uForum хайрия тадбирлари

[Tulqin Eshbekov]

Сообщение от pipicron

Дўст, агар яна шундай бир савоб ишга қўл урсаларинг, мени уриб, туртиб, занзирга боғлаб олиб боринглар.... Бу қилган қуполлигингиз учун икки дунё сизларга қуллуқ қилиб ўтаман.....

Савоб ишга қўл урганлар ҳеч кимни урмайди ҳам, туртмайди ҳам! Билъакс, эзгуликка чорлаши мумкин!!

[Биллур]

Бир опа айтади: -Бир кариндошимиз бор, ёшлигида жуда кухлик, аммо феъли тезгина эди. У: "Мен ёш болани ёмон кураман", деган гапни куп кайтарар ва гудакларни кулига олмас, ёнига хеч йулатмасди. У жуда яхши одамга тушди, бадавлат яшади, аммо... Яратган унга фарзанд бермади.Ният калтис нарса. Уни кунгилга тугишда багоят эхтиёт булмок даркор!.
Мухтарам олим Гайбулла ас-Салом айтганларидай, "деворнинг хам кулоги бор, яхши гапларни согиниб туради". Болаларни хам баланд ва гузал ниятлар билан овоз чикариб эрклаш жоиз. uForum буни албатта маромига етказишига шубхам йук.

[pipicron]

Сообщение от Биллур

аммо... Яратган унга фарзанд бермади.

Фарзанд сўраб дуо қилдим…

Раҳмдил Оллоҳ номи билан бошлайман.

Ҳайрон этиб икки дунё ғалвасига,
Ошиқ қилдинг бу дунёнинг бандасига.
Эй Оллоҳим, мурувватинг этма дариғ,
Зор қилмагин бир фарзанднинг жандасига.

Кўнглим меҳрин олиб қўйдинг, кўндим нетай?
Юрак савдо солса кўндим, қайга кетай?
Фақат сендан паноҳ сўрар бўлдим Эгам,
Тирноққа зор қилма, мен ҳам ният етай.

Сурур бердинг, кўз-кўз қилдим этиб зийнат,
Шуур бердинг, этдим эҳсон, гохи миннат.
Тавба қилдим, кеч гуноҳим энди Оллоҳ,
Фарзанд бергин, бу ҳам менга бир омонат.

Гуноҳларим ўзим билдим, ўзга билар,
Кимдир менга фарзанд тилар, ким ёв тилар.
Ижобат қил ҳар икки дил тилак қилса,
Ёв дўст бўлса, Фарзандимнинг бошин силар.

Ёлғизлатиб қўйма мени, зурриёд бер!
Бу дунёдан кетар бўлсам, ахли ёд бер!
Исминг айтиб бир мўминга бир ном берай,
Менга берсанг, унга мендан ҳам зиёд бер!

Овмин, Оллоҳу Акбар!

(C) 7 август, 2006 йил.

[Биллур]

Атрофимиздаги неъматларни танимаганимиз, шукрона айтишни билмаганимиз йўлимизни тобора боғлаб бораверади. Ҳар биримизда кунда ўн бор байрам қилишга ярашиқли афзалликлар бор - оёгимиз огриётгани ёки кулоғимиз эшитмаётганини айтиб йиглайверамиз. Айтинг-чи, кўзимиз кўраяпти, томоғимиздан овқат ўтаяпти, хазм бўлаяпти, юрагимиз соғ. Унинг шукронаси қани?
Бир бемор боламиз бор. Эзилаверамиз, Яратгандан ўртаниб тиланаверамиз - қолган икки боламиз лочиндай учиб юрибди-ку, унинг раҳмати, шукронаси қани? Ахир улар ҳам ногирон бўлса қандоққиламиз...
Ўша эшикларни тақиллатиб, кўнгли ўксикларни соғиниб борадиган одамларнинг борлиги, уларни савоб ишларни қилишга насиб этгани УЛАРНИНГ толеини борлигидир - шукр, шукр ва яна шукр айтиш керак.

[Nigora Umarova]

Форумимиз Умидаси оёққа турмоқда...

Assalomu alaykum. Nigora opa,men yaxshi man. Meni hayotga qaytarib,menga shifo berib,oyoqda turishimga va ularni qo’llaridan shifo topib tuzalib ketishimga meni ishontirgan Andijon tibbiyot instituti professori Qobiljon Xudoyberdiyev va tibbiyot fanlari nomzodi Shuhrat Fozilov duxturim shu kishi bo’ladilar. SHuxrat akam Andijondan meni ko’rgani Samarqandga keldilar. Men duxturimga syurpriz qildim kalyaskadan turdim.
SHuxrat akam xursand bo’lib mehnatimiz natijasi bu deb menga Umida qiz taslim bo’lmaymiz birgalikda harakat qilamiz mana buni ajoyib sovg’a desa bo’ladi dedilar. Muolaja uchun Andijon klinikasida borib turish kerakligini aytdilar ; )

[Billur]

Сообщение от Nigora Umarova

SHuxrat akam Andijondan meni ko’rgani Samarqandga keldilar. Men duxturimga syurpriz qildim kalyaskadan turdim.

