Gap haqida gaplar

[Tulqin Eshbekov]

Сообщение от OmoN

Масъуд шеъриятнинг расвосини чиқараётган экан Сиз нимага қараб турибсиз?

Мен уни аввало яхши инсон, замонамизнинг етук ёшларидан бири сифатида жуда ҳурмат қиламан.
Шеърларига бошда қизиқиш ва ихлос билан қарадим. Бироқ, оддий "ҳам" ва "хам" сўзларини ўрнида қўллай олмаётгани ва бошқа мантиқсизроқ жиҳатлари ҳақида дўстона танқидий фикримни айта бошлаганимни биламан... муаллиф шу қадар сакраб кетдики... озроқ лоф қилиб айтсам, Англияда сакрагани Тошкентда ҳам кўрингач, ёқамни тутдим!!!
Ўртага бир қизимиз тушиб, мени шу қадар ҳақорат қилдики, узр, худди мушук юзимни юмдалаб олгандек бўлди... Жаҳл устида ортидан қувлаб "кабинети"га кириб танишсам, учинчи фарзандим тенгги экан. Унга чурқ этмадим. Ҳатто, ўзимдан уялиб кетдим. Энди ёшимга яраша оғирроқ бўлишим кераклигини тушундим.
Холис фикрим, укамнинг шеърлари у қадар ёмон эмас, агар яна изланса, интилса яхши шоир чиқишига умид қилса бўлади.
Фақат, ҳар гал ижодимга ўта нохолислик билан ёндашиб, "адабиётга зарар етказяпсиз" қабилида бўлмағур гаплар ёзганида дилим ранжияпти. Хайриятки, маълум муддат бир-биримизга халал бермасликка келишиб олдик.
Худо хоҳласа, туркум поёнига етгач, муҳокамада фаол иштирок этишган азиз форумдошлар учун ош дамлашимни, серфайз дастурхон устида муҳокамани якунига етказиб олишимни ва Сизларнинг маслаҳатларингиз билан у ёғини ўйлаб кўришимни маълум қилганман. Шу гапим гап!