27 июнь - Матбуот ва ОАВ ходимлари куни

[Bekmirzo]

Сообщение от Tulqin Eshbekov

...
Болалигимдан журналистикага қизиққанман. Юртимиз мустақилликка эришгунга қадар турли газета-журналларда ишладим. Бироқ, бугунгидек ошкоралик, ажойиб мафкура майдонини кўрмадим.
...

Domla aytmoqchi bo'lgan mana shunaqangi qiyosi yo'q bugungi oshkoralik sababligina bugungi O'zbekiston gazeta-jurnallari kisokalarda umuman qolmayapti. Hattoki, chet elliklar ham kioskalardan dolzarb gazetalarimizdan ololmay qolayotganliklari uchun shikoyat qilishmoqda...

[Tulqin Eshbekov]

Сообщение от axmedovshuhrat

Аммо модератор деган маҳлуқотлар барчасини ўчириб, керакмас мавзу деб ахлатга ирғитиб юборишади.

Илтимос, бу қадар қизишманг! Уларга мутлақо осон тутиб бўлмайди. Тахминан, газетада бош муҳаррир ўринбосарлари вазифаларини бажаришмоқда. Уларнинг ишини тушунишга ҳаракат қилишнгизни истардим. Сўз масъулияти ғоят оғир...
Азиз модераторимиз "махлуқот" сўзини рамзий маънода тушунишларини истардим. Аслида, одамзод ҳам онгли махлуқотдир...

Сообщение от axmedovshuhrat

Сизни шевалар ҳақидаги мавзуингиз таҳсинга сазовор деб ўйлайман

Бу фикрингиз мени илҳомлантирди. Аслида адабий тилимизни улкан дарахтга қиёс этсак, унинг илдизлари шевалардир. Таклиф қилсангиз, шевага оид жўялироқ янги мавзу очардим.

Сообщение от axmedovshuhrat

форум мафкура майдонига айланса

Ақл билан иш тутиб, росмана мафкура майдонига айлантира олсак, миллий журналистикамиз, қолаверса маънавиятимиз тараққиётига ҳам озми-кўпми ҳисса қўшган бўлур эдик. Бунинг учун бизга қонунларимиз ҳам қалқон, ҳам қанотдир.
Самимий фикрларингизни кутиб қоламан.

[Masud Mahsudov]

Сообщение от Tulqin Eshbekov

Ижод маҳсулимиз ҳақидаги самимий фикрлар фақат қанот бахш этади!

Оффтоп:

"Samimiy fikrlar" bilan "O'rinsiz maqtov" ni yaxshi ajrata olsangizgina, yozayotgan narsalaringizga sal ma'no kirishi mumkin, samimiy tanqidlarni hisobga olsangizgina, Sizga tosh otilmasligini tushunishingiz lozim... "Oxirigacha kutib turinglar, ko'rasizlar", degan gaplaringiz kulgimni keltiradi. Go'yoki, o'sha ochgan mavzuingizni yakunlashingiz bilan, hammasiga ma'no yog'ilib kirib ketadigandek.

Jurnalistikaning nonini biz ham yeganmiz - uning past-balandini ham tushunamiz. Shu bilan birga, jurnalistika, har doim ham ijod qilish bilan ustma-ust tushavermasligini ham hisobga olish kerak...

[Tulqin Eshbekov]

Сообщение от AbuMuslim

Мафкура майдони деган таъриф муболаға бўлганга ўхшайди... мулоқат майдони дейиш тўғри бўлса керак...

