Янги услубдаги кисса "Кахвахур кизлар ёхуд идора этилганлар"нинг муаллифи Назокат Азим билан сухбат

[Nigora Umarova]

Мухтарам форумдошим!

Эътиборингизга ёш адиба Назокат Азим билан буладиган сухбатни ва уларнинг "Кахвахур кизлар" ёхуд "Идора этилганлар" киссалари, "Тенгсизлик" хикояларини хавола килмокдамиз.
Хикоя ва киссани маза килиб укидим. Унда бугунги кундаги офис хаёти чиройли килиб тасвирлаб берилган. Адиба "теша тегмаган" лутфу, жумлалардан, ташбехлардан махорат ила фойдаланганлар.

Мархамат, сиз хам шундай асарларни укишдан бебахра колманг. :187:

[Nigora Umarova]

Назокат опа!
Форумимизга хуш келибсиз. Куп илтимослардан кейин сизни зурга форумга таклиф килдик. Ташрифингиздан ва uforum га аъзо булганингиздан хурсандмиз. Купчилик форумдошлар "Назокат Азим ким экан?" деган хаёлга боришяпти.

Хурматли форумдошларим!
Шошилмасангиз хаммасини билиб оласиз.

Демак, сухбатни бошладик. Таржимаи холингизни форумдошларимизга гапириб берсангиз.

[Nazokat Azim]

Назокат опа!
Форумимизга хуш келибсиз. Куп илтимослардан кейин сизни зурга форумга таклиф килдик. Ташрифингиздан ва uforum га аъзо булганингиздан хурсандмиз. Купчилик форумдошлар "Назокат Азим ким экан?" деган хаёлга боришяпти.


Демак, сухбатни бошладик. Таржимаи холингизни форумдошларимизга гапириб берсангиз.

Наманган вилоятининг Тўракўргон шахрида тугилганман. Мактаб ёшига етгунимча бувим билан Тўракўргонда турганман. Кейин Тошкент ва мактаб... Тошкент Давлат шаркшунослик институтининг иктисод факультети... Мутахассислигим – халкаро иктисодий муносабатлар! Жаранглашини каранг! Бирок ярим кун хам мутахассислигим бўйича ишламаганманман...
Гап шундаки, институтни битирмасимдан Европа Иттифокининг ТАСИС дастури бўйича Орол денгизи билан шугулланувчи бир лойихасига иш юритувчи бўлиб ишга киргандим. Овропа! Овропа! Маошлар яхши, «культур-мультур» деганларидек... Кейин турмушга чикдим, фарзандли бўлдим. Орада лойихамиз ёпилди. Катта ўглим уч ёшга кириши арафасида бир кўшма корхонага жойлашдим. Кичкина ўглим тугилгунча ўша ерда ишладим. Хозир “JannatMakon” журналида мухаррирман.
Кичкина ўглим тугилганидан сўнг, тахминан уч йилча аввал ёза бошладим. Нега? Лаккилигим боис... Кун бўйи чакалок билан ўтирганимдан кейин кимдир билан гаплашгим келарди­да! Бу -биринчидан. Иккинчидан, хали умуман, яна кайтараман, умуман хеч нарса ёзмасимдан туриб, негадир, онам менга «ёза олади» деган хукм чикариб бўлгандилар. Шу хукмни, бир кунмас бир кун ижро этишим керак эди...

[Nigora Umarova]

Насрда ижодни бошлаганингизга икки йилча бўлибди. Ишониш кийин. Бирок асарларингизда факатгина Назокат Азимгагина хос булган ўхшатишлар, "теша тегмаган гаплар"дан фойдалангансиз. Биз уларни хаётда учратганмиз, баъзиларидан фойдаланганмиз хам, бирок ахамият бермаганмиз. Сиз уларни куллаш оркали "узингизнинг адабий иш услубингиз"ни ярата олгансиз...

[Nazokat Azim]

Насрда ижодни бошлаганингизга икки йилча бўлибди. Ишониш кийин. Бирок асарларингизда факатгина Назокат Азимгагина хос булган ўхшатишлар, "теша тегмаган гаплар"дан фойдалангансиз. Биз уларни хаётда учратганмиз, баъзиларидан фойдаланганмиз хам, бирок ахамият бермаганмиз. Сиз уларни куллаш оркали "узингизнинг адабий иш услубингиз"ни ярата олгансиз...
Рахмат-э-эй! Мактовларингизнинг боиси анча кеч ёзишни бошлаганимдан бўлса керак... Сал-пал китоб кўрганимдандир... Яна «Усмон Азимнинг олий адабиёт курслари»да сабок олганимни хам инобатга олинг-да!

