|
|
Знаете ли Вы, что ... | |
...нарушения правил форума наказываются. Старайтесь их не нарушать. | |
<< Предыдущий совет - Случайный совет - Следующий совет >> |
Ижод хусусида сўз Ижод аҳли, уларнинг ғояси, ҳаёт қараши, мақсадлари, ютуқлари, орзу ва армонлари.... (Все о творчестве, о людях творчества, их идеях, взглядах, достижениях и целях, мечты…) |
Ответить |
|
Опции темы | Опции просмотра |
11.07.2013 05:02 | #1951 |
|
Аҳмад Ёлчиннинг "Юрагимнинг кўз ёши" китобидаги Жаббор Эшонқулнинг таржимаси асосидаги қуйидаги шеър ҳам ниҳоятда гўзал чиқибди. Шеърнинг жозибасини таржимон моҳирлик билан етказиб бера олганлар.
ЙЎЛ Севгилим умидлар баҳорга ўхшар, Кўнгил номаълум бир диёрга ўхшар, Орзулар энг ёмон ағёрга ўхшар, Ул ағёр орзулар қурбони бўлдим. Тошқин дарё эдим, қуриди сувим, Жўшқин ирмоқ эдим, йўқотдим йўлим, Сел бўлдим, саҳрога сочилиб кетдим, Ва охир кўлмакка айланиб қолдим. Водийллардан ошдим, чўллардан ошдим, Хаёллим учди, манзилга шошдим, Сени тополмайин, йўлдан адашдим, Дайди фурсатларнинг маҳзуни бўлдим. Дедиларки, унут, барчаси кечар, Кимдир заҳар, кимдир шарбатдан ичар, Инсон қисматида борини бичар, Хирмоним шамолга совуриб бўлдим. Сўзлайверсам, сўз кўп, етмайди замон, Зиндонларга кирдим, битмади замон, Унгурларда қолди, кетмади замон, Дамларнинг оқсочли йўлчиси бўлдим. Ёшим ўттиз эмас, гўё юз етмиш, Ақлимни бой бердим, гўё хайф кетмиш, Йўл юрмайин ҳали, йўлларим битмиш, Тўбсиз ўпқонларнинг асири бўлдим. Йилларки, тоғлардан ахтардим сени, Суқмоқлар йўл бермай, қийнади мени, Ниҳоят, жасадим кийди кафанни, Содиқ тўпроқларнинг ғариби бўлдим. Севгилим, умидлар баҳорга ўхшар… Аҳмад Ёлчин, «Юрагимнинг кўз ёши» китобидан |
|
Ответить |
05.08.2013 12:01 | #1952 |
UZINFOCOM
Сотрудник ZiyoNet при МНО
Сообщений: 1,475
+ 2,162
2,935/1,026
– 31
24/20
|
Заҳириддин Муҳаммад Бобур
Келтурса юз балони ўшал бевафо манга, Келсун агар юзумни эвурсам, бало манга! Нетгаймен ул рафиқ билаким, қилур басе, Меҳру вафо — рақибға, жавру жафо – манга. Бегона бўлса ақл мени телбадин, не тонг, Чун бўлди ул парисифатим ошно манга. Оҳу ёшимдин ортадурур заъф, эй табиб, Билдим ярашмас эмди бу обу ҳаво манга. Дардим кўруб, муолажада зоеъ этма умр - Ким, жонда дарди ишқдурур бедаво манга. То ёр кимни истару кўнглига ким ёқар, Ташвиш бежиҳатдурур охир санго, манга. Бобур, бўлубтурур икки кўзум йўлида тўрт,
__________________
ZiyoNet.uz - Все про образование, науку, культуру и спорт: Деятели| Образование| Учреждения| Блоги| Форум| Гранты Прими участие в развитии сети ZiyoNet: Создай сайт на ZiyoNet| Добавь книгу в библиотеку| Загрузи видео |
|
Ответить |
2 "+" от:
|
18.09.2013 23:42 | #1953 |
***
Бой берамиз анча нарсани, Топганимиз ундан ҳам кўпроқ. Тақдир шундай экан, тан бермоқ лозим, Ёзилмиш қисмат бу, йўқ унга сўроқ. Замин қаттиқ экан, осмон йироқда, Бешафқат дунёнинг қонунидир бу. Йиллар из қолдирар ботир қалбида, Фақат Яратганнинг ўзи мангу-ку. Лек ҳаёт чорлайди метин бўлмоққа, Синайди ҳамиша ғурур-оримиз. Мудом курашмоқлик, излаб топмоқлик, Бу ёруғ оламда бош шиоримиз. Ps. Билишимча, Шекспир шеърига қиёс бўлса керак, "Бир хафта" фильмидаги шеър... |
|
|
Ответить |
"+" от:
|
Реклама и уведомления | |
26.09.2013 17:03 | #1954 |
Сообщений: 451
+ 1,525
573/266
– 3
7/6
|
Bayramingiz bilan...
