Газеталар аҳволи

[AbdulAziz]

Сообщение от AbuMuslim

жжимлар башорати ёлғон эканлиги кўпчиликка маълум, айниқса газета муҳаррирларига бу кундек равшан... Шуларни билиб, кўриб туриб газеталарда мунажжимлар башоратини чоп қилиш тўғрими? Аниқроғи шундай газетани ҳурмат қилса бўладими?

«Munajjimlar bashorati»ga ishonmang!
Bundan bir necha yillar muqaddam mamlakatimizning ko‘zga ko‘ringan nashrlaridan birida ishlab yurgan kezlarim... Gazetaning oxirgi sahifasi to‘liq munajjimlarga bo‘shatilardi. Eng qizig‘i, o‘sha «munajjim» bir jurnalist opa edi. Hammasini ko‘z o‘ngimda o‘zicha to‘qib yozardi. Men undan: «O'zingiz shu yozganlaringizga ishonasizmi?» desam, «Ha», derdi. Nega, deb so‘rasam, bilmadim, degan javobni olardim. Keyin bunaqa manzaralarni boshqa ishlagan joylarimda ham ko‘rdim. Asosan ishsiz qolib ketgan va qo‘lidan hech vaqo kelmaydigan «jurnalistlar» shunaqa narsalarni «boplashardi». Va eng dahshatli tomoni shundaki, hamkasblarimizdan bir qanchasi o‘sha bashoratlarga ishonib ish qilishardi. davomi...

“Munajjim bashorati”ga kimlar ishonadi?
Bugungi kunda ayrim gazetalarimizning so‘nggi sahifalarini bosib ketgan «munajjimlar bashorati» qanchalik haqiqatga yaqin? Uni kimlar tuzadi? Bu ta'birlarning shunchalik omma e'tiboriga tushishining sababi nimada?
Ana shunday savollarga javob topish maqsadida o‘tkazilgan ko‘plab tadqiqotlar burjlarda taqdirni oldindan aytib berish qobiliyati yo‘q ekanini ko‘rsatmoqda. G‘arbda chiqayotgan ilmiy maqolalarda nafaqat burj, umuman, ilmi nujum - astrologiyaning chinligi butkul shubha ostiga olinayotir. davomi...

[Muhammad Ismoil]

Ayb faqat gazetada yoki gazetachilardamikin ? Ayb ularni shu ahvolga tushirib qo'yganlarda emasmi ?

[Masud Mahsudov]

Сообщение от Muhammad Ismoil

Ayb faqat gazetada yoki gazetachilardamikin ? Ayb ularni shu ahvolga tushirib qo'yganlarda emasmi ?

Газета ва газетачиларда жуда катта айб; чоп қилса бўладиган маърифий, маънавий мавзулар тўлиб ётибди... Ўшаларни чоп қилиш учун эса маънавиятли, юқори савияли мутахассислар етишмайди матбуотимизга... Қаерни қараманг, олди-қочди мақолалар, "кўнгилочар" рукни остидаги бир тийинга қиммат бўлимлар... Маънавиятга, тарбияга, хуш аҳлоққа чорлаши мумкин бўлган, ёшлармизга сув ва ҳаводек керак бўладиган фойдали мақолаларни камдан-кам учратасиз... Бунга газета мутасаддилари айбдор эмасми?

[Tulqin Eshbekov]

Сообщение от AbuMuslim

Ёшларнинг фикрлашлари, дунёқарашлари ва савияларини кўтаришда газеталарнининг ўрни борми?

Кўтаришда ҳам, кўтариб ерга уришда ҳам газеталарнинг ўрни беқиёс!
Газеталарнинг қай даражада чиқиши фақат таҳририят ходимларига боғлиқ эмас, билъакс, турли соҳаларда фаолият кўрсатаётган фикри теран, изланувчан қаламкашларга боғлиқдир. Айтайлик, сиз кўнглингиздагидек зўр мақолалар ёзиб газеталарга беринг! Сиз каби ўнлаб маърифатли муаллифлар тинмай ёзиб турсагина газета - газета бўлади-да!!

[Tulqin Eshbekov]

Сообщение от Masud Mahsudov

Қаерни қараманг, олди-қочди мақолалар, "кўнгилочар" рукни остидаги бир тийинга қиммат бўлимлар...