[Nigora Umarova]

Отангиз Усмон Азим билан булган бир сухбатда дастлаб ижодкор булишингизга монелик килганликларини айтгандилар. Асарингизни укиб куриб мен хам сизнинг укувчингизга айландим. Демак, хар бир адиб ёки адибанинг узига хос ва мос укувчиси булади. Буни нима билан изохлаган бўлардингиз?

[Nazokat Azim]

Отангиз Усмон Азим билан булган бир сухбатда дастлаб ижодкор булишингизга монелик килганликларини айтгандилар. Асарингизни укиб куриб мен хам сизнинг укувчингизга айландим. Демак, хар бир адиб ёки адибанинг узига хос ва мос укувчиси булади. Буни нима билан изохлаган бўлардингиз?

Отам бирор нарсада менга монелик килди, дейиш бу жуда нотўгри. Дадам – демократ. Факат, мактабни битирганимдан сўнг, онам журналистикага кирсин, деганида унамаган, ўзим филологияни тилга олганимда пича гаши келган бўлса бордир... Негаки дадам мени факат «Усмон Азимнинг кизи» бўлганим учунгина адабиёт атрофида айланиб юришимни хохламаган. Мен эса институту факультетимнинг жарангдор номига учганман...
Умуман, ёшлигимдан уйимиз шоиру ёзувчилар билан гавжум. Рауф Парфи, Шавкат Рахмон, Эркин Аъзам, Хуршид Даврон, Мурод Мухаммад Дўст, Нодир Нормат, Сирожиддин Саййид, Мирза Кенжабек... Адабий мухитни энди ўзингиз тасаввур килаверинг! Биз, болалар тушунмайдиган мунозаралар, бахслар, шеърхонлик... Аммо уларнинг гох бетиним кахкахалар, гох бакир­чакирлар билан кечадиган сухбатларидан тушунганим - ўгрилигу каллобликдан сўнг энг катта гунох бу «талантсиз» бўлишдир. Улар «талантсиз» деган сўзни шунаканги жирканиш, шунаканги нафрат билан тилга олишардики... Айтганингиздек, «калам тебратишим»ни кечрок бошлаганимнинг сабаби хам мана шу «талантсиз» деган тамгадан кўркканимдан бўлса керак...

[Nigora Umarova]

Ижодкор хаётда кузатганларини кечинмалари асосида когозга туширади.
«Идора этилганлар»нинг ёзилишига нима сабаб булди?

[Nazokat Azim]

Ижодкор хаётда кузатганларини кечинмалари асосида когозга туширади.
«Идора этилганлар»нинг ёзилишига нима сабаб булди?
Замонавий офис хакида ёзишим табиий эди. Ўзим анча йил ишлаганман шунака идораларда. Вокеалар озрок бўрттирилган, албатта.
Кахрамонларимга келадиган бўлсак, Тохир, Умаржон, Голиблар бирлаштирилган.., йўг-э-эй, йигма образлар (шунака дейиларди, шекилли?). Зулхумор, Фарида, Зебинисо – мен (мадам Бовари Флобер бўлгандек!). Наташа, Питер, Кун де Би ва Муродлар ростдан хам хаётда бор, хатто исмларини хам деярли ўзгартирмаганман... Сабаби, улар, барибир, ёзганимни ўкимайди. Ўкимаганларнинг эса жазоси шу!? Мухтарам мухаррирларим – дадам, Шойим Бўтаев ва Эркин Аъзам (айнан шу кетма­кетликда «Идора этилганлар» ўкилган...). Илк бора «Тенгсизлик» деган хикоям хам Эркин Аъзамнинг бош сўзи билан «Ёшлик» журналида чоп этилди. Бу хикоямнинг хам бош кахрамони – Зулхумор. Зулхуморнинг мактаб чоги ва хоказо...

[Nigora Umarova]

Нима учун узингизга Назокат Азим тахаллусини танладингиз?

[Nazokat Azim]

Нима учун узингизга Назокат Азим тахаллусини танладингиз?
Калам тебратишга киришганимдан кейин дадам Азим бўлгин деди. Бир хилимлигим тутиб, «йўк» демадим. Нега-пега, деб сўраб ўтирмабман хам... Таржималаримга, маколаларимга «одобли келин» сифатида Назокат Абдукундузова деб хам имзо кўяман (билиб кўйинглар, демокчиман­да!). Масалан, рус ва инглиз тилларида чоп этилган «История Кокандского ханства» китобини «History of the Kokand Khanate” дея инглизчага ўгирган каминаю камтарин.

