Талабалар ижоди намуналарининг муҳокамаси

[barlos]

Сообщение от myu

Беҳзод ҲИД0ЯТ0В

Тўлқин домла, шу Беҳзод Ҳидоятов бўладиган болага, йўғ-э...тўғрироғи умидли журналистга ўхшаб кўриняпти. МУни тугатиб кетмаган бўлса, форумга таклиф қилсангиз яхши бўларди...

[Tulqin Eshbekov]

Сообщение от barlos

Беҳзод Ҳидоятов бўладиган болага, йўғ-э...тўғрироғи умидли журналистга ўхшаб кўриняпти. МУни тугатиб кетмаган бўлса, форумга таклиф қилсангиз яхши бўларди...

Факультетимизда бўладиган болалар, йўғ-е, журналистлар чиндан ҳам жуда кўп!
Уларнинг ақлли, оғир-босиқ эканлигини қарангки, интернетга, жумладан форумимизга кириш, аъзо бўлишдан илгари ҳозирча кўпроқ китоб ўқиш, билим ва маҳоратларини оширишга интилишяпти.
Баъзи сарлавҳалар бир хил бўлиб қолгани кимнингдир кўчирмакашлиги эмас, билъакс, ёш ижодкорларнинг айрим муаммолар ҳақида бир хил фикрга боргани билан изоҳланади. Газета-журналларда бунақа такрор сарлавҳалар тўлиб ётибди-ку... Шахсан менинг сарлавҳаларимни ҳам ўнлаб журналистлар "кўчиргани"ни тўғри тушунаман...
Беҳзод Ҳидоятов чиндан ҳам истеъдодли қаламкаш. Марҳамат, таклифингизни етказаман.

[Tulqin Eshbekov]

МАКТУБ

Бекзод Ҳидоятовнинг “Муаммонинг ечими нимада?” деб номланган муаллифлик лойиҳаси, “Машҳурликнинг баҳоси 100 долларми?”, “Кинонинг умри кинозалдан бекатгачами?” мавзуидаги мақолалари газетхонларда катта қизиқиш уйғотган. “Ахборот маконида ёшлар овози” тўпламида “Китоб “мода”дан чиқдими?” сарлав-ҳали мақоласи чоп этилган.

* * *

Нуриддинов эрта тонгда ўзи учун ажратилган хонага қўлида қаҳва билан кириб келди. У курсисига ястаниб олиб қаҳвадан энди ҳўплайман деб турганида кўзи стол устида турган хатдаги ажратиб ёзилган “Ҳақиқат. Бу сўзнинг тушунчаси борми ўзи?” деган сўзларга тушди. Нуриддинов қаҳвани бир четга суриб қўйди-да, столга яқинроқ ўтириб хатни синчиклаб ўқий бошлади.
“Сония унинг кетидан дақиқа, соат, кун, ҳафта, ой сўнг йил... Ҳар бир инсонга аёнки, бу умр! Инсонга умр бир бор берилади. Шу боисдан у қанча яшагани билан эмас қандай яшагани билан қадрланади. Баъзи бировларнинг куни-кунга уланаётганидан хабарингиз борми? Инсон ўзлигини англаганидан сўнг ўз олдига мақсадлар қўяди. Уларни амалга ошириш учун бор имкониятини ишга солади... афсус! Ўша мақсадлар замирида албатта сиз-у биз инкор қиладиган манфаат ётади! Биласизми? Бу – биз топширадиган имтиҳонлар ҳаёт синовлари олдида ҳеч нарса эмас. Ҳаётда ҳар ким ўз ўрнини эгалашга ҳаракат қилади. Бунинг учун қанча синовларни босиб ўтади, ҳаёт синовларига дош беролган ва ўзида яшаб кетишга матонат тополганларнинг эса ошиғи олчи. Демоқчиманки, қайсидир манода у ҳаётга эмас, ҳаёт унга бўйсунади. Баъзи ишларни қилишга инсон кўзи қиймасада ҳаёт мажбур қилади, бизни қайсидир маънода ота-она, қўни-қўшни, маҳала-кўй тарбияламайди, аксинча ҳаёт тарбиялайди. Бундан чиқди, бежизга баъзилар ҳаётидан нолимас экан-да. Сизга савол: Ҳаётдан ким самарали фойдаланяпти? Ҳаётда кимдир ютади, биров бой беради. Ҳақиқатнинг битта чегараси шу бўлса керак...”
Хатни ўқиб чиққач, Нуриддинов хўрсиниб қўйди.
Бу қадар файласуфона фикрлар мағзини унчалик чақа олмаса-да, ёш ходимининг мактуб ёзишдан мақсадини ўзича тушунгандек бўлди...

