Dildagi satrlar

[Dilmurod1996]

INTIQLIK

Tuni bilan yoqqan yomg’irlar
Yuvib o’tdi tonglar yuzini.
Men izladim o’zim uchun sir
Bo’lgan baxtning yorug’ yuzini…

Keldimi deb sendan xabarlar
Eshiklarni necha bor ochdim.
Daydi shamol bebosh boladay
Derazamni sindirib qochdi!

Tuni bilan qiynaldi yurak
Yeta olmay nur yo’llariga.
Isming qo’ndi kapalak kabi
Goh tushimga,
Goh qo’llarimga…

Sen kelmading,
Biroq bu gal ham…
Men kunning qon yuziga boqib —
o’ijimlanib otilgan xatday —
Yuragimni yubordim yoqib!..

…Tuni bilan yomg’irlar yog’di…

Zebo Mirzo

[Dilmurod1996]

Sizni tushlarimda ko’rsam, sig’insam,
Og’ir botmasmikan? Ozor yetmasmi?
Tunlar o’zim bilmay sizni sog’insam,
Bu gunohdan yerlar yutmasmi?

Yoningizga xayolan borsam,
Quvmaysizmi,
haydamaysizmi?
Hislarimni sizga ishonsam,
kulmaysizmi,
aldamaysizmi?

Ishq — bor, deb tunlarga ertaklar aytsam,
La’natlamaysizmi,
yig’latmaysizmi?..
Nega indamaysiz,
Nimaga jimsiz?
Ishona olasizmi?
So’ragum…
Axir, qon yutib zor qarg’amoqqamas,
Sevmoqqa yaralgan yuragim!..

Axir, nikohlandim nigohingizga,
Bilmaysiz, bu sirni kimdan o’rgandim.
Azizim,
Ishq — mening tushimda olgan
Bitta bo’sangizdan
ko’rgan farzandim!..

Zebo Mirzo

[Dilmurod1996]

Duo qilaylik... baxt tark etmasin.
Duo qilaylik... omad ketmasin... bizlardan!

Duo qilaylik... fayz tark etmasin.
Duo qilaylik... iymon ketmasin... bizlardan!
(qo‘shiqdan, dildagi satrlar)

[Sparc]

Зўр карвон йўлида етим бўтадек,
Интизор кўзларда халқа-халқа ёш.
Энг кичик заррадан Юпитергача
Ўзинг мураббийсан хабар бер қуёш.

...

Гафур Гулом.

[Sparc]

Эй, мен билган,Билмаган дунё!
Заррадан то Коинот қадар,
Ҳам аён, ҳам тилсимот қадар
Фикрат бовар қилмаган дунё!
...

Э.Вохидов

[Sparc]

Мен талпинган диёр, у Ўзбекистон,
Таърифин битмакка бормикан имкон.
Йўқ ўзга юртларда беролмасман жон
Мени олиб кетинг Ўзбекистонга.
...

А.Орипов

[Shyuldash]

Сообщение от Dilmurod1996

Bu zamondan qochib qayerga boray?
Ko'ksimda hanjarlar, dil - g'urbathona.
Tizzangizga bir oz boshimni qo'yay.
Alla aytib bering charchadim ONA!

Eh... men - nodon inson, g‘orlik qilibman.
Bugun hatolardan ko‘nglim - vayrona!
Hoy-u havas - bir pul, endi bilibman.
Alla aytib bering charchadim ONA!

Iqrorman, ko‘p bora o‘zim o‘yladim.
Ko‘zlaganim edi - yashash shohona.
Barini topdim lek* orom topmadim,
Alla aytib bering charchadim ONA!

Chaqaloq bo‘lganim tuyib uhlayin,
Chin so‘zim: vaqt-makon hozir begona.
Bolalik davrimday suyib tinglayin,
Alla aytib bering charchadim ONA!

Men ahmoq mehrimni kimlarga berdim?
Sanamlar ishqida bo‘ldim devona!
Endi afsusdaman ( nima ham derdim).
Alla aytib bering charchadim ONA!

Sizning allangizda borliq mujassam
Eshitgim kelmoqda ko‘zim giryona!
Ne qilay, men unga sira to‘ymasam?!
Alla aytib bering charchadim ONA!