[Nigora Umarova]

Назокат опа!

"Кахвахур кизлар ёхуд идора этилганлар" киссангизни форумдошларимиз эътиборига хавола килсангиз, илтимос.

[Nazokat Azim]

Назокат опа!

"Кахвахур кизлар ёхуд идора этилганлар" киссангизни форумдошларимиз эътиборига хавола килсангиз, илтимос.

"Идора этилганлар"дан бир парчагинани хавола этсам... Булмаса, Г. Гулом нашриётидаги мехрибонларимни хафа килиб куяман. Не азобда чикарилган китобим сотилиши хам керак-да!

[Nazokat Azim]

ИДОРА ЭТИЛГАНЛАР

Кисса

Соат ўн бир. Кўпчилик ишхоналарда – пул алмаштириш туйнукчаларию телефон карточкаси сотадиган майда шахобчаларда, вазирлигу бошкармаларда тахминан шу пайтда бошликлар тан олмайдиган, аммо хизматчилар катъий амал киладиган кичик танаффус бошланади.
Бўлимимизда хам тушликнинг ана шундай дебочаси анъана тусига кирган. Бунда хамкасблар бир­икки пиёла кахва устида сўнгги маълумотлару бўлимлараро янгиликлар борасида ўзаро фикр алмашади, бир­бирига дўстона маслахатлар беради, кимдандир нолийди, кимнидир мактайди. Жўнрок килиб айтганда, кўнгилларни илитувчи, юракларнинг хижилини ёзувчи машгулот - «Гийбат­ул­унсур» отлик «муолажа» оркали синик кайфиятлар бирмунча кўтарилади, ўксик диллар чарогон бўлади. Карабсизки, ярим соатдан кейин ходиму ходималар яна янги шижоат ва гайрат ила ишга киришади. Ушбу муолажанинг объектлари ва субъектлари жуда кенг камровли бўлгани учун хозирча бўлимимиз доирасидан четга чикмаган холда, уларни сизга таништириб ўтсам.

[Nazokat Azim]

