Bolalar o`g`riligi

[Shaxnoza]

Шу кунда болалар орасида ўғрилик авж олиб боряпти. Агар бир ортга назар ташласак ҳар биримиз оиламизда қизимиз ёки ўғлимиз билиб, билмай ўғриликни содир этиб қўяди. Шунда сиз қандай чоралар кўргансиз. Умуман бу нега содир бўляпти. Уларнинг ҳамма нарсалари етарли бўлса кийим-кечак, овқат, китоб-дафтар. Уларга яна нима керак? Нима учун арзимаган пакиллатадиган ёки интернет кафедаги ўйинлар, наклейкалар, расмлар уларнинг гуруридан устун булаётганлигини англашмаса. Буни ким тушунтириши керак. Болага нимагадир ота-она душмандек кўриниб колади, агар куюиб-пишиб гапирса.

[Nigora Umarova]

Хозирги кунда болаларга ота-она хукмронлик йуналишида эмас, дустона йуналишда муносабатда булиши керак.
Бу борада аждодларимиздан колган тарбия услуби яхши фойда беради деб уйлайман. Беш ёшгача болага подшохдек, мактабга чиккач кулдек, усмирлик давридан бошлаб эса дустдек муамола килмок даркор.
Сабаби, бола 5 ёшгача дунёни англай бошлайди: рухияти шаклланади, асасий фаолиятини уйин эгаллайди. Дунёни танишни уйин оркали англатсак, куп нарсани билиб олади.
Мактабга чиккач эса уйин фаолияти укиш фаолиятига алмашади ва болага катъиятли, интизомли булиш ургатилади. Бу эса каттиккулликни талаб килади. Бу даврда боланинг иродаси тарбияланадиган давр хисобланади.
Усмирлик давридан бошлаб эса бола узини аклли деб хисоблай бошлайди. Бу даврда унинг "мен"и кучлилик килади. Агарда ота-она "мана бу ишни кил!!!", "Буни хато килибсан" деб фарзандини кескин танкид килаверса, болага буйрук бераверса, бу нарса унга ёкмайди ва айтилганларнинг барчасини аксини килишга харакат килади, кайсарлик устун булади. Шунинг учун хам болага нисбатан дустона муносабатда булиб, "болам, буни мана бундай килсанг, бундай булармиди" деган холда кузланган натижани куз олдига келтира олиш хам керак.
Болалар угрилигининг омилларини мен куйидагиларда деб биламан:
1) Оиладаги етишмовчилик. Бола тенгдошларида бор нарсани узида хам булишини хохлайди, ота-онаниг эса фарзанди хохлайдиган нарсани олиб беришга курби етмайди хамда бола угриликка кул уради;
2) Нафснинг устунлиги. Оилада хамма нарса бор. Фарзандининг хохлаган нарсаси мухайё килинган. Бирок бу нарсалар болага камлик килади . У яна бундан-да купрогини хохлайди.
Угрилик билиб ёки билмаган холда амалга оширилади. Бунда албатта, тарбиянинг ахамияти каттадир.

[Nigora Umarova]

Сообщение от Shaxnoza

Болага нимагадир ота-она душмандек кўриниб колади, агар куюиб-пишиб гапирса.

Хамма гап куйиб-пишиб гапиришда эмас, болага тугри тушунтира олишда

[Nigora Umarova]

Иш тажрибамда шундай вокеа булганди. Синфимда укувчиларим расмга тушишганди. 2-синф укувчилари. 1998 йиллар.
Тасодифан бир кизим йиглаб юборди. Маълум булишича, ойиси бериб юборган 500 сум пули йук. Укувчиларимни эрталабдан бери килган хатти-характларини мулохаза килиб курдим. Бир угил боламнинг хатти-харакати менда шубха уйготди. Сабаби, эрталабдан бери мактаб ошхонасидан хали у нарсани, хали бу нарсани сотиб олмокда. Секин ёнимга чакириб, "Пулни сен олдингми?"- деб сурадим. Инкор килди. Киздан, "Пулинг кандай пуллардан иборат эди?"-дедим. "Юз сумликлардан"-деди йигламсираб. Боланинг ёнидаги пулларини карасам, битта юз сумлик. "Хозир ёнимиздаги милиция хонасига чикамиз-де, иккалангизнинг хам бармок изларингизни оламиз. Агар хакикатдан хам пулни сен олган булсанг. Пулдан хам ХХХ ни, хам сенинг бармок изларинг колган булади"- дедим. Уша пайтдаги укувчимнинг дод солиб, кулларимга ёпишиб мендан кечирим сураганини куз олдимдан кетказа олмайман.
Уша куниёк аввал отасини, сунг онасини чакирдим. Адасини чакириб "Пулни сиз берганмидингиз?"-десам, "Йук, мен берган эмасман",-дейди. Ойисига хам шу саволни берсам, "Адаси эрталаб куз олдимда бергандилар",- дейди. Ота онани хам юзлаштиришга мажбур булдим ва боланинг бояги рухий ахволини , кечирим сураб айбини тан олганлигини айтиб бердим.
Боланинг тарбиясидаги етакчи уринни она тутади. Бирок она юкоридаги ахволда булгач, нима хам дея олардик.

