Dildagi satrlar

[Sparc]

Сообщение от Dilmurod1996

Қўлингга тушаркан жажжи чақалоқ,
Шунчаки севмоқда қандай лаззат бор.
Керак чинқиртириб ўпиб, тишламоқ,
Биз ҳам гўдакликда топганмиз озор.

Буни булгуси оналарга фойдали маслахат деб караш керакмикан...

[Sparc]

Сообщение от Dilmurod1996

Шунчаки ёзганга чидаб бўлмайди,
Шунчаки ёзмоқ, бу — шоирга ўлим.

"Шунчаки" шеърлар шунчалик купки санаб саногига етолмайсиз.

Кейин ким шунчаки езишига хам боглик, Моцартни шунчаки езганлари хам шедевр.

[Dilmurod1996]

Сообщение от Sparc

Негадир ишонтирмайди бу сатрлар.

She‘rdagi so‘zlarni tom ma‘noda tushunish - she‘rni tushunmaslikka olib keladi.

[Dilmurod1996]

Сообщение от Sparc

Буни булгуси оналарга фойдали маслахат деб караш керакмикан...

Ba‘zan biror bir ba‘diy asar (roman, qissa yoki hikoya)da yoinki kinofilmlarda tanqidchi obrazini uchratib qolamiz. Ular asosan tanqid qilayotgan narsani asosiy negiziga "kuchi" yetmasligini anglagan holda mayda ikir-chikirlardan ayb qidirishadi. Buni tashqaridan kuzatgan kimsaga esa, ushbu holat biroz maynavozchilikday tuyiladi(harqalay menga shunday).
"Shunchaki" she‘riga kelsak ushbu she‘rdagi "shunchaki" so‘zi bilan Motsartni o‘zini shunchaki tutib musiqa yozishini katta farqi bor. Buni chuqurroq anglash uchun she‘rni yana ko‘p marotaba taxlil qilish kerak menimcha. Bolani suymoq haqidagi satrlarga ham shunday fikr bildirishim mumkin.

[Dilmurod1996]

Afsuski...


Nima qildim koyib, taqdirdan nolib,
Bu savdolar qondan o‘tgan, afsuski.
Do‘stlar ohang to‘la yuragim qolib
Eshigimga quloq tutgan, afsuski.

Afsuski, halvoga do‘nmas g‘o‘ralar,
Toychoqqa yo‘l bermas qari yo‘rg‘alar.
Bedilning ko‘zlarin ko‘rgan qarg‘alar
Chorbog‘imda tuproq titgan, afsuski.

Afsuski, tushmadim men ham osmondan,
Yaxshidan yomonman, yaxshi yomondan.
Jon deb kechib ketar edim-ku jondan
Onamning kutgani kutgan, afsuski.

Afsuski, shabboda sudragan xasman,
Kuyim o‘zimga tan, o‘zim sarmastman,
Ko‘changizdan qaytib kuylab o‘tmasman,
Azal menga shuni bitgan, afsuski.

Afsuski, sharhi yo‘q jimligingizning,
Siz ham o‘ylarmisiz kimligingizni.
Bilaman-ku makkor shumligingizni –
Shayton bel olishmay yutgan, afsuski.

Afsuski, oldinda ko‘ngil yo‘q, dil yo‘q,
Karvon so‘ngidaman giyohu gul yo‘q.
Fojiam shundaki, orqaga yo‘l yo‘q,
Imkon qo‘ldan ketgan... ketgan... afsuski.

2001
Iqbol Mirzo.

[Nigora Umarova]

Сообщение от Sparc

"Шунчаки" шеърлар шунчалик купки санаб саногига етолмайсиз.

Кейин ким шунчаки езишига хам боглик, Моцартни шунчаки езганлари хам шедевр.

"Шунчаки" сўзини ишлатилиши орқали гоира Ҳалима Худойбердиева шеъриятда учровчи "такрир" санъатини қўллаган.

Оффтоп:

Қойиле-е-ей. Ҳалима Худойбердиева ёзган шеърларга ҳам замонавий китобхон "притензия" билдиришгача борганлигига. Замонавий ўқувчи мана шундай бўлади...

