Dildagi satrlar

[Nigora Umarova]

ЗИЁЛИ

Ҳеч кимга зиёни тегмайди асло,
Боқсалар – кўзлари қиёлиларим.
Лекин мақтов кутар қушдан ҳам ҳатто,
Менинг азиз қавмим – зиёлиларим.

Тўғри, бир озгина оғзига ботир,
Бир оз хаёлпараст, бир оз ҳавойи.
Бир боқсанг, ўзини атайди Бобур,
Бир боқсанг, тасаввуф пири – Навоий.

Уларнинг феълини ўрганмоқ даркор,
Бу гап баб-баравар ҳаммасига хос.
Хаёли бўлса-да пуч ҳамда бекор,
Ўзлари ишонар унга рўйи-рост.

Дейди, тонгга қадар ёздик хуморни,
Шукур Бурхон билан ўтирдик анча.
Минг афсус, беназир, улуғ актёрнинг
Ўтиб кетганига бўлгандир қанча.

Дейди, қараб турар бизларга миллат,
Кеча кўриб келдик, уйига бориб.
Мендан сўраб олди кўплаб маслаҳат,
Хурсанд бўлиб қолди Абдулла Ориф.

Баъзида унвонлар ҳидини сезиб,
У дарров ўзини рамкага солар.
Гоҳо дабдурустдан калласи қизиб,
Нобель мукофотин талашиб қолар.

Фаришта қавмини кўрмадим ҳеч вақт,
Демак, Иблисни ҳам учратмадим, бас.
Лекин бир оз ўтрик, бир оз маҳобат,
Зиёли халқига бегона эмас.

Асл зиёлидир миллатнинг юзи,
Ҳатто сезилади сирлилик ҳам сал.
Унинг "Соғаясиз!" деган бир сўзи,
Юзаки таскиндан минг бора афзал.

Абдулла ОРИПОВ,

[reg-stoni]

Сообщение от Знакомый

Чтоб мудро жизнь прожить, знать надобно немало.
Два важных правила запомни для начала:
Ты лучше голодай, чем что попало есть,
И лучше будь один, чем вместе с кем попало.


Омар Хайям.

Рубаи на языке оригинала:
دو چیز که هست مایه دانائی
بهتر زهمه حدیث نا گویائی
از خوردن هر چه هست نا خوردن به
و ز محبت هر چه هست به تنهائی

Ду чиз ки ҳаст мои донай
Беҳтар зи ҳама хадис на гуяй
Аз хӯрдан ҳар чи ҳаст на хӯрдан беҳ
У з мухабат ҳар чи ҳаст беҳ танҳай.

Перевод О.Румера великолепен, но приведу подстрочный перевод:

Есть две вещи, лежащие в основе мудрости
И которые следует отнести к числу самых важных «невысказанных откровений»:
Не кушать всё, что есть из еды
И лучше быть в одиночестве, чем любить всё, что существует.

[Nigora Umarova]

ДАРСЛИК ТУЗУВЧИ

Баланд экан ғоят шиддатинг,
Таҳриринг бор балки ҳаётга.
Бобонг билан момонг суратин
Киргизиб қўй адабиётга.

Четда қолар Ойбек ва Қаҳҳор
Кўргазмасанг агарда шафқат.
Лекин сендан бир ўтинчим бор:
Навоийга тегмагин фақат.

Абдулла ОРИПОВ

[Биллур]