USTOZ Bilim — katta daryo, ustoz, siz — mirob, Millat ravnaqida murabbiy — oftob. Zamonlar o‘zgarar, asrlar o‘tar, Quyoshdek o‘zgarmas Alifbe kitob. Kundaligim varag‘ida baholar, Goho a’lo, goho ikki jazolar. Yo‘l topdik. Ranj chekkaningiz ganj bo‘ldi — Bolalikda to‘g‘rilandi xatolar. Esdalik daftarimni qo‘lga oldim, O‘quvchilik davrimga nazar soldim. Kechirgansiz qancha sho‘xligimizni, Sabru-toqatingizga qoyil qoldim. Keksa ustozimning sochlari oppoq, Ko‘zlari mehribon chaqnaydi biroq. Bilim va ma’rifat o‘rgatar hamon, Hayot maktabida chalib qo‘ng‘iroq. O‘qimasak, takror o‘qitgan, tolgan, Manglayida qator ajinlar qolgan. O‘sha ajinlari tufayli xalqni Kelajakka eltar to‘g‘ri yo‘l solgan. Muallif: Sarvinoz Musatdinova
__________________
Ҳар қандай мушкулликда ҳам нажот тўғриликдадир. |
|
Ответить |
16.10.2013 11:56 | #1955 |
КУЗ
Ҳар фаслнинг ўз хислати бор, Ҳар фаслнинг ўз фазилати. Кумуш қишдан, зумрад баҳордан Қолишмайди кузнинг зийнати... Кўк — ювилган, артилган шиша, Сувлар тиниқ, япроқлар олтин. Шакар қовунларнинг майин ҳидлари Сабо билан тарқалар секин... Шимолдан жанубга йўл олар Карвон қушлар уйғониб саҳар. Кўк бағрида товланиб қолар Чир айланиб кумуш рангли пар... Қуёш кўкдан эгилиб қарар, Жуда равшан оловли кўзи, Сариқ кўйлак кийиб кўринган Барқут фасл — бу кузнинг ўзи... Йилимизнинг салмоқдор иши Тўрт фаслга текис бўлинар: Қиш тайёрлар, баҳор экади. Куз йиғади, ёз тарбиялар... Кайфим чоғ, уйқудан уйғониб наҳор, Сабодан сўрадим, бу қандай фасл? Сабо жавоб берди бу фасл — асл Олтин кўйлак кийиб кўринган баҳор. Уйғун |
|
|
Ответить |
6 "+" от:
|
18.10.2013 15:07 | #1956 |
Сообщений: 177
+ 129
243/106
– 2
2/2
|
Visol bazmin qozonin qaynat endi, ketma yonimdan,
Dilimdan o’t yoqib unga , o’tin qil ustixonimdan. Judo bo’lma jahondin ikkimiz nuqsonimiz bo’lgay, So’zim isboti shuldirkim, yanog’ing rangi qonimdan. Yalang bosh yurdi Majnun , Layli ishqi notavon etgach, Yasantirding meni boshimgacha xatto tavonimdan. Sen etding imtihon ming martalab bechora jonimni, Kechardim qolsa o’tmay, bitta ermas mingta jonimdan. Dedi: xobinda Bobur cho’chdi yo yoningdadir yoring? Topolsam yor agar men chiqmas erdim Andijonimdan! BOBUR |
|
Ответить |
"+" от:
|
27.11.2013 15:15 | #1957 |
Эй, йиғлашдан аввал битта ўйлаб кўр:
Дунё арзирмикан кўзёшларингга?! Ғаму ташвишлардан келавергин зўр, Тоғни бостириб қўй бардошларингга. Гулга артиб ол ва дунёга кўрсат Қуёш юқи қолган кулгичларингни. Тортиниб ўтирмай Худога узат Юлдузни ҳиди бор ҳовучларингни. Гуллар нафасингга уради нафас, Ҳурлар юрагингга қилиб ўтар суқ. Билсанг, сенгга кимдир қилади ҳавас, Билсанг, сенинг умринг бошқаларда йўқ. Қизғалдоқдай нозик, нурдай тозасан – Ҳумолар кўзидай кўзмунчоқ тилан. Уларнинг дастидан шеърлар ёзасан – Фахрланиб яша дардларинг билан! Гулга артиб ол ва дунёга кўрсат Қуёш юқи қолган кулгучларингни... Ирода УМАРОВА Последний раз редактировалось albatros; 27.11.2013 в 15:24. |
|
|
Ответить |
4 "+" от:
|
04.12.2013 21:20 | #1958 |
* * *
Мен ўткинчи, мен фақат меҳмон, Даргоҳингда, эй туркий тилим Менга бир шеър керак эй, мезбон, Ёзилмаган шеър эрур дилим. Айтгил нечун бунчалар қизиқ, Эски жаҳон, бу эски жаҳон. Бир шеър керак нон каби иссиқ. Менга бир шеър керак, эй мезбон. Мен ғарибман ва сен беомон, Сен Қуёшсан, мен сўнган чироқ. Қийнамагил мени, онажон. Сен - абадий, мен - лаҳза, бироқ Итоат эт менға шул замон, Ё айлагил телбани тупроқ. 1964, Рауф Парфи |
|
|
Ответить |
|