Мана шунақа мижғов ва ғализ жумла ёзган одам газетага баҳо берганига куяйми?..
"Қаерни қараманг" деб қаерга нисбатан ёзяпсиз?
"... рукни остидаги бир тийинга қиммат бўлимлар" деган гап ўзбекчами? Шу савиянгиз билан қайси "бўлим" ходимларига ақл ўргатмоқчисиз? Аввал ўзингга боқ, кейин нағора қоқ, деган мақолни эслатганимни тўғри тушунмасангиз ҳам эслатиб қўймоқчиман! Акс ҳолда, ақлингиз етмаган нарсага бурнингизни тиқманг. Қўлингиздан келса, бирор таҳририятда би-ир ишлаб кўринг-чи...
Аввал ўзбек тилини мукаммал ўрганинг, гап, жумла тузишни машқ қилинг! Кейин жўялироқ мақола ёзиш қўлингиздан келса, марҳамат, ёзиб бирор газета таҳририятига олиб боринг-чи.
Менга қолса шундай замонавий мақолни жорий қилган бўлардим: "Газетани ёмонлаш орқали ўзини ақлли кўрсатишга чираниш ахмоқликдан бошқа нарса эмас!"

[Anvar Atakhanov]

Сообщение от Tulqin Eshbekov

Мана шунақа мижғов ва ғализ жумла ёзган одам газетага баҳо берганига куяйми?..
"Қаерни қараманг" деб қаерга нисбатан ёзяпсиз?
"... рукни остидаги бир тийинга қиммат бўлимлар" деган гап ўзбекчами? Шу савиянгиз билан қайси "бўлим" ходимларига ақл ўргатмоқчисиз? Аввал ўзингга боқ, кейин нағора қоқ, деган мақолни эслатганимни тўғри тушунмасангиз ҳам эслатиб қўймоқчиман! Акс ҳолда, ақлингиз етмаган нарсага бурнингизни тиқманг. Қўлингиздан келса, бирор таҳририятда би-ир ишлаб кўринг-чи...
Аввал ўзбек тилини мукаммал ўрганинг, гап, жумла тузишни машқ қилинг! Кейин жўялироқ мақола ёзиш қўлингиздан келса, марҳамат, ёзиб бирор газета таҳририятига олиб боринг-чи.
Менга қолса шундай замонавий мақолни жорий қилган бўлардим: "Газетани ёмонлаш орқали ўзини ақлли кўрсатишга чираниш ахмоқликдан бошқа нарса эмас!"

Оффтоп:

Домла яна бошладингизми? Шундай мукаддас кунлардая! Маъсудбекнинг ёзган гапи бундай тошбуронга арзимаса керак? Ёкмаган булса бирор маслахат бериб куйсангиз буларди, бунчалик хакоратлаш шарт эмас эди. Аттанг...

[Masud Mahsudov]

Сообщение от 3dman

Оффтоп:

Домла яна бошладингизми? Шундай мукаддас кунлардая! Маъсудбекнинг ёзган гапи бундай тошбуронга арзимаса керак? Ёкмаган булса бирор маслахат бериб куйсангиз буларди, бунчалик хакоратлаш шарт эмас эди. Аттанг...

Оффтоп:

Мен эса уларнинг гапларини ўқимаганга (эшитмаганга) олиб қўявераман... Нима хоҳласа ёзаверадилар-да, бу билан фикрим ўзгариб қолмайди. Шундай улуғ кунларда эса уларга инсоф сўраб қўяман холос, қўлимиздан келгани шу... Арзимаган нарсаларга асабларимни сарфламайман, чунки бизларни келажакда буюк ишлар кутмоқда... Ўзингиз ўйланг, шарқираб оқаётган сой суви йўлда учраган майда-чуйда тошлар билан тўсилиб қолиши мумкинми

[Tulqin Eshbekov]

Сообщение от Masud Mahsudov

асабларимни сарфламайман

Ия, "асаб сарфланади"ми?!
Қанчон мантиқлироқ фикрингизни ўқирканмиз-а, шоир? Аввал ўзингга боқ, кейин нағора қоқ, деган мақолга амал қиладиган бўлсак, аввало ёлчитиб ёзишни ўрганинг, кейин ўзгаларга ўргатасиз, демоқчиман-да.
Сизга дўстона маслаҳатим: тўғри ёзишни ўрганинг, кейин журналистларга, газета чиқариш заҳматини чекаётган таҳририят ходимларига бунақа муомала қилмайсиз!

