Kino va tomоshabin o'rtasidagi masofa yaqinmi yoki uzoq?!

[Muhayyo Turdialiyeva]

Сообщение от Feruza Fayziyeva

Menga kinofilmlarning nomlanishida ishlatilayotgan "kelgindi" so'zi yoqmayapti: "Kelgindi kuyov", "Kelgindi kelin"... Bu ham yetmagandek "super" deb nomlanuvchi filmlar ham ko'payib qoldi.

Уддабурон режиссёрларимиз "келгинди", "супер" ва албатта севимли хонандаларимиз орқали кино ва томошабин ўртасидаги масофани яқинлаштиришга зўр бериб харакат қилмоқдалар...натижалар эса барчамизга аён...

[olimbek]

Ўзбек киносини кузатиб бораман. Тўгриси кўпчилиги компьютерда кўраман. Зерикарли ёки бачкана жойларини ўтказиб юбориш осон. Факат бир савол доимо жавобсиз қолиб келмоқда. Бизда кино олиш учун мавзу йўқми? Қачонгача қаердаги бачкача (номи ҳам, ўзи хам ) фильмларни кўришимиз керак?. Тақдимотлардан роса мақташиб чиқишади. Кўрсак нимасини мақташганини тушуна олмай бошинг қотади. Ё кургувчинининг савияси паст ё кўрсатгувчи нимадир қилганга ўхшайди. Худди реклама учун пул тўлашга ўхшаб. Талабалар устозини канализация қудуғига тушириб кетишади. Йигитчани шахар марказида бир неча қизлар ечинтириб кетишади. Комедия деб эълон қилишади. Бошдан охиригача кўриб, қаерида кулиш кераклиги топа олмай бошинг қотади. Бугунги фильмларни яна 10 йилдан сўнг биров кўрармикан?.

Фақат бир нарсадан хурсандман. Хозирча бирон бир фильм тақдимотида бу фильм олтин фонддан жой олишга арзийди деб айтишмаяпти. Акс холда.......

[Tulqin Eshbekov]

Кўпгина томошабинлар, айниқса ёшлар гаплашиш маданиятини бадиий фильмлардан ўрганадилар. Худога шукр, жонли ва жозибали гап-сўзлар жуда ўрнида қўлланилган фильмларимиз кам эмас. Масалан, "Маҳаллада дув-дув гап", "Ёр-ёр" ва ҳоказо. Афсуски, сўнгги йилларда яратилаётган айрим фильмларда тил қашшоқлиги сезилмоқда. Бунга балки сценарий муаллифлари айбдордир? Нима бўлганда ҳам Тили оҳорли, маънавиятимизни бойитишга хизмат қиладиган бадиий фильмлар яратиш зарур, деб ҳисоблайман. Сиз нима дейсиз, азиз форумдош?

[Nigora Tursunova]

Сообщение от Tulqin Eshbekov

Сиз нима дейсиз, азиз форумдош?

Оффтоп:

Nima derdik. Biz aytgan bilan biron nima o'zgarmaydi. Bunga fil'm yaratuvchilari biron nima deyishmasa.

[OmoN]

Оффтоп:

Сообщение от Nigora Tursunova

Biz aytgan bilan biron nima o'zgarmaydi. Bunga fil'm yaratuvchilari biron nima deyishmasa.

Биз айтганимиз билан фойдаси йўқ. Кино ижодкорлари дейишмайди Киноларни қўйиб туринг. Айрим бошқа кўрсатувларда ҳам аҳвол шу.

[Nigora Umarova]

"13-студия" кўрсатувида Ўзбекистон халқ артисти Ҳусан Шариповнинг "Ўзини ҳурмат қилган актёр олди-қочди фильмларда ўйнамаслиги керак"-деган гаплари ёқди.

[JUS]

Сообщение от Tulqin Eshbekov

Бунга балки сценарий муаллифлари айбдордир? Сиз нима дейсиз, азиз форумдош?

Мен шундай дейманки, шунчалик сценарий ёза оладиган одам, сўзларни, гапларни бузиб ёзмаса керак. Бу актёрларга боғлиқ, чунки ўзига қулай қилиб олиб рол ўйнайди.
Айниқса охирги чиқаётган фильмларни томоша қилган бўлсангиз, фақат Тошкент шевасида, жаргонида (ўўўў дераза, лашара каби) гаплашишади. Сценарий муаллифи бунақа қилиб ёзмас, яна билмадим...

[Lobar Pulatova]

Barcha narsaning o`z vaqti soati bor biz juda baland saviyadagi kinolarni tomosha qila olmaymiz. Chunki unday saviyadagi filmlar nafaqat ko`riladi balki har bir holat yuzasidan tahlil qilinadi. Afsuslar bo`lsinkim, yoshlarimiz ko`proq "Boyvochcha", "Nortoy" kinolariga tushishmoqda. Aqlni faqat pul uchun ishlatadiganlar ma'naviyat-ma'rifatni o`ylamay bunday filmlarga kundan-kunga ko`p murojaat qilmoqdalar. Bu ham bizning aybimiz. Ahir o`sha ijodkor ham o`zimizga o`xshagan oddiygina odam.

[Fariza Hasanova]

Сообщение от Lobar Pulatova

Afsuslar bo`lsinkim, yoshlarimiz ko`proq "Boyvochcha", "Nortoy" kinolariga tushishmoqda.

Shu kinolarning o'ziga torta oladigan nimadiri bordir-ki, yoshlarni ko'proq jalb qilayotgan.

[tornado]

Birinchi navbatda bunday saviyali kinolarni olish uchun bizga yaxshigina mablag' kerak.Shuncha gaplar yozildi lekin mablag' haqida yozilmadi.Ya'ni hamma narsa hozir borib pulga taqaladi. Mabodo pul topildi desak ham keyin u kinoga kim tushadi? Kino ijodkorlarining qarindoshlari, tanishlari va boshqa ijodkorlarmi? Ha, boshqa iloj yo'q, chunki hozirgi yoshlarning saviyasi shunday past( shu jumladan o'zimning ham.chunki men ham bunday kinolarga tusha olmayman) Nega? buni hech kim bilmaydi.