"Ctrl, Alt, Delete" maqolasi haqidagi fikrlaringiz...

[Nigora Umarova]

Yaqin kunlarda "Odamlar orasida" gazetasida ushbu nom bilan yozilgan maqolani o'qib qoldim. Ushbu maqola haqidagi sizning fikr-mulohazalaringizni bilmoqchi edim. Maqola muallifi «Биз компьютернинг kулига айланиб боряпмиз» deb fikr bildiradi. Haqiqatdan ham shundaymikan?!....
http://www.odamlar.uz/index.php?opti...jc_allComments

[Nigora Umarova]

Maqolaning to'liq matni quyidagichadir:
"Яkинда мени телевидениега меxмон сифатида таклиф kилишди. Келгуси xафта (30.06.2007/19.30) Ёшлар телеканалида эфирга узатиладиган «Акс» телекўрсатувида китобнинг компьютердан фойдалироk эканини исботлаб беришга xаракат kилдим. Студиянинг ярмини кутубхонашунослик, ярмини информацион технологиялар мутахассислигида таълим олаётган талабалар эгаллашди. Тортишувда кимнинг голиб чиккани телетомошабинларга хавола, лекин мен ўша ерда билдирилган фикрларни тинглаб, бошка бир масалага эътиборимни каратдим – компьютер бизни ўз кулига айлантириб олмаяптимикан?

Биз компьютерлар хакида кўп ёздик. Уларнинг вактни тежаш ўрнига исроф килаётгани, компьютер каршисида ўтириб вактингиз кандай ўтиб кетганини билмай колишингиз газетамизнинг аввалги сонларида шу соха мутахассислари томонидан тахлил килинди. Аммо мен хозир бошка нарса, компьютернинг бизни бошкара бошлаганига диккатингизни каратмокчиман.

Хозир жуда кўп нарса компьютерларга боглик бўлиб колди. Минглаб маълумотлар компьютерларда сакланган, хисоб-китоблар компьютерларда олиб борилмокда, хатто шаръий хукмларни чикаришда хам компьютер дастурларидан фойдаланилмокда. Компьютер бизнинг хотирамиз, ёрдамчимиз, маслахатчимиз ва дастёримизга айлангандек гўё. Кундалик хаётимизнинг ажралмас бир кисми, содда килиб айтсак, ўйинчогимиз. Лекин ростдан хам шунакамикан? Балки биз уларнинг ўйинчогига айлангандирмиз, аммо хали буни англаб етмагандирмиз?

Масалан, компьютерда ишлаб ўтирар эканман, баъзан мен уни эмас, у мени бошкараётгандек туюлади. Буйруклар хам бериб кўяди менга – мана бу дастурни ўрнат, бунисини янгила, эскирган дастурни ўчириб ташла, дискни алмаштир, рўйхатдан ўт, исмингни ёз, паролингни кирит, мана бу ерни бос, энди бунисини бос, буни сакла, кутиб тур, кутиб тур, кутиб тур…

Ўйлаб коламан, балки компьютер буларни атайин килаётгандир. Энг керак жойда ўчиб колиши, ярим кун ёзган маколамни сакламай чикиб кетиши, айни зарур пайтда интернетга кира олмаслиги ёки умуман кутилмаган вактда осилиб колиши, хаммаси тасодифмасдир?!

Ёки улардаги маълумотларни олиб карайлик – уйимга компьютер ўрнатганимдан бери у билан нима ишлар килганим, интернетда кайси сахифаларга кирганим ёки кайси форумларда кимлар билан гаплашганим, канака фикр билдирганим, хамма хаммаси хотирасида сакланиб колган. У мени шу кадар мукаммал билиб олганидан, хозир кайси дастурда ишламокчи эканим, ёки интернетда кайси сахифани биринчи бўлиб очишимни ўзи тавсия килади. Агар эртага шуларни мулохаза килиш имконини берувчи дастур ўрнатилса, «темир хотин» комедиясидаги холат рўй беради-колади. Факат у энди ўзига эмас, менга ўт кўяди, мени хохлаганича бошкариши, хохлаган нарсасини талаб килиши, кизикишларим, нималарни ўкишим ва нима кила олишимни яхши билгани учун, мен билан шунга мос тарзда музокара олиб бориши ва том маънодаги кулига айлантириши табиий.

