Oqibat

[Nigora Umarova]

[MOD]OmoN, Iymandar, offtop qilmanglar....[/MOD]

[Мухаммад Сохиб]

Мазкур масала, яъни оқибат ва яна шунга ўхшаш олийжаноб инсоний фазилатлар хақида сўз борар экан гап айланиб бориб дийнга тақалади. Чунки, ҳар қандай фазилатнинг энг тўғриси, нималарга амал қилинганда аниқ намоён бўлишини Ислом дийнидан бошқа на бир фалсафа, на бир тузум ёхуд бирор Халқ намойиш этиб бера олмаган. Ҳоҳ у оқибат бўлсин, ҳоҳ мурувват, ҳоҳ саҳоват бу фазийлатларнинг қай тариқа ривож топтириш, уларнинг инсонлар орасида кенг ёйилишини таъминлаш учун барибир бориб Асл манбага мурожаат қилинади.
Лекин минг афсус-ки, хеч қандай нотўғри ғоя ва фикр, тузум ёки гуруҳнинг балчиққа ботган мафкураси эмас, оддий хақиқат сўзланса ҳам, орамизда мазкур нарсаларни қабул қила олишга ўз нафсини мослай олмаганлар, ўзларининг тайинлик фикрлари йўқлиги етмагандек, кинояли гаплар ва турлик пропагандалар қилишлари кўнгилга ботади.
Асли шу ҳолат ҳам хақийқий оқибатнинг нима эканини билмаганликнинг яққол кўриниши.
Шу ўринда яна бир икки фикрларга тўхталсак.

Сообщение от Mahmud Jurat

Демак, ислом дини ва унинг муқаддас китоби ЕТТИНЧИ аср билан ўз умрини бошлайди.

Бундай тушунчани кўпроқ Тарихни ўрганиш чоғида нохолис манбалардан олинган маълумотларга таяниш келтириб чиқаради. Аслида Аллоҳ Таоло ҳамма авлодларга Исломни дин қилиб берган бўлса ҳам, ҳар замон ва маконга ўзига хос шариат берди. Ва еттинчи асрга келиб, Аллоҳ таоло айтади: «Бугунги кунда Мен сизнинг динингизни мукаммал қилиб бердим. Сизга неъматимни батамом қилдим. Ва сизга Исломни дин деб рози бўлдим».

Бундай нозик масалаларда фикр юритаётганда "диний рамка" ва яна қандайдир ўхшамаган ибораларни ўйламасдан гапириш яхши эмас. Ундан кўра, муҳокама қилинаётган мавзу хусусида жўялироқ гап айтган яхши-ки, Иймандар номлик иштирокчи каби.

Билишимча, форум айни пайтда юртимиз Зиёлиларидан саналиб турган Тоҳир Малик ва Турсуной Содиқова каби адиблар билан яхши алоқада. Келинг админга мурожаат қилсак, Тоҳир ака ва Турсуной опалар ҳам Оқибат ҳақида ўз фикрларини айтишса. Балким уларнинг бирор китоб ёки рисолаларида бу хусусида тўхталиб бўлингандир. Биз "Одамийлик мулки", "Ақл ва Оқил", "Келинлар дафтарига" каби маънавий озуқаларга бой китоблар мутоаласидан кўра Ғарбнинг "классика"сига берилиб кетгандирмиз.

[Tulqin Eshbekov]

Сообщение от Iymandar

бу жиддий масала.

Оқибатли одамлар орасида кўп юрганим боисми, "оқибат йўқолмоқда" деган бирёқлама гапни сира ҳазм қила олмайман. Наздимда, ўзи оқибатсизлар шундоқ дейдиганга ўхшайди...

[Tulqin Eshbekov]

Оқибат деганларини дастлаб оилада, сўнг мактаб ва маҳалла-кўйда кўрганман. Илк бора таълим берган азиз ўқитувчиларимнинг шогирдларига кўрсатган оқибатлари олдида ҳамон таъзимдаман.

[Tulqin Eshbekov]

Қуруқ ваъзхонликдан аниқ мисолларга ўтадиган бўлсак, шахсан ўзим журналистика соҳасидаги илк устозларим - "Иштихон" газетаси муҳаррири Зайниддин Баҳриддинов, ўринбосари Ибодхон Баҳодиров, ходимлари Гулчеҳра Усмонова, Муқаддам Ҳайитова ва "Қибрай садоси" газетаси муҳаррири Абдуҳамид Фозилов, ўринбосари Дилором Аюпова, масъул котиби Қўзи Йўлдошев (раҳматли), мухбирлари Шоюсуф Мирюсуфзода, Қосим Муллабоев каби одамохун, хушфеъл, самимий инсонларнинг фаолиятларида, ўзгаларга муносабатларида оқибатнинг бетакрор нурларидан баҳра олганман.

