Fikr.uz – турфа хил фикрлар маконидир

[Bahrom]

Оффтоп:

habrahabr.ruga o'xshasada, farqi juda ko'p :-)

[pipicron]

Фикр.уз да қатнашчилар рейтинги билан танишиб чиқдим:

Титаник - Дилшодбек Юсупов. Руйхатнинг энг биринчи қаторида. 650 дан ортиқ мақолалар жойлаштирган. Мен кейин икки ой давомида қўйилган мақолаларга кўз югуртириб чиқдим: интернетдан кўчирмалар. Бирорта бир изох қолдирилмаган ёки бахо қўйилмаган. Савол туғилади: мақолалар сони нега оз, ахир интернетдаги мақолани кўчириш учун 1 дақиқа етарли бўладику?

Mumtoz -Гулчехра Ибрагимова. Рейтингда 2 қаторда. Мақолаларини ўзим имкон қадар ўқиб бораман. Демак кучига ва рейтинггига ишонаман.

Feruzaxon - Феруза Ходжаева. Рейтингда 3 қаторда. Сўнгги мақолаларини кўриб чиқдим. Кўпроқ бир мавзуда фикр билдирадилар. Албата, чиройли мақолалар ёзганлар, фикрдошлар фикрига сазовор бўлганлар. Лекин мавзуга оид кўчирмалар хам йўқ эмас. Мавзуга оид бўлгани учун хам куч ва рейтинг асосли деб хисоблайман.

Қолган рейтинг иштирокчиларини санаб ўтмайман. Бундан хамманинг хабари бор. Фақат, фикр.узнинг ягоналиги, унинг бетакрорлигига шубха уйғонади. Негаки купгина мақолалар аслида фикр.уз учун ёзилмаганлиги шундоқ кўзга ташланиб туради. Лекин, ОАВда чиққан мақолаларни Фикр.Узга жойлаштириш фикрини мен хам маъқуллайман. Лекин бу ўринда манбани кўрсатиш ва қўшимча фикр билдириш фойдадан холи бўлмасди.

Хулоса қилиб шуни айтишим керакки, Фикр.уз ўзбек интернетидаги фикрлар омборхонасига айланиб қолмаслиги керак ва у ўз номига яраша, фикрлар ва ғоялар манбаига айланиши керак. Ана шундагина Фикр.уз ўз мазмун мохияти билан бирга халққа фойдасини хам сақлаб қолади.

[Mirza]

Сообщение от pipicron

у ўз номига яраша, фикрлар ва ғоялар манбаига айланиши керак. Ана шундагина Фикр.уз ўз мазмун мохияти билан бирга халққа фойдасини хам сақлаб қолади.

Ўта хавфли вирус тарқалганига, тўғрироғи тарқатилганига анча йиллар, асрлар бўлган. Вирус асоратлари ҳалиям бор. Унинг номи - ФТС (фикрлар танқислиги синдроми).
Интернет бу вирусга даво бўлиши керак. Кутайликчи.