Uz domenida o‘zbek tiliga o‘rin yo‘qmi?
 

Assalomu alaykum.

Biroz achchiqroq haqiqatni gapirishga majburman. Bilamizki, .uz domenidagi ko‘p saytlar o‘zbek tilida olib borilmaydi. O‘zbek internetining rivojiga katta hissa qo‘shishi mumkin(aslida, majbur) bo‘lgan UzInfoCom ham buni tasdiqlashdan nariga o‘tmayapti.
Masalan, ZiyoNET portalining hatto o‘zbekcha varianti ham yo‘q, faqat ba'zida "o‘zbekcha" yangiliklar paydo bo‘lib qoladi. Hozirgi siz o‘qiyotgan ushbu forum ham shu jumladan. Yaxshiki, www.uz, gov.uz kabi saytlarning o‘zbekcha versiyasi mavjud. Ushbu forumda ham ko‘rib turibsizki, bir-ikkita o‘zbekcha bo‘limlar mavjud, xolos.

Achinarlisi, har zamonda ushbu forumda, umuman, ba'zi saytlarda yangrab qoladigan "savodsiz" yozilayotgan o‘zbekcha maqolalar haqida gap ketib qoladi. Hali o‘zbek tilini Uz domenida o‘rni bo‘lmay turib bu kabi maqolalar yozilishi g‘alati.

To‘g‘ri, ko‘pchilik rus, ingliz tilini biladigan foydalanuvchilarga bu muammo emas. Aslida, ular uchun Uz domenida ruscha yoki inglizcha sayt qilishning keragi ham yo‘q: ingliz va rus tilidagi ma'lumotlar internetda yetarli. Uz domenda ularning nusxasini o‘sha tilda qilish shart emas, menimcha.

Shundan kelib chiqqan holda, o‘zbek tilining internetda ravon ishlatilishi mavzusida gaplashishga hali erta. Yetakchi internet resurslarimiz birinchilardan bo‘lib o‘rnak bo‘lmaguncha bu muammoligicha qolaveradi. Chet tilini bilmaydigan foydalanuvchilarimizga esa hamdardlik bildiramiz.

Eslatma: Davlat tilimizning tasdiqlanganligiga hademay 20 yil bo‘ladi. Hech bo‘lmasa UzNet ni rivojlantirishni zimmasiga olgan tashkilotlar shu haqda o‘ylab ko‘rishsa bo‘lardi.

Hurmat bilan.

Barcha gaplaringizga qo'shilaman.
Bu narsani davlat organi hech qachon majburish ravishda amalga oshira olmaydi. Bu muammoning yechimi bitta — .uz domen oling, istalgan mavzuda o'zbek tilida sifatli maqolalar/postlar yozing va boshqalarni ham ushbu harakatga chorlang. Sizga o'xshaganlar qancha ko'paysa, ushbu muammo ham shunchalik tez bartaraf etiladi.

Oddiy til bilan aytganda, o'zingiz hali hech narsa qilmasdan turib, boshqalarni ayblamang.

Albatta, o'zbek tilidagi saytlar miqdorini ko'paytirish juda ham zarur.
Buning yo'llaridan biri
Agar o'zbek tilida saytlar yaratish ishtiyoqingiz bo'lsa, o'zingizni tanishtiring, amaliy yordam beraylik.
Undan tashqari, Uzinfocom`ni ayblash noo'rindir. Zero, Uzinfocom saytlarning tillariga aralashmaydi.

Хамма учун жавоб бериш яхши эмос. Узбек тилида ёзсак кимга керак булса укийди.

Форум коидаларида айнан ушбу тилда ёзгин деган жойи йук манимча. :)
Тугри мухлисларимиз, маколалар камрок булиши мумкин. Лекин, мавзуни кизик, оммабоб килиб берилади.

Албатта Uzinfocomни айлаб бўлмайди... аммо интернетдаги ўзбек ресурсларини "кўп ва хўб" бўлиши учун нималар килиш кераклиги хакида таклиф ва мулохазаларни беришимиз мумкин... Кани кандай таклифлар бор...?

Taklif beraman debsizu, lekin yana taklif so'rayapsiz?

Бир таклиф бор...

Энг "зўр ўзбек тилидаги ресурс" деган конкурс килиш керак... факат ўзбек тилидаги сайтлар иштирок этсин... рўйхатини хам кўрардик... ва хк...