Ўзбек шевалари

[Jamshid Begmatov]

Сообщение от JasurBek Urinboev

Андижонлик мен билан юрган масъул, гап орасида "Эшик" қаерда деса бўладими. Кайфингиз йўқми дебман. Аслида у менинг уйимни қаердалигини сўраган экан.

Тўғри, ховлини «эшик» деймиз Раҳматли Хожибой Тожибоев ҳам аския қилганлар бу гапни.

[Nigora Umarova]

Сообщение от OmoN

Оффтоп:

Хўп опажон. Шундай ҳам қилдик. Сиз айтгандай бепардоз гапмасди. Шунчаки "қидирмоқ" сўзининг шевалар орасидаги ноқулай фарқи эди. Шунинг учун бу ерда ёзгим келмаганди.

"Тирнокдан кир кидириш" эмас-ку, мавзуни омма укиётганлигига бир ишора эди.

[Husen]

Сообщение от Kahramon Jalilov

Sof adabiy tilda gaplasha oladigan voha bo'rmi,

Мана бизни Қоракўлимиз ғирт адабий тилда гаплашади-да. Она, дада, бобо, буви (опача, опа, дода, ада ва ҳоказо ўрнини босувчи сўзлар бизда йўқ!) сўзлари ўз ўрнида ишлатилишини инобатга олсак, албатта!

Оффтоп:

Бўгун форума кирсам шевала ҳақта тема очишипти. Ман қерни тили адабий деб сўраянларида Қаракўлимизи тилини яхшиладим.

[JUS]

Сообщение от Husen

Оффтоп:

Ман қерни тили адабий деб сўраянларида Қаракўлимизи тилини яхшиладим.

Оффтоп:

Роса куласимми келтирдизу. Форуман чиқиб кетантим, бирдан кўзим тушиб қолди постингиза.

[Jamshid Begmatov]

Шеваларнинг морфологик хусусиятлари ҳам қизиқ. Анжанчадан баъзи мисоллар:
-япман = яппан келяппан, кетяппан
-иб қўймоқ, -иб қолмоқ = -иппомоқ, -иппўймоқ кўп торғуз еппўйиб қийланиппопти
-авермоқ = -ормоқ Дуторчи қизларнинг ашуласи эсингиздами: Бороради, келоради, ваъдаси бошқа-я, ваъдаси бошқа

Бунақа мисоллар жуда кўп.

[Jamshid Begmatov]

Қўқонда «буёққа» сўзи «бақа» деб айтилади Масалан, бирор маросимда ўртакаш одамларни жой-жойига ўткизаётиб: «Сиз бақа, сиз ҳам бақа… ҳўўў сизлар, марҳамат бақа» дейиши мумкин

Дарвоқе, «ўртакаш» сўзи хаммага тушунарлими?

[JUS]

Сообщение от Jamshid Begmatov

Қўқонда «буёққа» сўзи «бақа» деб айтилади

"Беқа", "Эқа" деб ишлатиладиган жойлар ҳам бор. "Сан беқа ке, у эқа кетди"

Сообщение от Jamshid Begmatov

Дарвоқе, «ўртакаш» сўзи хаммага тушунарлими?

Давраларни олиб борувчи шахс. Баъзи жойларда "Раис" дейилади.

[Nigora Tursunova]

Сообщение от JasurBek Urinboev

Қўқонда «буёққа» сўзи «бақа» деб айтилади

Bir voqea esimga tushib ketdi. Avtobusdaman, 2 qiz bekatdan avtobusga chiqdi. Biri bo'sh joyga o'tirib oldi, ikkinchisi o'tirgan dugonasini chaqiryapti "E, baqa kel", shu payt o'tirgan qizni oldida o'tirgan ayol urush qilib ketsa bo'ladimi, "Kimni BAQA deyapsan" deb. Oxiri avtobusdan qizlarni tushirtirib yuborgan. Manimcha. ayolni laqabi "Baqa" bo'lgan.

[Husen]

Сообщение от JasurBek Urinboev

"Сан беқа ке, у эқа кетди"

Қоракўлда - Сан бера ке, у ўра кетди.
Қоракўлда атиги 1 км масофадаги қишлоқларда ҳам шевалар турлича.
Жиғачи қишлоғида -ингиз қўшимчаси оммалашган. Сувларингиз борми? Ўйларингиза борантим.
Сайёт қишлоғидагиларнинг эса боровуз, келовуз деб гаплашиши нақд Тошкентни эслатади.

[OmoN]

Сообщение от Husen

Мана бизни Қоракўлимиз ғирт адабий тилда гаплашади-да

Албатта. Фақат келишикларни, хусусан жўналиш билан ўрин-пайт келишикларини тахласа бўлди.
Хоразмнинг баъзи жойларида устунни ўра дейишади. Фараз қилинг кечаси уйига меҳмон борди. Дарвозадан кириб келаётганда "Эҳтиёт бўлинг меҳмон, ўра бор" деса. Меҳмон ҳам ўра(чуқур) бўлса тушиб кетмай деб пастга қараб кетаётиб ўра(устун)га бошини уриб олса.