Бекзод ҲИДОЯТОВ,
ЎзМУ Журналистика факультети 3-босқич талабаси.

[Tulqin Eshbekov]

Сообщение от barlos

форумга таклиф қилсангиз яхши бўларди...

Талабага муносабат бундоқ бўпти, яшанг! Маъқул кўрганларингизни ишга ҳам таклиф қилсаларингиз бош устига! Асл мақсад ҳам шу...

[OmoN]

Мен бир нарсани тушунмадим. Матбуот дўконидаги тирноқ бўёғи ҳақидаги мақола Беҳзод Ҳидоятовникими ё Ўткир Турмаматовникими? Домла, иложи бўлса Ўткир Турмаматовнинг шу мақоласини мавзуда жойлаштира оласизми?

[myu]

Оффтоп:

Сообщение от Tulqin Eshbekov

интернетга, жумладан форумимизга кириш, аъзо бўлишдан илгари ҳозирча кўпроқ китоб ўқиш, билим ва маҳоратларини оширишга интилишяпти.

Хмм, талабаларнинг бу ерда бўлмаслик сабаби шу шекилли???

[Husen]

Сообщение от Tulqin Eshbekov

Ўткир Турмаматов .... “Матбуот дўконида... тирноқ бўёғи?!” сарлавҳали мақоласи ёритилган.

Сообщение от OmoN

Энди мен точна биламан: АбуМуслим теша эмас ёки АбуМуслимнинг ҳақиқий исми Ўткир Турмаматов..

Сообщение от myu

“Матбуот дўконида... тирноқ бўёғи?!” муаллифи ҳаваскор журналист Ўткир Турмаматовми ёки Беҳзод ҲИД0ЯТ0Вми?

Талабалар форумда ўзлари иштирок этганларида Устозни бунақа ноқулай вазиятга қўймаган бўлардилар...

[Muhayyo Turdialiyeva]

Shuncha postlardan keyin naxotki bu yerga biron bir jurnalist-talabaning kirishidan xali ham umid qilayotgan bulsangiz?
Hech bo'lmasa bu yerdagi jon kuydirib yozilgan tanqidlarni Domla to'g'ri ma'noda talabalarga yetkazsalar ham harna edi.

[OmoN]

Сообщение от Muhayyo Turdialiyeva

Hech bo'lmasa bu yerdagi jon kuydirib yozilgan tanqidlarni Domla to'g'ri ma'noda talabalarga yetkazsalar ham harna edi.

Бунинг учун аввал ўзлари тўғри маънода қабул қилишлари керак.

[barlos]

Сообщение от Tulqin Eshbekov

Уларнинг ақлли, оғир-босиқ эканлигини қарангки, интернетга, жумладан форумимизга кириш, аъзо бўлишдан илгари ҳозирча кўпроқ китоб ўқиш, билим ва маҳоратларини оширишга интилишяпти.

Оффтоп:

Бироз лирик чекиниш: ижтимоий тармоқларда "творческие искания" олиб бордим. Натижалар ёмон эмас, 20 та саҳифада номлари келтирилган талабаларнинг деярли 50%и соц. сетда "жонини жабборга бериб меҳнат қилишмоқда" (одноклассникини қўшмадим). Йил якуни билан, насиб этса, уларга таклифнома юборишни режалаштиряпман. Барибир уларни (балки 2-3 тасини) форумга етаклаб келамиз...