Таълимда АКТ

[Dilmukhammad Kayumov]

23-25-ноябрь кунлари ЮНЕСКО ишлари бўйича Миллий комиссияси, Ўзбекистон Республикаси Халқ таълими вазирлиги ҳамда А.Авлоний номидаги халқ таълими ходимларини қайта тайёрлаш ва малакасини ошириш марказий институти билан ҳамкорликда “Таълимда ахборот ва коммуникация технологияларидан фойдаланиш” мавзуcидаги ўқув-семинари бўлиб ўтади.
Семинарнинг 2-куни 10:10-11:10 да иштирокчилар билан он-лайн тарзда таълимда ахборот ва коммуникация технологияларидан фойдаланиш ҳолати, ютуқлари ва мавжуд муаммолар бўйича муҳокама ва ўзаро фикр алмашишлар бўлиб ўтади.

Баҳодир Болтаев
Республика Таълим маркази

Таълим жараёнида ахборот коммуникация технологияларини жорий этиш ҳолати

Ҳозирги кунда Республикамиз мактабларининг 73 фоиздан кўпроғи энг замонавий ўқув–лаборатория ускуналари, компьютер синфлари, электрон дарсликлар, услубий қўлланмалар билан жиҳозлаш босқичи бугунги куннининг энг долзарб вазифаси ҳисобланади. Бу ерда гап компьютер техникасини фақатгина тор доирада “Информатика” фанидагина қўллаш ҳақида эмас, балки биринчидан уни бошқа фанларни ўқитиш жараёнига, айниқса электрон дарсликлар асосида ҳаракатли, дидактик, кўргазмалик, товушли, сермазмун тарзда қўллаш устида кетмоқда. Иккинчидан, АКТ дан мактабда эркин фойдаланиш, яъни мактаб кутубхоналарида ташкил этилаётган ахборот ресурс марказларни (АРМ) замонавий техника воситалари ҳамда компьютерлар жойлаштириб ташкил этилаётганлиги. Учинчидан, АКТдан мактаб раҳбарияти томонидан иш юритиш тизимини бошқаришда фойдаланиш кўзда тутилмоқда. Бу табиийки халқаро интернет тизими, электрон почта, турли расмий иш юритиш ва бошқаларни ўз ичига олади. Тўртинчидан фан хоналарида ўқитувчининг АКТдан фойдаланиши, ўз малакасини муттасил ошириб бориши ва ўқув жараёнига тайёргарлик кўриши, кўргазмали қуроллар ва ўқув матиериаллар тайёрлаши учун якка компьютерлардан фойдаланиш имкониятини яратади.

Таълим жараёнида ахборот коммуникация технологияларини жорий этишдаги ютуқлари

Таъкидлаш жоизки, умумтаълим мактабларини замонавий компьютерлар, электрон дарслик, электрон қўлланма ва электрон дарс ишланмалари билан таъминланмоқда. Ҳозирда, 46 номда 5-9 синфлар учун электрон дарслик ва 25 номда ўқув фильмлар яратилди. Биз улардан самарали фойдаланиш ва дарс жараёнида оқилона қўллашни йўлга қўйишимиз лозим. Бунинг учун ўқитувчилар, мутахассислар бевосита АКТ дан фойдаланишни мукаммал билишлари ва ўқувчиларни АКТ имкониятлари билан яқиндан таништиришлари керак.
Педагогик технологияларнинг ривожланиши ва уларнинг ўқув тарбия жараёнига кириб келиши, шунингдек, ахборот технологияларнинг тез алмашинуви ва такомиллашуви жараёнида ҳар бир инсон ўз касбий тайёргарлигини, маҳоратини кучайтиришга имконият яратилади.
Ўзбекистон Республикаси Вазирлар Маҳкамасининг 2002 йил 6 июндаги “Компьютерлаштиришни янада ривожлантириш ва ахборот-коммуникация технологияларини жорий этиш чора-тадбирлари тўғрисида”ги 200-сонли қарори билан тасдиқланган “2002-2010 йилларда компьтерлаштириш ва ахборот технологияларини ривожлантириш дастури”да давлатнинг бу соҳадаги сиёсати миллий ахборот тизимини шаклллантириш деб ифодалаган бўлса, кадрлар тайёрлаш миллий дастурининг 4.10 –банди таълим тизимининг яхлит электрон ахборот маконини вужудга келтириш ҳақидадир. 2002-2010 йилларга мўлжалланган компьютерлаштириш ва ахборот-коммуникация технологияларини ривожлантириш давлат дастурида бу йўналиш бўйича педагогик кадрлар ва мутахассисларнинг малакасини ошириш вазифаси қўйилган. Буларнинг барчаси таълимда АКТ кенг тарғиб этишни ҳукумат томонидан қўллаб-қувватланаётганининг далилидир.

