Bahru-bayt

[Nigora Umarova]

Nima qilsam, Oyni boshqa yig'latmaysiz,
Nima qilsam, tinch qo'yasiz osmonlarni?
Nima qilsam, yulduzlarga tosh otmaysiz,
Nima qilsam, o'ldirmaysiz jayronlarni?

Birga Haqning ayvoniga boradi, deb,
Qaldirg'ochlar qo'llarimdan tutib olgan.
Hech bo'lmasa, panoh so'rab beradi, deb,
Oyog'imga kiyikchalar yotib olgan.

Yomonlarga pastligim yo'q, asli, lekin,
Giyohlarning nomlaridan qo'l so'rayman.
Hali kechmas, hali yana sevish mumkin,
Men gullarning ko'ngli uchun yo'l so'rayman.

Nurga qayting - ro'yolarni ketkazasiz,
Yeru ko'kning tinchi uchun boshlandi jang.
Bu ketishda umringizni yutqazasiz,
O'zingizga shafqat qiling - Oyga tegmang.

Behzod Fazliddin

[Vasliddin Tuychiev]

Gar oshiq esang mehru vafo qilma havas,
Dard istayu daf'ig'a davo qilma havas.
Hijronu visol mutlaqo qilma havas,
Dildoringdan g'ayri rizo qilma havas.

[Nigora Umarova]

Siz mendan hech narsa qilmaysiz talab,
Men sizdan hech narsa so'ray olmayman.
Siz ketma, demaysiz, men esa.. yo Rab<
Qolgim kelsa hamki, qolmayman.

Zotan, siz sevgiga, ishqqa tashnasiz<
Zotan, men mehrga muhtojman, zorman,
Bilmam: kimga do'stsiz, kimga oshnasiz<
Bilmam: kimga yorman, kimga darkorman.

Kunora ko'raman, salom berasiz,
Hatto jilmayasiz, qilasiz karam.
Men sizni sog'ina boshlagan kundan,
Buyon siznikiman, sizga man qaram.

Bir shu'la ko'raman ko'zlaringizda,
"Kim yoqqan olov bu?"- xatarli so'roq.
Begona ism yo'q so'zlaringizda,
Mening ismimni ham aytmaysiz biroq.

Vohid Luqmon

[Vasliddin Tuychiev]

Qon yutub umri jahon ahlida bir yor istadim,
Lekin ul kamrak topildi, garchi bisyor istadim.

Kimga kim jonim fido aylab sog'indim dam-badam,
Ermas erdi yorliqda chun vafodor istadim.

Bilmadim olam elida yo'qturur mutlaq vafo,
Vahki, umri ulcha yo'qtur sog'inib yor istadim.

Ulki, topilmas bashar jinsida vah g'aflat ko'rung,
Kim pari xaylida men devonai zor istadim

Sirri ishqimni ko'ngul ko'z birla fosh etmak ne tong,
Qalbu tardomanni men chun sohib asror istadim.

Shayx birla xonaqahdin chun yorug'luq topmadim,
Dayr piri xizmatig'a ko'yi xammor istadim.

Ey Navoiy, chun rafiqi topmadim, bu g'ussadin,
O'zni bekaslik balosig'a giriftor istadim.

[Nigora Umarova]

Mening ko'ksim sening dardingda dog'dir,
Bu dog' birla menga dunyo firoqdir.

Dema joningni takror yoqmagaymen,
Dog'im uzra bu dog'im dag'i dog'dir

Menu vayrona hijron< baxtli ul kim,
Nasibi sen kabi gul birla bog'dir.

Firoqdan yig'lagil, ey bulbuli zor,
Visol bog'ida aysh surguvchi zog'dir.

Bugun gul bazmida kuychi bo'libdur<
Qaro qarg'a qo'shig'i "qog'-qog'" dir.

Nechun ey xoja< sen axtarmagaysan?
Yo'qolmay, har tomondan bir so'roqdir.

O'chirma otashin ohingni Jomiy,
Qorong'u tunlaringda bir chiroqdir.