Аслида газета-журналлар, телерадио ҳам озми-кўпми мулоқот майдони вазифасини бажармоқда. Айниқса, баъзи радиоэшиттиришларда бу ҳол кўп кузатилмоқда. Оммавий ахборот воситаси - оммавий мулоқотларга ҳам имкон яратаётгани эътиборга моликдир.
Форумимиз ҳам ўз навбатида мавзулари борган сари кенгайиб бораётган электрон нашр сифатида майдонга чиқаётгани қувонарли ҳолдир. Масалан, Сизнинг мавзуларингиз, Нигорахоннинг таниқли ёзувчи-шоирлар ижодидан бераётган намуналари, баъзи шеърлар, мақолалар, суҳбатлар ҳаммаси журналистиканинг, алалхусус, мафкура майдонининг ўзига хос кўринишлари, дейиш мумкин.
Мулоқотнинг ҳам тарафдориман. Бу форумимизни янада жонли ОАВга айланишига хизмат қилади. Фақат, унда бир-бирини боплаб мот қилари эмас, билъакс, фикрини бойитишга, илҳомлантиришга хизмат қиладиган юксак савияли мулоқотлар ҳам бўлса бош устига!
Ниграхоннинг энг катта хизмати - феъл-атвори турлича форумдошларни имкон қадар битта ижодий жамоага айлантирмоқда! Агар биз жипслашсак, катта ижодий кучга айлана оламиз.
Форум саҳифаларида шеърлар, ҳикоялар, масаллар, мақолалар, суҳбатлар ва Сиз айтган мулоқотлар мунтазам ўрин эгалласа кошки эди! Шахсан менинг бу форумдан умидим ҳам, саъй-ҳаракатларим, мақсадим ҳам шу!

[Tulqin Eshbekov]

Сообщение от Bekmirzo

gazeta-jurnallari kisokalarda umuman qolmayapti.

Бекмирзога ўхшаган дадилроқ фикрли қаламкашларимиз газеталарга ҳам мақола ёза бошлабдими, дейман... (Ҳазилни акс эттирувчи жилмайиб турган символни тополмай қолдим, узр...)

[Bekmirzo]

Сообщение от Tulqin Eshbekov

Бекмирзога ўхшаган дадилроқ фикрли қаламкашларимиз газеталарга ҳам мақола ёза бошлабдими, дейман... (Ҳазилни акс эттирувчи жилмайиб турган символни тополмай қолдим, узр...)

Domla,
gazetalarga ham maqola yozib kelayotganimga ancha bo'lgan.
Faqat, ba'zi dadilroq ohangdagilarini sizga tengdosh bir xil laganbardor va maddoh muharrirlar gazetalarida chiqarishga qo'rqishadi...

[OmoN]

Оффтоп:

Сообщение от Tulqin Eshbekov

Агар биз жипслашсак, катта ижодий кучга айлана оламиз.

Камина ҳам ўз "ашъор"ларим билан бунга ҳисса қўшадурмен

Ҳурматли журналистлар, бугунги кундаги қайси газеталарни мунтазам сотиб олишни тавсия қиласизлар? "Сариқ матбуот" газеталарини назарда тутаётганим йўқ. Тўғрисини айтсам охирги марта қачон газета сотиб олганим эсимда йўқ. Талабалик пайтимда "Интерфутбол" газетасини мунтазам сотиб олардим. Менимча охирги олган газетам шу бўлса керак. Ҳозир эса интернет бемалол бўлгани учун бу каби газеталарни сотиб олишга зарурат йўқ.

[axmedovshuhrat]

Сообщение от Bekmirzo

Domla aytmoqchi bo'lgan mana shunaqangi qiyosi yo'q bugungi oshkoralik sababligina bugungi O'zbekiston gazeta-jurnallari kisokalarda umuman qolmayapti. Hattoki, chet elliklar ham kioskalardan dolzarb gazetalarimizdan ololmay qolayotganliklari uchun shikoyat qilishmoqda...

Нақадар тўғри айтилган сўзлар беихтиёр шу дориломон ошкораликка раҳмат деб юборгинг келади.

Сообщение от Tulqin Eshbekov

Илтимос, бу қадар қизишманг! Уларга мутлақо осон тутиб бўлмайди. Тахминан, газетада бош муҳаррир ўринбосарлари вазифаларини бажаришмоқда. Уларнинг ишини тушунишга ҳаракат қилишнгизни истардим. Сўз масъулияти ғоят оғир...
Азиз модераторимиз "махлуқот" сўзини рамзий маънода тушунишларини истардим. Аслида, одамзод ҳам онгли махлуқотдир...