[Sparc]

Сообщение от Nigora Umarova

Ҳалима Худойбердиева ёзган шеърларга ҳам замонавий китобхон "притензия" билдиришгача борганлигига. Замонавий ўқувчи мана шундай бўлади...

Халима Худойбердиева хам хамма шоирларимиз каторида кучли шеърлари билан бирга суст шеърлари хам бор. Ундан кейин "не сотвори себе кумира" дигон гаплар хам бор. Шундок экан, китобхон бу одам "халк шоири" унга тил теккизиб булмайди деган гаплар асосида эмас, шу шеър бирор хис-туйгу уйгота олдими деб фикрлаши керак. "А так" сохта туйгулар, сохта эхтирослар, кофиябозлик, шеър езиш техникасини суистеъмол килишлар шунчалик купки яхши шеърни топиш кийин. Так что "претензия"лар булиши табиий.

[Dilmurod1996]

Сообщение от Sparc

Халима Худойбердиева хам хамма шоирларимиз каторида кучли шеърлари билан бирга суст шеърлари хам бор. Ундан кейин "не сотвори себе кумира" дигон гаплар хам бор. Шундок экан, китобхон бу одам "халк шоири" унга тил теккизиб булмайди деган гаплар асосида эмас, шу шеър бирор хис-туйгу уйгота олдими деб фикрлаши керак. "А так" сохта туйгулар, сохта эхтирослар, кофиябозлик, шеър езиш техникасини суистеъмол килишлар шунчалик купки яхши шеърни топиш кийин. Так что "претензия"лар булиши табиий.

Albatda, yuqoridagi fikrlar to‘la xaqiqat. Ammo, har qanday tanqid o‘rinli va asosli bo‘lishi zarur. Menimcha, "xamma narsada kamchilik bo‘ladi" - deb, yo‘q joydan asossiz hatolar qidirish - noto‘g‘ri.

[Dilmurod1996]

ИЛТИЖО

Cиз мен учун гул узмагансиз,
Юрагимдек йиғлайди йўллар,
Қўлингизда турибди, гўзал,
БАРНОларга аталган гуллар.

Қўшиб сотинг ўша гулларга,
Менинг каби ишқи арзонни.
Бағрингизга босиб йиғланг сўнг,
Севгимиздан қолган хазонни.

Қаровсиз ишқ, қуриган гулдек,
Сиз гулларнинг бўйларидан маст,
Ахир мени ёққан севгингиз
Шу бир гулнинг умричаликмас.

Битта умрим аро, мингта ишқ,
Қай бирига жонимни берай,
Минг хил гул бор гулзорингизда
Шу гулларнинг биттаси бўлай.

Жоним, ахир гуллар сўлади,
Ким қолади айролиғига
Сизни қандоқ ташлаб кетарман?
Бу гулларнинг барнолиғига?

Қўлингизда қиличми ҳажр,
Гул-гул ёниб, гулзорлар кезинг.
Мен сизни деб КЎНГЛИМни уздим,
Сиз мен учун битта гул узинг.

Guljamol Asqarova.

[Dilmurod1996]

MUHABBATSIZ VISOL HAQIDA HIKOYA

Muhabbatsiz kechdi bu visol,
Men murodsiz maqsadga yetdim.
Tuni bilan yalindi ayol,
Kelaman deb aldadim – ketdim.
Yo‘lko‘rsatkich bo‘ldi xazonlar,
Daydibadar yelga aylandim.
O‘tdi oylar, o‘tdi zamonlar,
Yana o‘sha menga aylandim.
Yana bordim tilanib visol,
Hasratimni aytdim- aytmadim.
Meni itdek haydadi ayol,
Men vafodor itdek... ketmadim.
Tashna edim, ichim yonardi,
Loyqa bo‘lsin, suv kerak edi.
Shu kech faqat uni xohlardim,
Menga faqat u kerak edi.
U baribir qilmadi shafqat,
Qulflab oldi darbozasini.
Yulduzlarni quchguncha shafaq
Poylab yotdim ostonasini.
Tongda so‘kdim, bo‘ralab rosa,
Qasam ichib, qaytdim ortimga.
Bugun kimdir, farishta, desa,
O‘sha ayol kelar yodimga.

1994

Iqbol Mirzo.