Bolakay. (O‘zim)

Сообщение от Dilmurod1996

Bu zamondan qochib qayerga boray?
Ko'ksimda hanjarlar, dil - g'urbathona.
Tizzangizga bir oz boshimni qo'yay.
Alla aytib bering charchadim ONA!

She'rngizni shu satrlari meniki-ku qayerdan oldingiz?

[Shyuldash]

Men ham maktab davrlarimdan beri she'r mashq qilaman. Lekin hali biror ustoz ko'rganim yo'q.
Kuni kecha shu forumda she'rlarni o'qib qoldim va o'zimning ham ijod mahsullarimdan joylashga ahd qildim. O'ylaymanki befarq bo'lmaysiz va munosabatingizni bildirasiz...

Qulflamay qo'ydim darvozalarni,
Chiroqlar o'chishni unutgan butkul.
Sira eshitmayman ovozalarni,
Qaytib kelishingga ishonaman, Gul.

Ko'nglimda umidim uchquni yoniq,
Alanga oladi tun yorgan kunday.
Kechikib bo'lsa ham kelishing aniq,
Axir fizikaning qonuni shunday.

Faqat shu ilinjla borman dunyoda,
Ismingni aytishdan tolimaydi til.
Ko'p marta ko'rganman, hamma kinoda,
Jinoyat joyiga qaytadi qotil.

Qaytib kelishingga ishonaman, Gul...

Shokir Yo'ldosh

[Shyuldash]

Bugun minbardaman ovozim baland,
Kecha jim bo'lganim yodimga tushar.
Qo'llarim uzunu yurakda kamand,
Kecha kim bo'lganim yodimga tushar.

Do'q ursam bulutlar yig'laydi bugun,
Quzg'unlar, burgutlar yig'laydi bugun,
Do'stlar ko'p quchoqqa sig'maydi bugun,
Kecha kim bo'lganim yodimga tushar.

Dil tutsam dilimga qo'nar kapalak,
Dilimni o'ziday yo'nar kapalak,
Ba'zida bad nafsim otsa hakalak,
Kecha kim bo'lganim yodimga tushar.

Gohida nodonlar chiqar yo'limdan,
O'zicha hoqonlar chiqar yo'limdan,
Rost-yolg'on nolonlar chiqar yo'limdan,
Kecha kim bo'lganim yodimga tushar.

Ko'rmadim uzilmay qolgan yaproqni,
Yashirib bo'lmaydi dilda titroqni,
Har safar ezishdan oldin tuproqni,
Kecha qum bo'lganim yodimga tushar.

Yana qum bo'lmog'im yodimga tushar.

Shokir Yo'ldosh

[Shyuldash]

Zaynabga…

Yigirmaga kirmay turib,
Yondirilgan gul - Zaynab.
Hali to'yi bo'lmasdanoq
Yordan ayro tul - Zaynab.

Mehr berib, zahr ko'rgan,
Ko'ksi to'la o'q edi.
Kumush otlig' kundoshi bor,
Lek tundoshi yo'q edi.

Shum taqdirning yozug'idan
Qochib qayga borsin u.
Yiring to'lgan yuragini
Yig'lab kimga yorsin u.

Kumush kelgach qani obro'?
Bo'ldi endi kim Zaynab?
O'zga uxlar yor qo'ynida,
Lek shunda ham jim Zaynab.

Qarg'amasdan bechorani,
Bir oz o'ylab ko'ring siz.
Irodangiz yetsa agar,
Bir kun Zaynab bo'ling siz.

Yilda bir bor yor quchsa ham
Qo'g'irchoqni quchgan u.
Kumush ichgan zahar oshni,
Uch yil kunda ichgan u.

Suygan ammo suyulmasdan,
Yondirilgan gul - Zaynab.
Hali to'yi bo'lmay turib,
Yordan ayro tul - Zaynab.

Sevgan - yakka xatosi shu,
Zaynabni ham oqlagin.
Sevilmaslik balosidan,
Tangrim, o'zing saqlagin.

Sevilmaslik balosidan,
Tangrim, o'zing saqlagin.

Shokir Yo'ldosh