Ustoz o'quvchidan shikoyat qilishi mumkinmi?

[Lutfillo Tursunov]

Сообщение от Aziza Abdunabiyeva

Mana shu tarbiyachilikda eng xunuk narsa-o'qituvchining o'quvchidan shikoyat qilishi bo'lsa kerak, menimcha. Afsuski, o'qituvchilar orasida shundaylar bor... bolalarni yaxshi-yomonga ajratadilar, hatto ayrimlarini o'zlariga dushman deb bilib, uni qitmirlik bilan ta'qib qiladilar, hali o'qituvchilar xonasiga, hali direktorni oldiga uni ta'zirini berish uchun tortqilashadi. Ko'p guvoh bo'lamiz bunday holatlarga, o'sha sinfga rahbar bo'lgan muallimga kun yo'q, ko'zga ko'rindi deguncha shikoyat eshitadi.

Qars ikki qo'ldan chiqadi. O'quvchi tomonidan biror salbiy harakat bo'lmasa o'qituvchi bunday yo'lga qadam bosmaydi. Har bir narsaning kelib chiqishiga biror boshqa narsa sabab bo'ladi. Hayot kurashdan iborat va g'irrom xatti-harakatlarga qarshi xuddi shunday yo'l bilan kurashuvchilar ham paydo bo'la boshlaydi. Haqqoniy kurashishdan ko'ra g'irromlikni ishlatib yengish osonroq ekanini tatib ko'rgan alamzada bu usulni yanada mukammalroq o'zlashtirib oladi. Qarabsizki, atrofga anqiyotgan nomardlik hidi bizni yanada kuchliroq bug'a boshlaydi...