Моё меню Общее меню Пользователи Правила форума Все прочитано
Вернуться   uForum.uz > ТЕМАТИЧЕСКИЕ ФОРУМЫ > Образование > Ижод хусусида сўз
Знаете ли Вы, что ...
...нарушения правил форума наказываются. Старайтесь их не нарушать.
<< Предыдущий совет - Случайный совет - Следующий совет >>

Ижод хусусида сўз Ижод аҳли, уларнинг ғояси, ҳаёт қараши, мақсадлари, ютуқлари, орзу ва армонлари.... (Все о творчестве, о людях творчества, их идеях, взглядах, достижениях и целях, мечты…)


Ответить

 
Опции темы Опции просмотра
Старый 21.08.2012 13:09   #1751  
Аватар для Биллур
Оффлайн
Сообщений: 451
+ 1,525  573/266
– 3  7/6

Uzbekistan
Ишқнинг имтихони афсундир, афсун,
Телбалик ғуборин таратар Мажнун.
Кулда ўт яллиғи сезилмас, аммо,
Сув урсанг ундан ҳам чиқади тутун.

Борлиқнинг бунёди бемадор нафас,
Ҳаёт кўринсада эътибор нафас.
Саҳар шабодасин шамолга ёзсанг,
Бу китобга ҳам ип, ҳамда тор нафас.

Токай қизитайин бозори ҳасрат?!
Токай афсона-ю озори ҳасрат?!
Кошкийди бу ғамдан сув бўлолсам, сув,
Пойингга тўкилса не бору ҳасрат.
Ответить 
Старый 22.08.2012 21:36   #1752  
Аватар для Gulinoz
Оффлайн
Operator
AKA:Hayotim
Сообщений: 101
+ 191  112/60
– 0  0/0

United_States
Yolg'onchi baxt...

Yoshin to'kar tinmayin falak,
Suv yuvadi dunyo yuzini.
Yomg'irdayin yig'laydi yurak,
Ocha olmas yoshdan ko'zini.

Boshin qo'yar sajdaga qayta,
Yolvoradi tangridan so'rab.
Oh chekadi nomingni ayta,
"Qaytarib ber baxtimni Yo Rab!"

Nelarni ham ko'rmadi bu bosh,
Nelarga ham chidamadi dil..?
Hasratlarga berolmay bardosh,
Tinmay yig'lar, ko'z yoshlari sel.

Volidasin kuydirdi g'amdan,
Padarining boshin qildi xam.
"Men baxtimni topaman" debon,
Talpingani bo'ldi dard-alam.

Ishongani ketdi yuz burib,
Garchi, tanda joni baxsh edi.
Shu azobni ko'rgandan ko'ra,
Jahannamda kuysa yahshiydi...
__________________
Ayollik baxtiga balki arzimam. Onalik baxtimdan etma benasib...
Ответить 
Старый 23.08.2012 03:15   #1753  
Аватар для Gulinoz
Оффлайн
Operator
AKA:Hayotim
Сообщений: 101
+ 191  112/60
– 0  0/0

United_States
Afsus...

Rangimni somonday sarg'aytgan tuyg'u,
Ko'z yoshlar yomg'irga aylanar yana.
Tark etar yuzimni beg'ubor kulgu,
Shum qismat ustimdan qilar tantana.

Yillar o'taverar, yillar beshavqat,
Yillar mening dardlarimni quvolmaydi.
Yuzimga sen solib ketgan qarolarni,
Hech bir qilgan savob ishim yuvolmaydi.

Ko'ngil qurg'ur qay yo'llarga boshlamadi,
Gunohlarga qadam qo'yib boraverdim.
To'g'ri yo'lni ko'rsatganni hushlamadim,
Barin qismatimga yo'yib boraverdim.

Baxtdan kuyib, chekkan g'amim kamlik qildi,
Sen-la birga bo'lmoq menga ozor ekan.
Yarim ko'ngling to'ldiray deb bag'rim tildim,
Asli ko'ngilginang sening Bozor ekan.

Bir bozorkim, kim hohlasa kirar, chiqar,
Ayamaysan hech kimsadan qalbing so'zin.
Va'dalaring olov bo'lib bag'rim yoqar,
O'zim yoqqan gulhanlarda kuydim o'zim.