Hayotning har lahzasi go‘zal

Tun pardasi ochilib asta
Chiqib kelar sahnaga quyosh.
Gul salomdan ko‘taradi bosh.
Hovli go‘yo artilgan chinni,
Yo‘llar go‘yo yuvilgan oynak.
Qutlash uchun yangi bu kunni
Hayotning har lahzasi go‘zal,
Umrning har dami g’animat.
Qaymoq isi yaratar tanni,
Dasturxonda issiq kulchalar.
Asli hatto go‘dak emizmoq
Barobardir og’ir yumushga.
Oshiqarlar yuraklar qaynoq,
Birov ishga, birov o‘qishga.
Hayotning har lahzasi go‘zal,
Umrning har dami g’animat.
Duch keladi yuzlab chehralar,
Ko‘pin qaytib ko‘rmoqlik mahol.
Ular dilga yaqin naqadar,
Shuning o‘zi tuganmas iqbol.
Barchinoylar nigohida sir,
Alpomishlar ko‘zida yashin.
Yoshlik qaytar qalbg asochib nur,
Eslaysa ilk sevgi otashin…
Hayotning har lahzasi go‘zal,
Umrning har dami g’animat.
Bir mahallar berishgan salom,
Endi esa olishar alik.
Tillarida duo, xush kalom,
Saodatdir hatto keksalik.
Kulib turgan munchoqqo‘z bola
“Tinchlik” so‘zin solar yodingga.
Sochlaringdan erib oq tola,
Intilasan yaana oldinga.
Hayotning har lahzasi go‘zal,
Umrning har lahzasi g’animat.
Bu yurtda alp chinorlar o‘sar,
Ko‘k gumbazlar o‘ngu so‘lingda.
Bir azaga kirib o‘tsang gar,
So‘ng o‘ngta to‘y uchrar yo‘lingda.
Goh birovlar tanishar ilk bor,
Goh yig’lar eski ulfatlar.
Odamzodga dunyo bo‘lmas tor,
To mavjuddir shirin suhbatlar…
Hayotning har lahzasi go‘zal,
Umrning har dami g’animat.
Bosh ko‘tarmas kimdir ishidan,
Kimdir o‘ylar ulug’ bir reja.
Yana sirli orom qushiday
Ko‘hna boshlar yurtimga kecha.
Bugunidan el ko‘ngli to‘lib,
Ertangi kun uchun to‘plar dosh.
Anvar shoir charchog’I bo‘lib,
Tog’ ortiga yonboshlar quyosh…
Hayotning har lahzasi go‘zal,
Umrning har dami g’animat.

O‘zbekiston xalq shoiri Anvar Obidjon

[Nigora Umarova]

Сообщение от Nigora Umarova

Европа

Муҳаббат аталган бир ҳис бор эди,
Уни деб қавмлар бир-бирин еган.
Жулетта исмли бир қиз бор эди,
Бир йигит бор эди Ромео деган.


Бор эди муҳаббат аталмиш қўрғон,
Учиб киролмасди чивин ҳам ҳатто.
Совғасин Ягонинг қўлида кўрган,
Бўғиб қўя қолган жуфтин Отелло.

Энди бу юртларда дунё тескари,
Муҳаббат ҳислари бадар кетганлар.
Жаннатни мадҳ этиб юрганлар бари,
Жаҳаннам комига бориб етганлар.

Хўроз хўроз билан ўтказса тўйин,
Буқалар буқа деб ипини узса,
Бу қандай томоша, бу қандайин ўйин,
Сигирлар сигирга кўзини сузса.

Инсон мукаррамдир унутма асло,
Шаънига ёмон гап тўқима , болам.
Бу шеърни бир ўзинг ўқидинг, аммо
Ўқима бировга, ўқима, болам.

Абдулла Орипов

Abdulla Oripov,
The hero of Uzbekistan, National poet of Uzbekistan

THE EUROPE

There was a feeling named after love –
This emotion – led battles to the war.
There was a Miss – known as Juliette
And a young gent called Romeo.

There was a castle in the name amour,
Even a flyer could not cross into.
Cuz of the gift that was in Iago,
Jealous Othello killed his paramour.

Now in these lands the world is perverse –
The emotions of love had gone eternal.
The love, loyalty – all paradise praise
Turned into the threshold of the hell.

The cock is marrying to the cock,
A bull touches the passion to the bull.
What a drama is this, what a shock,
The cows prefer the cow – to feel.

Human is sacred, don’t dare to forget –
Do not black his honor; don’t do this, my babe.
You have read this poem, and even though,
Do not read to others; don’t read it, my babe.

March, 2013

Translated from the Uzbek by Shukhrat Sattorov

[Биллур]

Sezonga mos she'r ekan, ham paxta ham qurilish...

Айирбош

- Бу дунёда эхтиёж мул пахтага,
Мен пахтани алмаштиргум тахтага.
Менинг сенинг диёрингга паттам йук,
Пахтам куп, лек том ёпишга тахтам йук.
Умрим мехнат ва захматдан иборат,
Мунгаядир чала битган иморат.
Мен демасман кахва ёки латта бер,
Пахтамни ол, берсанг менга тахта бер.
Ёнилги, мой бир гап булар, сол кулок:
Шовулламас бекор тун-кун Мингбулок.
- Когоз олгил, у тиллога баробар.
- Менга факат тахта керак, биродар!
Шоирлар хам кизик, ёзар бетиним,
Томсиз уйда китоб укир ахир ким?
Етмаса, ол курпа-ёстик, тушагим,
Пустагим бор, бир амаллаб яшагум.
Эрта-индин киш курсатар кунимни,
Етмаса гар ечиб берай тунимни.

