Моё меню Общее меню Пользователи Правила форума Все прочитано
Вернуться   uForum.uz > ЎЗБЕКОНА > Маърифат
Знаете ли Вы, что ...
...инструкция по установке аватара описана в Правилах форума.
<< Предыдущий совет - Случайный совет - Следующий совет >>

Маърифат Адабиёт, тарих, таълим, маданият, санъат ва ҳоказо


Ответить

 
Опции темы Опции просмотра
Старый 22.11.2011 00:35   #21  
Заблокирован(а)
Аватар для Maryam
Оффлайн
Сообщений: 116
+ 121  118/71
– 1  2/2

Uzbekistan
Цитата:
Сообщение от мафтун Посмотреть сообщение

Илтимос, имкон бўлса, шарҳини ҳам келтиринг...
бошқаларни билмадим, аммо менга бироз "етиб келмади".
Cho'chimaslik deyapti...Insonda aslida qo'rquv kuchli bo'ladi. Qo'rquv- Allohning bandasiga bergan ne'mati. U kerak, chunki qo'rquv ma'lum ma'noda odamga ehtiyotkor bo'lishlikni ta'minlab beradi. E'tibor bergan bo'lsangiz, aynan qo'rqadigan odamlar o'ta ehtiyotkor insonlar. Bu yaxshi. Hazrat Navoiy ogohlik haqida chiroyli misralarni qoldirganlar: ogohsen, ki shohsen deb...

Lekin, masalaning boshqa tomoni ham bor, aynan o'sha tomonini ona ot, toychog'iga ko'rsatyapti...maqsad sari inson qo'rqmasdan yurishi kerak, ayniqsa, har qanday bosim, hayqiriq, unga tegishli bo'lmasa...hud-behud qo'rqaverishlik-insonni maqsadidan ozdirib qo'yadi...
Ответить 
"+" от:
Реклама и уведомления
Старый 22.11.2011 00:45   #22  
Аватар для мафтун
Оффлайн
ТВ
редактор
Сообщений: 522
+ 551  680/326
– 38  11/10

UzbekistanМой мир
ҲА, раҳмат, шарҳсиз унча таъсирли чиқмас экан... Агар иложи бўлса битта жойга қўйилса, ривоят ва шарҳ жуда фалсафий руҳда экан...
__________________
Ўзингга ёқмаган ишнинг бир хайри бор...
Ответить 
2 "+" от:
Старый 22.11.2011 01:59   #23  
Заблокирован(а)
Аватар для Maryam
Оффлайн
Сообщений: 116
+ 121  118/71
– 1  2/2

Uzbekistan
Bir kuni Iso a.s havoriylari bilan yo'lda ketayotganlarida, o'lib yotgan itni ko'rib qoladilar. Shunda havoriylar "buncha ham badbo'y bo'lmasa",-deb jerkinadilar. Shunda Iso a.s: " Ammo, tishlariga qarang, oppoq ekan",-deb aytadilar.

Shu rivoyat singib qolgan menda...qachonki biron kimsadan xafa bo'lsam, unga nisbatan qalbimda paydo bo'lgan ginam tez unut bo'ladi. Sababiki, inson har bir yomonda bir yaxshini ko'ra bilsagina qalbini pok, g'uborsiz asrab qoladi. Rumiy hazratlari aytganlaridek, faqat qalbi pok inson Haqqa yetadi...

Последний раз редактировалось Maryam; 22.11.2011 в 02:01.
Ответить 
2 "+" от:
Старый 23.11.2011 17:06   #24  
Аватар для Alisher Asror
Оффлайн
sport maktabi
trener
AKA:da
Сообщений: 494
+ 483  466/264
– 3  9/9

UzbekistanLiveJournalМой КругМой мир
Цитата:
Сообщение от Maryam Посмотреть сообщение
Bir ot va uning bolasi daryodan suv ichayotgan edi. Otboqar boshqa otlarni ham hushtak chalib suv ichishga chaqirdi. Toychoq hushtak ovozidan cho'chib, atrofga qaray boshladi.

