Televizormi? Dilbuzarmi? Tilbuzarmi?

[Maestro]

Сообщение от axmedovshuhrat

Men hayronman O'zbekistonda xalqaro jurnalistlar yetishmaydimi?

Халқаро журналистлар кўп, аммо ҳозирча молиявий имкониятлар озроқ. Журналист ҳориждан бир ўзи лавҳа тайёрламайди ахир. Унга қўшиб тасвирчи-операторни ҳам жўнатиш керак.
Мисол учун, Германиядан энг сўнгги янгиликларни тезкор хабар қилиб туриш учун шу журналист ва оператор доимий равишда Германияда туришлари керак. Энди бир ойлик ҳаражатларни хомаки ҳисоблаймиз (икки кишига): авиачипта - 1500 Евро, меҳмонхона - (100 Евро х 30 кун х 2 киши) 6000 Евро, кундалик ҳаражатларга - (25 х 30 кун х 2 киши) 1500 евро, материалларни тезкор жўнатиш учун - 200 евро атрофида. Жами: 9200 евро=12 000 долл = 17 млн сўм.

Энди ўйланг: шунча сарф қилиниб Германиядан тайёрланадиган 3-4 лавҳа кимга керак? Шахсан менга керак эмас. Ўйлайманки, телерадиокомпанияга ҳам...
СNN каби компанияларнинг йўли бошқа - бу улар учун БИЗНЕС.

Сообщение от Umida Shodiyeva

"Oshxonaga kirsam kichik o'g'lim muzlatkichni o'qlov bilan urayapti."O'g'lim nima qilayapsan?" desam.
-"Jumong bilan qilich-qilich o'ynavomman" deb javob berdi"
Buni eshitib ham kulging, ham yig'laging keladi...

???
Нега йиғлагиси келар экан?
Вақтида биз ҳам маҳалладаги болалар билан камонларни кўтариб олиб Чингачгуг ва Апачи "бўлардик", Брюс Лига "ўхшаб" тепишардик, шотутни афтимизга чаплаб Рембо "бўлардик", "оқлар - қизиллар", "немис - немис", "шпион-шпион"...
Қўллар шилинарди, юзлар тилинарди, тишлар тўкиларди (онда-сонда, атайданмас), эҳ - ҳе...

Сизни ишонтириб айтаман-ки, йиғлашга асло ҳожат йўқ. Бола барибир болалигини қилади! ИМХО, буни тўғри тушуниш ва тўғри қабул қилиш керак.

[axmedovshuhrat]

Сообщение от Maestro

шунча сарф қилиниб Германиядан тайёрланадиган 3-4 лавҳа кимга керак? Шахсан менга керак эмас. Ўйлайманки, телерадиокомпанияга ҳам...

Kechirasiz siz o'ziz kim bo'lasiz? Tomoshabinlarimizda mualliflik huquqi tushunchasi yo'q bo'lsa kerak, agarda bo'lganda bu Germaniyadan tayyorlangan 3-4 lavhani ko'rish barchamizga kerak bo'lar edi. Hozirda esa "... chet el ommaviy axborot vositalarini yetkazayotgan xabariga ko'ra ..." deb bizni chet elliklarni berayaotgan faqat shum xabarlarini ko'rsatishadi. Qizig'i o'sha Germaniyada hech qanday ijobiy o'zgarishlar bo'lmayapti faqat qotillik, namoyishlar, ish tashlashlar va h.k. Lekin bizda hammasi zo'r, a'lo darajada. Dilemma paydo bo'ladi, telekanallar axborotni shunday filtr qilishadiki, bunda chet el mamlakatlari qay darajada rivojlangan bo'lsa ham ular "Yomon", bizda hayot esa "Yaxshi" deb tan olinadi. Shunday ekan nima uchun bizning yurtdoshlar chet ellarga qullikka sotilib ketishyapti? Axir hayot bizda "zo'r"ku. Nega chet el mollari (mahsulot, xizmat va h.k.) bozorlarimizni egallab olgan? Axir chet el eng "makruh" joyku.
Shablon gaplar masalasida "... bizda bo'lyapti, bo'lyapti va yana bo'lyapti ...", "... qilinyapti, qilinyapti ...", "... amalga oshirilyapti ..." fikringiz?

[Maestro]

Сообщение от Maestro

шунча сарф қилиниб Германиядан тайёрланадиган 3-4 лавҳа кимга керак? Шахсан менга керак эмас.

