Kino va tomоshabin o'rtasidagi masofa yaqinmi yoki uzoq?!

[Nigora Umarova]

Сообщение от Mubina

Xo'p, shu filmlarni yuksak san'at darajasida ishlashga kim ma'sul?
Menimcha tomoshabinlar talab qilsa ishlanishi mumkin lekin hozir tomoshabinlar tarixiy koreys seriallari bilan band.

To'g'ri, talab va taklif qonuni bor.
Biroq shu narsani esdan chiqarmaslik kerakki, hayotda bo'shliqning o'rnini boshqa bir narsa egallaydi. O'zimizd tarixiy seriallar bo'lmagach, tomoshabin ham koreys tarixiy seriallarini ko'rishga, o'ziga qahramon qidirishga majbur.

[Lutfillo Tursunov]

Сообщение от Nigora Umarova

Тарихий фильм олиниши учун анча-мунча маблағ кетади. Фильм режиссёри учун тарихмий филь олгандан кўра бугунги кун ижтимоий ҳаётини қайсидир бир ўзига тўқ инсоннинг уйида-тайёр декорацияда олган маъқулроқ. Бу орқали хонадон соҳибининг мулки ҳам кўз-кўз бўлади.

Бизда сериаллар олиш барибир бориб маблағга тақалади. Ўзбекистон телевидениеси (сериалларни асосан телеканаллар маблағ билан таъминлайди) катта харажатли сериаллар ишлашга буюртма бера олмайди.
Шунинг учун, сиз айтганингиздек, асосан павилионларда суратга олинадиган сериалларга буюртма бериляпти бизда. ТВда бир сериалларлар сценарийси бўйича танлов эълон қилинганда ҳам, унинг павилионда суратга олишга мўлжаллаб ёзилиши шартлигига алоҳида урғу берилганди.

[Lutfillo Tursunov]

Нима учун Голливуд филмларини қизиқиб томоша қиламиз?
Сабаби улар ҳар бир жиҳатга жиддий муносабатда бўлади, ҳар бир иштирокчи масъулиятни профессионал даражада ҳис этади. Ҳар бир рол, ҳар бир қаҳрамон ўта синчковлик билан талқин этилади, нафақат актёрнинг ўзи ёки режиссёр ўша қаҳрамон қиёфаси учун курашади, балки, либос усталари, гримчилар, рассомлар ҳам бу жараёнда улардан кам иштирок этишмайди.
Масалан, Бред Питт яратга образларга эътибор беринг:

Биринчи расмдаги образи “Бесславные ублюдки” филмидан, иккинчиси "Троя", учинчиси "Загадочная история Бенджамина Баттона" филмидан. Ушбу асарларнинг суратга олиниш даври орасида фарқ у даражада катта эмас, лекин қиёфадаги фарққа эътибор беринг! Улар бир-биридан тубдан ажралиб турибди. Шунинг учун ҳам бу актёрларнинг ҳар бир экранга чиқишини алоҳида қизиқиш билан кутиб оламиз. Шунинг учун ҳам бу актёрлар яратган образларда бирхилликни кўрмаймиз.

Худди шунингдек, Жонни Деп образларига ҳам эътибор беринг:

Бу кўринишларнинг юзага келишида гримчи ва либос усталарининг алоҳида меҳнати сезилиб турибди.

Голивудда актёрларнинг ўзи ҳам жуда талабчан ва қатъиятли бўлади. Масалан, Том Хэнкс "Одамлардан йироқда" филмида яратган образи жонли чиқиши учун 20 кг.га озган ва қарийб бир йил давомида соч-соқолини олмаган:


Энди, ўзимизга қайтамиз. Бизда олинаётган аксарият хусусий филмларда образларнинг ташқи қиёфасига эътибор берилмайди. Актёрнинг роли ўзгаргани билан, унинг қиёфаси ҳам шунга яраша ўзгартирилмаса, худди аввалги ролини кўргандай бўлаверасиз.
Ҳаттоки, иккита кинода бир хил либосда (!) рол ижро этаётган актёр ва актрисаларимиз ҳам бор. Демакки, бизда либосларга, гримга жиддий эътибор қаратилмайди (мутахассисларга бериладиган пулни тежаб қолишса керакда).
Киномизда режиссёрликка қўл уришни бошлаган аксарият ёшлар ва катталар машҳур актёрларимизни таклиф қилишадию, уларнинг ижролари ёрдамида муваффақият қозонишни мақсад қилиб қўйишади. Номдор актёрлар олдида ўзини ночоргина сезиб қолган режиссёр қандай йўл тутади: ҳаммасини шу актёрнинг ўзига ҳавола қилиб қўя қолади. Яъни у ўз билганича рол ижро этади. Натижада эса филм ғоясини ўзича ҳар хил тушунган актёрларимиз ижрони бошқа ролларга номутаносиб равишда талқин қилишади. Бу эса, табиийки, филм ғоясини барбод қилади.
Келажакда олинажак филмларимизда бир-биридан ажралиб турувчи образлар яратилади деган умиддаман.

