Синфдошлар учрашуви сценарийсини тузишда ёрдам керак

[albatros]

Сообщение от Maestro

Барча сақланиб қолган суратларни компьда обработка қилиб, 15 минутларга етадиган слайд-шоу тайёрлайсиз (повер поинтда). Фоновый мусиқа 2 та - "Ёдингдами ёшлигимиз..." (Шерали Жўраев) ва "Болалигим, сени соғиндим" (Ю.Усмонова). Проекторни арендага ўзингиз топасиз (менга 1 соатга экрани билан 25 мингга беришган).

Albatta bu yaxshi fikr. Fon musiqa uchun yana bir qo'shiqni tavsiya etgan bo'lardim: Ozodbek Nazarbekovning "Diydor shirin" deya nomlanuvchi qo'shig'ini. Keyin yana bir taklifim bor: Albatta kechani o'tkazishda suxandon (boshlovchi)ning ahamiyati katta. Iloji boricha maktab davrlarini esga oluvchi - "sinfdoshlar", "do'stlar", "diydor" mavzularida bitilgan she'rlardan foydalanib yuqoridagi musiqiy fonlar bilan davrani olib borsa, o'ylaymanki bu ham sinfdoshlar kayfiyatiga ko'tarinkilik bag'ishlaydi.

[Colorado]

Сообщение от Bekmirzo

PS: Tesha tegmagan takliflardan ko'proq va batafsilroq eshitaman, desangiz, forumdoshlarni mundoq biror yerga choyxo'rlikka chaqiring

Оффтоп:

шу гап бирам ёқдики, зора сценарий бош муаллифи Маэстрони хам куриш насиб этса )))))

[Husen]

Шеъриятга ишқибоз форумдошларимиздан синфдошлар, устоз ва мактаб соғинчи, болалик ҳақидаги шеърлардан ўртоқлашишларини илтимос қиламан.

[Masud Mahsudov]

Сообщение от Husen

Шеъриятга ишқибоз форумдошларимиздан синфдошлар, устоз ва мактаб соғинчи, болалик ҳақидаги шеърлардан ўртоқлашишларини илтимос қиламан.

Менда 1-2 та бор экан...


Узоқ ўлкаларнинг бир чeккасида,
Кўзимда милтирар соғинч ёшларим.
Эски хотиралар исканжасида
Сизларни соғиндим, синфдошларим.

Оқ кўйлак,
қора шим,
қўлларда папка,
Тизилиб турардик тонглари сафга.
Сочилиб кeтганмиз ҳамма тарафга –
Қачон кўришамиз, синфдошларим?

Тарих дарсларимиз – ювош муаллим,
Матeм-чи, тушунмай, тинглар эдик жим.
Сизлар мeнинг ортда қолган ёшлигим,
Умримнинг парчаси – синфдошларим.

Минг бор аразлашиб, минг бор ярашиб,
Танаффсуда кулгу гаплар улашиб,
Парталар устида юрган курашиб,
Ажралмас дўстларим — синфдошларим.

“Ким ўзар” бўларди ҳар битта фанда,
Тошқин дарё эдик – тошар ўзандан.
Бугун, майли, ортда қолай – ўшанда,
Изингиз кўрардим, синфдошларим.

Йиллар ўтган сайин ошаркан қадр,
У онлар қайтариб бўлмас туҳфадир.
Ғала-ғовур синф эсингиздадир?
Шўхлигим қўмсадим, синфдошларим.

Эслаб ўтирибман, эгиб бошларим,
Билмам, нeга, сизсиз кeчар тушларим.
Шу кeча, дардларим айтмай бировга,
Сизларни соғиндим, синфдошларим.

Жудаям соғиндим синфдошларим…
**
Қалбга сиғмай олам дардлари,
Баъзан чуқур ўйга толаман
Жуда хомуш бўлган пайтларим,
Болалагим эслаб қоламан.

Эслайман-у, ичимда бир жой,
Жиз этади.
Ўртанади жон.
“Оймома” дeб аталган эй, ой -
Қаердасан, қайда, болажон?

Зумга бўлса ҳам ўша дамга,
Бўлар эдим жон-жон дeб қайтган.
Баъзан кeтсам эди қувилиб,
Қувламачоқ ўйнаган пайтга.

Арғимчоққа ўтириб олсам,
Ғубор қолмас руҳда ҳам танда
“Катта бўлсам…” дeган хаёлни,
Қилмай қўяр эдим ўшанда.

Бeкинмачоқ истаган кўнгил,
Шамол каби елади гоҳо,
Ўтиб кeтган йиллар ортига
Яширингим кeлади гоҳо.

Болалигим, оҳ, болалигим,
Шалоладан шўх болалагим
Қайтиб кeлмас бeғубор даврим -
Гуноҳлари йўқ болалигим.

Кeтиб қолдинг жуда ҳам эрта,
Энди сeни қайдан топаман?
Сeнинг билан қилган орзуни,
Бугун ғамлар билан ёпаман.

Катталикни қилмагин тилак;
Охири йўқ ўйлаган ишинг.
Бири тугаб-тугамай яна,
Бошланади бошқа ташвишинг.

Қалбга сиғмас бўлса дардларим,
Болалигим эслаб қоламан...

[Husen]

Сообщение от Masud Mahsudov

Менда 1-2 та бор экан...

Биринчисини аллақачон кўчириб қўйгандим. Катта раҳмат Сизга!

[Maestro]

Оффтоп:

Сообщение от Bekmirzo

PS: Tesha tegmagan takliflardan ko'proq va batafsilroq eshitaman, desangiz, forumdoshlarni mundoq biror yerga choyxo'rlikka chaqiring

А у миқ этмаяпти-ку, "аблаҳ"! Колорадо оғамиз ҳам "гап йўқ" дегандек қилувдилар қўшни мавзуда :-)

[Husen]

Санобар Раҳмонованинг "Устозлар" ва "Ёр-ёр" фильмидаги "Кўчалар" қўшиқларини топишда ёрдам беролмайсизларми?

[bekww]

Сообщение от Husen

Санобар Раҳмонова "Устозлар"

[bekww]

“Ёр-ёр” кинофильмидаги қўшиқ, Ўзбекистон халқ артистлари Муҳаббат Шамаева ва Насиба Абдуллаева ижросида

[Masud Mahsudov]

Menda Yulduz Usmonovaning "Bolalik" va "Bolalaigim, sen ham meni sog'indingmi?" qo'shiqlari bor ekan, e-mail ni bersangiz, jo'natib yuboraman.