Сообщение от axmedovshuhrat

Kechirasiz siz o'ziz kim bo'lasiz?

Оддий телетомошабин сифатида менга керак эмас демоқчиман.

Сообщение от axmedovshuhrat

Tomoshabinlarimizda mualliflik huquqi tushunchasi yo'q bo'lsa kerak,

Тушунча-ку бор, молиявий имкониятлар оз.

Сообщение от axmedovshuhrat

Shablon gaplar masalasida "... bizda bo'lyapti, bo'lyapti va yana bo'lyapti ...", "... qilinyapti, qilinyapti ...", "... amalga oshirilyapti ..." fikringiz?

Ижобий.

Оффтоп:

Тунов куни кечки пайт уйда дазмолни таъмирлаб ўтириб, қизимнинг онаси билан қилаётган суҳбатига қулоқ тутдим. Катта қизим қандайдир салатнинг рецептини ўқиб, ойисига деяпти: "Рецепт бўйича ананас керак экан. Шу маҳалда атрофдаги дўкондан ананас топиб бўлардими? Супермаркетга бориш керак... Чет элда зўр-да, истаган пайтингда истаган дўкондан истаган нарсангни олишинг мумкин"...

Тажанглигим тутди... Секин онасига қарата гап бошладим: "Эсингдами, бир пайтлар дўконларда ҳатто гугурт ҳам бўлмас эди. Ҳар бир оила аъзосига белгиланган ойлик (!) нормада 2 тадан кирсовун, 200 граммдан ёғ ва шакар, ярим килодан ун ва гуруч тарқатиларди. Ҳатто буханка нон ҳам талон-купон билан олинарди. Талонни кўтариб, кечаси билан дўкон олдида навбат кутиларди... Бирор тўй-маърака қилиниши керак бўлса, маҳаллақўмдан 25 кг гуруч олишга справка керак бўларди"...

Бироздан сўнг идиш юваётган қизим синглисига айтмоқда: "Сен йўқлигингда дадам уруш пайтлари ҳақида гапириб бердилар, бобом айтиб берган бўлсалар керак"...

Фақат онаси билан мен ўша "бир пайтлар" уруш пайтлари эмас, бор-йўғи 16-17 йил аввалги , яъни мамлакат энди оёққа тураётган пайтлар эканлиги билардик.

Майли, фарзандларим, ўсиб келаётган авлод учун "уруш пайтлари" бўлақолсин, бундай мушкулликларни кўрмай ўсаётганликлари, бу нарсалар нима эканлигини билмай камол топаётганлари учун шукур.

Демоқчиманки, ана шу "қилинаяпти", "бўлаяпти", "амалга оширилаяпти" ларнинг ижобий натижаси сифатида ҳозирги кундаги баъзи муаммо ва камчиликлар ҳам 10-15 йилдан кейин худди узоқ тарихда қолгандай бўлади. Мен бунга аминман!

[axmedovshuhrat]

Сообщение от Maestro

Тушунча-ку бор, молиявий имкониятлар оз.

Reklamadan tushgan daromadlarchi, ularni ishlatishni imkoni yo'qmi?

Сообщение от Maestro

ана шу "қилинаяпти", "бўлаяпти", "амалга оширилаяпти" ларнинг ижобий натижаси сифатида ҳозирги кундаги баъзи муаммо ва камчиликлар ҳам 10-15 йилдан кейин худди узоқ тарихда қолгандай бўлади. Мен бунга аминман!

Mulohazalar juda chiroyli, hayot haqida bir nima demoqchi emasman. Men faqat shu jurnalistlar istaganidek yoza olsa, odamlarda o'zidan hadiksirab bor gapni yashirmasa, mamlakatda mavjud muammolarni omma oldida hal qilinsa albatta-ki debat, disput orqali, xalq o'zini kechmishini televideniye orqali ko'ra olsa va b. O'ylashimcha bunda shablon gaplar kamayarmidi. Lekin bunga 10-15 yil kamlik qilsa kerak.

[Kavsar]

Juda dolzarb mavzu ekan. Televizorni dilbuzar deb bilaman ayni paytda. Tafakkurni sayozlashib borayotganining asosiy sababi ham shunda deb o'ylayman.

