[Без оффтопа] Шеър азиз олам аро...

[Tulqin Eshbekov]

Сообщение от Masud Mahsudov

Илтимос,
ичингда боғланиб қолган
Турли тугунларни ечиб кeл, гулим.

Тасаввур қилинг:
қиз боланинг "ичида боғланиб қолган турли тугунлар..."
Қайси шеърхон нимани тушунар, ким қандай изоҳлар экан?..

[Aliya]

Сообщение от Tulqin Eshbekov

Аммо, тўғри маънода ҳам, кўчма маънода ҳам юрак синмайди, синмасин ҳам!

Yurak sinadi, sindirishadi. Fikringizga qo`shilmayman...!

[Masud Mahsudov]

Сообщение от Tulqin Eshbekov

Тасаввур қилинг:
қиз боланинг "ичида боғланиб қолган турли тугунлар..."
Қайси шеърхон нимани тушунар, ким қандай изоҳлар экан?..

Ассалому алайкум, домла. Танқидий фикр учун ташаккур

Рухсат этсангиз, ўзим тушунтирсам.

Инсоннинг ичида боғланиб қолган тугун - бу турли ечим билмас саволлар, ноаниқликлар, дардлар, мушкулликлар, чигалликлар, хуллас, тугунлар. Кўчма маънода келтирмоқчи бўлган фикримга Сиз қўшилмаслигингиз мумкин, лекин агар яхшироқ, кенгроқ ўйлаб қарасангиз, нотўғрилик йўқ...

Тасодифни қарангки, айнан шу шеър ҳақида Ўзбекистон халқ шоираси Ҳалима опа Худойбердиева фикр айтган эдилар, китобимнинг сўзбошисида:

"Ҳақиқатан ҳам енгил, ясама қувончлардан кўра бу мунг, бу маҳзун ғуссалар барқарордек, ёруғдек туюлди менга.
Ёки мана бу сатрлардаги жарангдорликка диққат қилинг:

Илтимос,
Ичингда боғланиб қолган
Турли тугунларни ечиб кел, гулим.
Қўл силтаб барига,
Бор-будинг ташлаб
Менинг юрагимга кўчиб кел, гулим.

Шеърият фақат бўғинлар тўғри келиши, қофиялар мослиги эмас, катта фикрлар майдони ҳамдир." (манба)

Бундаям тушунмасган бўлсангиз, бошқа форумдош дўстларимизнинг ҳам фикрлари билан танишасиз, деган умиддаман.

[Aliya]

Сообщение от Tulqin Eshbekov

Тасаввур қилинг:
қиз боланинг "ичида боғланиб қолган турли тугунлар..."
Қайси шеърхон нимани тушунар, ким қандай изоҳлар экан?..

Biroz nafislikdan chekinish bo`lsa-da, "TUGUN" so`zi - shubha-gumonlar ma`nosida ishlatilgan bo`lishi mumkin.

Yana, Kattalar ishiga aralashmoqchi emasman-u, ammo ancha paytdan beri kuzatishimcha, siz "ruhiy to`kislik" tarafdori bo`lib ko`rinyapsiz... Ya`ni, yosh ijodkorlar qo`llayotgan "SenSIZlik" "MenSIZlik" "SasSIZlik" so`zlari sizga g`ayritabiiy tuyulyapti. Yaqinda o`zim tarjima qilganlarim - turk qo`shiqlarida ham SASSIZLIK va SENSIZLIK jumlalarini ko`rish mumkin:

Beklemekle dinermi sızı
SESSIZLIGimin yok ilacı
Gün be gün kanarken
Aşk acisi – Savurur yikar gecer zamani...

yoki:

Her damla
Gözyaşımdaki keder umutsuz
SENSIZLIK
Geceme akar gider mi sonsuz
Kalbim yine yorgun...

Xullas, ushbu " **** sizlik"larni kecha kimdir kashf qilib qo`ya qolgani yo`q, menimcha. Agar, yoshlik qilib, xato gap aytgan bo`lsam, avvaldan uzr so`rayman!