Mayli so'rma bundan buyon ahvolimni,
Yaratgandan o'zgasiga bo'lmayin zor.
Qanday bo'lsam, meni, shunday bu holimni,
O'zi uchun aziz bilgan insonlar bor...
__________________
Ayollik baxtiga balki arzimam. Onalik baxtimdan etma benasib...
Ответить 
Старый 23.08.2012 15:34   #1754  
Аватар для Mahmud Jurat
Оффлайн
Сообщений: 624
+ 19  399/213
– 4  82/36

Uzbekistan
***
Нега ой нурининг ранги мулойим,
Тошларга урилиб йиғламайди ҳеч.
Унинг камтарлиги хабарку тайин,
Сен ҳам ўз ғуруру даъвойингдан кеч.

Кўкат унадию донга айланиб,
Маъюс юрагини қилади инъом.
Нега сен уларнинг меҳрига қониб,
Миннатдор бўлмайсан эй мағрур одам.

“Ҳазрати инсонман”, дея даъвода
Қурту қумурсқага берасан озор.
Аслида уларла яшаб маъвода,
Умринг гулшанини айлагин гулзор.

Мен ҳам мағрур эдим ёшлик йиллари,
Ой, кўкат тилларин кўп англамадим.
Мана йиллар ўтиб кексайган сари,
Қалб тилим майсага ҳамроздир бугун.

Биз нечун яшадик билмас эканмиз,
Демакки озорга ҳеч ҳаққимиз йўқ.
То танда оқаркан қонимиз қирмиз,
Ҳаёт гўзал дея кўтарайлик туғ.
(С)
Ответить 
Старый 23.08.2012 16:29   #1755  
Аватар для pipicron
Оффлайн
"SDK Group And" FC LLC
Quality Manager
AKA:Ali Al Mehr
Сообщений: 455
+ 136  615/253
– 10  3/3

UzbekistanОтправить сообщение для pipicron с помощью Skype™Мой мирFacebook
Оппоқ шеър...

Эшитганман. Кимдир айтган, кимдир ўргатган:
Оқ шеър деган шеър бўлармиш. Эркин ва озод.
Унда на қофия, на вазн хоким.
На бирор қоида тўхтатолмасмиш.

Менинг хам оқ шеърга хавасим келди:
Мен хам оқ, оппоқ шеър ёзгимлар келди.
На қонун қоида, на мазмун қолди.
Унда на дардим бор ва на бир қувонч.
Хақиқий оқ шеър бу, оппоққина шеър...

Унда дард, ғубор йўқ, унда озор йўқ,
Унда на қувонч бор, на яхши тилак.
Унда менинг кўнглимдаги содда сўзлар бор,
Унда менинг бир орзуим, оппоқ шеърим бор...

Айбламанг. Бу оқ шеър. Оппоқина шеър...
Бир мазмун ахтарманг. Кулманг устимдан.
Бу шеърда сиз учун аталган сўз йўқ,
Мен учун бир олам. Менинг ўзим бор.
Бу менинг оқ шеърим. Оппоққина шеър....

(с) 23.08.2012. 16:29
__________________
Масофага хамрох, манзилга тинчлик керак...
Ответить 
2 "+" от:
Старый 25.08.2012 12:27   #1756  
Аватар для Биллур
Оффлайн
Сообщений: 451
+ 1,525  573/266
– 3  7/6

Uzbekistan
Бекат, ажиб саргузаштлар макони,
Бу ерда тўкилиб кетар юрагим.
Янги шеър ёзишнинг вақти, имкони,
Шу ерда сўкилиб кетар юрагим.

Бунда кутилади, синалар сабр,
Дилим гўзалликни куйлаётибди.
Гарчи яқинлашиб қолди сентябр,
Юрагимда баҳор гуллаб ётибди.

Кўзида ишончдан бошқа нарса йўқ,
Қаранг, қаро тундай қорадир қоши.
Кўксида қувончдан бошқа нарса йўқ,
Бекатда гул сотар… менинг тенгдошим.
Ответить 
"+" от:
Старый 27.08.2012 11:18   #1757  
Аватар для Aliya
Оффлайн
AKA:Aliya
Сообщений: 385
+ 597  718/286
– 4  5/3

UzbekistanАккаунт на TwitterМой мирFacebook
Bugun...

Bugun...
Yana hayollaring bilan yolg`izman,
Senga eltar yo`llar olis... Ojizman...
Sensiz hech nimaman.
Hech kimman Sensiz,
Sensiz - suvi qurib qolgan dengizman...

Bugun...
Hijron bo`zlatmoqda.
Sog`inch - ko`zda ashk,
Dunyoga sig`magan dil ozurda, g`ash.
Hukm o`qilgaydir so`nggi kunimga -
Kelmasang... Hech ma`no anglatmas Yashash...