Ona ot:
- Bolajonim, nega suv ichmayapsan?-deb so'radi.
Toychoq esa:
- Hushtak ovozidan qo'rqib ketdim. Otboqarning hushtak chalishidan juda qo'rqaman,-dedi.
Ot bolasining bu holini ko'rib:
-Dunyo shunday yaratilgan. Agar bundan cho'chib suvingni ichmasang, keyin qattiq pushaymon bo'lasan,-dedi.
Birov hushtak chalsa bosadi tashvish,
Barglar qaltiraydi kelmoqda deb qish.

Shekspir
Ответить 
"+" от:
Старый 23.11.2011 17:27   #25  
Аватар для Nigora Umarova
Оффлайн
AKA:Nigorabegim
Сообщений: 8,095
+ 8,360  10,318/4,529
– 37  58/50

UzbekistanОтправить сообщение для Nigora Umarova с помощью ICQОтправить сообщение для Nigora Umarova с помощью Skype™Мой КругFacebook
Цитата:
Сообщение от Alisher Asror Посмотреть сообщение
Цитата:
Сообщение от Maryam Посмотреть сообщение
...Ot bolasining bu holini ko'rib:
-Dunyo shunday yaratilgan. Agar bundan cho'chib suvingni ichmasang, keyin qattiq pushaymon bo'lasan,-dedi.
Birov hushtak chalsa bosadi tashvish,
Barglar qaltiraydi kelmoqda deb qish.

Shekspir
Yuqoridagi ikki iqtibos Gulxaniyning "Zarbulmasal"idagi "Tuya bilan bo'taloq" rivoyatini eslatib yubordi.
Ответить 
2 "+" от:
Старый 24.11.2011 19:54   #26  
Real ID Group
Аватар для Masud Mahsudov
Оффлайн
Freelancer
consultant
Сообщений: 1,749
+ 4,053  3,248/1,245
– 266  151/145

Uzbekistan
Цитата:
Ҳиндлар қоронғу бир оғилга филни қўйиб, умрида ҳеч фил кўрмаган инсонларга кўрсатмоқчи бўлишди. Фил нималигини билиш учун у ерга жуда кўплаб одам тўпланди. Бироқ фил турган жой жуда қоронғи, ҳеч нима кўринмасди. Шу боис, келганлар филга қўл билан тегиниб, у ёқ-бу ёғини пайпаслаб кўра бошлашди.

Улардан бири филнинг хартумини ушлаган эди, ташқарига чиққач, сўраганларга "Фил роса йўғон арқонга ўхшайди", деди. Бошқа бири филнинг қўлоғига тегинган эди. У "Фил елпиғичга ўхшайди", деди. Учинчи бир одам филнинг оёқларига тегинган эди, "Фил бир устунга ўхшаркан", деди. Филнинг қорнини ушлаб кўрган киши эса "Фил бир қояга ўхшайди", деди.

Шу тариқа ким филнинг қаерига тегинган бўлса, филни шунга кўра тушунтирди. Ҳар бирининг тушунтиргани бошқа-бошқа эди. Агар қўлларида чироқ бўлса эди, филни кўришар, унинг қандайлигини айтиб беришган бўлар эди.

(Жалолиддин Румий, "Маснавийи маънавий", 3-жилд)

Шарҳ: Жалолиддин Румий илова қилади: "Туйғу кўзи бор-йўғи бир ҳовучга, бор-йўғи кўпикка ўхшайди. Ҳовуч бутун бошли филни бирдай ушлай олмайди-ку! Денгизни кўрган кўз бошқа, кўпикни кўрган кўз бошқа. Кўпикни қўйгин-да, денгизнинг кўзи ила оламга қарагин!"
"Маснавий ҳикояларига шарҳлар", Тошкент, 2011
__________________
Мой ЖЖ
Ответить 
2 "+" от:
Старый 30.11.2011 17:22   #27  
Аватар для gofurov
Оффлайн
SQBNMF
Сообщений: 212
+ 3,689  244/106
– 89  1/1