Богимизнинг чинори билан икки гули
Албатта, гапни бошликдан бошлаймиз. Исми – Тохир, фамилияси - шартмас шекилли... Кўринишидан ўттизлардаги, озгин, новчагина, юзига ўзидан ва якинларидан мамнунлиги гўё ёзиб кўйилган бу йигит грант билан Гарб давлатларининг бирида тахсил олган ёш авлодимизнинг бахтиёр вакилларидан бўлиб, гарбона менежмент тамойилларини бўлимимизнинг тор доирасида кенг татбик этиш билан шугулланади. Масалан, бўлимимизда хеч ким «ака-опа»ламайди, расмият учун оталар номи хам тилга олинмайди, хамма тенг: бир -бировимизни ток исмимиз билан чакирамиз-y;кўямиз. Соат олтидан кейин, ёки шанба ва якшанба кунлари калламизга килич келса хам ишламаймиз, негаки, «гарбона» бошлигимизнинг фикрича, бу ишни режалаштира олмаслигимиздан, кўйилган вазифаларни муддатида бажаришга курбу кунтимиз етмаслигидан далолат беради, яъни малакасизлигимизни англатади. Яна, бўлимимиз аёллари томонидан гарб демократиясининг жирканч нуксони деб караладиган, эркакларимиз эса эркинлик тимсоли сифатида кабул килган одатлардан бири - оёкни столнинг устига кўйиб ўтириш, худди шу тарзда сухбат курганча, кахва ичишдир... Хуллас, гарблаштириш Тохирнинг бор­йўк камчилиги бўлгани сабабли, биз бир овоздан бошлик масаласида омадимиз чопганини тан оларканмиз, бошка бўлим ходимларининг асосли хасадини мардона енгишимизга тўгри келади. Бунинг устига Тохирнинг шу ва шунга ўхшаш керак-нокерак ислохотлари бўлимимизга алохида файз, кут-барака, у йўклигида кечадиган сухбатларимизга эса турли-туман мавзулар бахш этиб туради.
Тохирнинг столига энг якин жойни Наташахоним эгаллаган. Бошлигимиз уни гарбчасига Натали деб чакиради. Опамнинг кайноталари айтганидек, хар бир буюк шахснинг ортида буюк аёл бўлгани каби, мансаб пиллапояларидан сакраб-сакраб тепага кўтарилаётган ёки кўтарилган хар бир ўзбекнинг ортида рус тилида она тилидагидек гаплаша олувчи аёл туради. Эгаллаган лавозимлари, маошларининг микдори, ёшлари, миллатлари ва оилавий ахволларидан катъи назар, бундай аёлларни бирлаштирувчи хусусиятлардан бири, албатта, бежиримгина турмакланган сочлари тагидан уфуриб турувчи акл-заковатга коришган иктидорлари бўлса, иккинчиси, негадир, уларнинг айнан рус тилида мукаммал гаплашишларидир. Бошликларнинг карор кабул килишларига муайян даражада таъсир эта оладиган бундай ожизалар аввал котиба, хисобчи, ёрдамчи, хукукшунос ёки бирор бошєа вазифани дўндириб бажаришади. Кейинчалик, янги­янги чўккиларни забт этганча, каттарок лавозимларга кўтарилган бошликлар, аксарият холларда, енгилгина компьютерлари, тумор вазифасини ўтовчи бирор эрмак буюмларию мехнат дафтарчаларига кўшиб, ана шу ёрдамчиларини хам ўзлари билан биргаликда олиб кетишади. Хўжайинларининг парвозларига кўра, бунака киз-жувонлар эллик ёшларида касаба бўлими бошлиги, проректор, вазир ўринбосарига айланади. Агар бошликнинг бахти кулмаса ёки унга пастрок амал таклиф килинса, ановилар кейинги келган бошликларга мерос бўлиб колаверади.
Бизнинг Наташахон хам ана шундай «керакли юк»лардан бўлиб, бўлимимизнинг энг фидокор ходими хисобланади. Негаки у ўзини идорамизнинг ажралмас кисми деб хис килади - нукул «биз»лаб, биринчи шахс кўпликда сўз бошлайди.