[OmoN]

Оффтоп:

Сообщение от Tulqin Eshbekov

Қайси шеърхон нимани тушунар, ким қандай изоҳлар экан?..

Ким - Корейсларнинг 21 фоизи Ким экан. Қайси бирини назарда тутяпсиз? Энг машҳуриними?

[albatros]

Сообщение от Shaxnoza Eshmirzayeva

O'zingizga ham RAHMATmi? ;-)

Men shoir emasman, ammo ....

[Masud Mahsudov]

Соғинч – қалбим узра ин қурган азоб,
Ҳижрон – йиллар каби ўтган кунларим.
Висол – узоқларда ярқ этган сароб,
Умид – ичимдаги ёғду, гавҳарим.

Хаёл – тинчим олган ғалати рўё,
Ўйлар – сен томонга кўчиб кетган дард.
Туйғу – сени менга англатган дунё,
Фироқ – кўзларимда қотиб қолган гард.

Йўллар – тақдиримиз боғловчи излар,
Илинж – бахт аталмиш анор донаси.
Шубҳа – меҳрларга юмилган кўзлар
Рашк-чи, ҳаловатнинг шум дугонаси.

Умр – сен мазмунга тўлдирган фурсат,
Юрак – ҳаловатга бегона қисмим.
Муҳаббат – кураш ҳам сабр ва тоқат,
Дард – қисмат ёзиғи – иккинчи исмим.

Соғинч – ҳар каломим илк дебочаси...


(с) Теҳрон – Истамбул – Тошкент

[Aliya]

Dunyo o'zi kuyib bo'lgan...

Dunyo o'zi kuyib bo'lgan, kuldan uchqun chiqmaydi,
Yurakdagi alam dog'i hatto kuyib, ketmaydi...

Alamlarda kuygan ko'nglim kuldek to'kdim poyiga,
Alishmadi xiyonatdan yuzlari dog' oyiga...

Kechir, bedor yurakkinam, seni yoqdim alamda,
Bevafolik yolg'onlari tig'dek botar tanamga.

Yuragimning alamlarin so'ndirolmas ko'z yosh ham,
Yutar so'nggi nafaslarin qalbimdagi bardosh ham...

Yopolmayin qalbimdagi afsus to'la kitobni,
Yostig'imni quritmoq-chun izlayapman Oftobni...

Oftob yuzin to'sar abad "hijron" otli bulutlar,
Qarg'ishlarda yig'lar orzu, la'natlangan umidlar...

Oltin taxtning visollari dilimga baxt ulashmas,
Oliy baxtning hayollari qalb yo'limga tutashmas...

Dunyo asli kuyib bo'lgan...

[Tulqin Eshbekov]

Сообщение от Shaxnoza Eshmirzayeva

Yurak sinadi, sindirishadi.

Ичаклар ҳам синар балки?
Келинг, пародия ёзишга ҳаракат қиламиз:

Синиб кетар ичаклар,
Мисли қиччи пичаклар.
Синар ҳатто қон томир,
Қон бўлар мисли ёмғир...

Фақат, сиз ҳеч синдирманг,
Сўз аталмиш рўёни.
Бошингизга кўтарманг,
беҳудага дунёни!

[Tulqin Eshbekov]

Сообщение от Shaxnoza Eshmirzayeva

sizlik"larni kecha kimdir kashf qilib qo`ya qolgani yo`q, menimcha.

Йўқ, синглим! Бунақа "кашфиёт"лар изчил давом этмоқда. Бодрингкорлар, помидоркорлар, бир илмий ишда ҳатто "натижакорлик" каби сўзлар урчиб кетаётганини аста-секин пайқаб оласиз.
Сиз ва шоир акангиздек ҳаваскорлар бугун "юрак синди", "сенсизлик", "менсизлик", қайсидир илмий даражаси бор олима "натижакорлик", мухбирлар "бодрингкорлар" деб ёзаверсаларингиз, келгусида сизларга эргашган "ижодкорлар" учун зўр "манба" бўлади. Мана, юз йил олдин ҳам фалончи шоирлар, писмадончи олима ёзган экан... деб "манба", йўғ-е, дастак қилиб кўрсатишади...