[axmedovshuhrat]

Сообщение от Kavsar

Juda dolzarb mavzu ekan. Televizorni dilbuzar deb bilaman ayni paytda. Tafakkurni sayozlashib borayotganining asosiy sababi ham shunda deb o'ylayman.

ёққан бўлса хурсандмиз. Ҳа телевидение дилбузарликда тенгсиз ҳисобланади. Олди-қочди гапларни шарт-шарт қилиб илдириб, одамларни қулоғига лағмонни айлантириб, шундан фойда кўрса керак.

[Fayzbek]

Сообщение от axmedovshuhrat

Reklamadan tushgan daromadlarchi, ularni ishlatishni imkoni yo'qmi?

Agar foyda bo'lmasa Shahsiy TV va R kanallar qo'ziqorinday ko'payib ketarmidi????

[Fayzbek]

Сообщение от axmedovshuhrat

ёққан бўлса хурсандмиз. Ҳа телевидение дилбузарликда тенгсиз ҳисобланади. Олди-қочди гапларни шарт-шарт қилиб илдириб, одамларни қулоғига лағмонни айлантириб, шундан фойда кўрса керак.

Chet el TV larida nima uchun yarim yalang'och filmlaru, kliplarni va har hil urushu fisqu fasodlarni qo'yishadi. Bu inson ongi uchun urush. Yani insonni haqiqiy reallikdan, oldi qochti masalalarga yo'naltirish yani muammolar paydo qilish. (Jamiyatni har bir qatlami uchun mos). Lekin so'ngi payltari o'xshamagan serialu va hakozalar bizni TV kanallarimizda ham uchramoqda...

[JUS]

Кеча Ўзбекистон телеканалларидан бирида бир кўрсатув бошланди... Аввалига эътибор бермадим. Қулоғимга чалинган мусиқадан сўнг, яхши кино бошланди - дедимда телевизор турган хонага ўтдим. Не кўй билан қарайки, Ўзбекситон Халқ артисти Тўти Юсупова Мел Гипсон билан "Шер юрак" фильмида иштирок этяпти.

Ана сенга кўрсатув ташкилотчилари-ю, ижодкорларининг савияси дедимда, бироз сабр билан томоша қилдим. Фондаги мусиқа Enya нинг "Шер юрак" фильмига басталаган "Breaveheart Theme"и янграмоқда. Тўти Юсупова ҳаётининг кулминацон қисмини намойишига келганда, мусиқадаги авжи қўйилади.

Наҳотки шундай инсон ҳаёти ва ижодига бағишланган кўрсатув учун бирор яхши ўзбек мусиқаси топилмади. Наҳотки ушбу кўрсатувда озодлик учун курашишни тасвирлаган фильм мусиқаси ҳамоҳанг бўлса... Наҳотки миллионлаб томошабинлар учун хизмат қилаётган телевидение ходимларининг фаҳм-фаросати, савияси шу даражада бўлса...

Тўғри, ҳамма ҳам "Шер юрак" фильмини кўрмагандир, лекин кўрсатув ташкилотчилари ва муҳаррирларининг хабари борку?! Тўти Юсупованинг ҳаёти шу фильмга ўхшаган бўлса ҳам майли эди-я.
Эҳҳ.., халқим!

[Bekmirzo]

Сообщение от JasurBek Urinboev

... Фондаги мусиқа Enya нинг "Шер юрак" фильмига басталаган "Breaveheart Theme"и янграмоқда. Тўти Юсупова ҳаётининг кулминацон қисмини намойишига келганда, мусиқадаги авжи қўйилади.

Наҳотки шундай инсон ҳаёти ва ижодига бағишланган кўрсатув учун бирор яхши ўзбек мусиқаси топилмади. Наҳотки ушбу кўрсатувда озодлик учун курашишни тасвирлаган фильм мусиқаси ҳамоҳанг бўлса... Наҳотки миллионлаб томошабинлар учун хизмат қилаётган телевидение ходимларининг фаҳм-фаросати, савияси шу даражада бўлса...

Тўғри, ҳамма ҳам "Шер юрак" фильмини кўрмагандир, лекин кўрсатув ташкилотчилари ва муҳаррирларининг хабари борку?! Тўти Юсупованинг ҳаёти шу фильмга ўхшаган бўлса ҳам майли эди-я.
Эҳҳ.., халқим!

"To'ti Yusupova - sheryurak ayol" demoqchi bo'lishgandir-da...