Dildagi satrlar

[AbuMuslim]

Сообщение от Nigora Umarova

Чулпоннинг ушбу шеъри нихоятда таъсирли ёзилган. Фикримча, бу кисман кискартириб берилган.

Адашмасам, бу "Бузилган ўлка" шеъридан...

[AbuMuslim]

АМАЛНИНГ ЎЛИМИ

Кўнглимда йиғлаган малаклар кимлар?
Шарқнинг оналари, жувонларими?
Қаршимда йиғлаган бу жонлар кимлар?
Қуллар ўлкасинг инсонларими?

На учун уларнинг товушларида
Ўтган асрларнинг оҳанги йиғлар?
На учун ёзмишнинг ўйнашларида
Ҳар юриш кўнглимни наштардек тиғлар?

Кенглик ҳаёллари учдими кўка
Бутун умидларни ёвларми кўмди?
Мангу тутқунликка кирдими ўлка?
Хаёлда порлаган шамларми сўнди?

Кечанинг жон олғич қоронғулиги,
Нажод юлдузини хаёлми билди?
Шунча тутқунларнинг ҳаққи, ҳақлиги
Бир ҳовуч тупроққа қурбонми бўлди?

Оҳимнинг ўтидан чиққан шуълалар,
Шарқнинг кўкрагида бир топмасми?
Кўксимдан қисилиб чиққан наъралар,
Уҳлаган дилларга кулиб боқмасму ?

Чўлпон...
http://info.islom.uz/content/view/1531/999/

[Husen]

Асли айрилиқсиз висолдир ўлим
Илдизи қуртлаган толдир тириклик

Азиз форумдошлар, ушбу мисралар кимнинг каламига мансублигини аниклаб беролмайсизларми? Эхтимол, давоми бордир... Олдиндан рахмат

[Shomurodov Shohruh]

Хазрат Бобурнинг бир рубойиларини излаятган эдим...аник эсимда йук мисралари, лекин охирги мисрада "шохдурмен, лек сенга бир кулдурмен"га ухшаш эди...

[Fahrulla]

Сузда сехр бор, шеърда хикмат.
Шеър ёзолмасак хам хикмат укиб турамиз.

[Nigora Umarova]

Сообщение от xshom

Хазрат Бобурнинг бир рубойиларини излаятган эдим...аник эсимда йук мисралари, лекин охирги мисрада "шохдурмен, лек сенга бир кулдурмен"га ухшаш эди...

Сен гулсену, мен хакир булбулдурмен,
Сен шуъласену, ул шуълага мен кулдурмен.
Нисбат йукдур, деб истижноб айламаким,
Шохмен элга ва лек сенга кулдурмен.

Захириддин Мухаммад Бобур

[Nigora Umarova]

Бузилган улкага

Эй, тоглари кукларга салом берган зур улка,
Нима учун бошингда кора булут куланка?

Учмохларнинг кавсари энг покиза;
Садафларнинг донасидек топ-тоза
Салкин сувлар тогдан куйи тушаркан,
Томчилари ёмгир каби учаркан,
Нима учун йиглай каби инглайлар?
Ёв... борми, деб турт тарафни тинглайлар?
Табиатнинг утини йук утида,
Шарак-шарак кайнаб чиккан булоклар
Хар коронгу, куркинч туннинг бетида
Шифо истаб келмасин деб куноклар!
-Бу нега?
- Айт менга!
Кум-кук, гузал утлокларинг босилган,
Устларида на пода бор, на йилки.
Подачилар кайси дорга осилган?
От кишнаши, куй маъраши урнига
-Ох-йиги,
Бу нега?
Туморчалар, хамойиллар такинган,
Далаларда лола барги ёпинган,
Тог-тошларда уйин килган,
Чопинган
Гузал кизлар, ёш келинлар каерда?
Жавоб йукми куклардан-да, ердан-да,
Хароб булган элдан-да!
От минганда кушлар каби учгувчи,
Эркин-эркин хаволарни кучгувчи,
От чопганда учар кушни тутгувчи,
Учар кушдек ёш йигитлар каерда?
Тог эгаси - сор бургутлар каерда?

Сенинг каттик сирт багрингни
куп йиллардир эзганлар,
Сен безсанг-да, каргасанг-да
кукрагингда кезганлар.