[Tulqin Eshbekov]

1980 йилда Тошкентга йўл оларканман, "ўқишга таниш-билишсиз кира олмайсан..." деган ғайришуурий гаплардан бошим ғувлаб кетганди. Ўшанда журналистика факультети декани, уруш ногирони Анвар Шомақсудовнинг қанчалик оқибатли инсон, ҳақиқий устоз-мураббий эканлигига тан берганман. Умрбод бу ОҚИБАТЛИ УСТОЗ олдида таъзимдаман!
Ўқишга таниш-билиш орқали кириш мумкин, деган жирканчли гапга ўшанда тупурганман! Шундан буён олий-ўқув юртларига киришга бел боғлаган ёшларнинг онгини заҳарлашга чиранадиганларга дуч келсам... у ёғни ўзига айтаман!

[Bekmirzo]

Сообщение от Tulqin Eshbekov

...
Ўқишга таниш-билиш орқали кириш мумкин, деган жирканчли гапга ўшанда тупурганман! Шундан буён олий-ўқув юртларига киришга бел боғлаган ёшларнинг онгини заҳарлашга чиранадиганларга дуч келсам... у ёғни ўзига айтаман!

Malades, domla.
Bitta savol: oliy o'quv yurti talabalaridan baho uchun pul oladigan domlalarga duch kelsangiz, ularga tupurasizmi yoki yo'q? Shunday vaziyatda siz qanday oqibatlilik qilgan bo'lardingiz?

[Tulqin Eshbekov]

Сообщение от Bekmirzo

Malades, domla.
Bitta savol: oliy o'quv yurti talabalaridan baho uchun pul oladigan domlalarga duch kelsangiz, ularga tupurasizmi yoki yo'q? Shunday vaziyatda siz qanday oqibatlilik qilgan bo'lardingiz?

Талабадан пул олишдек ғаразли мақсадда юрган "домла" наинки домла эмас, балки инсонийликдан ҳам йироқдир. Сиз айтганча, шунақаларга дуч келиб қолсам, қўлимдан келганча жазога торттираман. Умрим бўйи шунақа салбий иллатларга қарши курашиб келаётганимни ошкор этсам қайсидир қитмирлар албатта мақтанчоқликка йўйишидан истиҳола қиламан...
Танганинг иккинчи томони, деганларидек, айрим домлалар қачон, қай ҳолатда "олишга мажбур бўлади" деган ғайришуурий саволга ҳам жавоб изласак яна бир ҳақиқат ошкор бўларди. Яъни, айрим талабалар дарсларга келмайди. Етарли даражада маърузаларни тингламагач, китоб ўқимагач, билимсиз бўлиб қолади. Баҳо қўйиш пайтига келганда эса, эрсиз хотиннинг ҳимоячиси кўп бўлганидек шунақа "талаба"ларга баҳо қўйдириш учун гоҳо казо-казолар "илтимос" ё дағдаға қилади. Масалан, бир куни сиз ҳам пайдо бўлиб қолишингиз ҳеч гапмас. "Мен ўша Бекмирзоман!" десангиз, албатта қувониб кетаман. Жимжимадор гапларингиз билан ҳайратга солишингиз мумкин. Кейин биттаси фалон-фалон сабаб билан дарсларга кела олмаганини, бироқ, фалон жойда ишлаётганини ва ҳоказо гапларни қалаштириб ташлайсиз. Мен барибир талабадан ўқиш ва "ўзлаштириш иши" ёзишни талаб қиламан, вазифалар бераман, шуларни бажарса баҳо қўйишимни айтаман. Сиз "бугун охирги кун экан, илтимос, баҳо қўяверинг, кейин топшириғингизни бажаради! Бечора стипендиядан қолиб кетмасин" деб даллоллик қиласиз. Борингки, ишониб баҳо қўяман. Кейин... "Бекмирзо орқали олибди..." деган гап албатта қулоғимга етиб келади.
Айтинг-чи, бундай ҳолда кимга жазо бериш керак: Бекмирзогами, талабагами, домлагами?
Ҳаққа, ҳақиқатга интилиб, оқибат учун кураш шахсий шиоримга айланганини фахр билан айта оламан-у... "мақтанибди" деб қопиб олишларидан истиҳола қиламан. Чунки, бундай туйғулардан йироқ кимсалар, афсуски, бундай улуғворликни ҳазм қила олмайди...

[Masud Mahsudov]

Сообщение от Tulqin Eshbekov

Ҳаққа, ҳақиқатга интилиб, оқибат учун кураш шахсий шиоримга айланганини фахр билан айта оламан-у... "мақтанибди" деб қопиб олишларидан истиҳола қиламан. Чунки, бундай туйғулардан йироқ кимсалар, афсуски, бундай улуғворликни ҳазм қила олмайди...

Оффтоп:

Domla, fikrlaringizga ko'ra juda komil odam bo'lib borayapsiz... Sizdek domlalar juda kam...

[Tulqin Eshbekov]

Сообщение от Masud Mahsudov

Sizdek domlalar juda kam...

Комиликка интилиш оқибат пойдеворини мустаҳкамлашга ҳам хизмат қилади! Бундай фазилат соҳиблари сафини кенгайтириш мақсадида ҳам ушбу мавзуда дилда борини ёзяпмиз. Бироқ, бу гапларимизни кимки мақтанчоқликка йўйса, у маънавий қашшоқдек кўринади. Қанийди, сиз ҳам сафимизда бўлсангиз!