Узбек кизик, доим шундай жайдари,
Иморат деб утар умр дафтари.
Бу сафар хам оклади уз номини,
Тунсиз колиб, ёпиб олди томини.

Сирожиддин Саййид, 1993 йил.
Последний раз редактировалось Nigora Umarova, 21.10.2009 в 10:37

[albatros]

Қочиб кетар вақтнинг ортига,
Ватан десам,
Йиғлайди юрак.
Қодирийни қабрин изламай,
Севмоқликни билмайди юрак.
Қочиб кетар мозийга дилҳун,
Чўлпонларга байтлар айтади.
Сибирларнинг тупроқларидан,
Усмон Носир билан қайтади.
Тушларимда беролмайди жон,
Қонлар келиб Боту оғзидан.
Ватан десам,
Вақт ҳам тисланар -
Сталиннинг олар бўғзидан.
Ватан десам,
Гуллайди юрак,
Гуллар таннинг ҳар бир суяги.
Кўзларимда ҳилпирар мағрур,
Файзулло Хўжанинг кўйлаги.
Ватан десам,
Жилмаяр дунё,
Ватан
Дунё ошиғинг сенинг,
... Хуросонни севиб ўтганди,
Ўрис бўлса ҳамки, Есенин.

Дилфуза Комил

[Sparc]

Сообщение от albatros

Қодирийни қабрин изламай,

Сообщение от albatros

Чўлпонларга байтлар айтади.

Сообщение от albatros

Усмон Носир билан қайтади.

Сообщение от albatros

Қонлар келиб Боту оғзидан.

ватан тугрисидаги хар битта щеърда Кодирий, Чулпонларни санаб утиш мода тусига кирмокда

Сообщение от albatros

Кўзларимда ҳилпирар мағрур,
Файзулло Хўжанинг кўйлаги.

бу "байтни" маъносини муаллифни узи хам тушунмаса керак, нима учун айнан Файзулла Хужаевни куйлаги, бу куйлак байрокми ?

Сообщение от albatros

Ватан десам,
Йиғлайди юрак.

Сообщение от albatros

Ватан десам,
Жилмаяр дунё,

???

Сообщение от albatros

... Хуросонни севиб ўтганди,
Ўрис бўлса ҳамки, Есенин.

тумтарок щеърнинг тумтарок якуни..., Хуросон хам Узбекистонми ?

[Nigora Umarova]

Қадамлар, шарпасиз оғир қадамлар,
Кўзлар пардасига қалққан аччиқ ёш.
Энс сўнгги сафарга кимни узатар,
Ҳамкасбми, қўшними ёки қариндош?

Гуллар ҳусни шунча совуқми асли,
Висол дамидаги кўрки қаерда?
Бугун табиатнинг қанақа фасли,
Ҳеч ким пайқамайди, кўзлари ерда.

Майлига, ранглар ҳам ўчсин бир нафас,
Майлига, офтоб ҳам беркинсин бир дам.
Майлига, бир зум йўқолсин ҳавас,
Майлига, зил юкдай туюлсин қадам,
Ахир орамизда кетмоқда одам!

Мотам сукутидан юрак қийноқда,
Юрак қийноқдаки, бермагундай тоб.
Аммо, мен истардим, юрак шу топда
Ўз-ўзига шундай беролса ҳисоб:
Дардин эшитдингми тириклигида?
Бирон шодлик куни гул тутганмидинг?
Ёки ўша кунни унутганмидинг?
Қадрига етдингми тириклигида?

Шу сўроққа тутса кўнглимиз бизни,
Балки ўлим яна кетарди йироқ.
Одамлар! Қадрланг бир-бирингизни,
Гул ҳам, муҳаббат ҳам тирикка керак.

Саида ЗУННУНОВА

[Nigora Umarova]

Сообщение от Sparc

ватан тугрисидаги хар битта щеърда Кодирий, Чулпонларни санаб утиш мода тусига кирмокда?

Талмеҳ санъати

бу "байтни" маъносини муаллифни узи хам тушунмаса керак, нима учун айнан Файзулла Хужаевни куйлаги, бу куйлак байрокми ?

Менга бу байт бир пайтлар Абдулла Орипов ёзган,
"Бер онажон, бер отамнинг қонли куйлагин қўлимга"-мисраларини эслатди.

тумтарок щеърнинг тумтарок якуни..., Хуросон хам Узбекистонми ?

Балки шоира бунда Мовароуннаҳрни назарда тутгандир?!..