Наташанинг бўйи ўртадан анча паст, сочлари малларанг, ранг-баранг кўйлаклари, калта-култа кат-кат юбкалар, гажимдор шимчаларининг аксарияти варвараклару бурмалар билан безалган. Бундай «кизалок»ни биринчи марта кўрган киши уни камида юкори синф ўкувчиси, кўпи билан амалиёт ўташга келган талаба бўлса керак, деб ўйлайди. Бўлим бошлигимиз бу жимитдек аёлни кўпинча учрашувларга ўзи билан бирга олиб юради. Наташани танимайдиганлар уни кўриб, «ёш болани нега эргаштириб юрибди», дея энсаси котади. Наташанинг бир неча тилда меъёру коидаларни унчаям писанд этмай сайраши, хозиржавоблиги, ишини пухта билиши, барча саволларга ракаму мисоллар ёрдамида аник ва лўнда жавоб бериши туфайли хамсухбатларнинг хурматини бир учрашувдаёк козониб олишига асло шубха килмайдиган Тохир керакли холларда унинг аёллик малохатидан «писмик» бомба сифатида фойдаланиб туради.
Эрталабки танаффусимизга кайтадиган бўлсак, унинг яна бир ижобий томони шундаки, у бизга тушлик вактимизни гурунгларга багишламасдан, самаралирок ўтказишга ёрдам беради. Негаки, бўлимимиз ёшлардан иборат бўлишига карамай, кўпчилик оилали ва бола-чакали: шахсий ишларимизни тушлик пайтида бажармасак яна качон вактимиз бўлади? Мисол учун, хар сафар курсисини сурганда менинг столимга урилиб кетадиган Фариданинг иккита кизи ва барвастагина эри бор. Эрталаб кизларининг сочларини турмаклайди, кийинтиради. Уларга чой-пой ичиргач, каттасини мактабга жўнатади, кичигини эса чопкиллаганча богчага олиб боради. Кечкурун ишдан кайтарда кизларини онасиникидан йигиштириб уйга боргунча соат саккиз, «гарбона» бошликка ёлчимаган эри келгунча тўккиз бўлади - шу билан деярли кун тугайди. Шунинг учун тушлик чогларида эр-хотин «хуфёна» учрашиб туришади, учрашув ўхшамаган кунлари хотин атрофдаги дўконлардан болаларига майда-чуйда «овлаб» келади. Унинг бундай «ов»ларига гохида мен хам хамрохлик киламан. Тайин-тутумли бирор нарса харид килмасдан халтаю тўрваларни, катта-кичик жомадонларни томоша килишимни кўриб, Фарида «ов»га эмас, «сафари»га чиєибсиз деб, устимдан кулади. Мен сафарлар хали олдинда, дейман...
Баъзан каттарок дўконларда муроду максадимизнинг кетидан югуриб, бир-биримизни йўкотиб кўйган пайтларимиз хам бўлган. Ана ўшанда Фариданинг кизларидан ортиб колган сочбоглар билан ажабтовур безатилган бошини оломон ичида кўриб коламан-да, олдига чопкиллайман.
Ўзи Фарида кўзга якин жувонлардан. Айникса, унинг унча-мунча идорабоп - кулранг, жигарранг, ўпкаранг, юракранг либосларини очиб турувчи ушбу соч турмакларию ширин табассуми шеригимга алохида малохат бахш этади. Мана шу ширин табассумлар бўлимимиз ахлок кодексининг яна бир ёзилмаган коидаларидан бўлиб, амрикоча “смайл”нинг ўзига хос кўринишидир. Ўзига хос дейишимнинг сабаби шуки, америкалик аёллар кулганда улардан кандайдир мустакиллик, ўзига ишонч уфуриб туради. Бизнинг аёлларимизнинг табассумлари, жилмайишлари, кулимсирашлари эса шароитга караб, хаё, ибо, эркалик, тантиксираш, сузилиш, эхтирос, кибр, хушомадгўйлик, менсимаслик каби иллату фазилатлар билан коришиб кетади, мен таърифлашга ожизлик киладиган бир омухтага айланади.

