Битирувчи 2009

[AbuMuslim]

Шу нарсаларни кандай "ислох" килса бўлади?
Конструктив таклифлар борми?

[OmoN]

Оффтоп:

Сообщение от AbuMuslim

Конструктив таклифлар борми?

Менда хар доимгидай шафкатсиз таклиф бор

[Nigora Umarova]

Сообщение от OmoN

Оффтоп:

Менда хар доимгидай шафкатсиз таклиф бор

Оффтоп:

Shunaqa taklif bildiraversangiz sizga "o'quvchilarning jallodi" :-) unvonini beramiz. Yoki ota-onalar va o'qituvchilar tartibsiz bolalarga to'palon qilishsa, "Jim o'tir, bo'lmasam uforumdagi Omonni chaqiraman" deydigan bo'lishadi.

[JH]

Сообщение от Maestro

Ҳамма "бало" шахарларда

Qishloqlarda vaqti kelib bundan ham oshirib yuborishadi. Oliy o'quv yurtiga o'qishga kirganlar karnaysurnay va honandalarni taklif etib butun boshli to'y qilib nishonlashadi. Идиотизм.

[Nigora Umarova]

Сообщение от Jahongir Haitov

Qishloqlarda vaqti kelib bundan ham oshirib yuborishadi. Oliy o'quv yurtiga o'qishga kirganlar karnaysurnay va honandalarni taklif etib butun boshli to'y qilib nishonlashadi. Идиотизм.

Mana buni o'qishga kirish desa bo'ladi...

[Nigora Umarova]

Forumdoshlarimizning fikrlari asosli. Shu o'rinda muhtaram yozuvchimiz O'tkir Hoshimovning bir gaplari yodimga keldi: "Darvin ta'limoti noto'g'ri: odam maymundan emas, maymun odamdan tarqagan. Oyog'i yerdan uzilmaganlar odam bo'lib qolgan. Oyog'i yerdan uzilganlar esa maymun bo'lib daraxtga chiqib ketgan. Bu jarayon hamon davom etmoqda..."
"Daraxtga chiqib ketayotganlarning" toifasi esa har xil. Insof bilan aytganda, ota-onasi mehnat qilib topganini bir kunda yelga sovurish... Qaysi o'quvchi o'z sinfdoshidan orqada qolgisi keladi?! Mayli sinfdoshi biror bir boyvachchani yoki firmachni farzandi bo'lsin. Bolalarning ongiga tarbiya berayotganda "Sen hech kimdan kam emassan va kam bo'lmaysan ham" degan tarbiyani singdirgan o'zimiz emasmi? Endi nimaga afsuslanishimiz kerak? o'zimiz pishirgan oshni aylanib ham o'rgilib ham ichishga majburmiz.
Hamma bitiruvchilarning ota-onalari ham boyvachcha ema. oddiy odamlar ham bor. Juda oshib-toshib ketgan ham emas. Ammo nima qilayotganini ko'pincha o'zi bilmaydi. To'g'ri-de, "Boshqalarning farzandi odam-u, ularniki odam emasmi? O'ziga yarasha orzu-havasi bor. U ham bitiruvchi bo'lgan".
Bu ham ma'naviyatning bir ko'rinishi. O'g'il yoki qizining o'qishi uchun uch-tort ming so'm, boring-ki o'n ming so'mni og'rinib berib, "so'nggi qo'ng'iroq" yoki "bitiruv oqshomi"ga falon pul sarflash, bu qaysi ma'naviyatga kiradi?
Bilmadim-u, keyingi paytda "Biz kimmiz o'zi va qayoqqa qarab ketayapmiz?" degan savol meni qiynab kelmoqda. Bu ketishimizda yaqin orada o'quvchilarimiz "So'nggi qo'ng'iroq" yoki "Bitiruv oqshomi"ni Oyda yoki Marsda nishonlashsa ajab emas.

[Maestro]

Оффтоп:

Сообщение от Jahongir Haitov

Qishloqlarda vaqti kelib bundan ham oshirib yuborishadi. Oliy o'quv yurtiga o'qishga kirganlar karnaysurnay va honandalarni taklif etib butun boshli to'y qilib nishonlashadi. Идиотизм.

Балким... Шахсан мен гувоҳи бўлмаганман. ИМХО, аммо масштаб барибир шахардагидек эмас...

[Husen]

Сообщение от AbuMuslim

Шу нарсаларни кандай "ислох" килса бўлади?
Конструктив таклифлар борми?

