Ҳофиздан таржима

[Kavsar]

"Jadoyid" bilan bog'liq o'rinni bunday shaklda o'qib ko'rsak-chi:

Nasihatga quloq tutgin ki, jondan yaxshi ko'rsinlar,
Saodatli bo'lur yoshlar, eshitsa keksa dononi. (imxo)

Сообщение от kanishka

Агар дашном(и) берсанг... ва ҳоказо.

Mana buni endi tushundim, rahmat.

Сообщение от kanishka

баъзан юмшоқ ва қаттиқ х ни алмаштириб ёзишда хатога йўл қўямиз

hechqisi yo'q, o'zim ham keyin o'yladim balki harf almashib qolgandir deb.

Сообщение от kanishka

Таҳрирдан олдин форумдошларнинг фикрини билмоқчи эдим, икки бор таҳрир қилишга тўғри келмаслиги учун. Ҳозирча сиз ўқиган таржима – ярим соат-бир соатда компга туширилган қоралама.

Aha, tushunib turibman, lekin xayrli ishga qo'l uribsiz, bundan xursandman.

[kanishka]

Сообщение от Kavsar

"Jadoyid" bilan bog'liq o'rinni bunday shaklda o'qib ko'rsak-chi:
Nasihatga quloq tutgin ki, jondan yaxshi ko'rsinlar,
Saodatli bo'lur yoshlar, eshitsa keksa dononi. (imxo)

Bunday variantlarning ko`pini o`yladim. Tarjima ham ma`nosi to`g`ri, ham chiroyli, lekin hofizona ohang yo`qolib qoladi:

Чавонони саодатманд панд пири доноро.

Ichki qofiya ham yo`qolib ketadi. IMHO.

[Kavsar]

Сообщение от kanishka

Ichki qofiya ham yo`qolib ketadi.

O'rinli ta'kidladingiz muhtaram, Kanishka! Ayniqsa, "eshitsa" fe'lini majburan oldim. Nimadir yetishmay qolgandek.
Lekin shaklga yuzaki solib qo'ydim vaqtincha, sababi bu baytda hozircha "Nasihatni tinglagin, zero ustoz va dono, nuroniy keksalarning nasihatini olgan kam bo'lmaydi hayotda, ya'ni saodatli bo'ladi" degan ma'noni ko'rdim. Men ma'nosini ham e'tiborga olishizni istadim.
Xurshid tarjimasida esa: "Aqlli, baxtli yoshlar" bo'lib kelganida yoshlar allaqachon saodatliga chiqarib qo'yilgan (keksa kishilar nasihatini tinglashdan oldin). Keyin birinchi misrani mazmuni bilan ikkinchi misra mazmuni bir-biriga zanjirdek ulanishi kerak doim, uzilib qolmasligi kerak. Ko'pchilik bunga e'tibor berishmaydi, afsuski. (gap umumiy aytildi)

Оффтоп:

yana ojizman bir narsani da'vo qilishga-ku, lekin bu shaxsiy fikrim xolos.

Aytgancha, "nuroniy" boshqa tarjimonlardan farqli ravishda yaxshi topilgan. Lekin "g'avg'oni, shakarxoni" so'zlariga qofiya sifatida o'qiy olmayapman negadir. Shuni ham bir e'tiborga olsangiz.
Kanishka, sizning uslubingiz, umuman yaxshi, oldingilaridan (tarjima) farq qiladi. Faqat mazmunni saqlagan holda o'sha qofiyani kelishtirsangiz kifoya deb o'ylayman.

"Quloq tut" ning sinonimi sifatida "quloq il" ham bor lekin bularning qaysi biri yaxshiroq bilolmadim.
Jadoyid.... (jadidni ko'proq yangi degan ma'nosi bor deb yurardim, lekin) arab tilida shabbun so'zi bor. Lekin buni ham ko'pchilik tez ilg'amaydi. O'zbek tilida nihollar ham yoshlarga o'xshatiladi, buni ham bilmayman qanchalik mosligini.

Оффтоп:

hozircha qisqa mulohazam shu...

Yana bir oz o'ylab, tarjimangizga chiroyli tahrir berishingizga ishonaman.

Оффтоп:

Yana tanqidiy fikrlarim topilsa, tortinmay yozaman.

[kanishka]

Сообщение от Kavsar

"g'avg'oni, shakarxoni"

Гап эънотда. Атоийнинг "айбғинаси" эсингиздами?

Ул санамким, су яқосинта паритек ўлтурур,
Ғояти нозуклугидин су била ются бўлур.

Қофиядошлик бор, аммо васлиянинг мос келмаслиги туфайли ғалатироқ ўқилади. Қадимгилар буни нуқсон деб ҳисоблашган, ҳозирги шеъриятда эса қофиянинг ўзига хослигидан далолат беради. Бугунги шеърият қофия, шакл ва маънодаги хилма-хиллик, экспериментлар билан мумтоз шеъриятдан ажралиб туради - қадимда барча нарса аниқ қоидаларга бўйсунган:

[Kavsar]

Сообщение от kanishka

Гап эънотда. Атоийнинг "айбғинаси" эсингиздами?
Ул санамким, су яқосинта паритек ўлтурур,
Ғояти нозуклугидин су била ются бўлур.

aha, esimga tushdi, uzr adashdim. rahmat tuzatganiz uchun,