Энг кўркинчлиси - биз хамма нарсани компьютерга ишониб топшириб кўйдик. Турган жойингизда атрофга каранг - деярли хамма нарсада компьютер кисмлари ўрнатилган - деворда осилган соат, бурчакдаги радио, чўнтагингиздаги телефон, кир ювадиган машина, телевизор, музлатгич, иситгич, хатто баъзи ручкаларда Американинг илк бор ойга учирган Аполон космик кемасидагидан мураккаброк компьютерлар бор. Хозир буларнинг хаммаси мустакил ишлаяпти ва одам томонидан бошкариляпти. Аммо эртага уларнинг хаммасини бирлаштирувчи дастур ўйлаб топилса ва биз бошкарувни эплай олмай колсак, нима бўлишини тасаввур киляпсизми? Бу ёки энди фантастика — бизни компьютер, ёки ўша компьютер дастурини ишлаб чиккан одам бошкара бошлайди!

Ўша кўрсатувда мен компьютерни танкид килар эканман, юнон мутафаккири Сукротнинг алифбе хакидаги фикрларини келтириб ўтдим. Балки кўрсатувда бу гапларни эшитарсиз, балки тахрир жараёнида мухаррирлар уни кесиб ташлашгандир, хар эхтимолга карши уни газетхонларимиз эътиборига хам хавола этмокчиман.

Биласиз, кадимги Юнонистонда талабалар катта-катта достонларни ёд олишган. Аммо ёзув ихтиро килинганидан кейин достонларни когозга тушириш бошланган ва бу ишни ўз даврининг етук олимлари кескин танкид килишган. Жумладан, Сукрот харфлар алифбеси хакида фикр билдирар экан: «Харфларнинг ўйлаб топилгани – катта бахтсизлик. Энди одамлар ёзувларга ишониб колишади ва маълумотларни ёдларида саклашмайди!» деган экан. Кейинчалик китоблар кўпайиб кетганида эса ўша Сукрот «Китобнинг кўпайгани – катта бахтсизлик. Китоб битта бўлиши керак – уни муаллим талабаларга ўкиб бериб, канака хулоса чикариш кераклигини хам тушунтириб бериши шарт. Китоб кўпаядиган бўлса, талабалар уларни ўзлари мустакил ўкиб, нотўгри хулоса чикариб олишлари мумкин!» деб вахимага тушган. Мана, замонлар ўтиб Сукротнинг харфлар хакидаги танкиди хам, китоблар борасидаги вахимаси хам асоссиз бўлиб чикди. Биз харфларга боглик бўлиб колдик ва бундан зарар кўрганимиз йўк, ишимиз осонлашди. Биз китобларни ўзимиз мустакил ўкишни ўргандик ва бу хам хозирча факат фойдамизга хизмат килмокда, хохлаган нарсамизни хохлаган вактимизда ўрганяпмиз. Компьютер борасидаги менинг бугунги хавотирим хам балки Сукротнинг ўша даврлардаги харф ва китоб хакидаги фикрларига ўхшар, балки компьютер хам якин келажакда харф ва китоб каби фан оламида катта ўрин эгаллар. лекин Сукрот айтгандек, биз секин-аста ўзимизга богликликдан айрилиб бораётганимиз рост. Хотирамизни харфларга алмашдик, хафрларни китобларга, мана энди китоблар секин-аста компьютерларнинг ичига кириб кетмокда.

«Биз компьютернинг кулига айланиб боряпмиз», деган гапларимга келсак, Сукрот дарсни ёзиб олган талабаларни «харфларнинг куллари» деб атаган, достонларни китоблардан ўкиб берганларни «китобларнинг куллари» деб танкид килган. Мен унинг фикрини давом эттирдим, холос.

