Ўзбек программистлари : )

[Atham Mirazizov]

AbuMuslim, Сизнинг шиорларингизга қарши бирон бир ўзбек баҳслашмайди. Чунки айтганингиз тўғри. Аммо мен сиз кўтарган масалаларни туб негизи хақида тўхтаб ўтишни лозим деб топдим.
Ҳар бир миллат ғурури чўққиси яратилган умуминсоний қадриятлардан иборат. Бундай махтанса бўладиган эришишлар албатта етук, юқори савияли инсонлар бўлишини тақозо этади. Барча миллат фарзандлари туғилганиданоқ мукаммал бир мухитга тушиши керак, шундай бир тарбия-илм олишлари керакки хар томондан ақлли бўлиш учун. Бунинг учун ўйлайманки таълим тизими фундаментал ва амалий фанларнинг бугунги кунда актуал билимларини она тилимизда етказиши шарт. Бу фақатгина ўқув-услубий материалларнинг, адабиётнинг систематик равишда, чуқур изланишлар асосида тайёрланишга боғлиқ. Шу борада айтиб ўтиш зарурки ахборот технологиялари, программирование (дастурлар) йўналишида технологиялар янгиланиши шиддати 3-6 ойдан ортиқ эмас. ДемаК актуал туриш учун адабиёт хам бу тезликни ушаб туриши зарур (майли ўқув қўлланмалар у ёғда турсин). Шундай қилиб ўзбек программистлари кенгроқ жой эгаллашлари учун таълимни юқори поғонага кўтариш керак.
Айтиб ўтилган фикрим ўзбекларнинг барча техник-мухандислик жавхаларига тегишли бўлса керак.
Аммо бизга хос бўлган кундалик маданият, шарқона тарбия, ўзаро муносибатларни сақлаш (балки тиклаш) ва янада ривожлантиришни таълимни, тарбияни энг долзарб масаласи деб биламан. Қисқа қилиб айтганда ғарбдан технологияларни ўргандан холда ўзимизни тафаккуримизни йуқотмасак зўр бўларди.