Uzbekistan
Искандар Зулқарнайн дунёни забт этмоқ қасдида жанг сафарига чиқиб, неча юртларни эгаллаб, Чин мамлакатига етди. Жанг олдидан чодир тикиб ўтирган экан, Чин подшоси элчи юборганини билдиришди. Элчи кириб гапини ёлғиз Искандарга айтажагини маълум қилди. Унинг истаги вожиб бўлиб, ҳоли қолишгач, деди:
— Мен элчи эмас, Чин мамлакатининг подшосиман. Беҳуда қон тўкмай изингизга қайтмоғингиз учун нима қилмоғимиз мумкин?
— Уч йиллик хирожни тўласанглар мақсадга мувофиқ бўлади, — деди Искандар Зулқарнайн. Сўнг сўради: — Чоғинглар келадими бунга?
— Уч йиллик ҳирожни тўлай оламиз, — деди Чин подшоси, — аммо шу даражада қашшоқлашамизки, кичкина қабила ҳам бизларни забт этиб, эгалик қилмоғи мумкин.
— Икки йиллигини тўласаларинг-чи?
— Аҳвол ўзгармайди.
— Бир йиллик-чи?
— Хазинамда ҳеч вақо қолмаслиги мумкин, аммо чидаб яшаса бўлар.
— У ҳолда ярим йиллик ҳирожни тўплаб бер-да, мен изимга қайтай.
— Марҳаматли султонимизга жонимиз фидо бўлсин. Эрта ёки индин биз — фақирлар кулбасини ташрифингиз билан обод қилсангиз. Меҳмондорчилик адоғида биз ҳирожни ҳам жамлаб қўяжакмиз.
Искандар Зулқарнайнга бу таклиф маъқул келиб, икки кундан сўнг Чин мамлакати сарҳадидан ўтди. Шу ондан бошлаб атрофда минг-минглаб аскарлар пайдо бўлиб, атрофни ўрай бошлади. Бундан хавотирга тушган Искандар дедики:
— Сен ҳийла билан мени олмоқчи бўлдингми?
— Йўқ, — деди Чин подшоси, — ҳийла — ожизлар иши. Сиз кўриб турган лашкарлар қўшиннинг бир улуши халос. Асосий кучлар тоғ ортида турибди.
— Шунча қудратинг бор экан, нечун менга таслим бўляпсан, нечун ҳирож тўламоққа розилик беряпсан?—деб ҳайратланибди Искандар.
— Мен инсонлар қонининг беҳуда тўкилмоғини истамадим. Ундан ташқари сизга Осмон назар қилган. Назаркарда султонларни ҳеч қандай куч билан енгиб бўлмас.
Бу жавоб Искандарга маъқул келиб, саройга кирди-ю, товоқлар, лаганларда товланиб турган тилла-ю, жавҳарларни кўриб янада ажабланди. Чин подшоси «дастурхонга марҳамат, тановул қилинг», дегач, таажжубини яширмай сўради:
— Бу безаклар одам учун таом бўлолмайди-ку?
— У ҳолда сиз нима ейсиз, улуғ султон?
— Мен ҳамма каби нон ейман.
— Шундайми? Воажаб! Румда нон топишингиз шунчалар мушкулмиди? Шунча машаққатлар чекиб бу ерга қадар лашкар тортиб келибсиз?
Бу гапни эшитиб, Искандар унинг донолигига таҳсин ўқибди. «Мен бу ердан бир дона жавҳар ҳам олмайман, сенинг ҳикматли пандинг барча талабларимни қондирди», деб орқасига қайтган экан.

"Иймонлашиш умиди" Т.Малик
Ответить 
Старый 20.04.2012 10:07   #28  
Аватар для Qadriyat
Оффлайн
Qadriyat.Uz
Сообщений: 22
+ 0  9/7
– 0  0/0