Бу масалада айбни мактабга, умуман таълим тизимига тўнкариш унчалик ҳам тўғри эмас. Мактабдаги синфдошларим (ўзим эса, мактаб-интернатни тугатганман) битирув оқшомини шу қадар ими-жимида ҳал қилишди-ки, директор оқшом бўлиб ўтадиган кунга келибгина бундан воқиф бўлди. Болалар ўзлари пул йиғишган, (табиийки, ота-оналар ўқитувчиларнинг хабари бордир деган фикрда бўлиб, индамасдан пул беришган), ўзлари хонандаларни таклиф қилишган, бир синфдошимизнинг хонадонида оқшом учун ҳамма шарт-шароитларни муҳайё қилишган. Ўша кунга келибгина ота-оналарни, ўқитувчиларни оқшомга таклиф қилишган. Тўғрисини айтаман, мен чекка бир туманнинг битирувчиси сифатида ўша оқшомда, уни ташкил этиш билан боғлиқ жараёнларда бирон салбий ҳолатга гувоҳ бўлмаганман. Ўқитувчилар ва ота-оналар учун деб 5 та ароқ олишди, йигитлар узлари учун 2 та шампан олишди. Бошқасини билмайман. Ортиқча чиқимларсиз (бу учун 4000 минг сўмдан яъни - ўша пайтда 2 кг гўштнинг нархи атрофида пул йиғилган, адашмасам) ва жанжалларсиз чиройлигина оқшом бўлиб ўтган. Ўқувчиларнинг, ота-оналарнинг, устозларнинг самимий тилаклари ҳамон қулоғим остида.
Аммо, ҳозирги битирувчилар энди бундай йиғинлар ташкил этадиган ёшда эмасда, ахир! Атиги, 15-16 ёшдаги болалар ҳозир битирувчи ҳисобланади. Биз эса 17-18 ёш атрофида битирувчи бўлганмиз (яъни 11 йил ўқиб), озгина бўлса ҳам 11 синф ўқувчисининг ақли 9 синф боласига қараганда жиддийлашган бўлади. 15-16 ёшдаги ўсмирлар бугун шоҳоналик, ўзини-ўзи кўз-кўз қилиш ортидан қувса фожеа эмами?
Аниқ таклифларга келсак, мактаб жамоаси ва ота-оналар комиссияси ўқувчиларнинг бутунлай аралашувисиз бундай йиғинларни ташкил этишлари мақсадга мувофиқ ва бунда ўқувчилар меҳмонлик ваколатидан нарига ўтолмаслиги керак. Яъни уларни оқшом билан боғлиқ биронта ҳам ташкилий, иқтисодий масалаларга яқин йўлатмаслик керак.
Мактаб-интернатдаги битирув оқшомимиз эса алоҳида ҳикоя!!! Буниси сал кейинроқ...

Оффтоп:

Хўш, юқоридаги ҳолатда мактаб жамоаси нима қилсин эди? Биз билан маслаҳатлашмай ташкил қилибсизлар дея аразалаб оқшомга бормасин эдими? Ёки, дарров маҳалла таян пункти мелисаларини олиб келиб, тарқатиб юборсин эдими? Шунга уриниб кўрчсин-чи? Биринчи галда ота-оналарнинг ўзи "Ҳа, энди, шунчасини ташкил қилишибди, бекор кетмасин" дея фарзандлари тарафини олиб чиқишарди.

[OmoN]

Сообщение от Husen Tangriyev

Ёки, дарров маҳалла таян пункти мелисаларини олиб келиб, тарқатиб юборсин эдими?

Шу гапингизга кушиламан.

Сообщение от Husen Tangriyev

Биринчи галда ота-оналарнинг ўзи "Ҳа, энди, шунчасини ташкил қилишибди, бекор кетмасин" дея фарзандлари тарафини олиб чиқишарди.

Уша ота-оналар кейинги фарзандларининг битирув кечасига 300(балки камрок ёки купрок) доллар беришдан олдин уйлаб куришарди.
Уша куни метрода битирувчиларнинг юришини курдингизми? Келин куйлакда юрган битирувчи кизларнинг хатто тишларигача безак берилган (Бировни огзини пойлайдиган одатим йук. Огзи кулогида юрган одамнинг тишлари ихтиёрсиз равишда бошкаларга хам куринар экан). Шуни куриб уйлаб колдим, битта синфда укийдиган битирувчиларнинг нечтасининг ота-онаси бу харажатларни огринмасдан кутарар экан?

Ахир 300 доллар битта одамнинг уртача бир ойлик маоши-ку. Битта одам бир ойда ишлаб топадиган пулни бир кунда совуриш... Битирувчиларимиз катта хаётга кадамни айнан шундан бошлашяптими?

[Lutfillo Tursunov]

Сообщение от OmoN

Уша куни метрода битирувчиларнинг юришини курдингизми?

Мен кўрдим... Ўнтача битирувчи йигит бир маҳал вагоннинг нариги бетидан бу тарафига қараб югуриб кела бошлашди. Бечора энг охирида қолгани орқасига тушган тепкидан оёқларим олдига келиб чўзилди. Нима бўлаётганини билиш учун ўрнимдан турдим. Қарасам бир бола (уям битирувчи бўлса керак) Брюс Лига ўхшаб стойкада турибди. Бу ёқдаги ўнтача бола бир-бирларининг пинжига кириб кетган. Стойкадаги йигитча навбатдаги рақиб ташланишини кутарди, лекин бу ёқдагилар унга ҳамла қилиш тугул, метронинг деразасидан қочишга тайёр туришибди... Вазиятга катталар аралашишди ва "Брюс Ли"ни орқасига қайтарворишди. Мен ўтирган кўйи бу ёқдаги "жабрдийдалар"ни кузатаман. Уларнинг нигоҳи "Брюс Ли"га қаратилган, унинг тезроқ вагондан тушиб кетишини интизорлик билан, жимгина кутиб туришибди. Ниҳоят, тажаввускор йигитча вагондан тушиб кетди, ана энди бу ёғини кўрсангиз эди. Ҳалиги икки дақиқа олдин бир бурчакда биқиниб ўтирган болалар бир-бирларига вагонни бошига кўтариб қичқирар, ўзининг қаҳрамонлигинию, қандай "жанг" олиб борганини кўз-кўз қиларди. Биттаси унисига: "Э, бекор аралашдингда, ўзим тинчитардим" деса. Иккинчиси: "Даҳшат уришдикда ўзиям" деб ўзидан ғурурланарди. Фақатгина орқасидан тепки еган бола бир четда индамайгина берини силаб ўтирарди. Навбатдаги бекат келиши билан "кун қаҳрамонлари" вагондан эркин қушдек отилиб чиқиб кетишди...

Мана сизга метрода юз берган битирувчилар иштирокидаги "томоша". Паркларимизда қанақа "томошалар" бўлганини тасаввур қилиб турибман.