[Kahramon Jalilov]

Сообщение от Lutfillo Tursunov

Ҳаттоки, иккита кинода бир хил либосда (!) рол ижро этаётган актёр ва актрисаларимиз ҳам бор. Демакки, бизда либосларга, гримга жиддий эътибор қаратилмайди (мутахассисларга бериладиган пулни тежаб қолишса керакда).

Huddi shu holatni kecha men ham guvohi bo'ldim, bir aktyor kinoda rol o'ynayapti holbuki boshqa kinolarda ham o'sha-osha, hatto yana bir narsani guvohi bo'ldim aktyor yoki aktrisa kino boshidan ohirigacha bir hil kiyimda hech ham o'zgarmagan, men ko'rgan kinoda to'ydan oldin sovchi kelib, sovchilr qizni rozi qilishdi, oradan ozgina vaqt o'tib kelin-kuyov to'ylari bo'lyapti uni ota-onasi o'ynagan rolda osha-o'sha kiyinish (sovchi bo'lib borgan paytdagi va boshidan beri), buni ko'rib, tovba sovchi kelib biroloq to'y qilib uyga ob ketsa bo'larkanmi deb qolasan kishi ...?

[Husen]

Таниқли Жеймс Камерун "Титаник"дан сўнг "Аватар" фильмини яратди. Фльм роликларини кўрибоқ, нақадар профессионал ёндошилгани сезилиб турибди. миллий киномиз шундай даражаларга чиқишини кўриш насиб қилармикан...

[Husen]

Бугун машҳур рус актёри Юрий Никулин таваллуд топган кун... Шунингдек, Бред Питтнинг ҳам!
Шу ўринда савол туғилади: Бизда ҳам нафақат Ўзбекистонда балки кенгроқ масштабда танилиб бораётган актёрлар бормикан? Баъзилари Россия киноижодкорларининг турли фильмларида эпизодик ролларни ўйнаб туришибди...Аммо, наҳотки шундан бошқа имкон бўлмаса?!!

[Gulnora Voisova]

Сообщение от Husen Tangriyev

миллий киномиз шундай даражаларга чиқишини кўриш насиб қилармикан...

Миллий киномиз у даражаларга чиқадими йўқми билмайман. Фақат билганим киномиз ҳеч бўлмаса 20, 30 йил олдинги ҳолатига қайтса ҳам йўқ демасдим. Уйда ҳам, иш пайтимизда ҳам, мана шу форумда ҳам кўпинча "Суюнчи", "Чинор остидаги дуэл", "Маҳаллада дув-дув гап" каби фильмлардан ёд бўлиб кетган жумлаларни ишлатамиз.

Оффтоп:

Бир куни овқат устида ўтирганимизда онам гап бошлаб қолди:
- Топган қизимга унамаяпти сиз ҳам ота бўлиб, ўғлингизга гапиринг мундоқ.
Отам акамга қараб:
- Ўғлим овқатингни емайсанми
Гурр этиб ҳаммамиз кулиб юбордик.

Замонавий фильмларимиздан ақалли битта жумла эслаб кўрингчи?

[JUS]

Сообщение от Kumushoy

[/offtop]Замонавий фильмларимиздан ақалли битта жумла эслаб кўрингчи?

Оффтоп:

"Сиз мен учун айтиб бўлинган қўшиқсиз" га ўхшаганми...?

[Shomurodov Shohruh]

Оффтоп:

Сообщение от Husen Tangriyev

Жеймс Камерун

Кэмерон

[OmoN]

Сообщение от Kumushoy

Фақат билганим киномиз ҳеч бўлмаса 20, 30 йил олдинги ҳолатига қайтса ҳам йўқ демасдим.

Агар шундай бўлса ўзбек киноси яна юксак чўққиларга чиққан бўларди.