Аваз Бердикулов"

[Otabek]

Маколани кизикиш билан ўкиб чикдим ва бу ерда ўзимнинг баъзи мулохазаларим тасдигини топди. Шунингдек, муаллифнинг айрим фикрларига эътирозимиз хам йўк эмас.

компьютерлар ...нинг вактни тежаш ўрнига исроф килаётгани, компьютер каршисида ўтириб вактингиз кандай ўтиб кетганини билмай колишингиз

Ўйлашимча, буни енгиш учун, ўз вактини фойдалирок нарсаларга сафрлаш учун киши ўзида куч топа билса бас.

нима ишлар килганим, интернетда кайси сахифаларга кирганим ёки кайси форумларда кимлар билан гаплашганим, канака фикр билдирганим, хамма хаммаси хотирасида сакланиб колган

Кишининг шахсий хаёти тафсилотларининг ошкор бўлиши масаласи... Бу хакда Гарбда куп китоблар ёзилган, фильмлар ишланган. Бунга бефарк караб бўлмайди.

Энг керак жойда ўчиб колиши, ярим кун ёзган маколамни сакламай чикиб кетиши, айни зарур пайтда интернетга кира олмаслиги ёки умуман кутилмаган вактда осилиб колиши, хаммаси тасодифмасдир?!

Бу ўринда муаллиф ошириб юбордилар, шекилли. Негаки, маълумотларни маълум вакт оралигида автоматик саклаб бориш, дастурларни нормал микдорда ишга солиш каби коидалар (ёзилганми, ёзилмаганми) бор. Хуллас, иш самараси фойдаланувчининг тажрибаси, компьютернинг соз-носозлигига кўпрок боглик.

Аммо эртага уларнинг хаммасини бирлаштирувчи дастур ўйлаб топилса ва биз бошкарувни эплай олмай колсак, нима бўлишини тасаввур киляпсизми?

"Терминатор" эпопеясидаги дахшатли вокеалар кўз олдимга келди.

Сукрот айтгандек, биз секин-аста ўзимизга богликликдан айрилиб бораётганимиз рост.

Дархакикат, хозирга келиб, кўпчилигимиз арзимаган масалаларда хам техник воситаларга суяниб колганмиз. Айтайлик, бугун 27-сана бўлса, 30 июнь шанба кунга тўгри келишини фикрлаб эмас, экран бурчагидаги календарга караб аниклаб олаверамиз. Шуниси тез ва осонрок. Оддий амални бажаришда хам калькулятор бизга беминнат дастёр. Иш масаласида-ку, кўяверинг, идорада чирок ўчиб колса, ёки бошка сабаб билан компьютерни ишлата олмасангиз, кўл-оёгингиз боглаб кўйилгандек бўлади. Айтишларича, киши ўз хаёти давомида мия кобилиятининг бор-йўги 5% дан фойдалана оларкан, холос. Бунакада, колганини качон ишга соламиз?
Тўгри, хотирамизни когоздаги хафрларга алмаштирганмиз, эндиликда у ракамли шаклга келмокда. Аммо, тарихда шундай инсонлар ўтишганки, компьютерларни кўйиб туринг, хеч кандай китоб ўкимай, хамма ахборотни ўз кулоги билан эшитиб ёдлаб олишган ва улардан керакли пайтда фойдаланиб кетаверишган. Ўша Сукротнинг шогирдлари, масалан.
Миср замонавий адабиётининг буюк намояндаси, тарихчи ва адабиётшунос олим Таха Хусейн 4 яшарлигида кўзи ожизланиб колади. Аммо, илмга ихлосини, такдир зарбаларига чидамини ва хотирасининг кучлилигини кўринг-ки, у Ал-Азхарда таълим олади, Миср Университети (25 ёшида) ва Сорбонна докторлиги даражасини олади ва хатто маориф вазири лавозимларида ишлайди. Дарсларни эса у факат тинглар, дўстлари кўмагида такрорлар эди.

Хотирамизни харфларга алмашдик, хафрларни китобларга, мана энди китоблар секин-аста компьютерларнинг ичига кириб кетмокда.