[Nazokat Azim]

...ва бошкалар
Булардан ташкари бўлимимизда яна икки ходим бор. Наташа деганлари, уларни, оркаваротдан, албатта, «бир хужайраликлар» деб атайди. Аслида, жуда унчалик эмас. Энди хамма хам унга ўхшаб аклли бўлавермайди-да. Агар Кафкани ўкимаган, юкорида таърифи кетган учовлон «коэльобозлик» даврида белгилар хакида ярим соат хазил килишганда улар нимани назарда тутаётганликларини тушунмаган ёки Навоий театри билан хамкорлик килганимизда «Тоска»ни «Аламли согинч» деб ўзбекчага ўгирганларнинг барчасини шундай таснифлайверсак, атрофимиз яшил туфличалар кийган амёбаларга тўлиб кетади...
«Бир хужайраликлар»нинг бири-Голиб, йигирма беш ёшли, хали бузилмаган, кейинчалик хам бузилиши жуда-жуда гумон бўлган йигитлардан. Ишга факат кўйлак­галстукда келади; огир-вазмин, хеч качон хеч каерга кеч хам келмайди, мезбонларни хижолат килиб, хаддан ташєари эртарок боришни хам ўзига эп кўрмайди. Агар бирор ерга кечикса, билингки, демак, ё протокол бўйича шунака бўлиши керак, ёки миллий одатларимиз шуни такозо этади. Уйланган, айтишларича, уруг-аймогида бир неча профессору академиклар бўлган оиланинг суюкли куёви эмиш. «Амриколик» бошлигимизга таклидан икки ойлик ўгилчасининг расмини столининг тўрига мехр ила жойлаштирганки, бу яна бир бора унинг керак-нокерак коидаларга нечоглик амал килишини исботлайди.
Иккинчиси эса ижод ахлига энг якин хамкасбимиз - Умаржон. Унинг ушбу аклга якинлиги узлуксиз «ушланиб колишлари» ва доимий равишда кўл телефони, СД-плейери, фотоаппарат каби ўйинчокларини тез-тез йўкотиб юриши билан ифодаланади. Умаржоннинг айнан ўн бирларга якин хонага тиржайганча бир тахташоколадми, икки пачка печенними, уч дона йогуртми, тўртта музкаймоєми кўтариб келиши сабаб, биз унинг эрксеварлигини хеч огринмай кечираверамиз. Тунги клуб, кафе-ю ресторан, дам олиш маскани, концерт зали, артисту шоирлар, югурдагу нозирлар ва улар барчасининг «нарх-навоси» бўйича мутахассис, шаксиз, Умаржондир. Фариданинг кизлари боккан типратикан оламдан ўтганда бўлимимизда унинг хазилакам «кирк»ини ўтказган хам, аквапаркда «Эльбрус» компаниясининг йиллик корпоратив кечасини ташкил этган хам ўзлари. Аммо Умаржоннинг битмас-туганмас фазилатларининг энг аълоси, у машхур маркетолог, Ўрта Осиёда донги кетган реклама агентлигининг рахбари Алибоевнинг тугишган укаси эканлигидадир, деб биз кизлар йигитларнинг сарасини ерга урамиз.
Фирмамиз низом жамгармаси каттагина бўлган кўшма корхонанинг ижтимоий бўлимидан ўсиб чиккан шўъбаси бўлиб, маркетинг-илмий текшириш ишлари билан шугулланади, яъни дўкону бозорлар пештахталаридаги махсулотларнинг харидоргир бўлиши учун кандай сифатларга эга бўлиши лозим, деган масала устида бош котиради. Бу масалани олдимизга кўйиши керак бўлган шоввоз тадбиркорлар топилмаганда фирмамиз такдимот, хар хил йигинларни ташкил этиш, воситачилик каби фаолият турлари оркали бирини икки килади.
Баъзан Умаржоннинг акаси ўзининг козонидаги ёгли паловдан укажони ишлайдиган фирмага хам бир­икки ошам узатиб туради. Бултур бизга тортик килинган буюртмага кўра, чой ишлаб чикарувчи бир Индонезия компаниясини «хуш келинг» дея кутиб олиб, унга махаллий бозоримизнинг тўридан жой кўрсатганмиз. Ушбу реклама акцияси доирасида «хай-хай»лаб сўров ўтказилгани сизнинг хам ёдингизда бўлса керак. Ўшанда шахримизнинг энг нуфузли супермаркетларига талабаларнинг энг чечанлари ичидан уятчанлик, тортинчоклик, камтарлик каби фазилатларга эга бўлмаганлар танлаб олинган эди. Менда хам ўша сифатларнинг такчиллиги кузатилганлиги сабабли роса бир ой одамларга текин чой улашганман. Эвазига, кейинчалик билишимча, Фаридаой тузган сўровномалардаги саволлардан бериб, чойхўрларнинг бошини роса котирганман. Тадбирдан сўнг стипендиямдан бир неча баробар кўп бўлган мўмайгина пулни олиб энди бозорга боришни режалаштираётганимда, Наташа столда уюлиб ётган сўровномаларни кутиларга жойларкан, эртадан бошлаб йигилган маълумотларни компьютерга киргизишга ёрдам беришимни сўраб колди-ю ўша-ўша шу ерларда ўтрок бўлиб колдим. Яъни тасодифан... Аммо хамма тасодифнинг хам ўз конунияти бор, шундаймасми?
Менинг фирмага бундай «тасодифан» келиб колишимнинг сабабчиси- Умаржон. Гап шундаки, Умаржон билан талабалар оромгохида икки йил бурун танишганман. Ўшанда у бунака лагерларда топилмайдиган «салями» колбасаси ва бир бўлак пишлок кўтариб иккита курсдоши билан хонамизга келган эди-ю, эрталабгача биз билан картабозлик килган эди. Оромгохдан кетиш арафасида сикєаси чиккан тилакларга кўшиб, бир эшитишда эсда єоладиган телефон ракамини хам дафтаримга ёзиб берган эди...

