

Томошабин ёшларимиз савияси, уларнинг орасидаги айрим одобсизликларни фақат киночилигимизга боғлаш ҳам тўғри эмас. Шу филмлар чиқмаган тақдирда ҳам тарбия масаласида бугунги аҳволни кузатган бўлардик. Ахир тарбия масаласи эрамиздан аввал ҳам муаммо бўлган, кинолар ишланса ҳам, ишланмаса ҳам бундан кейинам бўлаверади

Тўғри, ёшларнинг тарбияси фақат киночилигимизга боғлиқ эмас. Бироқ кинофильмлар ҳам тарбияга таъсир этувчи маълум бир фактор, оммавий маданиятни татбиқ этувчи воситадир.
Масалан, бош ролни Алишер Узоқов ўйнаган "Учрашув" фильмини олайлик. Оила қурмоқчи бўлган йигит ва қизнинг учрашув саҳнаси бор. Иккаласи ҳам "блатной"ча, ҳақоротомуз, "кўча тили"да гаплашишади. Санъат ҳаётнинг бадиий акси, гўзалликни акс эттиради. Бироқ фильмларда "гўзаллик"ни бундай акс эттириш керакмикан?!..

[Nigora Umarova]

Сообщение от OmoN

Яқинда эшик ҳақидаги бир фильмни қайта кўрсатишди. Иккита актёр (эркак ролини Ҳожиакбар Нурматов ижро этган. Аёл ролидаги актрисанинг исмини билмайман.) билан ажойиб картина суратга олишган. Фильмнинг ҳақиқий номи эсимда йўқ. "Эшик" ёки "Сирли эшик" бўлса керак. Кўрмаганларга кўришни тавсия қиламан.

Шароф Бошбеков сценарийси асосида олинган "Тақдир эшиги" фильми. Бош ролларни айтиб ўтганингиздек раҳматли актёр Ҳожиакбар Нурматов ва актриса Дилором Қамбарова(актриса "Тўйлар муборак" фильмида дорбоз қиз эпизодини яратган) ижро этишган. Икки инсоннинг психологизми ажойиб тарзда очиб берилган.

[Bekmirzo]

Сообщение от Nigora Umarova

Шароф Бошбеков сценарийси асосида олинган "Тақдир эшиги" фильми. Бош ролларни айтиб ўтганингиздек раҳматли актёр Ҳожиакбар Нурматов ва актриса Дилором Қамбарова(актриса "Тўйлар муборак" фильмида дорбоз қиз эпизодини яратган) ижро этишган. Икки инсоннинг психологизми ажойиб тарзда очиб берилган.

Оффтоп:

Qambarova xonim o'z vaqtida ja dahshat aktrisa bo'lganlar lekin

[Lutfillo Tursunov]

Сообщение от Nigora Umarova

Бироқ фильмларда "гўзаллик"ни бундай акс эттириш керакмикан?!..

Бунақа ҳолатлар биз истаймизми йўқми киноларда олиб чиқарилаверади. Ҳаммадан бирдек савия талаб қилиш мумкин эмас. Бутун дунё киночилигида шу аҳвол бўлса керак деб ўйлайман.
Бизда ҳозирги бош муаммо кинотанқидчиликнинг йўқлиги. Савиясиз киноларни кучли мутахассислар яхшилаб "пўстагини қоқса", кейинги сафар бошқа ишга қўл урганда мушоҳада қилади.

[OmoN]

Сообщение от Lutfillo Tursunov

Савиясиз киноларни кучли мутахассислар яхшилаб "пўстагини қоқса", кейинги сафар бошқа ишга қўл урганда мушоҳада қилади.

Ёки меваси бор дарахтга тош отишади қабилида қўл силтаб кетаверишади. 4-5 дақиқалик клипларнинг пўстагини қоқиш(ол)маяпти-ку бир ярим соатлик кинога йўл бўлсин.

[Nigora Umarova]

Кейинги кки-уч йил мобайнида "Шошмақом" фильмини уман кўрсатишмади. Яхши савияда олинган фильм эди.
Бундан ташқари Абулқосим Фирдавсийнинг "Шоҳнома" асари юзасидан "Тожик фильм"да олинган "Рустам ва Суҳроб", "Сиёвуш ҳақидаги достон" фильмларини ҳам юқори савияда олинган фильм дейиш мумкин.
Ўзимизнинг "Ўзбек фильм"да ишланган "Марғиёна" фильми ҳам шу йўналишда(афсона асосида) ишланган.

[starter]

Сообщение от Nigora Umarova

"Feride", "TNelba" filmlari insonda tushkun kayfiyatni paydo qiladi.

Uyam mayli "Telba" ga o'xshagan filmlarni beli og'rimagan, tayyoriga o'rgangan, yengil hayotni sevuvchi, "beg'ubor" orzular og'ushida yashovshi qizlar-yigitlar ko'rvolib o'zlarining yaroqsiz hayotiy prinsiplari uchun dastak sifatida foydalanishadi. Mana shunaqa filmlar ishlaydigan rejissyor, ssenaristlarni tomdan tashlab yuborish kerak.

[Lutfillo Tursunov]

Сообщение от starter

Uyam mayli "Telba" ga o'xshagan filmlarni beli og'rimagan, tayyoriga o'rgangan, yengil hayotni sevuvchi, "beg'ubor" orzular og'ushida yashovshi qizlar-yigitlar ko'rvolib o'zlarining yaroqsiz hayotiy prinsiplari uchun dastak sifatida foydalanishadi. Mana shunaqa filmlar ishlaydigan rejissyor, ssenaristlarni tomdan tashlab yuborish kerak.

Энг ёмони шу - кинодан ҳаёт учун дастак олиш!
Кино одамларга яшашни ўргатмайди! Бу шунчаки асар, ҳаёт эмас. Энг зўр деб ҳисоблайдиган ўзбек ва жаҳон киноларини олайлик, уларнинг бирортасидан ҳаётий дастак олиш мумкинми?! Дейлик, "Ўтган кунлар" қаҳрамонларидан ўрнак олиб яшаб бўладими? Ёки "Оскар"ларни қаторлаштириб олган "Шерюрак", "Форест Гамп", "зуклар ҳукмдори" ёинки бугун аҳолимизнинг тенг ярими бирорта сериясини ўтказиб юбормасдан кўраётган корейс сериаллари қаҳрамонларининг ҳаёти намуна сифатида қабул қилинса бўладими?!
Кино ва бадиий асарлар образлари бизга айрим хулосалар чиқариш, мулоҳаза қилиш учунгина "яратилади". (Мен шундай қабул қиламан)
Агар ёшлар ёппасига кинолардаги қаҳрамонлар ҳаётига тақлид қилиб кетишаётган бўлса, бу фақат сценарийчи ёки режиссёрнинг айби эмас. Агар уларни шу иши учун томдан ташаш керак бўлса, бошқа соҳа вакиллариниям қилган айрим ишлари учун унданам баландроқдан улоқтиришга тўғри келади

[Nigora Umarova]

Сообщение от Lutfillo Tursunov

Энг ёмони шу - кинодан ҳаёт учун дастак олиш!
Кино одамларга яшашни ўргатмайди! Бу шунчаки асар, ҳаёт эмас.

Замонавий эртак талқини денг.