Менимча, бу жараённинг фойдаси кўп. Чунки, хаммамизга маълум, кутубхоналарда кўп йиллар, колаверса, асрлардан бери сакланиб келаётган ноёб китоблар бор. Улар вакт ўтиши, китобхонларнинг фойдаланиши давомида яроксиз холга келиб колмокда. Уларни асраб колишнинг бугунги кунда маълум ва маъкул бирдан-бир йўли ракамли шаклга келтиришдир. Колаверса, шундай килинса улардаги билимларни таргиб этишнинг имконияти кенгаяди, чунки компьютердаги маълумотни кўпайтириш реал хаётдагидан кўра анча осонрок. Китоблар буткул йўк бўлиб кетади, деб ўйламайман.

[Nigora Umarova]

Сообщение от Otabek

Менимча, бу жараённинг фойдаси кўп. Чунки, хаммамизга маълум, кутубхоналарда кўп йиллар, колаверса, асрлардан бери сакланиб келаётган ноёб китоблар бор. Улар вакт ўтиши, китобхонларнинг фойдаланиши давомида яроксиз холга келиб колмокда. Уларни асраб колишнинг бугунги кунда маълум ва маъкул бирдан-бир йўли ракамли шаклга келтиришдир. Колаверса, шундай килинса улардаги билимларни таргиб этишнинг имконияти кенгаяди, чунки компьютердаги маълумотни кўпайтириш реал хаётдагидан кўра анча осонрок. Китоблар буткул йўк бўлиб кетади, деб ўйлайман.

Kitoblar yo'q bo'lib ketadi... Buni o'ylab ko'rish kerak. sababi hammasining o'z o'rni bor. Bunga misol qilib inoniyat tarixida yuz bergan quyidagi voqealarni olishimiz mumkin: Kino paydo bo'lganida odamlar teatr yo'qolib ketadi deyishgandi. TV paydo bo'lganida esa kino yo'qolib ketadi deb o'ylashgandi, biroq hayot ko'rsatib turibdiki bu uch san'at asari bugungi kunda o'z mavqeyiga ega. Zero, insoniyatning bilim olishida kitobning ahamiyati katta. :-)

[Nigora Umarova]

Men ham maqolaning qaysidir jihatdan qo'shildim, qaysidir jihatdan yo'q:
Sababi- kompyuterdan foydalanish bu kundalik ehtiyojga aylanib bormoqda, biroq bu biz uning quliga aylandik degan gap emas-ku! Har bir narsaning ham salbiy, ham ijobiy tomoni bo'ladi. Kirib kelayotgan yangilikni salbiy tarafinigina ko'rib undan voz kechishimiz kerakmasdir? Uning ijobiy tarafini ham ko'ra bilaylik va hammasi biz yangilikdan qay darajada ustalik bilan yaxshilikka yo'naltira bilib foydalana olishda.. Kompyuter va internet ham yaxshi insonning qo'lida rivojlanishga xizmat qiladi, yomon insonning qo'lida esa jaholatga. Biz undan ongli ravishda foydalana bilsak bas.
Suqrot masalasiga kelsak esa, agar yozuv bo'lmaganida ajdodlarimizning ma'naviy meroslari, bilimlari balki budarajada bizgacha yetib kelmagan bo'lar edi. Inson xotirasi hamma narsani yodida saqlay olmaydi, quvvayi hofizamizning imkoniyatlari cheklangan. Esga tushirishga esa yozilgan narsalarni takrorlash orqali erishadi.
Xullas, har bir yangilik o'z-o'zidan kirib kelmaydi. Hayotimizdagi har bir narsa bizga bog'liq va biz ham bu narsalarga bog'liqmiz

[Otabek]

Мен узр сўрайман. Юкорида "Мен китоблар йўк бўлиб кетади деб ўйламайман", деб ёзмокчи эдим, харфлар тушиб колибди.

[Nigora Umarova]

Сообщение от Otabek

Мен узр сўрайман. Юкорида "Мен китоблар йўк бўлиб кетади деб ўйламайман", деб ёзмокчи эдим, харфлар тушиб колибди.

shoshib yozganda bo'lib turadi.