[Nazokat Azim]

Тохирнинг нирванаси
Бир неча кун аввал биз билан вакти­ бемахал хамкорлик киладиган Шойим исмли ашулачи йигит ўзининг концертига тўртта таклифнома ташлаб кетган эди. Мен сессия арафасида турган одамман - ўзи ишга аранг бориб-келиб юрибман, Голиб хизмат сафарида, Умаржон шу концерт продюсерининг ёрдамчисими, ёрдамчисининг ёрдамчисими, хуллас, концерт ўзиники бўлиб кетганидан ойлик хисоботини битириб кўйишни афзал кўрди.
Кеча соат олтида бошланадиган концертга кечикмаслик учун Тохир билан эртарок чикиб кетаётганларига сукланиб караб колганимни хис этган кизлар, соат ўн бир бўлганини сезмагандек, столларини бошларидан, йўг-эй, бошларини столларидан кўтаришмайди. Бошлигимиз хам жойидан жилмайдигандек. Шунга карамай ўзим гап отдим:
- Калай кеча... калай бўлди концерт?
- Тузук. Асал, шакар, канд бўлиб фонограммага тушиб турдилар ишкилиб, -деб пўнгиллади Фарида бошини кўтармай.
- Тахир мехмон килди бизни. Буфет кечани провалдан саклади, - дея гапга кўшилди Наташа, бошлигимизга кўз кирини ташларкан.
- Концерт жуда кучли бўлди, - деди Тохир, спорт атрофида юрган кезларидан колган одати бўйича «кучли» сўзини барча мавжуд сифатлар ўрнига ишлатиб. - Сизларга факат бировни танкид килиш бўлса...
Сухбат бўлиниб колмаслиги учун сўровимни давом эттирдим:
- Таниш-билишларни учратмадингларми?
- Йўк, асалим, учратмадик. Лекин Тохирнинг танишлари кўп экан, улар зерикмадилар, - деди Фарида. Сўнг секингина кўшиб кўйди: - Бир иккита ишини хам битириб олди, шекилли, бахонада.
Шу пайт телефон жиринглаб Тохирни директоримиз чакириб колди-ю, бир-икки дакика бурун олдига куйилган кахвасини кўтариб, липиллаганча эшикка равона бўлди.
Наташа чойнакдан пиёласига дог сув куяркан, хиринглади:
- Бизни кеннайишка зериктирмади.
- Калай экан хотини? - деб сўрадим гапнинг энг кизиги энди келишини сезиб.
Шу пайтгача индамайгина ўтирган Умаржон эриниб ўрнидан турди-да, бизга кулимсираб каради.
- Ваув! Тил гимнастикаси бошландими? - дея секин нарсаларини йигиштиришга тушди.- Эрталабдан гунохга ботмасдан, я пошёл в типографию.
«Качондан бери?», «кеча хижобга кирган киз билан свидание килган бўлса керак», «кимга эрталаб, кимга куннинг ярми» деганимизча, уни хонадан чикариб юборганимиздан сўнг, Фарида сухбатимизни чала колган жойидан давом эттирди:
- Келишгангина, кийиниши хам сипогина. Ростини айтсам, киндигини очиб юрадиган ойимча бўлмасайди, деб кўркиб турувдим. Гарблашувнинг оилага таъсири жуда суст бўпти. Ўзимиздан хам оддий, соддагина, ширингина жувон экан.
- Ишкилиб, Тохирни сизлардан рашк килмадими? - дея яна сўрогимни давом эттирдим.
Наташа боадаб охангда ўзининг таккабурона мулохазалари билан ўртоклашаркан, фикрини тузукрок тушунтириш учун ўз она тилига ўтиб олди:
- Рашк бу - гумон, бу - шубха, - деди у, кўрсаткич бармогини найза килиб. - Гумонсираш ва шубхаланиш эса - кўп амалли масала каби мурккаб... Унинг процессори буни кўтара олмайди. Тавба... Менинг Славигимниям сўз бойлиги уникидан кўпрок.
Славик - инглизча ашулаларни хали тувакда ўтирадиган пайтиданок хиргойи килиб айтадиган Наташанинг беш яшар ўгли. Бу болакайнинг хар кайси она хам гурурланса арзийдиган бесанок хусусиятларидан бири - кинофильмлар кахрамонларининг огизларидан чиккан ибораларни кундалик нуткига мохирона татбик этишидир.
- Бунинг соддалигидан Тохирни ёрилиб ўлмаганига хайронман, - дея давом этди Наташа.- Бир яхшига - бир ёмон деганлари шу бўлса керак...
- Ха энди, ишхонадаги интеллектуал хонимчалар унга етиб ортса керак-да. Биздан чарчаган пайтларида шунаєа асал хотин билан Нирвана холатига тушиб ўтиради, - деди Фарида, хар доимгидек Наташанинг фикрига кўшилмай. Кейин мен томонга росмана ўгирилиб олди. - Зуля, шакарим, биласизми, улар ўтган ой Туркияга боришганида нима олиб келишибди?..
Менинг кизикишим ортиб, стулимни у томонга сурдим, негаки доно дугоналаримдан (одатда богчадаги какажонлар, ўсмирлик чогидаги махмадоналар, йигирмадан ошган лаккилар ўттиз ёшларига бориб ўзларидан ёшрок кизларнинг доно дугоналарига айланади) бирининг ўгити ёдимга тушди: «Туркиядан нима олиб келганингни айтсанг, сенга кимлигингни айтаман». Бу чучмал макол, албатта кулги бўлсин, деб айтилган эса­да, ўз тажрибамда бир неча бор унинг накадар хаётий эканини синаганман. Масалан, Фарида Туркиядан электр тандир олиб келган. Тўгрироги, эргинаси жаврабгина, инкиллабгина кўтариб келган. Унга кечкурун масалликни солиб кўйсангиз - бўлди, эрталаб дастурхонга иссиккина нонларни тортик килаверасиз. Наташа тўйидан кейинги Анкара сафаридан рўйхат бўйича китоблар билан тўлдирган йўл халтасини елкасига осиб, хеч кандай режаларга киритилмаган Славикни корнига солиб кайтган экан. Голиб эса бурчагига ўз исми шарифининг биринчи харфлари кашталанган чойшаб-жилдлар тўпламини хотинига совга килган. Мен эса... Мен эса энди жомадон сотиб олиш тараддудида турган кизман, хали Туркияга бормаганман, лекин Туркиядан-да олисрок манзилларга кетгим бор...
...- Арабча кўйлак, – деди Фарида кўлларини корнига уриб, - Тохир ишдан келганидан сўнг «белли данс»га тушиб чарчогини оларкан.
- Бир кўришли экан-да арабча раксини, - дедим хайратланиб.
- Кўриб бўпсиз, жонгинам! Факат эри учун эксклюзив тарзда ижро этиларкан.
- Вохай...
Сухбатимизнинг шу жойида Тохир хар доимгидек мамнуният билан эшикдан кириб келди-да, гурунгимизни белига тепганидан кўнгли янада чогланганини яширмай, Умаржоннинг кечаги хисоботини берилиб ўкишга киришди.