Hamma odam ezgulikni sevadi. Ezgu odam xalqqa mehribon bo’ladi, uni hurmatlaydi. Shu go’zal martabaga ega bo’lgan odam ulug’ martabaga ega bo’ladi. uForum xayriya tadbirlarini tashkil qiluvchi insonlar shular qatoridadir. Xudo xohlasa, farzandlaringiz ortidan yugurib yuring Umidaxon, sizni hamda sizga muruvvat qilayotgan ezgu insonlarni duo qilamiz, oilalariga hayrli kishilar bo’lsin.
Ushbu hayriya ishlari ishtirokchilari orasida Andijon shifokorlari borligidan baxtiyorman, hamisha qo’llarini yengil qilsin.
Ha-a, sen hech kimga befarq emas ekansan uForum/

[Nigora Umarova]

Assalomu alaykum.
Sizlarga yangilikni aytib bermoqchiman. U R A A A man kalyaskadan butunlay turib hammaday oyoqda turib qadam tashladim, sekin bo’lsa xam o’zim umrimda 1 chi bor oyog’imni harakatga keltirib qadam tashlay oldim. Artaped sapagi yasab berdi buni faqat yurishni mashq qilganimda kiyaman. Sababi hali tizzalani yaxshilab tuta olmayapman, 2-3 minutdan ko’p turishda tizam bukulib ketishi uchun shu narsani SHuxrat duxtur tafsiya qildilar. Sapagi tutor ekan,oyog’imda kiydirib kalyaskadan butunlay o’rnimdan turg’azib ko’rdilar duxtur. Qachonlardir bolaligimda travma dan oldin yurgan ekan bo’lsamda umuman esimda qolmagan. Umrimda 1 chi bor 24 yil deganda sizlarday hammaday oyoqqa turganimda boshim sal aylanib qo’rqdimde qarasam mani ushlab turgan duxtur ayamday bo’yim teng ekan.Aya qarang mani bo’yim uzun ekan desam. Duxtur Umida qadam tashlab oldimga kel harakat qil qo’rqma sen yura olasan yura olasan desalar. Tirishib oyoqlarimni oldinga qilsam qadam tashlab yura oldim. O’zimga men uxlayapmanmi doim tushimda yurardimku aya V A A A A A, U R A A A A A men qadam tashlayapmanku deb qichqirsam ayam bilan Baxor yig’lab yuvordilar Xudoga shkur deb. Men bu kunni juda juda uzoq yillar yotib kutgandim. Doim qiziqardim Hamadan so’rardim odam yursa qanaqa bo’ladi yoki yura olish qiyinmi deb qiziqib so’rardim. Ha qiyin ekan yo man uzoq yillar tura olmaganimdan bo’lsa kerak,1chi bor turganim uchunmi qiynaldim.Lekin mazza yoqimli bo’larkan. Kalyaskada o’tirishdan ming bora yaxshi ekan. Xudo xoxlasa Andijonda muolaja uchun yana borganimizda o’zim kastelda yurib mani duxturim Qobiljon professor oldilariga yurib bormoqchiman.SHuxrat duxtur bu safar Umidani o’zim mashinamda Andijonni aylantirib tomosha qildiraman dedilar. Magazinni faqat tashqaridan ko’rganman endi magazin qanaqa ekan parkni bolaligimda borolmagan joylarga boraman ko’raman. Uydagilar o’rningdan turganingni ko’ray deydilarda yig’lab yuvoradilar bobom,ayam hamma. Endi ko’proq yurishni mashq qilishim kere ekan. 1 kunda 1 soat turnikka o’xshagan moslamani ushlab yurishni mashq qilishim kere ekan. Asta-asta minutni kopaytirish kere ekan duxtur shunday dedilar.Men ilgari ruhan tushkun holatda, o’zimga bo’lgan ishonchim yo’q edi. Qobiljon domla va SHuxrat duxturlarni aytishlaricha duxturni yordami bemor uchun 20 foiz ekan qolgan 80 foizi bemorni yaxshi bo’lib ketishi ushun harakatiga o’ziga bo’lgan ishonchiga bog’liq ekan.Meni davolatgan duxdurlarim Qobiljon domla, SHuxrat akamga sizlar mani sezgi nervlarimni uyg’otib mani oyoqqa turg’azganiz uchn.Haj ziyoratiga borib kelganday savobini oldingiz deyman.Ular shunday bemorlarni dardiga shifo ulab bemorlari yurib ketmoqda.Man Andijon klinikasida har borganimda ko’rib xursand bo’lib ketaman. UFORUM xayriya tadbirda menga yordam berganlariz uchun xama xamalarizga raxmat,Menga yaxshilik qilgan insonlarni sizlarni ko’rmagan bo’lsamda Nigora opam manga aytib beradilar.

[Ra`noxon Xo`jaeva]

Инсонни яхши ва ёмон кунида уни ҳар томонлама қўллаб-қувватловчи яқин инсонлари бўлса, у ҳар қандай вазиятдан чиқиб кетишида ўзида куч топа олар экан. Оиламиз бошига ташвиш тушганда яқин инсонларимиз қаторида қўллаб-қувватлашгани учун UZINFOCOM Рахбарияти ва жамоасига ота-онам, оила аъзоларим ва шахсан ўзим номимдан чексиз миннатдорчилик билдираман. Ана шундай жонкуяр жамоада ишлаётганимдан хурсандман. Барчангизга раҳмат, азиз ҳамкасблар!

[Tulqin Eshbekov]

Сообщение от Ra`noxon Xo`jaeva

Ана шундай жонкуяр жамоада ишлаётганимдан хурсандман.

Ҳамма жамоалар шундай жонкуяр бўлишига тилакдошман!
Ўзинг яхши - олам яхши, деганларидек, муҳтарама форумдошимизнинг ўзлари ҳам ҳавас қилса арзигулик ходималардан эканига шубҳа қилмайман!

[Nigora Umarova]

Сообщение от Nigora Umarova

Kecha Umidadan xabar olgani Samarqandga borib keldim. Ruhiyati, ahvoli avvalgidan ancha yaxshi. Ko'z tegmasin.