Нужна помощь пользователей для перевода на узбекский язык структуру почты umail.uz

[Shokir Dolimov]

Таржима соҳасида терминлар унификацияси, деган тушунча бор.
Қаранг, бош саҳифанинг ўзида ҳар хиллик кузатилмоқда.

POCHTAGA KIRISH
RO’YXATDAN O’TISH
Jami pochtalar soni: 3278
QANDAY QILIB POCHTA QUTISI OCHISH MUMKIN
Pochta yaratish

Келинг, олдин бир тўхтамга келайлик-да, «Бу ўзи нима, почтами ёки почта қутисими?» деган саволга жавоб берайлик. Дастлаб луғатга мурожаат қиламиз:

ПОЧТ/а ж 1 почта, почтахона; работники почты почта ходимлари; сдать письмо на почту хатни почтага топширмоқ; пойти на почту почтага (почтахонага) бормоқ; полевая почта дала (фронт) почтаси; 2 почта (шу идора орқали бирор нарса, хат-хабар юбориш); спешная почта шошилинч почта; голубиная почта ўргатилган каптарлар орқали хат-хабар юбориш; послать письмо почтой (или по почте) хатни почта орқали юбормоқ; 3 почта (шу идора орқали келтирилган посилка, хат-хабар); почта пришла почта келди; воздушная почта ҳаво почтаси: 1) самолётлар билан хат-хабар ва ш. к. юбориш; 2) самолётлар билан ташиладиган почта (хат-хабар, посилка кабилар); письмо пришло с утренней почтой хат эрталабки почта билан келди; сегодня почты ещё не было бугунги почта ҳали келгани йўқ; дипломатическая почта дипломатик почта; 4 ист. почтахона (хат-хабар кабилар билан бирга от-аравада йўловчилар ташиш билан шуғулланувчи муассаса).

Кўриб турибсизки, «почта» сўзининг ўзини «почта қутиси», деган маънода идрок этишга асос йўқ. Энди бошқа луғатга мурожаат қилиб, навбатдаги сўзнинг таржимаси ва амалиётда қўллаш намуналари билан танишиб чиқамиз.

ҚУТИ 1 маленький сундучок; 2 ящик; коробка; гугурт қутиси спичечная коробка; иш қутиси шкатулка; почта қутиси почтовый ящик; бир қути уруғ коробка (коробочка) грены; 3 урна; сайлов қутилари избирательные урны.

Юқорида қўйилган саволга, бу шунчаки почта эмас балки почта қутисидир, дея жавоб берсам, назаримда адашмаган бўламан.
Кейинги масала. Айтайлик мен, оддий фойдаланувчи сифатида, сиз ҳавола этаётган почта хизматидан фойдаланиб боришга аҳд қилдим. Бунинг учун нима қилишим керак?

Ўзимга:
почта қутисини яратишим керакми?
менга номаълум аллақандай рўйхатдан ўтишим керакми?
почта қутисини очишим керакми?

Фикримча, почта қутисини яратишим керак. Ваҳоланки, буни ўзингиз таклиф қиляпсиз:

Pochta yaratish

Юқорида келтирилган фикр-мулоҳазаларга асосланган ҳолда ва терминлар унификациясига эришиш мақсадида, бош саҳифадаги ёзувларни қуйидаги ёзувларга алмаштирамиз:

POCHTA QUTISIGA KIRISH («POCHTAGA KIRISH»нинг ўрнига)
POCHTA QUTISINI YARATISH («RO’YXATDAN O’TISH»нинг ўрнига)
Pochta qutilarining umumiy soni: 3278 («Jami pochtalar soni: 3278» нинг ўрнига)
POCHTA QUTISINI YARATISH TARTIBI («QANDAY QILIB POCHTA QUTISI OCHISH MUMKIN»нинг ўрнига)
Pochta qutisini yaratish («Pochta yaratish»нинг ўрнига)

Ҳа, айтгандай, 79- сонли хабаримда киритган таклифимни қабул қилинг, илтимос. Нотўғри иш тутмаган бўласиз.

Эҳтиром ила.