UzbekistanFacebook
Talha ibn Ubaydulloh kechqurun uyiga qaytayotgan edi. Mahallalardan birida eshik ochilib, ichkaridan novcha odam chiqib keldi. Uy Hazrati Umarniki emasligi kundek ravshan edi. Unday bo‘lsa, xalifa tunda bu uyda nima qilib yuribdi? Talha ko‘rmaganga olib, tez-tez yurib ketdi.
Uning fikru zikri o‘sha uyda bo‘ldi. Hatto ertalab o‘rnidan turganda ham o‘sha manzara ko‘z o‘ngidan ketmasdi. «Buning tagiga yetmasam bo‘lmaydi».
Shunday qilinsa, noma’kul xayoldan qutulgan bo‘lardi. Keyin ko‘chaga chiqib, to‘g‘ri o‘sha uy tomon yo‘l oldi. Yetib kelib, eshik qoqdi. Lekin hech kimsa ochmadi. Talha yana eshikni taqillatdi. Ichkaridan ayol kishining: «Kiraver», degan ovozi eshitildi. Ovoz nihoyatda titroq bo‘lib, kampir ekani ma’lum edi. Talha ichkariga kirib, bir burchakda o‘tirgan ko‘zi ojiz kampirga ko‘zi tushdi va shu zahoti bo‘shashdi:
— Assalomu alaykum, xolajon!
— Vaalaykum assalom, o‘g‘lim!
— Hech kimingiz yo‘qmi?
— Allohdan boshqa hech kimim yo‘q.
Oyoqlari shol kampirning yurishga ham imkoni yo‘q edi. Talha ichidan zil ketdi. Bu zil ketish bema’ni xayollarga berilganidan edi.
— Kecha bir kishi shu yerdan chiqib ketayotgan ekan...
— U Umar ibn Hattob edi. Alloh rozi bo‘lsin, anchadan beri kechalari kelib, uyimni supurib-sidiradi, yotog‘imni tozalaydi, yana boshqa ishlarimni ham qilib ketadi.
Javobdan Talhaning qalbi larzaga kelib, yig‘lab yubordi. Ayol bilan xo‘shlashib uydan chiqdi. «Onang sendan ayrilib qolsin, Talha! Umarning ayblarini qidirib nimaga erishding? Sen uyingda maza qilib dam olayotganingda, Umar qo‘lidagi aso bilan ko‘cha kezadi. Muhtojlarga yordam qo‘lini cho‘zib, to‘shakka mixlangan kasallarning tagini tozalaydi. Sen bo‘lsang, Qur’on hukmlarini sariq chaqaga olmay, birovlar nima qilayotganini kuzatib yuraver. Boshqalar taqvo zinapoyasidan ko‘tarilaversin», derdi Talha o‘ziga o‘zi. Birovning aybini qidirish oson. Lekin birovda bir fazilatni ko‘rib, uni kasb qilish uchun ancha harakat qilish kerak.

Ahmad Lutfiy Qozonchining “Hazrati Umar ibn Xattob (r.a.)”
(Toshkent, «Movarounnahr», 2005) kitobidan olindi.


http://www.qadriyat.uz/index.php?act=4&way=3&nid=88
__________________
Qadriyat.Uz
Ответить 
2 "+" от:
Реклама и уведомления
Старый 22.04.2012 20:57   #29  
Аватар для albatros
Оффлайн
Сообщений: 881
+ 1,270  830/414
– 4  16/13

UzbekistanОтправить сообщение для albatros с помощью Skype™Facebook
O'g'rilikni orzu qilgan kishi.

Bir kishining ko'nglida o'g'rilik hunarini o'rganish havasi paydo bo'ldi. U doim o'g'irlikda kamolga yetishni orzu qilar va o'ziga ustoz qidirardi. Kunlardan bir kun odamlar unga Nishopur shahriga o'z shahrida kasbiga nihoyatda mohir va barkamol bir og'ri bordir, deb xabar berdilar.
U kishi o'z shahridan сhiqib, Nishopurga bordi va ustozning uyini qidirib topdi. Unga o'zini tanitarkan:"Men o'g'rilik ilmida sendan saboq olsam va bu hunarda mahorat oshirmoq umidida keldim", dedi. Ustoz unga iltifot ko'rsatdi va uni uyiga olib kirib, oldiga har xil taomlar qo'ydi.Ul kishi taomga qo'l uzatib yemoqchi bo'ldi. Ammo ustoz uni to'xtatib: "Chap qo'ling bilan taom yegin", dedi. U kishi chap qo'li bilan taom yeya olmadi.Nihoyat yana o'ng qo'lini uzatdi. Ustozi unga dedi:
- Hamonki, bu yo'lda qadam qo'ydingmi, uni shart-sharoitlariga amal qilmog'ing lozim. Chunki, avvalo o'ng qo'lni bahridan o'tmoq kerak. Zero, seni o'g'rilikka tutsalar, shariat hukmiga muvofiq o'ng qo'lingni kesadilar. O'ng qo'lga o'rgangan odamning ahvoli qiyin bo'ladi. Agar sen hozirdan boshlab chap qo'lda taom yeyishga o'rgansang, keyinchalik o'ng qo'lingni kesganlarida ham hech ranj va mashaqqat ko'rmaysan.
Kishi ustozidan bu so'zni eshitgach, hushyor tortdi va o'ziga-o'zi: "Agar zarni qo'lga kiritish tama'ida qo'lni zarga almashtirib qo'ldan ajramoq birinchi shart bo'lsa, ushbu hunardan voz kechmoqlik mening birinchi shartim bo'lsin!" deb o'g'rilik hunaridan voz kechdi.