Сообщение от 3dman

бирор маслахат бериб куйсангиз буларди

Бу мавзудаги фикр(маслаҳат)ларим "Ҳуррият", "Даракчи", "Ўзбекистон овози", "Туркистон", "Афанди" каби газеталарда, "Ўзбекистон матбуоти" журналида кўп ёритилгани учун такрорлаб ўтирмагандим.
Ҳавойи гаплардан кўра аниқ фикр айтган кишини жуда қадрлайман. Газеталаримизни оғзиботирлик қилиб ёмонотлиққа чиқаришга чиранган ҳар қандай "мухолиф" билан курашга тайёрман! Миллий матбуотимиз ҳеч қайси давлатникидан деярли кам эмас, кам бўлмайди ҳам! Пайти келиб, дунёдаги энг илғор матбуот соҳибларига айланамиз!
Айрим газеталардаги баъзи камчиликлар, қусурларга келсак... марҳамат, аниқ кўрсатинг, қайси нашрда қанақа мақола "олди-қочди" бўлиб қолибди? Агар фикрингизни ўша газета мутасаддиларига айтсангиз нур устига аъло нур бўлур эди! (Узр, юқорида таъкидлаган мақолаларимда шундай "саёз"роқ мақолалар, бошқа қусурларни аниқ фактлар асосида танқид қилганман, ўша таҳририятларга бориб, хатоларини дўстона кўрсатганман). Ўқимаган бўлсангиз, ана сизга кутубхонада тахламлари турибди!
Такрор айтаман, ўзбекона газеталаримизни кўзларимизга тўтиё қилсак арзийди!! Ўқишли, сермазмун, пурмаъно мақолалари бисёр газеталаримиз жуда кўп ва улар билан ҳарқанча фахрлансак арзийди! Фақат, уларни эътибор билан ўқиб бормаётганларга ачиниш керак... Газета ўқимаганларгина маънан қашшоқ бўлиб қолаверадилар...
Миллий газеталаримизни янада юксакларга кўтариш учун ижодий изланаверамиз!!

Сообщение от 3dman

бунчалик хакоратлаш шарт эмас эди

Бунақа пашшадан фил ясаманг-да, ниқобли биродар! Шахсан мен қадрли форумдошимиз Масъуд Маҳсудовни жуда ҳурмат қиламан, эъзозлайман!! Нур ёғилиб турган сурати(чеҳраси)га боқиб баъзан хаёлан гаплашаман! У давримизнинг маърифатли кишиларидан бўлишига умид қиламан, фақат, ўз устида бироз ишлаши лозимлигини (аниқ мисоллар, яъни, хатоларини кўрсатган ҳолда) тушунтириб қўяман, холос.
Қанийди, Масъуджон газеталар ҳақида гапиришдан олдин лоақал "Хабар" газетасида Лутфулло Турсунов даргоҳида бирор йил маҳорат сирларини ўрганса!
Лутфулложоннинг "Юртимизда тинчлик ва осойишталикни сақлаш мавзуининг ОАВда ёритилишида матбуот хизматининг роли (Ўзбекистон Республикаси Прокуратураси ва ИИВ матбуот хизмати мисолида)" мавзуидаги битирув малакавий ишини би-ир ўқиб чиқса борми, савияси ҳам анча ошишига биз кафил!

[AbuMuslim]

Сообщение от Tulqin Eshbekov

Пайти келиб, дунёдаги энг илғор матбуот соҳибларига айланамиз!

Демак, матбуотмиз ҳозир илғор эмас эканда? Сиз айтган "пайт" қачон келади ва у ҳозир нимани пойлаб турибди...?

Миллий матбуотимиз ҳеч қайси давлатникидан деярли кам эмас, кам бўлмайди ҳам!

Кам бўлмаслик ҳақида эмас, устун бўлиш ҳақида кўпроқ ўйлаш керак... яъни уларга тақлид қилиш бизга муносиб эмас... бизларга тақлид қилишлари ҳақида кўпроқ ўйласак яхши бўлади...

[Masud Mahsudov]

Сообщение от Tulqin Eshbekov

Ия, "асаб сарфланади"ми?!
Қанчон мантиқлироқ фикрингизни ўқирканмиз-а, шоир? Аввал ўзингга боқ, кейин нағора ("нағора" эмас, "ноғора" шаклида ёзилади бу сўз) қоқ, деган мақолга амал қиладиган бўлсак, аввало, ("аввало" сўзи кириш сўз ҳисобланиб, у гап ўртасида келса икки томонига вергул қўйилади) ёлчитиб ёзишни ўрганинг, кейин ўзгаларга ўргатасиз, демоқчиман-да.
Сизга дўстона маслаҳатим: тўғри ёзишни ўрганинг, кейин журналистларга, газета чиқариш заҳматини чекаётган таҳририят ходимларига бунақа муомала қилмайсиз!

Ҳа, домла, асаб сарфланади... Ўзбек тилида "кўчма маъно" деган тушунча бор, шу мавзуни кўпроқ ўқиган эканман мактаб пайтида

Биздан катталар, устига устак, таҳририятда йиллар давомида ишлаган домлалар орфографик ва грамматик хатолар қилиб турса, биз нимаям қилардик? (Юқорида қизил билан белгиланган жойларга эътибор қаратилсин)

Домла, таҳририятда кўп йилдан бери ишлайман, шу сабабли куюниб ёздим, юқоридаги гапларимни. Билмаган нарсам ҳақида мен гапирмасликка одатланганман. Илмий мақолалар ёзиш билан бирга, уларни таҳрирлаш, таржима қилиш бўйича анча тажрибага эгаман, шукр. Фақат улар мавзуга мос эмаслиги сабаб, мен келтиришни жоиз, деб топмадим.