Газеталар аҳволи
 

Ёмғирдан кейинги қўзиқориндай потирлаб пайдо бўлаётган, «дам олиш», «кўнгилочар», «ҳордиқ», «оилавий», деган номларга ниқобланиб олган айрим «газетача»лар хориждаги «сариқ матбуот»дан ўзса-ўзадики, ортда қолмайди. Уларнинг мундарижаси ҳам деярли бир хил. Булар ҳам аллақаёқда яшайдиган бир беҳаё артистнинг шармандаликларию қанча пул топиши, миллатининг тайини йўқ қиз-йигитнинг ишқий можароларию кишини сескантириб юборадиган қонли жиноятнинг энг майда-чуйда тафсилотлари ҳақидаги мақолалар билан тўлиб-тошган. «Газаги»га албатта беш-олтита суюқ латифа, ҳеч қандай тайини-асоси йўқ «мунажжим башоратлари», савияси ғовлаб кетган ёки саводсиз кишиларга мўлжалланган бошқотирмалар тортиқ қилинади. Бу бошқотирмаларни ечишга бош қотириш ҳам шарт эмас. Кап-катта акахон ва опахонлар «Қишнинг русча аталиши», «Баҳорда пишириладиган наврўз таоми», «Ака ва …», «Хоразм вилоятининг маркази» каби ўта «мураккаб» саволларга жавоб топганларидан қувониб, доноликларидан фахрланиб юришибди. ҒМда ишлайдиган радиолардан бирининг бошловчиси берган «Япониянинг пул бирлигини айтинг», «Дунёдаги биринчи фазогир ким эди?» деган саволларга телефоннинг нариги томонида турган институт талабаси «Ака, озгина ёрдамлашиб юборинг», деганида ана шу «газетача»лар ёшларимизнинг савиясини қай аҳволга тушириб қўйгани очиқ-ойдин фош бўлди.

http://info.islom.uz/content/view/2733/991/


Қисқаси, форумдошлар газеталар ҳақидаги фикрларингиз билан ўртоқлашсангизлар... ростан ҳам шундайми?

"нормальный" газета борлигини биласизларми? Агар бўлса бу ерга номларини ёзиб юборинглар, илтимос....

Ана шунинг учун хам FM радио эшитмайман ва умуман Сиз юкорида айтгандай газеталарни укимай куйганман, укимайман хам, укишга хам арзигулик эмас. Булар ёшларимизни айникса онгини пасайтиради холос ва хамёнингиздагининг бир кисминидан бекордан бекорга сарф килган буласиз холос. Ман уйланманки фарзандларимизни бунака "Оммавий ахборот восита"ларидан узокрок килишимиз керак.

"Чемпион".

"Стадион" :)

Бу ҳисоб эмас... бу "исключение"

Ёшларнинг фикрлашлари, дунёқарашлари ва савияларини кўтаришда газеталарнининг ўрни борми?

"Газеталар билан бирга журналларнинг ҳам ўрни борми?" денг. :)

"Суғдиёна", "Бекажон", "Аёл қалби" :)

Албатта, бор. Масалан биринчи босқичнинг биринчи семестрининг биринчи дарсидан бошлаб ўқувчиларимга шундай топшириқ бераман. 40 та варақлик файл папканинг ичига савияли деб ҳисоблаган мақолаларни газета ва журналлардан нусхасини кўчириб тўлдириб борасизлар ва менга биринчи оралиқда ушбу мақолаларни топширасизлар деб. Ўқувчиларим табиийки, матбуотни доимий равишда кузатиб боришга мажбур бўлишади. Мақола юзасидан ўзаро фикр алмашинишади. Бунда фикрини баён этиб бера олиш даражаси, воқеага нисбатан фикр билдириш, қиёслаш, таҳлил қилиш кўникмаси ортади. Хабарларни бир-бирига солиштириб кўришади. Ҳаттоки, лицейиизда бунинг самараси ўлароқ "Ўқувчилар орасида" газетаси ҳам чиқа бошлади. Бунда ўқувчилар лицейнинг муаммоларини, лицей ҳаётидан лавҳаларни ёритиб чиқа бошлашди.