Ҳовуримдан тушганман ман модераторларга қизишмайман улар кимнидир айтганини қиладида (ёзилмаган қоидалар, қонунлар). Газеталарда бош муҳаррир ўринбосарлари иши қандай экан? Яхшиямки СОВЕТ давлати бўлиб тарихда қолди. Акс ҳолда журналист нималигини ҳозиргача билмасмидик?! Сўз масъулияти ҳам шунда келиб чиқди.
"Азиз маҳлуқотларимиз" одамни онгли маҳлуқотлигини яхши билишади.

Сообщение от Tulqin Eshbekov

Бу фикрингиз мени илҳомлантирди. Аслида адабий тилимизни улкан дарахтга қиёс этсак, унинг илдизлари шевалардир. Таклиф қилсангиз, шевага оид жўялироқ янги мавзу очардим.

Очинг ака, тезлаштириб подборкаларни қўйиб тайлаймиз-да.

Сообщение от Tulqin Eshbekov

Ақл билан иш тутиб, росмана мафкура майдонига айлантира олсак, миллий журналистикамиз, қолаверса маънавиятимиз тараққиётига ҳам озми-кўпми ҳисса қўшган бўлур эдик. Бунинг учун бизга қонунларимиз ҳам қалқон, ҳам қанотдир.
Самимий фикрларингизни кутиб қоламан.

Самимий фикрим кўнглингизга ботмасин. Мен икки жумла келтирмоқчиман:
Журналистлик - касбим менинг
Ёлғончилик - аслим менинг.
Фикрларим...

Сообщение от Bekmirzo

gazetalarga ham maqola yozib kelayotganimga ancha bo'lgan.
Faqat, ba'zi dadilroq ohangdagilarini sizga tengdosh bir xil laganbardor va maddoh muharrirlar gazetalarida chiqarishga qo'rqishadi...

Маҳаррирлар ҳақиқатда лаганбардор бўлиб кетган. Қўрқоқлик, ички "мен"сизлик, ишончсизлик, порахўрлик, соясига саломберувчанлик - бу ва яна бошқа таърифлар албатта муҳаррирларга тегишли.

Сообщение от OmoN

Ҳурматли журналистлар, бугунги кундаги қайси газеталарни мунтазам сотиб олишни тавсия қиласизлар? "Сариқ матбуот" газеталарини назарда тутаётганим йўқ. Тўғрисини айтсам охирги марта қачон газета сотиб олганим эсимда йўқ. Талабалик пайтимда "Интерфутбол" газетасини мунтазам сотиб олардим. Менимча охирги олган газетам шу бўлса керак. Ҳозир эса интернет бемалол бўлгани учун бу каби газеталарни сотиб олишга зарурат йўқ.

Узр мен журналистмасман аммо, айтиб ўтишим керак жиддий ("марказий") газеталарни сотиб олсангиз бўлади. Ҳа-а, айтиб ўтиш керак бунда Сиз пулингизни бефойда нарсага сарфлаётганингизни билишингиз керак. Агар Сиз маълум бир таълим муассасасида ишласангиз мажбурлаб ойлик маошдан, стипендиядан олиб қолиб (йиллик обуна учун ким билсин 10-15 минг сўм) Сизни газета ўқиш иштиёқингизни қондиришади.

[Nigora Umarova]

Сообщение от axmedovshuhrat

Ҳовуримдан тушганман ман модераторларга қизишмайман улар кимнидир айтганини қиладида (ёзилмаган қоидалар, қонунлар).

[MOD] Muhtaram axmedovshuhrat!
Bildirgan fikringizcha bu yerdagi moderatorlar "lo'tti"(qo'g'irchoq)-yu, kimnidir tortgan ipiga yo'rg'alaydi. Shundaymi?
Forumdagi moderatorlar forum qoidalariga muvofiq chora ko'radilar. Buni yoddan chiqarmang.
[/MOD]

[Nigora Umarova]

Форумимизда қатнашаётган барча журналистларни Ўзбекистон Матбуот ва оммавий ахборот воситалари ходимлари куни билан муборакбод этаман!
Масъулиятли ва заҳматли меҳнатингизда, юртимизда ва хорижда юз бераётган янгиликлардан бизни доимо бохабар этиб шарҳлаш жараёнида асло ҳорманг ва толманг. Қаламингиз бундан-да ўткир, фикрингиз теран бўлсин.