Muhammad Avfiy "Nodir hikoyatlar"
__________________
Qololmas jahon ichra mangu kishi,Faqat qolg'usi yaxshi nomi, ishi.(Sa'diy)
Ответить 
Старый 23.04.2012 23:57   #30  
Аватар для albatros
Оффлайн
Сообщений: 881
+ 1,270  830/414
– 4  16/13

UzbekistanОтправить сообщение для albatros с помощью Skype™Facebook
Sulton Mahmud va xotin podshoh

Sulton Mahmudning hukmronlik davrida Ray viloyatida bir xotiri bor edi. U mazkur viloyatning podshohi edi. Uning nomini Rasida derdilar. U nihoyatda dono, bilimdon va ziyrak edi. U Faxruddavlaning xotini edi. Faxruddavla vafot etgach, undan Majduddavla ismli bir o'g'il qoldi. Majduddavla ulg'ayib balog'atga yetdi. Lekin u otasining' o'rnini bosa oladigan emas edi. U beandisha edi, binobarin, podshohlikka nomunosib edi. Shunday bo'lsa-da, mamlakat uning nomiga atalib, davlat ishini onasi ynritardi. U Ray, Dahiston va Isfahon viloyatlarida o'ttiz yil hukmronlik qildi.
Nihoyat, Sulton Mahmud Iroq podshohligi xotinning qo'l ostida, deb eshitdi. U xotinning huzuriga elchi yuborib dedi: «Mamlakatingda mening nomimni xutbaga qo'shib o'qitishing, pulni mening nomimdan zarb etishing va menga har yili xiroj yuborib turishing kerak. Aks holda behisob askarlarim bilan sening diyoringga borib, arkoni davlatingni yer bilan yakson qilg'umdir!»
Elchi so'zini tugatgach, Rasida Sulton Mahmud maktu- biga javob yozishni buyurdi-da, so'ngra elchiga dedi:
— Sulton Mahmudga shunday degin: «Erim Faxruddavla tirikligida bizning diyorga hujum qilishing haqida o'ylab xavotirlanar edim. Ammo erim vafot qilib, hukmronlik menga tekkach, bunday andisha va qo'rquvlar mening ko'nglimdan butunlay ko'tarildi. O'zimcha, Malimud ziyrak podshohdir, o'zini bilgan podshohlar xotinlar bilan jang qilmoqqa bormas- liklarini yaxshi biladi, deb o'ylardim. Endi men sen bilan jang qilishga tayyorman. Agar sendan yengilsam, menga nomus emas. Zeroki podsliohlikni saqlab qolmoqlik yo'lida qilingan jangda mag'lubiyatga uchramoq uyat emas. Agar sen mendan shikast yeb, mag'lubiyatga uchrasang, u holda sening uchun katta sharmandallk bo'lgay va men uchun nihoyatda zo'r faxr sodir bo'lgay. Chunonchi, odamlar «xotin kishidan yengildi», deb seni malomat qilurlar».
Bu so'z Sulton Mahmudning qulog'iga yetgach, aslo Iroqni tilga olmadi. Xotinning aql-zakovati tufayli mamlakat dushmanlardan omon qoldi.

Muhammad Avfiy "Nodir hikoyatlar"
__________________
Qololmas jahon ichra mangu kishi,Faqat qolg'usi yaxshi nomi, ishi.(Sa'diy)
Ответить 
Ответить
Опции темы
Опции просмотра




Powered by vBulletin® Version 3.8.5
Copyright ©2000 - 2024, Jelsoft Enterprises Ltd. Перевод: zCarot
Advertisement System V2.5 By Branden
OOO «Единый интегратор UZINFOCOM»


Новые 24 часа Кто на форуме Новички Поиск Кабинет Все прочитано Вверх