[Nigora Umarova]

https://img.uforum.uz/images/8361812.jpg

"Кахвахур кизлар" китобининг куриниши. Китоб Гафур Гулом номидаги нашриёт-матбаа ижодий уйида чоп этилган.

[OmoN]

"Кахвахур кизлар" китобининг куриниши. Китоб Гафур Гулом номидаги нашриёт-матбаа ижодий уйида чоп этилган.
Қайси дўконлардан сотиб олсак бўлади?

[Nigora Umarova]

Қайси дўконлардан сотиб олсак бўлади?

"Шарк зиёкори" дуконида сотувда кургандим.

[OmoN]

Яхши қисса. Фақат лотин алифбосида босилганми? Мен кирилл алифбосида босилганини тополмадим :(

[Nigora Umarova]

Яхши қисса. Фақат лотин алифбосида босилганми? Мен кирилл алифбосида босилганини тополмадим :(

Ха, китоб факат лотин алифбосида босилган.

[OmoN]

Ха, китоб факат лотин алифбосида босилган.
Китобларни 2 хил алифбода босишса мақсадга мувофиқ бўлар эди. Чунки китобхонларнинг кўпчилиги асосан кирилл алифбосида ўқишга ўрганишган.

[Abdusalim Nursaidov]

китобдан озгина укиб ич кизиб колди энди китобни топганча канча чидаймиз

[Muhrim]

"Қаҳвахўр қизлар", адашмасам, "Даракчи"да "Идора этилганлар" номи билан чиққанди. Ўзи "Даракчи" ўқимасдим. Ўтган йили бир адашиб қўлимга тушиб қолганида, шу асарни боши берилганакан, ўқиб қолгандим. Қизиқ ёзилган.

"Тенгсизлик"ни интернетдан топиб ўқидим. Ўхшатишлар жуда чиройли чиққан :-)

[OmoN]

китобдан озгина укиб ич кизиб колди энди китобни топганча канча чидаймиз
Хадрадан Чорсу томонга қараб кетишди мадрасага озгина етмасдан ўнг қўлда кўримсизгина китоб дўкони бор. Ана шу дўкондан топса бўлади.
ПС: Бу дўкондан бошқа кўпгина китобларни ҳам топса булади. Хатто Михаил Шолоховнинг асарларигача бор.
ППС: Бу реклама эмас.

[Abror Qodirov]

"Тенгсизлик"ни интернетдан топиб ўқидим. Ўхшатишлар жуда чиройли чиққан :-)
"Tengsizlik"ni o'qidim bugun. Rostanam ajoyib asar. O'xshatishla chiroyli Muhrim aytganidek.

[OmoN]

Ажойиб китоб. "Ҳазм қилиш" осон. Топиб ўқишга арзийди.

[Nigora Umarova]

"Орзулар фасли" сериали (http://uforum.uz/showthread.php?p=557559&postcount=129) ҳақида мавзу (http://uforum.uz/showthread.php?p=557559&postcount=129)да қисқача гаплашгандик.
Қолган гапни ушбу мавзуда давом эттирсак. Сценарий муаллифига сериал ҳақидаги фикр-мулоҳазаларингизни шу ерда қолдиришингиз мумкин.
"Орзулар фасли" сериали 30 майдан бошлаб "Ёшлар" телерадиоканалида намойиш этилади.
“Орзулар фасли” ижодкорлари – бош режиссёр Мохигул Хамроева ва сценарий муаллифи Назокат Азим тандемида яратилган янги асар дўстлик, садоқат каби азалий қадриятларни тараннум этган ҳолда, ҳасад, иккиюзламачилик, очкўзлик каби иллатларни қоралайди.

Бир сирни очаман. :)

Фильмнинг бошқа сериаллардан фарқи – ундаги воқеаларнинг фақат ишхона доирасида кечишидир.