Dildagi satrlar

[Nigora Umarova]

Афсус бу замонда бизам эътибор йук,
Ёшу карида гайрату номусу ор йук.
Фиски фужур ила гирифтор барча жон,
Илму амалда бизда сабот, викор йук.
Утмокда умр хойи хавас бирла бар хаво,
Миллат гамини уйлагувчи хушёр йук.

Абдулла Авлоний

[Masud Mahsudov]

Узоқ бир нуқтага термулганча жим
Мўйсафид ногаҳон кўзларин ёшлар…
“Замон ўзгардими, одамлар… балким…
Не учун бебошроқ ҳозирги ёшлар?

Билмайди, оддий бир “салом” сўзини,
Қўллари кўксининг висолига зор.
Уялиш тарк этган чақноқ кўзини,
Маънисиз сериаллар айлаяпти хор.

Китоб дунёсидан йироқдир улар,
Навоийдан битта сатр билмайди…
Қизиқиб асарлар ўқишмас тунлар,
Насиҳатга асло қулоқ илмайди…

Вақт бекор ўтгандан ачинмайди ҳеч,
Аниқ мақсадидан йўқдир нишона…
Тушунар эканми бўлганини кеч,
Деворга урилган чоғда пешона?...

Узоқ бир нуқтага термулганча жим,
Мўйсафид кўзлари тўлади ёшга
Чин дилдан истайди, имконин топиб,
Айлашни насиҳат ҳар битта ёшга:

“Ёшсан…
Қувватинг бор…
Шижоат бисёр…
Билим ол!
Илм ўрган!
Оллоҳни тани!
Қалбингни пок айла, бўлмасин ғубор,
Эгам ҳам, ҳақ йўлда қўллар бандани…

Жигарим!
Авлодим!
эртам, индиним!
Имонни бут айла,
Эътиқодни дўст!
Миллатнинг шаънини бошингга қўйиб,
Шу Юртга муносиб фарзанд бўлиб ўс!”

Мўйсафид узоққа термулар, бесас…


©
...2007 yil

[Nigora Umarova]

Доруси йук деди хукамолар хамокатинг,
Суду зиённи билмагай аблах киёфатинг.
Хар ким узини билмаса, билгайми узгани?
Кайгусина тушунмагай афроди миллатинг.
Жахл улса бир балодиру хамак бедаво.
Хар иккисидур очгувчи олому гурбатинг.
Ахмак билурму дин ила миллатни кадрини?
Аблах билурму киймати мехру мухаббатинг?

Абдулла Авлоний

[JUS]

Bir kun kelib, qabog‘ing qirg‘oq bo‘ladi,
Ikki chashming – ikkita irmoq bo‘ladi,
Kiprigingdan dilda mavj – titroq bo‘ladi,
O‘shanda ham bitta man dengiz bo‘laman.

Bir kun kelib, barmoqlaring shox bo‘ladi,
Tirnoqlaring bittadan yaproq bo‘ladi,
Besamar bosh qo‘yganim – tuproq bo‘ladi,
O‘shanda ham bitta man ildiz bo‘laman.

Bir kun kelib, chor atrof chorbog‘ bo‘ladi,
Oyday to‘lib, olmalaring oq bo‘ladi,
Devoringga epkin urgan – oh bo‘ladi,
O‘shanda ham bitta man olis bo‘laman.

Bir kun kelib, ayriliq adog‘ bo‘ladi,
Tog‘ni quchib, ko‘zyosh to‘kkan – tog‘ bo‘ladi.
Sening umring dunyodan uzoq bo‘ladi,
O‘shanda ham bitta man yolg‘iz bo‘laman.

Iqbol Mirzo

[Masud Mahsudov]

Сир

Мен Сизга изҳорим этмайман ошкор,
Юрак-юрагимдан кулмайман ортиқ.
Дунё юзин кўрмас беҳисоб ашъор.
Қучоқ гуллар бошқа қилмайман тортиқ.

Тушларим бугундан сизники эмас,
Тўлин ой кечалар келтирмас илҳом.
Кўзингиз сеҳрига қилмайман ҳавас,
Самимий сўзингиз этолмайди ром.

Маҳлиё бўлмайман ҳуснингизга ҳам,
Майли Сиз дунёда якка-ягона.
Дардингизга ҳатто қўймайман малҳам
Шу кундан бизлармиз буткул бегона.

Сабаби айтмайман...сўраманг асло,
Хиссиз кўнглингизги қийнаб нетаман?
Оллоҳим билгувчи бу сирни танҳо,
Ўзим-ла қабрга олиб кетаман...

©

[AbuMuslim]

Менинг ўйимми қора? Ёки юрт кўкида булут,
Қуюқ булут тўдаси қонли ёш тўкиб йиғлар?
Менинг бу хаста дилимни яна нечун тиғлар?
Меним-да кўксима боқмоқчи истар ул бир ўт?
Бўғиқ, қисиқ бу кўнгил кучли ўт билан ёнадир.
У ўт орасида юртнинг хаёли жонланадир...

чўлпон

[AbuMuslim]

сенинг эркин тупроғингда ҳеч ҳаққи йўқ хўжалар,
нега сени бир қул каби қизғанмасдан янчалар?
нега сенинг қалин товшинг ”кет” демайди уларга?
нега сенинг эркли кўнглинг эрк бермайди қулларга?
нега тағин танларингда қамчиларнинг кулиши?
нега сенинг турмушингда умидларнинг ўлиши?
нега ёлғиз қон бўлмишдир улушинг?
нега бунча умидсиздир туришинг?
нима учун кўзларингда туташгувчи олов йўқ?
нима учун тунларингда бўриларнинг қорни тўқ?
нима учун ғазабингни уйғотмайди оғу-ўқ?
нима учун борлиғингда бу даража бузғунлик?
нима учун ўч булути селларини ёғдирмас?
нима учун куч тангриси бор кучи-ла солдирмас?..
эй, ҳар турли қулликларни сиғдирмаган ҳур ўлка.
нега сенинг бўғизингни бўғиб турар кўланка?

чўлпон

[Nigora Umarova]

Сообщение от AbuMuslim

эй, ҳар турли қулликларни сиғдирмаган ҳур ўлка.
нега сенинг бўғизингни бўғиб турар кўланка?...

Чўлпон

Чулпоннинг ушбу шеъри нихоятда таъсирли ёзилган. Фикримча, бу кисман кискартириб берилган.

[Nigora Umarova]

...Шу курганим мехрибонимни,
Дарддан улди ишонасанми?!
Дод соламан ол, деб жонимни,
Куй-куявер... Ён-ёнасанми.
Кайдан келди тухматнинг тиги,
Шубхам йукдир гайри одамдан.
Азоблайди хусумат, йиги.
Кутилмокка йук чора гамдан.
Такдирига тан бериб одам,
Кулни ювиб урар култикка.
Тугри йулдан тисланиб кадам,
Инсон борар улимга тикка.
Такдир экан, ёлгизлик кунлар,
Ечиларми сира тугунлар.

Эгам Рахим

[Nigora Umarova]

Йук дахрда бир бесар-у сомон мендек,
Уз холига саргашта-ю хайрон мендек.
Гам куйида хонумону вайрон мендек,
Яъники алохону аламон мендек.

Алишер Навоий