Abdurahmon Jomiy

[Vasliddin Tuychiev]

Rayhonni so'ldirmoq gunohi azim,
Ey Sanam, qarshingda aylayin ta'zim,
Sen-la nishonlamoq umrbod bazm -
Orzumdir, shul yo'lda o'lsam, roziman,
Ishq yurtida osiy bo'lsam, roziman.

[Nigora Umarova]

Нахот, дийдам шунчалар каттик,
Бешафкатсан, хаёт бешафкат.
Хеч кимим йук узимдан ортик,
Онам учун тополмайман Вакт.

Бехзод Фазлиддин

[Akhmad Kodirov]

Ta'lim oldim boshoqlardan, donlardan ham,
Kulcha yuzlar hamda kulcha nonlardan ham.
Men Vatanni o'rgandim har giyohidan,
Shomlariyu rayhonlarin siyohidan.

Qaldirg'ochlar to'ylarimda xizmat qildi,
Kambag'alni suydim boylar izzat qildi.
Dilga ko'chdi umriy ranju aziyatlar,
O'ychan, keksa toklar qilgan nasihatlar.

Men shundayin so'zga to'ldim ichlarimdan,
Harf o'rgandim uylaring ham sinchlaringdan,
Har qarichi, har g'ubori imlo, yurtim,
Har bir toshi, har chinori mullo, yurtim.

Bolalikdan bir g'aroyib taxtda bo'ldim,
Oy, yulduzlar birlan mudom ahdda bo'ldim.
So'qmoqlardan, oq, za'faron dalalardan
Men za'faron so'zlar terib katta bo'ldim.

Saboq oldim yanchilmagan somonlardan,
Umr isi kelib turgan choponlardan.
G'arib paxsa devorlardan oldim savod,
Bildim nadir nadomatu nadir savob.

Xatim chiqdi onam kaftin xatlaridan,
Kamol topdim kaftlarining taftlaridan.
Mehrlari ko'nglimga ko'zlar bo'ldilar,
Vatan yanglig' ulug'vor so'zlar bo'ldilar.

Sirojiddin Sayid

[Nigora Umarova]

Ruhim qilich bo'lib qolsa-yu,
O'z tanamni chopib tashlasam.
Tilka-tilka qilib bag'rimni,
Ming bo'lakka bo'lib tashlasam.
Yerda yotgan har bir bo'lakdan
Sening isming bo'lar namoyon,
Tilkalangan majruh yurakdan,
Qon o'rnida oqadi isyon.
Agar jismim vayron bo'lsa-yu tirik qolsa nogahon ko'zim,
Dono tabib ko'zni avaylab,
Bir ojizga qo'ysa unga zo'r,
Tiriklikka qaytgan ko'zlarim,
Yana seni ko'rar Yolg'izim...

Halima Ahmedova

[Masud Mahsudov]

Мeнгa қaнот бeринг, хaлқим дaрдлaрин,
Олиб бориб тaшлaй тоғлaр ортигa.
Рутубaт ҳукм этгaн тунлaрнинг бaрин,
Йўлaтмaй яшaйин мaрдлaр юртигa.

Мeнгa қaнот бeринг. Эркин қуш мисол,
Жaннaтдeк боғлaрим кўз-кўз этaйин.
Элимгa жилмaйсa кўкдaги ҳилол,
Минг йиллик орзулaр рўёси тaйин.

Қaнот бeринг, учaй, Ўзбeк ойим ҳaм,
Ҳузуригa мeни чорлaр куюниб.
Бугунги ўзбeгим қизин тaрбия
Этмоқлик истaгин aйтaр суюниб.

Бeсaлом, бeсaвод ёшлaргa қaрaб,
Мўйсaфид хўрсиниб силкитaр бошин.
Ғaмингиз бeрингиз мeнгa отaжон,
Дунёлaр кўрмaсин кўзингиз ёшин.

Қaнотгa муҳтожмaн, Вaтaним кaби,
Aждодлaр руҳлaри бизлaргa ҳaмроҳ.
Бизлaрким – улуғлaр нaсл-нaсaби,
Букун осмонлaрдaн излaймиз пaноҳ.


Firdavs