Сообщение от AbuMuslim

Сенинг эркин тупроғингда ҳеч ҳаққи йўқ хўжалар,
нега сени бир қул каби қизғанмасдан янчалар?
нега сенинг қалин товшинг ”кет” демайди уларга?
нега сенинг эркли кўнглинг эрк бермайди қулларга?
нега тағин танларингда қамчиларнинг кулиши?
нега сенинг турмушингда умидларнинг ўлиши?
нега ёлғиз қон бўлмишдир улушинг?
нега бунча умидсиздир туришинг?
нима учун кўзларингда туташгувчи олов йўқ?
нима учун тунларингда бўриларнинг қорни тўқ?
нима учун ғазабингни уйғотмайди оғу-ўқ?
нима учун борлиғингда бу даража бузғунлик?
нима учун ўч булути селларини ёғдирмас?
нима учун куч тангриси бор кучи-ла солдирмас?..

Кел мен сенга кискагина достон укий,
кулогингга утганлардан эртак тукий.
Кел, кузингнинг ёшларини суриб олай,
Кел, ярали танларингни куриб олай...

Нима учун агдарилган, йикилган,
Огир тожнинг захар уки куксингда?
Нима учун ёвларингни бир замон
Йук килгудек темирли уч йук сенда?

Сообщение от AbuMuslim

эй, ҳар турли қулликларни сиғдирмаган ҳур ўлка.
нега сенинг бўғизингни бўғиб турар кўланка?

Абдулхамид Чулпон. 1920 йил

[Masud Mahsudov]

Сен кимсан?
Ҳеч ҳисоб бердингми ўзинг
Ҳаққа - Яратганга...ё виждонингга?
Ё соқов бўлишга қилдингми қарор?
Тегдими олам ғамлари жонингга?

Сен Кимсан?
Туну кун тиним билмасдан,
Ишлайсан, ўқийсан одамийликка.
Баъзида илож йўқ кўзни юммасдан,
Баъзан ҳақиқатга боқасан тикка...

Сен кимсан?
Тарихинг йиғлайди ортдан.
Чанг босган китоблар айланди гунгга.
"Зиё" каломи ҳам рангин йўқотган,
Оналар алласи айланди мунгга.

Сен кимсан?
Аёлни чиқариб бозор,
Орни ҳам бир йўла туҳфа этдингми?
Ёки даюсларга эгилиб ҳазор,
Номус дунёсидан чиқиб кетдингми?

Сен кимсан?
Тарбия аталмиш қонун,
Қўлланма бўлмайди ўғил қизингга.
Шунчалар маккорми наҳотки, шайтон?
Хатто тик қарайди фарзанд кўзингга...

Сен кимсан?
Қўлингда қуръонинг борми?
Қалбингда бахт нури - имонинг борми?
Сени қийнамасми миллат тақдири?
Айт!
Жавоб бер саволга!
Забонинг борми?

Mas'ud

[Nigora Umarova]

Ишонч куприклари

Юздан парда кетса,
Дилдан диёнат,
Мехр ришталари зимдан узилса;
Юракларни босса шубха, хиёнат,
Ишонч куприклари бузилса!

Етимлар хакидан куркмаса биров,
Сукмокка айланиб кетсалар йуллар;
Киблагохлар осий, тугишганлар ёв,
Газналарга чузилса куллар.

Болалар рухига хаёт деган дарс
Манманлик уругин жойласа;
Ошиклар кучада маъшукасинмас,
Бировнинг йулини пойласа.

Элнинг шоирлари ганим зотлардек
Бир-бирларин гажиб есалар;
Минбарларга чикса кучанинг гапи,
Андишани куркок десалар...

Бундай юртда энди киргин шарт эмас,
Вабо хам кочади ундан йирокка;
Хатто дарёлари курир басма-бас,
Хатто тупроклари тушар титрокка.

Халким, бундайларни кургансан азал,
Куп чеккансан улар озорин, догин,
Сен енгиб утгансан, лекин хар махал,
Халким, топинаман узингга тагин.

Абдулла Орипов

[Nigora Umarova]

Xazon

Kuz chog'i... tuproqlar gezarib qoldilar,
Gezarib qoldilar kuz chog'i tuproqlar.
So'ng damda yaproqlar qizorib yondilar,
Qizorib yondilar so'ng damda yaproqlar.

Qarg'alar bog'larda qag'lashib qoldilar,
Bilmadim, kimlarning qismati uzulur?
Yong'oqqa yopishib, bir changal soldilar,
Bilmadim, kimlarning umidi yo'q bo'lur?

Ey, sovuq ellardan muz kiyib kelg'onlar,
U qo'pol tushingiz qorlarda yo'q bo'lsin!
Ey, menim bog'imdan mevamni terg'onlar,
U qora boshingiz yerlarga ko'mulsin!

Bilmadim, kimlarning umidi yo'q bo'lur,
So'ng damda yaproqlar qizorib yondilar?
Bilmadim, kimlarning qismati uzulur,
Kuz chog'i... tuproqlar gezarib qoldilar?

Abdulhamid Cho'lpon