Таълим жараёнида ахборот коммуникация технологияларини жорий этишда мавжуд муаммолар

Ҳозирги кунда мактабларни компьютерлаштириш ва янги замонавий дарслик, айниқса электрон дарсликларни яратиш нисбатан ёш “Информатика” фанини умумий таълим муассасаларида бунданда мавқеи ва нуфузини кўтаришда долзарб вазифалигича қолмоқда.
Мактабда кўп сонли фан кабинетлари бўлганлиги учун компьютерлардан кўпчилик ўқитувчилар ўз фанларида қўллаши учун шароит яратишга қаратилган чора тадбирларни ишлаб чиқилаётганлиги мақсадга мувофиқдир. Бу ишларни янада самарали ва замонавий бўлиши учун масофадан ўқитишга ўтиш лозим бўлмоқда. Ахборот Ресурс марказлари албатта Интернет тармоғига уланган бўлади. Қолаверса, барча мактаб компьтерларини маҳаллий тармоққа уланиши кўзда тутилган. Аммо бу борада таклиф этилаётган ишлар жуда катта техник вазифаларни ва ўқитувчиларни қайта тайёрлаш ишларини амалга оширишни тақозо этади. Биз техник ечимини кутаётган қандай муаммоларга дуч келишимиз мумкин?- деган ҳақли савол туғилади. Биринчидан барча мактабларда барқарор электр кучланиши, сифатли телефон алоқаси бўлиши зарур. Эҳтимол, ҳозирда ХТВ томонидан ишлаб чиқилган ҳаракат дастури бунинг ечимини ижобий ҳал этар. Иккинчидан компьютерларга техник хизмат кўрсатувчи ўрта махсус маълумотли мутахассисиларга катта эҳтиёж сезилади. Учинчидан, АКТни мактабларга кириб келиши сабабли Интернет хоналари доимо ўқитувчилар ва ўқувчиларга тўхтовсиз хизмат қилиши кутилади. Ўқувчилар дарсдан ташқари бўш вақтларини кутубхонада, ахборот Ресурс марказларида ёки компьютер хоналарида ўтказиши мумкин. Буларнинг барчаси мактабларда қўшимча ишларни юзага келтиради. Мактаб бошқаруви таркибида АКТ билан жиддий шуғулланувчи етарли маълумотга эга бўлган мутахассисини бўлиши лозим бўлади. Шунингдек, АКТни оммавий мактабларга жорий этиш катта ташкилий ва молиявий тайёргарликни тақозо этади.

[Ra`noxon Xo`jaeva]

AKT mavzusi dolzarb mavzulardan biri hisoblanib , ushbu seminar o'z vaqitida tashkil etilgan. Qisman bo'lsada ko'pgina muammolarni hal qilishda yordam beryabdi. seminar tashkil etuvchi mutaxassislarga katta raxmat!
Seminar qatnashchilaridan..

[JUS]

Сообщение от Ra`noxon Xo`jaeva

Qisman bo'lsada ko'pgina muammolarni hal qilishda yordam beryabdi.

Яъни қандай муаммоларни ҳал қилишдалигини аниқроқ кўрсатиб ўта оласизми?

[Nigora Tursunova]

Hurmatli forumdoshlar...
AKT haqida chuqurroq ma'lumot berishingizni so'rardim.

[Ra`noxon Xo`jaeva]

Сообщение от Nigora Tursunova

Hurmatli forumdoshlar...
AKT haqida chuqurroq ma'lumot berishingizni so'rardim.

AKT 3 omildan iborat.
1. Texnik ta'minot (kompyuter va uning tarmoqlari, OAV, sifatli aloqa tarmoqlari va pereferiya)
2. Dasturiy ta'minot (operatsion sistema, amaliy dasturlar va brauzerlar)
3. Insonning intelekti (malakali mutaxassislar va ularning faolligi)

[Nigora Tursunova]

Сообщение от Dilmukhammad Kayumov

умумтаълим мактабларини замонавий компьютерлар, электрон дарслик, электрон қўлланма ва электрон дарс ишланмалари билан таъминланмоқда. Ҳозирда, 46 номда 5-9 синфлар учун электрон дарслик ва 25 номда ўқув фильмлар яратилди.

Savol tug'iladi, davlatimiz shuncha mablag' ajratib elekrton darsliklar va o'quv fil'mlari yaratyapti. O'quvchilarimiz bundan qanday foydalanishyapti. Foydalanishyaptimi o'zi?

[JUS]

Сообщение от Dilmukhammad Kayumov

Семинарнинг 2-куни 10:10-11:10 да иштирокчилар билан он-лайн тарзда таълимда ахборот ва коммуникация технологияларидан фойдаланиш ҳолати, ютуқлари ва мавжуд муаммолар бўйича муҳокама ва ўзаро фикр алмашишлар бўлиб ўтади.

Нега семинар иштирокчиларидан дарак йўқ? Иштирокчилар ҳам ўзларини фикрларни беришса мақсадга муфофиқ бўларди.

[Lutfillo Tursunov]

Сообщение от Dilmukhammad Kayumov

Ҳозирги кунда Республикамиз мактабларининг 73 фоиздан кўпроғи энг замонавий ўқув–лаборатория ускуналари, компьютер синфлари, электрон дарсликлар, услубий қўлланмалар билан жиҳозлаш босқичи бугунги куннининг энг долзарб вазифаси ҳисобланади.

Ҳозирги кунга келиб, нечта ўқувчига нечта компютер тўғри келиши ҳақида маълумотлар борми?

Оффтоп:

Мактабларимизнинг АКТ билан таъминланиш жараёни ҳақида тўлиқ маълумотга эга мутахассисни, аниқроғи, ХТБ мутахассисини қандай топсам бўлади? Биладиганлар ЛСга ёзворишса миннатдор бўлардим.

[OmoN]

Оффтоп:

Сообщение от Lutfillo Tursunov

Мактабларимизнинг АКТ билан таъминланиш жараёни ҳақида тўлиқ маълумотга эга мутахассисни, аниқроғи, ХТБ мутахассисини қандай топсам бўлади?

Кундузи чироқ ёқиб

[Lutfillo Tursunov]

Сообщение от OmoN

Оффтоп:

Кундузи чироқ ёқиб

Нега? Ахир кимдир шу иш билан шуғулланаётган бўлса керакку. Баъзи маълумотлар олмоқчи эдим, шунга қидиряпман.