[Nigora Umarova]

Боланинг хаддан ташкари эхтиёжини чегаралаб куйиш хам угрилик килишига мажбур килади. Майли, уртоклари компьютер уйнаётган булса. у хам уйнасин. Факат вакти-вакти билан. Вактни чегаралаб бериш керакки, у хам укишини укисин, хам уйин уйнасин. хам уй ишларида катталарга ёрдамлашсин, керак булса тугарагига хам борсин. Ота-она сергакрок булиб фарзандини доимо кучли назорат килсин. Назорат килиш бу зулм килиш дегани эмас.
Бола ким билан дустлашаётганлигига хам катта эътибор бериш даркор. Баъзан дустининг оркасидан эргашиб жиноят кучасига кириб бораётган укувчилар хам йук эмас.
Угрилик аввал кизикиш асосида билмаган холда килинади. Сунг бир-икки килгач, куникма холига айлангач, болани бу йулдан кайтариш кийин булади.

[Tohir Malik]

Фарзанд дунё юзини кўргани хамон она калбида покиза умид хам тугилади. Бу умид она юрагида фарзанд билан баравар улгая боради. Хар бир она фарзандини энг камида машхур олим ёки мухандис, ишбилармон бўлишини орзу килади. Не бахтки, кўпинча ниятлар ушалади. Фарзандини хам, умидини хам бараварига парвариш этиб, максадга эришган оналарни хар канча шарафласак оз. Минг афсуски, баъзан бола улгая боради, умид эса бўгилиб, ўлимга махкум этилади. Бола жамият зараркунандасига айланади. Кайси она болам ўгри, майпараст, безори бўлсин, дейди. Хеч бир она бундай хаёлни якинига хам йўлатмайди. Аммо кутилмаганда умиди парчаланиб, боласи кора курсига ўтиради. Бундай холларда «туппа-тузук бола тўсатдан айниди», деган гапларни эшитамиз. Йўк, факат бизгагина «тўсатдан» туюлади. Аслида боладаги ёмон хусусият унда анча илгари пайдо бўлган-у, атрофдагилар сезмаган. Сезса хам эътибор бермаган. Мен кўп марта суд жараёнларини кузатганман. Одатда тўсик ортидаги кора курсида жиноятчи – ўгил бошини хам килиб ўтиради. Биринчи каторда эса дардини багрига сигдиролмай ўтирган онани кўриш мумкин. У хам одамларга тик карай олмайди. Унинг кўзларида факат гам, аламгина эмас, ўгининг килмиши учун номус азобининг кўланкаси хам бор.
Мен айникса бир суд жараёнини унута олмайман. Бир йигитча синфдошининг ўлимига сабабчи бўлган, жиноятчининг онаси судга гувох сифатида чакирилган эди. Она факат бир саволга жавоб бериши – ўглининг жиноят содир бўлган кечаси уйга соат нечада кайтганини айтиши керак эди. У ёлгон сўзламай, аник вактни айтди. Баъзи оналар каби «Ўглимга енгил бўлармикин», деб ёлгон гапирмади. Аммо кўз ёшларини хам тўхтата олмади. «Мени суд килинг, хаммасига мен айбдорман, жазони менга беринг!», деб нола кила бошлади. Она фарёд чекарди. Унинг ахволини кўриб тўпланганларнинг айримлари хам кўз ёш килиб олишди. Жиноятчи ўгил эса хамма нарсани унутиб хўнграрди. Она ўглини асрай олмади – умиди дарз кетди. Ўгил эса онасини эхтиёт кила олмади, калби бир умрлик виждон азобида колди.
Хўш, бу вазиятда ким айбдор? Онами, ўгилми? Онани айблаш канчалик огир бўлмасин, шундан бошка хулосага келиш мумкин эмас.
Бу суд вокеаси кадим бир ривоятни эслатади. Ўтган замонларда она-ўгил ёлгиз яшар экан. Кунларнинг бирида у кўшнисиникидан шафтоли ўгирлаб чикибди. Она ўглининг абжир ўсаётганидан кувониб, боласини эркалатибди. Эртасига ўгил яна ниманидир ўгирлаб чигкибди. Яна мактов эшитибди Шу зайлда у ўгирликка ўрганиб колибди. Она айбини тушуниб етиб «Вой!» дебди-ю, аммо бошка чора топмабди. Йиллар ўтиб, ўгил каттарок ўлжага кўл уриш махалида панд ебди. Подшо уни осишга хукм этибди. Катл чогида ўгил подшодан: «Сўнгги марта онамни бир кўрай» деб илтимос килибди. Онани келтирибдилар. «Онажон, сизни сўнгги марта тилингиздан бир ўпай» дебди ўгил. Она кўзда ёши билан унга якинлашгач, ўгил унинг тилини тишлаб, узиб ташлабди. Ўгилнинг бу вахшийлигидан газабланган подшо ундан: «Нима учун бундай килдинг?» деб сўрабди. Шунда ўгил: «Мени ёмон йўлдан кайтармай, ўгирликка рагбатлантирган, мени дор остига олиб келган худди шу онамнинг тили бўлади», деб жавоб берган экан.
Хулосани чикариш эса узингизга хавола мухтарам биродарлар!