Bugun...
Yetib bo`lmaydigan diydor - ozormi?
Hijronli yo`llarning oxiri bormi?
Mangu muhabbatga bosilgan muhr
Ikki hayotga teng bitta diydormi?

Bugun...
Ohlarim o`tida ko`kka yetaman,
Ko`nglimni armonga taslim etaman.
Kelmasang, diydoring sog`inib, bejon
O`lim vodiysiga uchib ketaman...
Bugun kelmasang...
__________________
Olloh oqibatimizni xayrli qilsin...
Ответить 
Реклама и уведомления
Старый 27.08.2012 11:20   #1758  
Аватар для Aliya
Оффлайн
AKA:Aliya
Сообщений: 385
+ 597  718/286
– 4  5/3

UzbekistanАккаунт на TwitterМой мирFacebook
Siz bor...
Muhabbatning kengliklarida
Tonglarni kutmasman ilhaq, umidvor.
Axir, yashab turib Baxtning bag`rida
Baxtni izlamoqqa nima hojat bor?!
Siz bor...

Siz bor...
"Taqdir" degan tushimning o`ngi,
Sinov chaqmog`idan yongan kamalak.
Iztirob yo`g`rilgan kunimning so`ngi,
Hayotga aylangan sehrli ertak –
Siz bor...

Siz bor...
Baxtiyorman, ishqdan sarxushman,
Armon xotiridan manguga o`chdim.
Endi hijron menga yuz ko`rmas dushman,
Yetim dunyolarning bahridan kechdim...
Siz bor...

Siz bor...
Yashayapman Baxtning bag`rida,
Quyoshni bag`rimga bosib, shod, masrur.
Taqdirning rostligi, bari-bariga,
Sizga uchrashtirgan Ollohga shukur!
Siz bor...
__________________
Olloh oqibatimizni xayrli qilsin...
Ответить 
2 "+" от:
Старый 27.08.2012 11:22   #1759  
Аватар для Aliya
Оффлайн
AKA:Aliya
Сообщений: 385
+ 597  718/286
– 4  5/3

UzbekistanАккаунт на TwitterМой мирFacebook
Yonib bitmoqdaman.
Kulim qolmoqda,
Cho`g`larda qizarib yonmoqda jonim.
Bilmam, shu lahzada qaysi dargohda -
Mening diydorimga mushtoq insonim...

Keling... Bir lahzaga.
Ko`ring holimni,
Hijron gulxanida kuydim, kul qoldi...
Sizga tutmoq bo`lgan otash jonimni
Ayriliq azobi egallab oldi...

Keling... (Kerakmanmi sizga, sevgilim...?)
Sog`inch dildoringiz bir yodga oling...
Ko`zlarga to`tiyo qilguncha kulim -
Hijron otashidan qutqarib qoling...

Yonib bitmoqdaman...
Kulim qolmoqda...
__________________
Olloh oqibatimizni xayrli qilsin...
Ответить 
2 "+" от:
Старый 28.08.2012 17:04   #1760  
Аватар для Rustam Jabborov
Оффлайн
"Даракчи" газетаси
Бош муҳаррир
Сообщений: 14
+ 26  62/14
– 0  0/0

Uzbekistan
Кундузимга зийнат ҳаёлсанми айт,
Тунларим безаги - тушсанми, гулим?
Сени тополмасман кўзим очган пайт,
Айтгин, тонглар бизга душманми, гулим?

Бу нася умримга нақд бўлиб келдинг,
Ўтирган ўрнимга тахт бўлиб келдинг,
Бахтсиз бир ғарибга бахт бўлиб келдинг,
Бошимдаги Ҳумо қушсанми, гулим?

Нечун кулсам қаҳ-қаҳ отиб куласан,
Оғрисам, дардимга малҳам бўласан,
Ғамдан қовжирасам, сен ҳам сўласан,
Мен учун нажоткор кучсанми гулим?

Қанийди шу онда ёнингда бўлсам,
Қалбинг косасига май бўлиб тўлсам,
Ўпсам ўлдирсалар, ўпмасам ўлсам,
Ўлим тик боқиб... қучсамми, гулим?

Последний раз редактировалось Rustam Jabborov; 28.08.2012 в 17:10.
Ответить 
"+" от:
Ответить

Метки
hero
Опции темы
Опции просмотра




Powered by vBulletin® Version 3.8.5
Copyright ©2000 - 2024, Jelsoft Enterprises Ltd. Перевод: zCarot
Advertisement System V2.5 By Branden
OOO «Единый интегратор UZINFOCOM»


Новые 24 часа Кто на форуме Новички Поиск Кабинет Все прочитано Вверх