[Shaxnoza]

Мавзу юзасида ота-оналар болалардаги бу иллат ҳақида ёки бу иллатни қандай фарзандларида қандай йўқотганлари ҳақидаги ҳаётий воқеаларни ўқишни ҳар бир форумдошлар ҳохласа керак. Бу келажакдада ҳар бир ёш учун ҳам катталар учун ҳам ёрдам бўлар эди.

[Nargiza Saidova]

Ёшлигимни эсладим..ойимлар жуда кучада сотиладиган хурозканд, сакичларни ёмон курардилар ва бизларга олиб бермасдилар. Менга эса улар жуда мазали туюларди. Кейин улар кучада овкат кавшаниб юришни хунук хисоблаб, бизларга кучада нарса олиб бермасдилар..мени эса кучада хурозканд ялаб кетаётган болаларга жуда хавасим келарди. Шу хавас бир кучайиб кетган вактда кучага чикканимда токчада турган 1 сум пулни олиб хурозканд олгандим...яна факат узим эмас барча дугоналаримга хам )
Уйдагилар дарров билишганди. адамлар уришиб бердилар. Кейин эса эртаси куни адамлар турли хил шаклдаги хурозкандлар - юлдуз, пистолет яна алакандайдир, ойимлар эса росали куп монпансье конфетларини олиб келишганди. Мени эса уларга карагим хам йук - мен уша чупга урнатилган кизил хурозлигисини хохлайман...барибир олиб беришмади (
Шу нарса армон булиб колиб хозир хам хар хайитда укаларимга менга хурозканд олиб кел деб ёш боладек ялаб утираман
Ойимлар ушанда угрилик ёмон деб уришган булсаларда холимни тушинишга хам харакат килгандилар -улар хам уз вактларида бувимлар нонга деб берган пулга музкаймон олиб роса уриш эшитган эканлар.

Болаликда хамма нарса бошкача туюлади. Биз уларга уларда хамма нарсаси бор десак хам, уларга бизнинг хаёлга хам келмаган нарса ёкиши мумкин. Биз уларга яхши киммат уйинчок олиб берсак, уларга дустининг арзон уйинчоги ёкиши мумкин. Кийим кечакда хам худди шу - улар чиройни узларича бахолайдилар. Уларга дустининг катта чунтаги бор шими ёкади, ва холанки узининг шими ундан улса улиги ортиклигини сезмайдилар хам. Ота она боласи нима хохлаётганини тушуниши учун унинг кузлари билан дунёга карашни билишлар керак. Бу учун эса узимизнинг ёшлигимизни, узимизнинг камчиликларимизни хам эсласак осонрок булади.

[Abdusalim Nursaidov]

Qush uyasida ko`rganini qiladi. Hamma gap tarbiyada.
Masalan, qaysi bir kuni 1 sinfda o`qiydigan o`g`lim o`qituvchisiga rasm daftarim uyda qolib ketgan deb yolg`on gapiribdi. Keyin akasidan so`rasam u jahli chiqib yirtib tashlagan ekan. Ertaga to`g`risini aytib ustozingdan kechirim so`ragin dedim. Lekin ertasi kuni uyalib kechirim so`rolmaganini aytdi. Shunda unga yolg`onchilikning saybiy o`qibatlari to`g`risida ertalar aytib tushuntirdim. Keyingi kuni o`qituvchisidan kechirim so`rab keldi.
Bu yog `i xulosa sizga havola

[insider]

Болага мехр етмаса, у угирлик килади, кизларни хафа килади ...

Оффтоп:

узим хам бола булганман ...